အဲဒီလူ သေသွားတယ်

ဒီလူကို ကြည့်နေတာ ကြာပြီ၊ သေနေပြီလား မသိဘူး။ ကျွန်တော် ဆက်ကြည့်နေတယ်၊ လှုပ်လည်း မလှုပ်တော့ဘူး။ မနေ့ညကတော့ အဲဒီလူကို အခုလိုပဲ ကျွန်တော် စောင့်ကြည့်ခဲ့သေးတယ်။ ကွန်ပျူတာကြည့်လိုက် နည်းနည်းရေးလိုက်နဲ့ အလုပ်ရှုပ်နေပုံပေါက်ပါတယ်။ အခုတော့ သေသွားပြီ ထင်တယ်၊ မလှုပ်မယှက် ဖြစ်နေပြီ။ ဟုတ်လောက်ပါတယ်၊ ဒီလူ သေသွားပြီ။

အင်း... ဘာတွေ ဖြစ်ကုန်ပြီလဲတော့ မသိပါဘူး၊ လင်းရောင်ထွက်တာ ကြာပေါ့၊ နေတောင် ပြင်းပြင်းပူလာပြီပဲ။ ဟိုလူတော့ သေနေတုန်းပဲ၊ အင်း... ဒီလူပြောလိုက် ဟိုလူပြောလိုက်နဲ့ ကျွန်တော့်မှာ အဲဒီလူရဲ့ မျက်နှာကို ကြည့်မိတော့လည်း ကျွန်တော်နဲ့ တူနေတာကို တွေ့ရတယ်။ ကျွန်တော်က သေမှ မသေတာပဲ၊ သူက သေနေတာပဲ။ ဒါဆို ဘယ်လိုမှ ကျွန်တော်က သူ မဖြစ်နိုင်ဘူး။

သေတယ်ဆိုတာ ဘာလဲ။ အဖေက ငယ်ငယ်တုန်းက ပြောဖူးတာကတော့ သေတယ်ဆိုတာ အသက် မရှုတော့တာတဲ့။ အသက်မရှုတော့ အသက်မရှိတော့ဘူး၊ အသက်မရှင်တော့ဘူးတဲ့၊ အဲဒါကို သေတယ်လို့ ခေါ်တယ်တဲ့။ အသက်မရှုရင် သေသတဲ့၊ အဲဒီလိုပဲ ကျွန်တော် တသက်လုံး မှတ်ခဲ့ဖူးတယ်။

နောက် ကျွန်တော် အရွယ်နည်းနည်း ရလာတော့ အသက်ရှုပေမယ့် သေနေတဲ့ လူတွေလည်း ရှိသေးတယ် ဆိုတာကို တွေ့လာ ရပြန်တယ်။ သူတို့ကတော့ နာမည်သေသွားသူတွေ၊ ဘ၀သေသွားသူတွေနဲ့ အလုပ်သေသွားသူတွေ ဖြစ်တယ်။ သူတို့ဟာ နာမည်ကောင်းကို ဘယ်လိုမှ ပြန်တည်ဆောက်လို့ မရတော့ဘူး၊ သူတို့ဘ၀ဟာ တသက်လုံး မူလကလို မရှင်သန်တော့ဘူး၊ သူတို့ လုပ်ကိုင်ခဲ့ဖူးတဲ့ လုပ်ငန်းခွင်တွေထဲမှာ ဆက်လက် ရပ်တည် ရှင်သန်လို့ မရတော့ဘူး။

အခုကတော့ ဒီလူက ဒါမျိုးတော့ မဟုတ်လောက်ဘူး ထင်တယ်၊ တကယ် သေသွားတာလို့ ကျွန်တော် ထင်နေတယ်။ နေက တော်တော်တောင် ပြင်းလာမှပဲ။ ကျွန်တော့် မျက်လုံးတွေတောင် နေအရောင်ကြောင့် ပြာမှောင်လာတယ်။ ကျွန်တော့်အသက်က ဒီလောက်လည်း မကြီးသေးပါဘူး၊ ဘာဖြစ်လို့ နေရောင်ကို ကျွန်တော် ရင်မဆိုင်နိုင်သလဲ၊ နေပူလာရင် အလင်းရောင်များရင် ကျွန်တော့် အမြင်တွေ ဘာကြောင့် ၀ါးကုန်သလဲ။

သေလူကို ကြည့်ရင်း ကျွန်တော့်အဖြစ်ကို ပြန်ဆင်ခြင်နေတုန်း နှလုံးခုန် ရပ်မတတ် လန့်သွားတယ်။ အမယ်... ဟိုလူ တချက် လှုပ်သွားပါလား၊ ကျွန်တော့် မျက်လုံးကပဲ ၀ါးလေသလား၊ ဒါမှမဟုတ် စိတ်ကပဲ ထင်ယောင်မြင်ယောင်လိုက်တာလား၊ မထိတ်သာ မလန့်သာ ရှိလိုက်တာ... ကျွန်တော် ငယ်ငယ်က လမ်းထဲက လူပျို ကာလသားခေါင်းတွေ ပြောကြတာ ကြားဖူးတယ်လေ၊ မသာအိမ်မှာ ဖဲဝိုင်းလုပ် ဖဲရိုက်နေကြတုန်း မသာကြီးက ထထိုင်တယ်ဆိုတာမျိုး၊ ကျွန်တော်တို့မှာ အဲဒီအခါက လန့်လိုက်တာ မပြောပါနဲ့...။

အကိုကြီးတယောက်က ရှေ့ကနေ အပြောပိုင်ပိုင်နဲ့ ပြောနေတုန်း... ကျွန်တော်တို့ ချာတိတ်တွေကလည်း သူ့ စကားထဲ မျောပါ မိန်းမောနေတုန်း... ရင်ထဲမှာလည်း တုန်လှုပ်လို့ အသည်းတထိတ်ထိတ် ဖြစ်နေတုန်းပေါ့... အဲဒီမှာ စတတ်နောက်တတ်တဲ့ နောက်အကိုတယောက်က ကျွန်တော်တို့ ချာတိတ်တွေထဲက တယောက်ယောက်ရဲ့ ခြေထောက်ကို ရုတ်တရက် ဆွဲကိုင်လိုက်လို့ကတော့ အမေရေ့... ဆိုပြီး ခုနစ်သံချီ အော်ဟစ်ခဲ့ရတာတွေကို သတိရနေတုန်းပါပဲ။ ကျွန်တော်တို့ အမြဲတမ်း ခံရတယ်၊ နောက်တကြိမ် အဲဒီလို အခါကြုံတဲ့အခါလည်း ကျွန်တော်တို့ အငယ်တွေထဲက တယောက်မဟုတ် တယောက်ခံခဲ့ရတာချည်းပါပဲ။

အဲဒီလို ငယ်ငယ်က ကြောက်ခဲ့ဖူးတဲ့ အရှိန်က ဒီအရွယ်ကျမှ ကျွန်တော့်ဆီ ပြန်လာဟပ်လေသလား။ မဟုတ်ဘူး... တကယ်... ဟော ဟော ဒီလူက လှုပ်ရုံတင် မကဘူး၊ ထလာနေပြီပဲ။ အမယ်... ဒီလူ့ရုပ်က ကျွန်တော့်ရုပ်နဲ့ တထပ်တည်း ကျနေပါရော့လား။ ကျွန်တော့် အမေဟာ ကျွန်တော့်ကို မွေးဖွားခဲ့တုန်းက အမြွာမွေးတယ်ရယ်လို့လည်း မကြားမိပါဘူး။ ဒီတော့ ကျွန်တော့်မှာ ထလာတဲ့ သေလူလို့ ထင်ခဲ့ရသူလို့ တထိတ်တလန့်ကြည့်ရင်း ခေါင်းက ဆံပင်တွေ ထိုးထောင်လာနေတဲ့ကြားက မဟုတ်မဟပ်တွေ လျှောက်တွေးနေခဲ့မိတယ်။

ထလာတဲ့ သေလူကတော့ ကျွန်တော့်ကိုမှ ယောင်လို့တောင် ရှိတယ် မထင်ပါဘူး။ ပြေလျော့နေတဲ့ သူ့ပုဆိုးကို ပြင်ဝတ်ပြီး အ၀တ်ဗီရို တံခါးက အနံ တပေ၊ အလျား ခြောက်ပေလောက်ရှိတဲ့ မှန်ချပ်ကို တချက် လှမ်းကြည့်လိုက်ပြီး အခန်းတံခါးဖွင့်လို့ အပြင်ထွက်သွားတယ်။ အခန်းတံခါးကနေ တွက်ရင် ခြေလှမ်း သုံးလှမ်းထက် မပိုတဲ့ အကွာအဝေးက နောက်အခန်းတခုထဲကို ၀င်သွားပြီး သူတံခါး ပိတ်လိုက်တယ်၊ ပြီးတော့ အနက် တပေလောက်ရှိမယ့် အိုးတလုံးထဲ အပေါ်ကနေ ရေသွန်ချသလို အသံမျိုးကြားရပြီးနောက်မှာ အဲဒီအိုးထဲမှာ ရေတွေ အရှိန်တခုနဲ့ မွှေလိုက်သလိုမျိုး ကြားလိုက်ရသေးတယ်။

ခဏနေတော့ အဲဒီလူပြန်ဝင်လာပြန်တယ်၊ ပြီးတော့ သူ သုံးနေကြ ဖြစ်ပုံရတဲ့ တဘက်ကြီး အုပ်ထားတဲ့ ပြတင်းပေါက် အပြင်ဘက်ကို တချက်ချောင်းကြည့်လိုက်တာကို တွေ့ရတယ်။ အဲ... နောက်တော့ ကုတင်ပေါ်ကို မှောက်ရက်ကြီး ပြန်အိပ်သွားပြန်တယ်။ ဟ... ကျွန်တော့်ကို သရဲခြောက်တာလား မသိပါဘူး။ ထွက်သွားတယ်၊ ပြန်ဝင်လာတယ်၊ မှောက်သွားတယ်၊ မလှုပ်တော့ပြန်ဘူး။ အခုမှ တကယ် သေသွားပြီထင်ပါတယ်။

ကျွန်တော်လည်း ဒီလူ့မျက်နှာနဲ့ လှုပ်ရှားပုံကို ကြည့်ပြီး အတော်လေး အံ့သြသင့်နေမိတယ်။ ဘယ်နှယ့်လုပ် ကျွန်တော်နဲ့ ချွတ်စွပ်တူတဲ့ လူတယောက် ရှိနေပါလိမ့်လို့ စဉ်းစားမိတယ်။ ကျွန်တော်က ကိုယ့်ကိုယ်ကိုယ် သေသွားရင် ဘယ်လို ဖြစ်မှာလဲ။ သရဲဖြစ်မလား၊ တစ္ဆေဖြစ်မလား၊ ပြိတ္တာပဲဖြစ်မလား၊ တခါတခါ စဉ်းစားနေတတ်တယ်။ အခုတော့ ပြဿနာတက်နေပြီ၊ ကျွန်တော်က မသေရဘဲ သေသူကို ကျွန်တော်က တွေ့နေသလို ဖြစ်နေတယ်။

ဒါပေမဲ့ အဲဒီလူက တကယ်သေတာလည်း မဟုတ်ပြန်ဘူး၊ မလှုပ်လိုက် လှုပ်လိုက် ဖြစ်နေတာမျိုးလို့ ပြောရမယ် ထင်ပါတယ်။ ကျွန်တော့် စကားက ရယ်စရာ ကောင်းနေသလားတော့ မပြောတတ်ဘူး။ တကယ်ခံစားရသလို ပြောလိုက်လို့ အူကြောင်ကြောင်တော့ ဖြစ်ကောင်း ဖြစ်ပါလိမ့်မယ်။ ခက်တာက... ကျွန်တော် ခုနလူကို ကြည့်ပြီး ကြောက်တောက်တောက် တုန်တုန်လှုပ် ဖြစ်နေပေမယ့် အဲဒီလူ ကျွန်တော့်ရှေ့ လုပ်သွားတဲ့ ဟာတွေ အားလုံးကို ကျွန်တော် အရင်ကလည်း အကြိမ်များစွာ တွေ့ဖူးပြီးသားလို ဖြစ်နေတယ်။ အဲဒါက ကျွန်တော့်ကို စဉ်းစားစရာ ဖြစ်စေခဲ့တယ်။

ကျွန်တော့်မှာ အဲဒီလို စဉ်းစားစရာ ဖြစ်စေခဲ့တဲ့ အကြိမ်ပေါင်းက အကြိမ်ပေါင်း များခဲ့ပြီ မဟုတ်လား၊ ဥပမာ ဆိုပါစို့ရယ်၊ ဒီကနေ့ထုတ် သတင်းစာတစောင်ကို ကောက်ဖတ်လိုက်တယ် ဆိုပါတော့... အဲဒီ သတင်းက လွန်ခဲ့တဲ့ တနှစ်လောက်က ကျွန်တော် ဖတ်ဖူးပြီးသား သတင်းတပုဒ် ဖြစ်နေခဲ့တယ်။ ဒီစာမျက်နှာမှာပဲ၊ ဒီလိုခေါင်းနဲ့ပဲ၊ ဒီလိုပဲ ကော်လံခွဲထားပြီး သတင်းဓာတ်ပုံကတောင် တိုက်တိုက်ဆိုင်ဆိုင် ဒီလိုပုံပါပဲ။

တခါကလည်း တခါမှ မတွေ့ဖူးသေးဘူးလို့ ထင်ရတဲ့ လူတယောက်ကို တခြားလူ တယောက်က မိတ်ဆက်ပေးလို့ ကျွန်တော် လက်ဆွဲနှုတ်ဆက်လိုက်တယ်၊ ခဏနေတော့ ကျွန်တော့် အတွေးထဲမှာ လူတယောက် ပြန်ပေါ်လာတယ်၊ အဲဒီလူပဲ... ခုနက ကျွန်တော် လက်ဆွဲ နှုတ်ဆက်ခဲ့တဲ့သူဟာ လွန်ခဲ့တဲ့ ငါးနှစ်လောက်က ကျွန်တော်နဲ့ သိခဲ့တဲ့သူပဲ။

ကျွန်တော် တခါက ခရီးထွက်ရင်း ဆိုင်တဆိုင်မှာ ထမင်း ၀င်စားဖြစ်တယ်၊ သိပ်ကောင်းတဲ့ ဆိုင်တော့ မဟုတ်ပါဘူး။ ဒါပေမဲ့ ဆာနေလို့လား မသိဘူး၊ စားလို့ကောင်းတယ်။ ကျွန်တော် စားမယ်ဆို နောက်ထပ် တပန်းကန်လောက်ဖြစ်ဖြစ် ထပ်စားလို့ ရသေးတယ်၊ ခရီးသွားလာရင်း စားသောက်တာဖြစ်လို့ ကျွန်တော့်ရဲ့ အစာရမ္မက် လိုအင်ဆန္ဒကို အသာချိုးနှိမ်ပြီး ကျွန်တော် ရပ်တန့်လိုက်တယ်။

ခရီးသွားတယ်ဆိုတာ လူရော အစာအိမ်ပါ ပေါ့ပေါ့ပါးပါးနဲ့ သွားတာ ကောင်းတယ် မဟုတ်လား၊ တဖြဲနှစ်ဖြဲ စားသောက်ပြီး လေးပင် ငိုက်မြည်းနေမယ်ဆို တစုံတခု ဘေးအန္တရာယ် ရုတ်တရက် ပေါ်တဲ့အခါ ဒါမှမဟုတ် မမျှော်လင့်ဘဲ တခုခုကို ရင်ဆိုင်ရတဲ့အခါ ရုတ်တရက် ပြေးလွှားရှောင်တိမ်းဖို့ အတွက်မှာ ဒုက္ခရောက်နိုင်တယ် မဟုတ်လား။ ရုတ်စွအဆုံး အစားများပြီး အလေးအပင် သွားချင်လို့ နေရာလွယ်လွယ် မတွေ့ရင် မခက်ပါလားဗျာ။

ဒါကြောင့် ကျွန်တော် ခရီးသွားတဲ့အခါ အတတ်နိုင်ဆုံး ဗိုက်ထဲ မဆာဘဲ ပြည့်နေလောက်ရုံပဲ စားတယ်၊ အင့်သွားအောင် မစားဘူး။ ခက်တာက အဲဒီလိုမျိုး သတ်သတ်မှတ်မှတ်တွေးလို့ စားသောက်မိလိုက်တဲ့အခါတိုင်း ဟာ... ဒါမျိုးတွေကို ဒီနေရာမှာ ဒီလိုတွေးလို့  ဒီအစားအစာတွေ စားသောက်ခဲ့ဖူးနေပါလားလို့ အကြိမ်ကြိမ် ဖြစ်ဖူးတယ်၊ တိုက်ဆိုင်လိုက်တာများဗျာလို့လည်း ဟစ်ဟော့ အဆိုတော် စိုင်းစိုင်းခမ်းလှိုင်လို ရေရွတ်မိတတ်တယ်။

အဲဒီလို အချိန်တိုင်းမှာ ကျွန်တော့် နဘေးမှာများ သူငယ်ချင်း၊ မိတ်ဆွေ တယောက်ယောက် ပါလာခဲ့ရင် သူတို့တွေက ကြောင်တောင်တောင်နဲ့ ကျွန်တော့်ကို ကြည့်တတ်ကြတယ်၊ ကျွန်တော်ကတော့ ဆရာပေးတဲ့ သင်္ချာပုစ္ဆာတပုဒ်ကို နည်းပေါင်းစုံနဲ့ အမျိုးမျိုး စဉ်းစားတွက်ချက်ပြီးမှ နောက်ဆုံး ဖြေရှင်းနည်း အမှန်ကို တွေ့လို့ အဖြေထွက်သွားတဲ့ ကျောင်းသားတယောက်လို ရှင်းရှင်းလင်းလင်း အားရကျေနပ်မှုနဲ့ ကျန်ရစ်ခဲ့ရတာ အကြိမ်ကြိမ်...။

ကျွန်တော် အတွေးတွေ တော်တော်လွန်သွားခဲ့တယ်၊ အချိန်တွေ ဘယ်လောက်တောင် ကြာသွားသလဲတောင် မသိဘူး၊ အပြင်ဘက်မှာ မိုးတွေ ရွာနေတာကို ကြားရတယ်။ အစောပိုင်းက မြင်ခဲ့ရတဲ့ အလင်းတွေနေရာမှာ ကောင်းကင်ဟာ မှိုင်းမှုန်နေခဲ့ပြီ၊ ပြတင်းပေါက် အပြင်ဘက်မှာ မိုးစက်တွေ တွဲခို စီးကျနေကြတယ်။ တကယ်တော့ ကျွန်တော်က မိုးချစ်သူပါ၊ အမှိုင်းချစ်သူတော့ မဟုတ်ဘူး၊ မိုးအခါ အေးအေးမှာ အရိုင်းစိတ်တွေ ကြွရွခဲ့ဖူးတယ်။

ကျွန်တော်ဟာ အဝေးကို စိတ်နဲ့ပြေးလိုက်၊ အတိတ်ကို အပြင်းစား ဆွေးလိုက်၊ မိုးကို တွေ့လို့ ပျော်လိုက်၊ ဟိုးအဝေးကြီးကို မဟုတ်တဲ့ ကျွန်တော့် ဘေးက ဟိုလူကိုပဲ တချက်တချက် ငေးပြီး ကြောက်စိတ် ၀င်လိုက်နဲ့ ဖြစ်နေခဲ့တယ်။ ကြောက်ပါတယ်ဆိုကာမှ ဒီတယောက်က လှုပ်လာပြန်တယ်။ ခုနလိုပဲ ထတယ်၊ အခုတခါတော့ ပြတင်းအပြင်ဘက်ကို အရင်ကြည့်တယ်၊ ပြတင်းတံခါးက ခပ်ဟဟ ဖြစ်နေတာမို့ သူက ခပ်ပြင်းပြင်း တချက် ဆွဲစိလိုက်သေးတယ်။

ဒီလူ မိုးအေးတဲ့ ဒဏ်၊ လေတိုးတဲ့ ဒဏ်ကို မခံနိုင်လို့ လူးလွန့်လှုပ်ရှား ထလာပုံရတယ်။ ပြီးတော့ အခန်းပြင်ထွက်သွားတယ်၊ ဒီမနက်ပိုင်းက ကျွန်တော် ကြားခဲ့ရတဲ့ ပုံစံလိုပဲ အိုးတခုထဲ ရေသွန်၊ ရေမွှေတာတွေကို ကြားရပြန်တယ်။ ဒီတခေါက် အခန်းထဲ ပြန်ဝင်လာတော့ အဲဒီလူက ကျွန်တော့်ရှေ့က ဖြတ်လျှောက်သွားပြီး စာရေးစားပွဲနောက်က ကုလားထိုင်မှာ ထိုင်ပြီး သူ့ ကွန်ပျူတာခလုတ်ကို နှိပ်လို့ ဖွင့်လိုက်တယ်။ တအောင့်စောင့်မှ ဖေ့စ်ဘုတ်ဆိုတာလား ပေါ်လာပြီး ကြည့်နေတယ်၊ သတင်းတွေ၊ ဓာတ်ပုံတွေကို သူ့ကြည့်နေတယ်။ တချက်တချက် ပြုံးလိုက်၊ ပြန်ကြည့်လိုက်၊ တခုခု ရေးလိုက်နဲ့ အဲဒီလူ အလုပ်တော့ ရှုပ်နေပြန်တယ်။ ဒါဆို ဒီလူ မသေဘူးပေါ့။ ကျွန်တော့် အမြင်တွေ၊ အတွေးတွေ တောက်လျှောက် မှားနေခဲ့တာပေါ့။

ခဏကြာတော့ အဲဒီလူက ရေနွေးတအိုး တည်နေတယ်၊ ရေနွေးရတဲ့အခါ အတော်ကြာနေလောက်မှ အသင့်သောက်သုံးနိုင်တဲ့ ကော်ဖီတခွက် ဖျော်လေတယ်။ သူ ကော်ဖီဖျော်တာက ဘယ်လို ပုံစံလဲ... သိသလား။ ကျွန်တော် တွေ့တာတော့ ကော်ဖီမှုန့် ဖောက်ထည့်၊ ရေနွေး ကြက်သီးနွေး ထည့်ပြီး မွှေလိုက်ရင်ရတဲ့ ကော်ဖီမျိုးလေ၊ ကြာကြာသောက်ရင် ကျန်းမာရေး ထိခိုက်နိုင်တယ်လို့ တခါတခါ ကျန်းမာရေး သတင်းတွေမှာ ဖတ်ရတတ်တဲ့ ကော်ဖီမျိုးပေါ့။

ဒီလူက သူ ကိုယ်တိုင် ဖျော်တဲ့ အဲဒီ ကော်ဖီကို သောက်တဲ့ပြီး ကျွန်တော်တို့ ငယ်ငယ်က စားခဲ့ဖူးတဲ့ ပြည်သူ့ကုန်တိုက်မှာ ၀ယ်လို့ရတဲ့ ကျိုက္ကဆံ ဘီစကစ်လိုမျိုးလေ... ဆယ်ချပ်လောက် ရှိမယ် ထင်ပါတယ်၊ တထပ်ကြီး ထုတ်စားနေတယ်။ ဘီစကစ် စားလိုက်၊ ကော်ဖီ သောက်လိုက်၊ ကွန်ပျူတာ ကြည့်လိုက်နဲ့... သူ့ပုံစံ ကြည့်ရတာ အထပ်ထပ် လေ့ကျင့်ထားပြီး ပွဲပေါင်း ရာထောင်ချီ ကဖူးထားတဲ့ ပြဇာတ်သရုပ်ဆောင် တယောက်လို... ကြည့်ပင်ကောင်းလို့ နေသေးတော့တယ်လို့ ပြောရနိုင်ပါတယ်။

နောက်တော့ မိုးက စုံးစုံးချုပ်သွားတယ်၊ ကွန်ပျူတာ မျက်နှာပြင်က ကန်လင်းနေတဲ့ အလင်းအားဟာ အဲဒီလူရဲ့ မျက်လုံးကို စူးစေတယ် ထင်ပါရဲ့... အခန်းရဲ့ တလုံးထဲတော့ မီးသီးကို လင်းလာအောင် သူ ထဖွင့်လိုက်တယ်။ ကွန်ပျူတာရှေ့ ပြန်ရောက်လာတဲ့အခါ အဲဒီလူက တခြား ၀က်ဘ်ဆိုက်တခုကို ဖွင့်လိုက်တယ်။ အရုပ်တွေ လှုပ်ရှားနေတယ်၊ တခါတခါ အသံထွက်တယ်။ အဆက်မပြတ် လှုပ်ရှားမှုနဲ့ အသံတွေ... ဘာတွေမှန်းကို မသိပါဘူး၊ အဲဒီလူ အဲဒါတွေကို သည်းသည်းမည်းမည်း ကြည့်နေတယ်။ ကျွန်တော်က ဘေးတစောင်း အနေအထားနဲ့ ဆိုတော့ ကောင်းကောင်း မမြင်ရဘူး။

အချိန်လည်း တော်တော်ကြာသွားပြီ၊ ညကလည်း တော်တော်မှောင်မည်းနေပြီ။ အသံကလည်း တခါတခါမှ ဖြတ်မောင်း ခုတ်မောင်းသွားတဲ့ ရထားသံကလွဲလို့ ဘာမှ မကြားရတော့ဘူး။ အပြင်မှာ မိုးလည်း မရွာတော့ဘူး မှတ်ပါတယ်။ ကျွန်တော်လည်း အပြင်ကို မမြင်ရတော့ သေချာမသိဘူးပေါ့။ ဒီလိုနဲ့ ကျွန်တော့်မှာ ရီဝေေ၀နဲ့ အိပ်ချင်သလိုတောင် ဖြစ်လာပြီ။ တကယ်က ကျွန်တော့်အတွက် အိပ်စရာ မလိုဘူးလို့ ထင်တာပဲ၊ အမယ်... ဒီညကျမှ ကျွန်တော့်မှာ ထူးထူးဆန်းဆန်း... လူက အိပ်ချင်သလိုလို ဘာလိုလို...။

ခုနလူရော... ဟုတ်ပ... ခုနလူရော...

အို... အဲဒီလူ သေသွားတယ်၊ ဟုတ်တယ်... သူ သေနေတာပဲ။

ဟင်...

အို့... သူ့ ကွန်ပျူတာက ဖွင့်ရက်ကြီးပါလား။



၂၀၁၂ ဇူလိုင် ၂၅၊ ညသန်းခေါင်။
လန်ဒန်။

Myo Tha Htet   Facebook
ဘကြီးသက်