သီးစားခ ပိုမပေးနိုင်သူ လယ်သမားများကို လယ်လုပ်ခွင့် ရုတ်သိမ်းမည်ဟု မြန်မာရေတပ်က ခြိမ်းခြောက်

မောင်အေး
------------
ရခိုင်ပြည်နယ် ကျောက်ဖြူ အခြေစိုက် ဓည၀တီ ရေတပ်ဌာနချုပ်မှ ၎င်းတို့ သီးစားချထားသည့် လယ်မြေများ အတွက် သီးစားခ စပါးကို ပိုမပေးနိုင်လျှင် လယ်လုပ်ပိုင်ခွင့်ကို ရုတ်သိမ်းမည်ဟု လယ်သမားများကို ခြိမ်းခြောက်ထားကြောင်း သတင်း ရရှိသည်။

" သူတို့က သူတို့ တောင်းတဲ့ စပါးကို မပေးသွင်းနိုင်ရင် နောက်လာမယ့်နှစ်အတွက် လယ်လုပ်ခွင့်ကို ရုတ်သိမ်းမယ်ဆိုပြီး လယ်သမားတွေကို ခြိမ်းခြောက်ထားပါတယ်။ ဒါကြောင့် ကျွန်တော်တို့ ရွာက လယ်သမားတွေ အခက်ကြုံနေကြရပါတယ်" ဟု ကျောက်ဖြူမြို့နယ် စစ်တော ကျေးရွာမှ လယ်သမားကြီး တစ်ဦးက ပြောသည်။

စစ်တောကျေးရွာမှာ ဓည၀တီ ရေတပ် စခန်း အနီးတွင် တည်ရှိပြီး ၁၉၉၂ ခုနှစ်က ရေတပ် ချရန်ဟု အကြောင်းပြကာ လယ်ဧက အများအပြားကို သိမ်းယူသွားခဲ့သည်။ ထိုအထဲမှ လယ် ၁၇၃ ဧကတွင် တပ်အတွက် မည်သည့် အဆောက်အဦးမှ မဆောက်ဘဲ လယ်သမား ၄၃ ဦးကို သီးစားချပြီး ဌားရမ်းထားကြောင်း သိရသည်။

" သူတို့က လယ်မြေ အတော်များများမှာ တပ်အဆောက် အဦးတွေ ဆောက်ပါတယ်။ ပိုနေတဲ့ အသုံးမလိုတဲ့ လယ်တွေကို ပိုင်ရှင် လယ်သမားတွေကို သီးစား ပြန်ချပါတယ်။ အရင်က တစ်ဧက ၅ တင်းနုန်းနဲ့ပါ။ ဒီနှစ်မှာတော့ တစ်ဧက ၁၃ တင်းထိ တိုးတောင်းပါတယ်။ ရေတပ်က တောင်းတဲ့ ၁၃ တင်းကို ပေးလိုက်ရင် လယ်သမားတွေမှာ ဘာမှ မကျန်ဘူး။ မပေးပြန်ရင်လည်း လယ်လုပ်လို့ မရတော့ဘူးဆိုတော့ လယ်သမား ၄၃ ဦးက ဘေးကျပ် နံကျပ် ဖြစ်နေကြပါတယ်" ဟု လယ်သမားကြီးက ဆက်ပြောသည်။

လယ်သမားများမှာ ရေတပ်က တောင်းသော တစ်ဧက အတွက် စပါး ၁၃ တင်းကို မပေးဘဲ တင်းခံနေရာမှ ယခုကဲ့သို့ လယ်လုပ်ပိုင်ခွင့် ရုတ်သိမ်းမည်ဟု ရေတပ်က ခြိမ်းခြောက်လာခြင်း ဖြစ်သည်။

အဆိုပါကိစ္စနှင့် ပတ်သက်ပြီး ဓည၀တီ ရေတပ် စခန်းသို့ ဆက်သွယ်မေးမြန်းနိုင်ခွင့် မရခဲ့သော်လည်း စစ်တောကျေးရွာ ဈေးထဲတွင် နေထိုင်သူ ရေတပ်မှ အငြိမ်းစား တပ်ကြပ် တစ်ဦးကို မေးမြန်းရာ သူက ယခုလို ပြောသည်။

" တပ်က ဘာကြောင့် ခုလို ပိုတောင်းတယ်ဆိုတယ်ဆိုတာ တရားဝင် တိတိကျကျ မသိရပါဘူး။ ဒါပေမယ့် တပ်ထဲက လာတဲ့ သတင်းအရ အထက်က တိုတောင်းဖို့ ခိုင်းတဲ့ အတွက် တိုတောင်းတယ်လို့ဘဲ သိရပါတယ်" ဟု ပြောသည်။

ရေတပ်မှ သီးစားခ စပါး တိုးတောင်းနေမူနှင့် ပတ်သက်ပြီး ရခိုင်တိုင်းရင်းသားများ တိုးတက်ရေး ပါတီရုံကို ဆက်သွယ်ရာ ပြောခွင့်ရသူ ဦးသန္တာမောင်မောင်က ယခုလို ပြောသည်။

" အခု ဒီကိစ္စ ပြည်သူ့ လွှတ်တော် အမတ် ဦးဘရှင်ဆီကိုလည်း ရွာသားတွေက တိုင်ကြား ထားပါတယ်။ အခု သိရတာက ရွာသားတွေက ရေတပ်မှ မတရား စပါး အတင်း တောင်းနေတဲ့ အတွက် လယ်မားများကလည်း မြို့နယ်အုပ်ချုပ် ရေးမှူး၊ ပြည်နယ်ဝန်ကြီးချုပ်၊ နိုင်ငံတော် သမ္မတ အပါအ၀င် ကာကွယ်ဝန်ကြီးဌာနနှင့် ကာကွယ်ရေး ဦးစီးချုပ် ထံသို့  စာရေးတိုင်ကြားမယ် ဆိုပြီး ပြင်ဆင်နေပါတယ်" ဟု ပြောသည်။

ကျောက်ဖြူမြို့နယ် အနှံ့အပြားတွင် ရေတပ်မှ အလားတူ ရေတပ် တည်ဆောက်ရန်ဟု အကြောင်းပြချက်ဖြင့် လယ်သမားများ ပိုင်ဆိုင်သည့် လယ်မြေအမြောက် အများကို သိမ်းယူထားကြောင်း သူကဆက်ပြောသည်။

" စစ်တောကျေးရွာက လယ်သမား ၄၃ ဦးရဲ့ လယ်ဧကက ၁၇၃ ဧက ပါသွားသလို တခြားရွာတွေ ဖြစ်တဲ့ စိုင်ခြုံ ကျေးရွာ၊ ဂုံးချိန်ရွာ၊ အုန်းတောရွာနဲ့ စေတီရင့်ကျေးရွာက လယ်တွေကိုလည်း စစ်တပ်က သိမ်းထား ပါတယ်။ သိမ်းပီးရင် ခုလိုဘဲ သီးစားချထားပါတယ်"ဟု ပြောသည်။

ဘိုးစဉ်ဘောင်ဆက် ပိုင်ဆိုင်လာသည့် ရခိုင် လယ်သမားများ၏ လယ်မြေများကို စစ်တပ်မှ အတင်း သိမ်းဆည်းပြီး ဗြိတိသျှ နယ်ချဲ့ခေတ်က ရှိခဲ့သော ချစ်တီး ကုလားများကဲ့သို့ သီးစားချနေသည့် စနစ်ကို မြန်မာနိုင်ငံတွင် ပြန်လည် ကျင့်သုံးနေသည်မှာ ရခိုင်ပြည်နယ်တခုတည်းတွင်သာ ရှိကြောင်း သိရသည်။

ပြည်သူများ၏ အသက်အိုးအိမ်ကို စောင့်ရှောက်နေသည်ဟုပြောဆိုနေသည့် မြန်မာစစ်တပ်က ယခုကဲ့သို လယ်မြေများကို သိမ်းဆည်းပြီး လူထုကို အနိုင်ကျင့်နေသဖြင့် ဦးသိန်းစိန် ဦးဆောင်သော အရပ်သား အစိုးရလက်ထက်တွင် အဆိုပါ စနစ်ကို ဖျက်သိမ်းရန် ရခိုင်ပြည်သူများက အထူး လိုလား နေကြကြောင်း သတင်းများ ရရှိသည်။

-------------------------------------------------------------------------------------------------------------------------------
.: နိရဉ္စရာမှ သတင်းများကို မည်သူ မဆို လွတ်လပ်စွာ အသုံးပြုနိုင်ပါသည်။ သို့သော်လည်း သတင်း ရင်းမြစ်နေရာတွင် နိရဉ္စရာ၏ အမည်ကို ရေးသား ဖေါ်ပြပေးစေလိုပါသည်။