ဘက်မလိုက်ပဲ ပြောချင်ပါသည်(သို့မဟုတ်) တရားသူကြီးသို့ အိပ်ဖွင့်ပေးစာ....(ဟာဂျူလီ.ကသာ)

ထက်ထက်မိုးဦးအမှုကို ဒါဏ်ငွေ၁၀၀၀ပေးဆောင်စေလို့ဆုံးဖြတ်လိုက်တဲ့ တရားသူကြီးမင်း

ခင်ဗျား..ကျွန်တော်ကတော့ မီဒီယာသမားတစ်ဦးပါ၊မီဒီယာသမားတစ်ဦးမို့ မီဒီယာသမားတစ်ဦးကို ပါးရိုက်လိုက်တဲ့ မင်းသမီးအပေါ်ပေးတဲ့ ပြစ်ဒါဏ် နည်းလို့ ပြောတယ်လို့တော့ မထင်လိုက်ပါနဲ့၊တရားခံတစ်ဦးအပေါ်ပေးတဲ့ ပြစ်ဒါဏ် နည်းတယ်ထင်လို့ ထပြောနေရတာပါ၊

 တကယ်လို့ ဒီလိုလက်ရောက်မှုအတွက် တရားခံ မင်းသမီးကိုထောင်ဒါဏ်(၅)နှစ် (၁၀)နှစ်ချလိုက်ရင်လည်း မင်းသမီးဘက်က လိုက်ပြီး ပြောပြရေးသားသွားမှာပါပဲ၊ကျွန်
တော်ပြောချင်တာ ပြစ်ဒါဏ် မမျှတမှုအပေါ်ကိုသာ ပြောချင်တာပါ၊
အခု အမှုဖြစ်ခဲ့တဲ့ ဖြစ်စဉ်အပေါ်ကို သေခြာစွာစိစစ်မယ် ဆိုရင် သတင်းထောက်နဲ့ သရုပ်ဆောင်တို့ရဲ့ဖြစ်စဉ်ဆိုတာထက် တာဝန်ထမ်းဆောင်
သူနဲ့ကိုယ်ထိလက်ရောက် ကျူးလွန်သူတို့ရဲ့ ဖြစ်စဉ်လို့ပဲပြောရမှာပါ၊ဒီနေရာမှာ သတင်းထောက်မှားခြင်းမှန်ခြင်း၊သရုပ်ဆောင် မှန်ခြင်းမှားခြင်းတွေကို
မပြောလိုပါဘူး၊ဥပဒေမဲ့ ပြုမူခဲ့ခြင်းအပေါ်ပြောချင်တာပါ၊အမှန် ကိုယ့်ရဲ့ ဂုဏ်သိက္ခာကို ထိပါးတယ်လို့ သရုပ်ဆောင်က ယူဆရင် ဥပဒေကြောင်းအရ တရား
စွဲလို့ရနိုင်သလို အယ်ဒီတာချုပ်ထံတိုင်ကြားပြီး အရေးယူခိုင်းလို့လည်း ရနိုင်ပါတယ်၊(သတင်းထောက်းမှားတယ်မပြောဘူးနော်)၊ဒီနေရာမှာ အရိုက်ခံလိုက်
ရတဲ့ သတင်းထောက်မလေးကို ကျွန်တော်ချီးကျူးတာတစ်ခုက ကိုယ့်အပေါ် ကိုယ်ထိလက်ရောက် စော်ကားတာကိုပင် ပြန်မတုန့်ပြန်ပဲ ဥပဒေကြောင်းအရ
ပြန်ဖြေရှင်းတာ မှန်ကန်တဲ့ တုန့်ပြန်ချက်ပါ၊ကိုယ်နေထိုင်ရာတိုင်းပြည်ရဲ့ ဥပဒေကိုယုံကြည်လိုက်မိတယ်လို့သုံးသပ်ရမှာပါ၊သို့သော် သူယုံကြည်ခဲ့တဲ့
ဥပဒေရဲ့ ဆုံးဖြတ်ချက်ကတော့ မထင်လောက်နိုင်လောက်အောင်ပါပဲ၊ဒါဏ်ငွေ၁၀၀၀ပေးဆောင်စေတဲ့၊တကယ်လို့ သတင်းထောက်မလေးက
သရုပ်ဆောင်မင်းသမီးကို ပြန်တုန့်ပြန်ခဲ့ရင်ရော ရုံးတော်က ဒါဏ်ငွေတစ်ထောင်ပေးဆောင်စေလို့ပဲ ဆုံးဖြတ်ပါ့မလား..၊
ထားပါတော့၊တရားသူကြီးအနေနဲ့ သတင်းထောက်မလေး မှားသွားလို့ ရိုက်တဲ့သူရဲ့ ပြစ်ဒါဏ်ကိုလျော့ပေါ့စွာ စဉ်းစားဆုံးဖြတ်တယ်ဆိုရင်လည်း
ကျွန်တော့်မှာပြောစရာရှိပါတယ်၊ဥပမာပေါ့ဗျာ..၊ဥပမာနော်၊တရားရုံးတစ်ခုမှာ တရားရုံးစာရေးက အမှုတစ်ခုလာတင်တိုင်း တရားလိုကိုရော တရားခံ
ကိုပါ အမှုတင်ခ တစ်ယောက်၅၀၀၀တောင်းတယ်ဆိုပါစို့၊အဲဒါနဲ့ တရားခံက မကျေနပ်လို့ တရားရုံးစာရေးကို လက်သီးနဲ့(တစ်ချက်ထဲ)ဆွဲထိုးမယ်
ဆိုရင်ရော ထိုးလိုက်သူတရားခံဟာအမှန်တရားပဲက ရပ်တည်တာပဲ ဆုံးဖြတ်လိုက်မယ်ကွာ ဒါဏ်ငွေ၁၀၀၀လို့ ဟုတ်နိုင်ပါ့မလား..၊ဘယ်ဟုတ်နိုင်ပါ့မလဲဗျာ၊
တပ်လိုက်မယ့် အမှုတွေ..၊တာဝန်ဝတ္တရားနှောက်ယှက်မှုတို့၊တရားရုံးတော်ကို မထေမဲ့မြင်ပြုမှုတို့၊နာကျင်စေမှုတို့.........မှု..................မှု တို့ ။
ထားပါတော့၊နောက်ထပ်ထားလိုက်ပါတော့ဗျာ၊တရားရုံးတော်ရဲ့ စီရင်ချက်ဟာ တရားခံအတွက် နောက်နောင် ပြစ်မှုကျူးလွန်ရန် ဟန့်တားနိုင်လောက်
တဲ့ ပြစ်ဒါဏ်မျိုး ဖြစ်ရမယ်လို့ ကျွန်တော် အရပ်ကြား ကြားဖူးပါတယ်၊အခု ဒါဏ်ငွေ ၁၀၀၀ဟာ ထိရောက်ဟန့်တားလောက်တဲ့ ပြစ်ဒါဏ် ဟုတ်ရဲ့လားဗျာ..၊
ကျွန်တော်ထင်ပါတယ်၊ကျွန်တော်သာ အင်တာဗျူးခံရတဲ့သူဖြစ်နေရင် ကိုယ်စိတ်မကြည်စရာ မေးခွန်းမေးတိုင်း ၁၀၀၀ပေးပြီး သတင်းထောက်ကို ရိုက်နေ
တော့မှာပေါ့ဗျာ၊သတင်းထောက်ဘက်ကလည်း တွေးကြည့်လိုက်ပါဦး၊နောက်ကို သတင်းထောက်ရဲပါဦးမလားလို့ကျွန်တော်ပြောတာ သရုပ်ဆောင်ကိုမုန်းလို့
မဟုတ်ဘူးနော်၊ ပြစ်ဒါဏ်ဟာ လူကြားရင် ရယ်စရာဖြစ်နေလို့..၊အခုလို ဒါဏ်ငွေ၁၀၀၀ ချလိုက်တဲ့အပေါ် သက်ဆိုင်ရာ ဂျာနယ်တာဝန်ရှိသူတွေ၊ကိုယ်ရဲ့
မီဒီယာလောက ကို ကာကွယ်ချင်ပါတယ်ဆိုတဲ့ ဆရာကြီးတွေ ဘာပြောမှာလဲဆိုတာတော့ ကျွန်တော် စိတ်ဝင်စားလှပါတယ်၊၊ဘာမှ မပြောတော့ပါဘူးဆိုရင်လည်း
““ ဟုတ်ကဲ့..ကျွန်တော်တို့ ခင်ဗျားတို့အားလုံးဟာ ကိုယ့်သမိုင်း ကိုယ်ရေးနေကြတဲ့သူတွေ””သာ ဖြစ်တယ်ဆိုတာ ပြောပြလိုက်ချင်ပါတယ်...(ဟာဂျူလီ.ကသာ )
(နောက်ပြောချင်တာက သရုပ်
ဆောင်အနေနဲ့ ..ပိုက်ဆံလေး တစ်ပဲခြောက်ပြားလောကသာရတဲ့သတင်းထောက်တွေကများ...ဆိုတဲ့အသုံးအနှုန်းအပေါ် အဲဒီအချိန်က
စာပေနဲ့စာနယ်ဇင်းဆိုတဲ့ အဖွဲ့က ဘာမှ အရေးမယူခဲ့တဲ့အပေါ်..၊ကိုယ်တာဝန်ယူထားတဲ့ စာပေသမားများအပေါ် ဘာအကာအကွယ်မှ မပေးနိုင်လောက်တဲ့
အဖွဲ့ ဖြစ်မသွားပေဘူးလား၊ဆိုတာလေးလည်း ပြန်တွေးလိုက်ကြစမ်းပါ)

 (ဟာဂျူလီ.ကသာ)