ပုဂံညောင်ဦးဒေသသို့ ရောက်ရှိလာသော နိုင်ငံခြားသား ခရီးသွားများအား စက်တင်ဘာလက တွေ့ရစဉ် ဓါတ်ပုံ-ကိုနော် (ပုဂံ)
အဆိုပါစာချုပ်တွင် လေးနိုင်ငံ ပူးပေါင်း၍ တစ်ခုတည်းသော ခရီးသွားဗီဇာစနစ်အား ဆက်လက် အကောင်အထည်ဖော်ရေး ပူးပေါင်းဆောင်ရွက်သွားမည်ဖြစ်ပြီး၂၀၁၅ ခုနှစ်တွင် လေးနိုင်ငံအကြား ခရီး သွား ၁၅ သန်းဝင်ရောက်၍ အဆိုပါ ၁၅ သန်းမှ လေးသန်းမှာ လေးနိုင်ငံအကြား အလွယ်တကူ သွားလာနိုင်မည့် တစ်ခုတည်းသော ခရီးသွား ဗီဇာ (Four Countries, One Destination) ကိုင်ဆောင်နိုင်ရေးအတွက် တစ်ခုတည်းသော ဗီဇာထုတ်ပေးနိုင်ရေး အတွက်လည်း လုပ်ဆောင်သွားမည်ဖြစ်ကြောင်း သိရှိရသည်။
အဆိုပါ သဘောတူစာချုပ်အား စက်တင်ဘာလ ၁၄ ရက်နေ့က ဟိုချီမင်းစီးတီးတွင် ကျင်းပသည့် CLMV လေးနိုင်ငံခရီးသွားလုပ်ငန်း ၀န်ကြီးများ အစည်းအဝေး၌ CLMV လေးနိုင်ငံမှ ၀န်ကြီးများက လက်မှတ်ရေးထိုးခဲ့ခြင်း ဖြစ်သည်။
“CLMV နိုင်ငံတွေအကြားမှာ ကမ္ဘာလှည့်ခရီးသည် သွားလာမှုက ၂၀၁၁ ခုနှစ်မှာ တိုးတက်လာခဲ့ပြီး လေးနိုင်ငံအကြား သွားလာမှုက ၁၂ သန်း ၀န်းကျင်ရှိခဲ့ပါတယ်”ဟု ဟိုတယ်နှင့်ခရီးသွားလာရေးလုပ်ငန်း ၀န်ကြီးဌာနမှ တာဝန်ရှိသူတစ်ဦးက ပြောကြားခဲ့ပါသည်။
မြန်မာနိုင်ငံအနေဖြင့် ကမ္ဘာလှည့်ခရီးသွား ၀င်ရောက်မှုနှုန်းမှာ နှစ်စဉ် တိုးတက်လာသည် ဆိုသော်လည်း အာဆီယံဒေသတွင်းနိုင်ငံများ နှင့် နှိုင်းယှဉ်ပါက နိမ့်ကျနေဆဲဖြစ်ကြောင်း သိရှိရပါသည်။
EMG
ဘကြီးသက်
0 မှတ်ချက်ကလေးရေးပေးနော်.:
Post a Comment