စာမဖတ်သော စာရေးဆရာ…ဒီမိုကရေစီမသိသော ဒီမိုကရေစီဘက်တော်သား…..

      ဂုဏ၀ုတ္တိ၊ ၀ရ၀ုတ္တိ..။ ဂုဏ=ဂုဏ်အားဖြင့်လည်းကောင်း၊ ၀ယ=အသက်အရွယ်အားဖြင့်လည်းကောင်း ရိုသေထိုက်သူကိုရိုသေပါ၏။

      လူကြီးဆိုသည်မှာ အသက်အရွယ်ကြီးတိုင်း လူကြီးမဟုတ်၊ လုပ်တဲ့ အလုပ်ကြီးမှ(တနည်း နာယကဂုဏ်နဲ့ ပြည့်စုံမှ) လူကြီးဟုသတ်မှတ်နိုင်သည်။ အသက်သာကြီးပြီးလုပ်တဲ့ အလုပ်ကမကြီး( အမျှော်အမြင် အတွေးအခေါ်မရှိ) ပါက မသေနိုင်လို့ ကြီးပြီးအိုနေသည့် လူအို ဟုသာဆိုရပေမည်။

(ဗိုလ်ချုပ်အောင်ဆန်းကိုယ်တိုင်ပြောဘူးသည်။) ၀ါရင့်စာရေးဆရာကြီးဆိုသည့်ဂုဏ်၊ ၈၀ ကျော်သည့်အသက်တို့ ကို ရိုသေလိုသော်လည်း ရိုသေထိုက်သူကိုသာရိုသေပါမည်။

      စာရေးဆရာ(သတင်းစာဆရာ)လုပ်လိုသူသည် စာဖတ်ရပါမည်။ စာဖတ်ခြင်းသည်စာရေးဆရာ၏ လက်ဦးဆရာ၊စာရေးသူ၏ကုန်ကြမ်းဖြစ်သည်။ မိမိရေးလိုသော အကြောင်းအရာ(ဘာသာရပ်) ကို မလေ့လာမဖတ်ရှုပဲ စာရေးပါက လူတကာပြက်ရယ်ပြုတာခံရရုံရှိမည်။

      သမိုင်းကြောင်းရေးလိုက သမိုင်းစာဖတ်ရသလို၊ နိုင်ငံရေးအကြောင်းရေးက နိုင်ငံရေးစာပေဖတ်ရှုလေ့လာရမည်။ဥပဒေအကြောင်း စာပြောင်ရေးပြီး ဥပဒေကို နကန်းတစ်လုံးမသိ၊ မဖတ်ဘူးပါက စာပြောင်မဟုတ်ပဲ စာကြောင်သာဖြစ်ပေတော့မည်။

      ပြည်ထောင်စုသမ္မတမြန်မာနိုင်ငံတော် ဖွဲ့ စည်းပုံအခြေခံဥပဒေ ၂၀၀၈ သည် ပြည်ထောင်စုတစ်ဝန်းလုံးရှိ ဆန္ဒမဲပေးခွင့်ရှိသူအားလုံး၏ ၉၈ ဒသမ၁၂ ရာခိုင်နှုန်းက မဲပေးခဲ့ကြပြီး၊ မဲပေးသူအားလုံး၏ ၉၂ဒသမ၄၈ ရာခိုင်နှုန်းကထောက်ခံသဖြင့် ၂၉.၅.၂၀၀၈ ရက်နေ့ တွင် အတည်ပြုပြဌာန်းပြီးဖြစ်ကြောင်း ပြည်တွင်း / ပြည်ပအားလံုးသိကြပါသည်။ ယင်းဖွဲ့ စည်းပုံအခြေခံဥပဒေသည် ယင်းဥပဒေပုဒ်မ ၄၄၁ အရ ပြည်ထောင်စုလွှတ်တော် ပထမအကြိမ် အစည်းအဝေးစတင်ကျင်းပသည့် ၃၁.၁.၂၀၁၁ တွင် နိုင်ငံတော်တစ်ဝန်းလုံး၌  အာဏာတည်ပြီးဖြစ်သည်ကိုလည်း(ဥာဏ်ရည်မမီသူနှင့် အတိတ်မေ့ သူမဟုတ်က) အားလုံးသိရှိထားကြပါသည်။

      သို့ သော်ယင်းဖွဲ့ စည်းပုံအခြေခံဥပဒေ အတည်ပြုပြဌာန်းခြင်း၊ အာဏာတည်ခြင်းတို့ ကို မသိသေးသယောင်ဇွတ်ခံငြင်းနေသော အနှီစာရေးဆရာ (သတင်းစာဆရာ)ကြီးသည် ဥာဏ်ရည်မမီ၊ အတိတ်မေ့ သူမဟုတ်လျှင် စာမဖတ်၍သာဖြစ်ပေမည်။

      ပြည်ထောင်စုသမ္မတမြန်မာနိုင်ငံတော်ဖွဲ့ စည်းပုံအခြေခံဥပဒေ (၂၀၀၈)တွင် နိဒါန်းနှင့် အခန်း(၁၅)ခန်း၊ ဇယားငါးခုပါဝင်ကြောင်းတွေ့ ရမည်ဖြစ်သည်။ ဖွဲ့ စည်းပုံအခြေခံဥပဒေအခန်း(၁)၊ နိုင်ငံတော် အခြေခံမူများအခန်း၊ ပုဒ်မ(၇)တွင် နိုင်ငံတော်သည် စစ်မှန်၍ စည်းကမ်းပြည့်ဝသောပါတီစုံဒီမိုကရေစီစနစ်ကို ကျင့်သုံးသည်ဟု လည်းကောင်း၊ ပုဒ်မ(၃၉)တွင် နိုင်ငံတော်သည်စစ်မှန်၍ စည်းကမ်းပြည့်ဝသော ပါတီစုံဒီမိုကရေစီစနစ် ထွန်းကားရေးအတွက် နိုင်ငံရေးပါတီများကို စနစ်တကျဖွဲ့ စည်းနိုင်ရန် လိုအပ်သည့် ဥပဒေပြဌာန်းဆောင်ရွက်ရမည် ဟုလည်းကောင်း၊ ပြဌာန်းချက်များနှင့် အညီ နိုင်ငံတော်က နိုင်ငံရေးပါတီများ မှတ်ပုံတင်ခြင်းဥပဒေကို ၂၀၁၀ ခုနှစ်၊ မတ်လ ၈ ရက်နေ့ တွင် ထုန်ပြန်ပြဌာန်းပေးထားပြီးဖြစ်သည်။

      ယင်းဖွဲ့ စည်းပုံ အခြခံဥပဒေမှာပင် ပုဒမ ၃၉၉(စ)၌ ရွေးကောက်ပွဲဆိုင်ရာ သို့ မဟုတ် နိုင်ငံရေးပါတီများဆိုင်ရာနည်းဥပဒေများကိုဤဖွဲ့ စည်းပုံအခြေခံဥပဒေပါ ပြဌာန်းချက်များနှင့် အညီလည်းကောင်း၊ လုပ်ထံုးလုပ်နည်းများ၊ ညွှန်ကြားချက် စသည်များကို သက်ဆိုင်ရာဥပဒေများနှင့် အညီလည်းကောင်း ထုန်ပြန်ခြင်းပြုရန် တာဝန်မှာ  ပြည်ထောင်စုရွေးကောက်ပွဲကော်မရှင်၏ တာဝန်ဖြစ်ကြောင်းဖော်ပြပြဌာန်းထားပါသည်။ ထိုမျှသာမက ဖွဲ့ စည်းပုံ အခြေခံဥပဒေ ပုဒ်မ(၄၀၂)တွင် အောက်ပါကိစ္စရပ်များနှင့်စပ်လျဥ်း၍ ပြည်ထောင်စုရွေးကောက်ပွဲကော်မရှင်၏ ဆုံးဖြတ်ချက်နှင့် ဆောင်၇ွက်ချက်များသည် အပြီးအပြတ်အတည်ဖြစ်စေရမည်ဟုပြဌာန်း၍ အာဏာအပ်နှင်းထားသည်ကိုလည်း တွေ့ မြင်ရပါသည်-

(က) ရွေး။ကောက်တင်မြှောက်ခြင်းဆိုင်ရာလုပ်ငန်းများ

(ခ)  ရွေးကောက်ပွဲခုံအဖွဲ့ များ၏ ဆုံဖြတ်ချက်များ၊ အမိန့်် များနှင့်စပ်လျဥ်းသည့် အယူခံမှုများနှင့် ပြင်ဆင်မှုများ၊

(ဂ) နိုင်ငံရေးပါတီဆိုင်ရာဥပဒေအရ ဆောင်ရွက်သောကိစ္စရပ်များ

      နိုင်ငံတော်တစ်ဝန်းလုံးတွင်အာဏာတည်လျက်ရှိသည့် နိုင်ငံတ်ာဖွဲ့ စည်းပုံ အခြေခံဥပဒေဖြင့် တာဝန်အပ်နှင်းခြင်းခံရသော ပြည်ထောင်စုရွေးကောက်ပွဲကော်မရှင်သည် ကော်မရှင်ဥပဒေပုဒ်မ ၁၀(ဌ) ဌြာန်းချက်များအရ နိုင်ငံရေးပါတီများမှတ်ပုံတင်ခြင်းဥပဒေနှင့်အညီ နိုင်ငံရေးပါတီများကိုမှတ်ပုံတင်ခြင်း၊ ကြီးကြပ်ခြင်းနှင့်ကြီးကြပ်စေခြင်း တို့ ပြုရန် တာဝန်ရှိသဖြင့်လည်းကောင်း၊နိုင်ငံရေးပါတီများမှတ်ပုံတင်ခြင်း ဥပဒေပုဒ်မ( ၂၃ )နှင့်နည်းဥပဒေ (၁၈) တို့ အရ ကော်မရှင်သည် ပါတီများကို တည်ဆဲဥပဒေ၊နည်းဥပဒေများ၊လုပ်ထုံးလုပ်နည်းများ၊ အမိန့် ကြော်ညာစာ အမိန်၊ ညွှန်ကြားချက်များနှင့် အညီ ဆောင်ရွက်စေရန်ကြီးကြပ်နိုင်သည်။ ကော်မ၇ှင် အဖွဲ့ ခွဲအဆင့်ဆင့်အား ကော်မရှင်ကိုယ်စား ကြီးကြပ်စေရန်တာဝန်ပေးအပ်နိုင်သည် ဟု ပြဌာန်းပါရှိသဖြင့်လည်းကောင်း၊ ဥပဒေအရပေးအပ်ထားသည့်တာဝန်နှင့် လုပ်ပိုင်ခွင့်များအရ ကော်မ၇ှင်သည် ၄င်း၏တာဝန်ကို သဘောရိုးဖြင့် ထမ်းဆောင်နေခြင်းဖြစ်ကြောင်း ထင်ရှားမြင်သာပါသည်။

      ၀ါရင့်စာရေးဆရာ(သတင်းစာဆရာကြီး) ရေးသားပြက်ရယ်တော်မူသည့် စာကြောင် အဲ စာပြောင်တွင် ဖော်ပြပါရှိသော ပြည်ထောင်စုရွေးကောက်ပွဲကော်မရှင်၏စာများကို(ပါတီအားလုံးကိုပေးပို့ ထားသဖြင့် အခြားပါတီများလည်း ဖတ်ရှုနိုင်ပါသည်.) ပြန်လည်၍ဖတ်ရှုလေ့လာရာတွင်-

      ၂၀၁၂ခုနှစ်၊ ဇွန်လ(၁၈)ရက်စွဲပါစာသည် နိုင်ငံရေးပါတီဝင်များအား ဖွဲ့ စည်းပုံ အခြေခံဥပဒေနှင့် တည်ဆဲဥပဒေများ ပါတီမှတ်ပုံတင်ခြင်းဥပဒေ၊နည်းဥပဒေနှင့် ကောက်မရှင်၏ညွှန်ကြားချက်များကို တိကျစွာလိုက်နာဆောင်ရွက်ရေးအတွက် သက်ဆိုင်ရာပါတီများက ထိမ်းသိမ်းကြပ်မတ်ပေးကြရန်  အကြောင်းကြားသောစာဖြစ်ကြောင်းတွေ့ ရပါသည်။ ယင်းစာ၏စာပိုဒ်(၁) တွင် ဖွဲ့ စည်းပုံအခြေခံဥပဒေပုဒ်မ(၇) နှင့် ပုဒ်မ(၃၉) ပါ ပြဌာန်းချက်များ၊ စာပိုဒ်(၂)တွင် အခြေခံဥပဒေပုဒ်မ(၄၀၄)(ခ)၊ ၄၀၅ (ခ)နှင့် (၃၉၉)(စ)ပါ ပြဌာန်းချက်များ၊စာပိုဒ် (၃)တွင်  ကော်မရှင်၏တာဝန်နှင့်လုပ်ပိုင်ခွင့်များပြည်ထောင်စုရွေးကောက်ပွဲကော်မရှင်ဥပဒေပုဒ်မ (၁၀)(ဌ)ပါကော်မရှင်`တာဝန်နှင့် လုပ်ပိုင်ခွင့်ပြဌာန်းချက်များ၊ စာပိုဒ်(၄)တွင် နိုင်ငံရေးပါတီများ မှတ်ပုံတင်ခြင်းဥပဒေပုဒ်မ(၆)၊(၁၀)(ဇ)၊ (၁၂)(က)(၆)နှင့် ပုဒ်မ (၁၂)(ခ)ပါပြဌာန်းချက်များ၊ စာပိုဒ်(၆) တွင် နိုင်ငံရေးပါတီများမှတ်ပုံတင်ခြင်းဥပဒေပုဒ်မ (၂၄) ပါပြဌာန်းချက်များကို ဖော်ပြရေးသားထားပြီး စာပိုဒ်(၇)၊ (၈)၊ (၉)၊ (၁၀)၊ (၁၁) တို့ တွင် အထက်စာပိုဒ်များပါ ဥပဒေပြဌာန်းချက်များကို ကိုးကား၍ ပါတီဝင်များက ဟောပြော၊ ရေးသားရာတွင် ဖွဲ့ စည်းပုံအခြေခံဥပဒေနှင့် တည်ဆဲဥပဒေများကို ချိုးဖောက်ပြီး ပြည်ထောင်စု မပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲရေးနှင့် အချုပ်အခြာအာဏာတည်တံ့ခိုင်မြဲရေးတို့ကို ထိခိုက်လာပါက ကော်မရှင်က ဥပဒေအရ တာဝန်ရှိသည်နှင့်အညီ  အရေးယူဆောင်ရွက်ရမည်ဖြစ်၍ ထိုသို့ မဖြစ်စေရေး မိမိတို့   ပါတီဝင်များကို ထိန်းသိမ်းကြပ်မတ်ပေးကြရန် အကြောင်းကြားစာဖြစ်ကြောင်း လေ့လာတွေ့ ရှိရပါသည်။ (တနည်းအားဖြင့် နိုင်ငံတော်၏ဥပဒေပြဌာန်းချက်များကို လေ့လာဖတ်ရှုသဘောပေါက်မှု အားနည်းသူများကို သတိပြုမိစေရေးအတွက် ကော်မရှင်က အသိပေးခြင်းသာဖြစ်ပြီး၊ ကော်မရှင်ကစတန့် ထွင်၍ကြီးကြပ်နေခြင်းမဟုတ်ကြောင်း တွေ့ မြင်နိုင်ပါသည်။

      တဖန် မဲလက်မှတ်ဖယောင်းသုတ်သည်ဟု စွပ်စွဲခြင်းကိစ္စအပေါ် ကော်မရှင်ကထုတ်ပြန်သော၉.၅.၂၀၁၂ ရက်နှင့် ၆.၇.၂၀၁၂ ရက်စွဲပါသတင်းစာထုတ်ပြန်ချက်များကိုလေ့လာကြည့်က အလွန်ပင်သည်းညည်းခံနိုင်သော ကော်မရှင်ဟုပင်ဆိုရပါမည်။ ဖြစ်စဉ်မှာတစ်နိုင်ငံလုံး၏အမျိုးသားရေးတာဝန်အဖြစ် အလေးထားကျင်းပဆောင်ရွက်သော ကြားဖြတ်ရွေးကောက်ပွဲကို သေးသိမ်အရုပ်ဆိုးအောင် မည်သို့ သော အကြံမျိုးဖြင့် လုပ်ကြံစွပ်စွဲကြောင်း အများကပင်သိမြင်နိုင်ပါသည်။ အစကပင် အခြေအမြစ်မရှိ၊ မဖြစ်နိုင်သောသတင်းကိုရွေးကောက်ပွဲကျင်းပနေစဉ်အတွင်း တစ်နေ့ တည်းမှာပင် ကော်မရှင်သို့ အရောက်ပို့ ၍ အရေးယူပေးရန်စာရေးအကြောင်းကြားခြင်းမှာ တမင်ရည်ရွယ်ချက်ရှိရှိ လုပ်ကြံဖန်တီးခြင်းဖြစ်ကြောင်း သိသာထင်ရှားပါသည်။ (အကယ်၍ ရွေးကောက်ပွဲရလာဒ် လိုသလိုမဖြစ်လျှင် ဖိအားပေးတိုက်ခိုက်နိုင်ရေးအတွက်ကြိုတင်အပစ်ရှာထားသည့် သဘောဖြစ်ပါသည်။) ရွေးကောက်ပွဲရလဒ်များတွင်မိမိပါတီကိုယ်စားလှယ် အနိုင်ရရှိ၍သာ ငြိမ်နေခြင်းဖြစ်ပါသည်။

      ဤနေရာတွင် ကော်မရှင်ကသာ သဘောထားကြီးကြီးမထားပါက (၄င်းတို့ ပေးသောတုတ်ဖြင့်ပင် ၄င်းတို့ ကိုရိုက်သတ်နိုင်ပါသည်။) ယင်းပါတီ (Campaign Manager) ဆိုသူ၏စွပ်စွဲချက်အတိုင်း ၄င်းမြို့ နယ်(၁၀) မြို့ နယ်တွင် လွတ်လပ်တရားမျှတသော ရွေးကောက်ပွဲမဖြစ်ဟုဆိုကာ ရွေးကောက်ပွဲရလဒ်များကို ပယ်ဖျက်ပစ်လိုက်နိုင်ပါသည်။ ထို့ အပြင် ယင်းသို့ မမှန်မကန်ပြောဆိုကြေငြာခြင်းသည် တည်ဆဲလွှတ်တော်ရွေးကောက်ပွဲဥပဒေပုဒ်မ (၆၄) အရ ပြစ်မှုမြေက်သည့်အပြင် ပုဒ်မ ၆၆(က)(၄) အရလဲ တရားမဲ့ပြုကျင့်မှုမြောက်သဖြင့် ရွေးကောက်ပွဲရလဒ်များထိခိုက်သွားနိုင်ပါသည်။

      ၄င်းတို့ ၏စွပ်စွဲချက်များကို ကော်မရှင်က တရားဝင်ဖော်ထုတ်စစ်ဆေးပြီး စုံစမ်းရေးအဖွဲ့ တွင်ပါဝင်သည့် ၄င်းတို့ပါတီကိုယ်စားလှယ်များကပင် မဟုတ် / မမှန်ပါဟုထွက်ဆိုအစစ်ခံသဖြင့် ဖြစ်စဉ်မှန်ကန်မှုမရှိကြောင်း ကော်မရှင်ကခေါ်ယူရှင်းပြသည်ကို ကျေးဇူးမတင်သည့်အပြင်၊ ၄င်းတို့ အမှားကိုဝန်မခံလိုပဲ(ယောက်ျားကြီးဖြစ်ပါလျက် မီးယပ်ဟုသာတွင်တွင်အော်ပြီး) ၄င်းတို့ မှန်ကြောင်း ငြင်းကွယ်နေသဖြင့် ဥပဒေ၏အဆုံးအဖြတ်ကိုရယူ (တရားစွဲ) ခဲ့ခြင်းဖြစ်ကြောင်းရိုးသားစွာတွေ့ ရှိရပါသည်။

       အထူးအားဖြင့် ၄င်းတို့ ခေါင်းအမာဆုံးအချက်မှာ ဖွဲ့ စည်းပုံ အခြေခံဥပဒေပါ နိုင်ငံတော်၏အမည်နှင့်စပ်လျဉ်းသည့် အသုံးအနှုံးဖြစ်ပါသည်။ ပြည်ထောင်စုရွေးကောက်ပွဲကော်မရှင်က  နိုင်ငံတော်အမည်နှင့်စပ်လျဉ်းပြီး ဖွဲ့ စည်းပုံ အခြေခံဥပဒေပါ ပြဌာန်းချက်အတိုင်း ရေးသားပြောဆိုအသုံးပြုရန် ယင်းပါတီသို့ စာသုံးစောင်ရေးသားပေးပို့့ ပြီး အခြားနိုင်ငံရေးပါတီအားလုံးသို့ လဲ မိတ္တူဖြန့် ဝေထားကြောင်းတွေ့ ရပါသည်။ ကော်မရှင်ကရေးသားပေးပို့ သော စာသုံးစောင်လုံးတွင် မြန်မာ(Myanmar) ကမှန်သည်။  ဗမာ(Burma) ကမှန်သည်။ ဗမာလူမျိုးကိုကိုယ်စားပြုသည်။ တိုင်းရင်းသားအားလုံးကို ကိုယ်စားပြုသည်…….စသည်…..စသည်ဖြင့် တစ်စုံတစ်ရာ ဆွေးနွေးငြင်းခုံထားခြင်း မရှိပါ။ရွေးကောက်ပွဲကော်မရှင်သည် ဥပဒေပြုအဖွဲ့အစည်း မဟုတ်ပါ။ တိုင်းရင်းသားအရေး၊ နိုင်ငံရေးဆွေးနွေးငြင်းခုံရမည့် နိုင်ငံရေးစားပွဲဝိုင်း မဟုတ်ပါ။

      ကော်မရှင်ကရေးသားသော ၁.၆.၂၀၁၂ ရက်စွဲပါ (ပထမ) စာတွင် ပြည်ထောင်စုသမ္မတ မြန်မာနိုင်ငံတော် ဖွဲ့ စည်းပုံအခြေခံဥပဒေ ပုဒ်မ(၂) အရ နိုင်ငံတော်ကိုပြည်ထောင်စုသမ္မတမြန်မာနိုင်ငံတော်ဟု ခေါ်တွင်ရမည် (The state shall be know as The Republic of the Union of Myanmar) ဟု ပြဌာန်းထားသဖြင့် ဖွဲ့ စည်းပုံအခြေခံဥပဒေ ပြဌာန်းချက်အတိုင်းရေးသားရာတွင် ပြည်ထောင်စုသမ္မတမြန်မာနိုင်ငံတော် ဟုလည်းကောင်း၊ အတိုပြောဆိုရာတွင် မြန်မာ ဟုလည်းကောင်းရေးသားပြောဆိုရန် အကြောင်းကြားထားပါသည်။

      ကော်မရှင်၏ ၂၈.၆.၂၀၁၂ ရက်စွဲပါ (ဒုတိယ) စာတွင်ဒေါ်အောင်ဆန်းစုကြည်သည် ၂၅.၁၁.၂၀၁၁ ရက်နေ့ က ပြညထောင်စုရွေးကောက်ပွဲကော်မရှင်သို့  ပါတီတည်ထောင်ခွင့်လျှေက်ထားစဉ်ကပင် ပြည်ထောင်စုသမ္မတမြန်မာနိုင်ငံတော် ဖွဲ့ စည်းပုံအခြေခံဥပဒေကိ်ု လေးစားလိုက်နာပါမည်ဟု ကိုယ်တိုင်လက်မှတ်ထိုး ၀န်ခံချက်ပြုထားပြီးသူဖြစ်၍ နိုင်ငံတော်၏အမည်ကို ဖွဲ့ စည်းပုံအခြေခံဥပေဒေ  ပုဒ်မ(၂)ပါ ပြဌာန်းချက်အတိုင်း စာဖြင့်ရေးသားရာတွင် ပြည်ထောင်စုသမ္မတ မြန်မာနိုင်ငံတော်(The Republic of the Union of Myanmar) ဟု ရေးသားပြီး၊ စကားဖြင့် အတိုကောက်ပြောဆိုလျှင် မြန်မာ(Myanmar)  ဟုပြောဆိုရမည်ဖြစ်ကြောင်း အကြောင်းကြားခြင်းသာဖြစ်ပါသည်။ (၀ါရင့်စာရေးဆရာကြီးပြောသလို ..စကင်းဝမ်တိန်ပေးခြင်း၊ ဒုတိယမ်ပိ သတိပေးခြင်း…စသည့် ဘိုတစ်ဝက်၊ ပါလိတစ်ဝက် စကားလုံးမျိုး လုံးဝမပါရှိခဲ့ပါ။

      ကော်မရှင်၏ ၆.၇.၂၀၁၂ ရက်စွဲပါ (တတိယ) စာတွင်လည်း ပါတီတာဝန်ရှိသူများက ဒီမိုကရေစီကိုယုံကြည်လို့ ၊ သံုးချင်သလိုသုံး၍ရကြောင်း၊ဖွဲ့ စည်းပုံအခြေခံဥပဒေကို မြန်မာလိုပဲ ပြဌာန်းထားပြီး အင်္ဂလိပ်ဘာသာပြန်ဟာ တရားဝင်ဘာသာပြန်မဟုတ်ဘူး၊ ဖွဲ့ စည်းပုံအခြေခံဥပဒေကို လေးစားလိုက်နာရမည်ဆိုတာ (Definition) မရှိဘူး ဟု သတင်းစာရှင်းလင်းပွဲမှာ(ငါ့စကားနွားရ) ပြောဆိုမှုတွေကြောင့် ကော်မရှင်ကဖွဲ့ စည်းပုံအခြေခံဥပဒေပါပြဌာန်းချက်များ၊ ၂၀၁၁ ခုနှစ် စကားရပ်များအစားထိုးခြင်းဆိုင်ရာ ဥပဒေပါပြဌာန်းချက်များ၊ ကော်မရှင်ဥပဒေနှင့် နိုင်ငံရေးပါတီများမှတ်ပုံတင်ခြင်းဥပဒေပါ ပြဌာန်းချက်များအချို့ ကို မူရင်းအတိုင်းဖော်ပြပြီး ၊ ကော်မရှင်သည် ဥပဒေအရကြီးကြပ်ဆောင်ရွက်ရန်တာဝန်ရှိသဖြင့် မိမိတာဝန်ကိုထမ်းဆောင်ခြင်းဖြစ်ကြောင်း၊ ကော်မရှင်၏ညွှန်ကြားချက်များနှင့်ဖြစ်စေ၊  အခြေခံဥပဒေကိုလေးစားလိုက်နာပါမည်ဆိုသည့် စကားရပ်နှင့်ဖြစ်စေ၊ ဥပဒေအရမှားယွင်းသည်ဟုယူဆလျှင် နိုင်ငံတော်ဖွဲ့ စည်းပုံအခြေခံဥပဒေဆ်ိုင်ရာခုံးရုံးသို့  တင်ပြလျှောက်ထားရမည်ဖြစ်ကြောင်း ရှင်းလင်း အသိပေးခြင်းသာဖြစ်ကြောင်းတွေ့ ရှိရပါသည်။ (ကော်မရှင်က မှတ်ပုံတင်ခွင့်ပြုထားပြီး ကော်မရှင်ကကြီးကြပ်ဆောင်ရွက်ရန် တာဝန်နှင့်လုပ်ပိုင်ခွင့်ရှိသော  နိုင်ငံရေးပါတီတစ်ခုအပေါ် ယခုလောက်ကော်မရှင်က လိုက်လိုက်လျောလျော ဆက်ဆံနေသည်ကိုပင် နားမလည်နိုင်အောင်ဖြစ်ရပါသည်။

      ယခုတော့ ၉.၇.၂၀၁၂ ရက်နေ့ ထုတ်ဒီလှိုင်းဂျာနယ် အတွဲ(၁)၊ အမှတ်(၂၅)၏  စမျက်နှာ(၃)တွင် ကလောင်ရှင် ဟံသာဝတီဦးဝင်းတင်ဆိုသူ ရေးလိုက်ပုံကဖြင့် အောက်ကလဲနေသေး၊ မှတ်ပလားကွဟု ကြိမ်းဝါးပြီး၊…..က လူကိုပြန်ဟစ်နေသလို ဖြစ်နေပါပေါ့လို့ ဆိုလိုက်ချင်ပါသည်။

      ဥပဒေကို မဖတ်တာသူတို့ ။ ဥပဒေပြဌာန်းချက်ရှိတာကိုမသိ၊ မလေးစား၊ မလိုက်နာတာက သူတို့ ။ ဥပဒေကိုရှိမှန်းသိပြီး သိတဲ့ အတိုင်းလိုက်နာနိုင်အောင် ဥပဒေပြဌာန်းချက်တွေဝေေ၀ဆာဆာနဲ့  အသေအချာဖော်ပြလို့စေတနာနဲ့ ထိန်ကျေင်းပေးတဲ့ကော်မရှင်ကိုတောင် ခြိမ်း သလေး၊ ခြောက် သလေး နှင့် မလုံတဲ့အိုးကတုတ်မိုးရုံနဲ့ အာနေပုံများသိသာလှသည်။

      လေ့လာမိသလောက်ကော်မရှင်သည် ဥပဒေပြဌာန်းချက်များကိုသာ အရှိအတိုင်းရေးသားဖော်ပြနေခြင်းဖြစ်သည်။ တိမ်ယံကနေ၊ ကြိမ်သံပေးခြင်းမျိုးမတွေ့ ရပါ။ ကြိမ်သံပေးနေသည်ဆိုသောဥပမာကလဲ မကောင်းပါ။ (၄င်းစာထဲပါသလို ကြိမ်သံပေးသည်ဆိုပါက ကော်မရှင်သည်နွားကျောင်းသားဖြစ်ပြီး ၄င်းတို့ သည်……ဖြစ်သွားပေလိမ့်မည်။

      နိုင်ငံတော်ဖွဲ့ စည်းပုံအခြေခံဥပဒေ၏ ပုဒ်မ(၃၅၄)တွင် နိုင်ငံသားတိုင်းသည်******ပြဌာန်းထားသည့်ဥပဒေများနှင့်မဆန့် ကျင်လျှင် မိမ၏ယုံကြည်ချက်၊ ထင်မြင်ယူဆချက်များကို လွတ်လပ်စွာထုတ်ဖော်ပြောဆိုခွင့်၊ ရေးသားဖြန့် ဝေခွင့်ရှိသည် ဟုပြဌာန်းထားသည်။

      ဒီမိုကရေစီမို့ မိမိအယူအဆကို လွတ်လပ်စွာသုံးနှုံးပြောဆိုခွင့်ရှိသည်ဟု ဆိုသော်လည်း ပြဌာန်းထားသည့်ဥပဒေကိုဆန့် ကျင်ချိုးဖောက်ခွင့်မရှိကြောင်း သတိချပ်ရမည်။ တရားဥပဒေစိုးမိုးရေးက အရေးကြီးသည်။ ဥပဒေ၏အထက်တွင် မည်သူမျှမရှိစေရပါဟု ဆိုသူတွေကမှ ဥပဒေကိုလိုက်နာရကောင်းမှန်းမသိလျှင်…သြော်…ငါပြောသလိုလုပ်…..ငါ…လုပ်သလိုမလုပ်နဲ့ ဆိုသည့် အာဏာရှင်ဒီမိုကရေစီစနစ်ကြီးသာ ဖြစ်ပေရော့မည်။

      ဥပဒေဆိုတာ လူကရေးဆွဲတာဖြစ်ပါသည်။ ဖွဲ့ စည်းပုံအခြေခံဥပဒေအပါအ၀င် မည်သည့်ဥပဒေ၊ နည်းဥပဒေမဆို ပြီးပြည့်စုံသည့် ထာဝရအမှန်တရား Absolute Truth မဖြစ်နိုင်ပါ။ ခေတ်စနစ်အခြေအနေတစ်ခုစီတွင် အများကလက်ခံသည့်အမှန် Univeral Truth သာဖြစ်ပါသည်။သို့ မို့ ကြောင့် အချိန်ကာလနဲ့ အမျှ ပိုမိုကောင်းမွန်မှန်ကန်ပြည့်စုံသော ဥပဒေများပေါ်ထွက်လာရစမြဲဖြစ်ပါသည်။ ဥပဒေမကောင်းလျှင်ကောင်းအောင်ပြင်ဖို့ မှာပြည်သူအားလုံး(ပြည်သူ့ ကိုယ်စားလှယ်အားလုံး)၌ တာဝန်ရှိပါသည်။ သို့သော် ဥပဒေကိုမပြင်ဆင်နိုင်သေးဘဲ တည်ဆဲဥပဒေကိုမလိုက်နာနိုင်ဘူးဆိုလျှင်တော့ ဥပဒေချိုးဖောက်သူ (ပြစ်မှုကျူးလွန်သူ )ဖြစ်ပါလ်ိမ့်မည်။

      မည်သည့်ဒီမိုကရေစီလူ့ အဖွဲ့ အစည်းမဟူ၊ အများဆန္ဒကိုလေးစားလိုက်နာကြရပါသည်။ အများဆန္ဒကိုဆန့် ကျင်သူ၊ Rule of Law ကိုချိုးဖောက်သူတို့ က ဒီမိုကရေစီလူ့ အဖွဲ့ အစည်းကိုထူထောင်နိုင်မည်ဟု အိပ်မက်ပင်မက်၍ မရနိုင်ပါ။ တရားဥပဒေစိုးမိုးရေးဆိုသည်ကို တရားဥပဒေဘောင်အတွင်းကတရားဥပဒေနှင့် အညီကြိုးစားဖော်ဆောင်မှသာ ရနိုင်ပေမည်။ တရားဥပဒေစိုးမိုးရေးကို ဥပဒေချိုးဖောက်ပြီး ဥပဒေမဲ့နည်းဖြင့်ဖော်ဆောင်လျှင် မင်းမဲ့စရိုက်အကျိုးကိုသာ ရရှိပေလိမ့်မည်။

      ထို့ ကြောင့်ကျွန်ုပ်တို့  ကလောင်ရှင်များသတိထားသင့်သည့်အချက်မှာ စာမဖတ်ပဲစာရေးဆရာမလုပ်လိုပါနှင့်၊ ဒီမိုကရေစီအနှစ်သာရကို မသိဘဲ ဒီမိုကရေစီဘက်တော်သားဟု မကြွေးကြော်ချင်ပါနှင့်………လူရယ်စရာဖြစ်တတ်သည်ဟုသာ…………။ ။

                                          ကို ( ဥပဒေ )

နိုင်ငံတော် တံဆိပ်

နိုင်ငံတော် အလံ

တရားဥပဒေစိုးမိုးရေး

ချိန်ခွင်

ဘကြီးသက်