ဘိုးတော်ကိုးကွယ် ၊ ချဲတွက်သောမြန်မာတို့နှင့် ကလင်ဒါကျ NLD

တနေ့သ၌ ကျွန်ုပ်သည် မြန်မာလူမျိုးတို့၏ ထူးဆန်းသောဓလေ့စရိုက်များအကြောင်းကို စဉ်းစားနေလေ၏ ၊ ထိုသို့စဉ်းစားမိသည့်အထဲတွင် မြန်မာတို့၏ ရိုးရာယုံကြည်ကိုးကွယ်မှုများအကြောင်းလည်းပါ၏ ၊မြန်မာအများစုတို့သည် ထေရ၀ါဒ ဗုဒ္ဓဘာသာဝင်များဖြစ်ကြသည့်အလျောက် ဗုဒ္ဓဘာသာကို အများစု ယုံကြည်ကိုးကွယ်ကြလေသည် ၊ တစ်ချိန်တည်းမှာပင် ထေရ၀ါဒ အဆုံးအမနှင့် လားလားဆန့်ကျင်သော နတ်ကိုးကွယ်ခြင်း ၊ ဘိုးတော် ယုံကြည်ခြင်း ၊ လက်ဖွဲ့ အင်း အိုင် အစရှိသည်တို့ကို အလွန်အမင်းယုံကြည်ခြင်းတို့ကို လည်း ပူးတွဲပြုလုပ်ကြပြန်လေ၏ ၊ ဘုရားစင်လည်းရှိ၏ နတ်အုန်းလဲဆွဲ၏ ၊ ဘိုးတော်ရုပ်ကိုလည်း ရေနွေးကြမ်းကပ်၏ ၊ အမ်းကုန်းဟုခေါ်သော ဦးတိပွားရုပ်ကိုလည်းတင်ထား၏ ၊ သူရဿတီမယ်တော်ကိုလည်း ပန်းဆက်ထားပြန်လေ၏ အံ့ဖွယ် မြန်မာတို့ပါတကားဟု တွေးမိ၏။

 ထိုသို့ပြုလုပ်ကြသူများထဲတွင် အဆင့်မြင့်ပညာတတ်ပါသည်ဆိုသော ပညာရှင်များလည်းပါ ၏ ၊ ဌာနဆိုင်ရာ အဆင့်မြင့်ရာထူးများကို ထမ်းဆောင်နေသူများလည်းပါ၏ ၊ ဆရာဝန်များလည်းပါ၏ စစ်ဗိုလ်များလည်းပါ၏ ၊ ကုန်သည်ကြီး ကုန်သည်လေး များမှ အစ ဈေးသည်များအဆုံး ပါ၏ ၊ ခြုံ၍ဆိုရသူ လူ့အဆင့်အတန်းမျိုးစုံပါ၏ ၊ ထိုသူတို့သည် စာပေပိဋကတ်အရာတွင်ကျွမ်းကျင်လှသော ဆရာတော် သမားတော်ကြီးများက ထိုသို့ပြုရန်မသင့်ပုံကို အကျိုးသင့်အကြောင်းသင့် ဆုံမတော်မူလျှင် ထိုဆရာတော်သမားတော်ကြီးများကို မဆိုင်းမတွဆိုသလို  မုန်းပစ်လိုက်ပြန်၏ ၊ ချဲနံပါတ်ပေးသော ဘုန်းကြီး ဘိုးတော် အစရှိသူတို့၏ ကျောင်းသင်ခန်းများတွင် လှူမည့်တမ်းမည့်သူများလှ၏ နေ့ညမပြတ် လူစည်ကားနေပြီး အမှန်တကယ် တရားကျင့်ကြံအားထုတ်နေတော်မူသော ဆရာတော်တို့ ထံတွင်ကား ကိုးကွယ်သူနည်းလှသည့် အဖြစ်ကိုကြည့်လျှင် ကိုးကွယ်သည့်အရာတွင် မြန်မာအများစုတို့ အလွဲကြီးလွဲနေပြီဟု မှတ်ယူရမည်သာဖြစ်၏ ။

အခြားဥပမာ တစ်ခုရှိသေး၏ ထိုင်းနိုင်ငံမှ ထုတ်သော ထီတစ်မျိုး၏ နောက်ဆုံး ဂဏန်း ၃ လုံးကို ယူကာ ချဲထီဟူသော အမည်ဖြင့် မြန်မာတို့ အစွဲကြီးစွဲနေသော ထီတစ်မျိုးရှိလေ၏ ၊ ထိုထီကို ထိုင်းနိုင်ငံတွင် လူအများရှေ့၌ ဖန်ပေါင်းချောင်ကဲ့သို့သောအရာထဲမှ ဂေါ်လီလုံးကလေးများကို နှိုက်ယူကာ ထီဖွင့်သည့်စံနစ်ဖြင့် ဆောင်ရွက်ကြသည်ကို ယခုကဲ့သို့ အိုင်တီခေတ်ကြီးထဲတွင် လူတိုင်းသိကြ၏ ၊ ထိုသို့သိပါလျှက်နှင့်ပင် မြန်မာတို့သည် ထိုဂဏန်းကို တွက်ကြလေ၏ ၊ ကြံကြံဖန်ဖန်တွက်နည်းပေါင်းမြောက်များစွာရှိလေ၏ ၊ ချိုင်းဟူသော ဂဏန်းများရေးထားသည့် စာရွက်အမျိုးမျိုးကို တစ်စိမ့်စိမ့်ကြည့်ကာ  ဖေါ်ထုတ်ကြသူများလည်းရှိ၏ ၊ နှစ်ရှည်လများက ပေါက်ဂဏန်းများကို စီကာစဉ်ကာရေးထားသည့် ကလင်ဒါ ဟူသော ပေါက်စဉ်ဇယားတစ်ခုပေါ်တွင် မျှားများ လေးထောင့်ကွက်များ ဖြင့် ရှုပ်ရှက်ခတ်အောင် ဆွဲရင်း ယခုလာမည့် ပေါက်ဂဏန်းကို မှန်းဆသူများကလည်းမရှား ၊ ထိုသို့ပြုလုပ်ရင်းမှ ဖေါ်ထုတ်ရရှိသော ဂဏန်းကို ကလင်ဒါကျ ဂဏန်းဟု ခေါ်ပြန်လေ၏ ။ ချဲပေးသော ဘိုးတော် ၊ ဘုန်းကြီးအစရှိသူတို့၏ ကိုယ်လက်နှုတ်အမူအယာ ၊ စားသောအစားအသောက် ၀တ်ဆင်သော အရောင် တို့ကို တစ်နေကုန်ထိုင်ကြည့်ကာ ချဲဂဏန်းဖေါ်နေသော အံ့ဖွယ် မြန်မာများလည်းရှိလေ၏ ။ကြက်ကန်းတိုး၍ တိုက်ဆိုင်သွားသူများလည်းရှိလေ၏ ၊ လွဲသွားသူတို့ကား ပို၍များ၏ ထိုသို့လွဲသွားသည့်တိုင် မြန်မာတို့သည် အရှုံးကို လက်မခံပဲ ပါဝါနှင့်ထွက်သွားသည်ဆိုကာ ဇွတ်ရော အတင်းရောဆိုသလို တည့်ယူကြပြန်လေ၏ ထိုပါဝါမှာလည်း မြန်မာပါဝါ ၊ ထိုင်းပါဝါဟူပြီး နှစ်မျိုးနှစ်စားခွဲကာ မိမိအယူအဆနှင့်မကိုက်မချင်းဇွတ် တွက်ယူကြပြန်လေ၏ ထူးဆန်းလှသော မြန်မာတို့၏ စိတ်ပါတကားဟု မှတ်ချက်ပြုမိလေ၏ ။

 

မြန်မာတို့အရူးထသည့် ချိုင်းတစ်မျိုး

  ထိုသို့ပြုလုပ်ကြသူများထဲတွင် အထက်က ဖေါ်ပြခဲ့သကဲ့သို့ အဆင့်မြင့်ပညာတတ်ပါသည်ဆိုသော ပညာရှင်များလည်းပါ ၏ ၊ ဌာနဆိုင်ရာ အဆင့်မြင့်ရာထူးများကို ထမ်းဆောင်နေသူများလည်းပါ၏ ၊ ဆရာဝန်များလည်းပါ၏ စစ်ဗိုလ်များလည်းပါ၏ ၊ ထိုချဲထီကို ဖမ်းရန်တာဝန်ရှိသော ရဲများလည်းပါ၏ ကုန်သည်ကြီး ကုန်သည်လေး များမှ အစ ဈေးသည်များအဆုံး ပါ၏ ၊ ခြုံ၍ဆိုရသူ လူ့အဆင့်အတန်းမျိုးစုံပါနေပြန်လေ၏ ။ထိုထီကိုလွယ်လွယ်ကူကူနှင့်ထိုးရသည်မဟုတ် အစိုးရက လောင်းကစားဥပဒေနှင့် ထိန်းချုပ်ထားသည့်ကြားမှ ပုံးကာဝှက်ကာဖြင့်မရရအောင်ထိုးရခြင်းဖြစ်လေ၏ ၊ ပေါက်လျှင်လည်းအလျှော်ရရန်မသေချာ ၊ ဒိုင်မည်သူမည်ဝါမှန်းမသိပဲ တဆင့်ခံဖြင့်ထိုးကာ အရူးကြီး ရူးကြလေသူ အများအပြားပင်ရှိသည်ကို တွေ့ ရပြန်ရာ ထိုမြန်မာတို့၏ အနာဂါတ်ကို တွေးရင်း စိတ်မသက်မသာဖြစ်မိ ၏ ။ထိုသို့လွဲနေကြသူများမှာ လူနည်းစုမဟုတ် လူများစုဖြစ်သည်ကို မြန်မာပြည်သူအားလုံး သိရှိကြလေ၏ ။ထီထိုးသည့်အရာတွင်လည်း မြန်မာတို့ လွဲပြန်လေပြီ...........။

မာယာမပါ ပရိယာယ်မပါ ရိုးရှင်းဖြောင့်မတ်တည်ကြည်လှသော သဗ္ဗေညုတရွှေဥာဏ်တော်ကြီးဖြင့် ဆုံမတော်မူခဲ့သော ဗုဒ္ဒ၏ အဆုံးအမများအခိုင်အမာရှိပါလျှက် တလွဲကိုးကွယ်ယုံကြည်နေကြသောမြန်တို့ ၊ မာယာမပါ လှည့်ကွက်မပါ ကံသက်သက်ဖြင့်လှည့်ထုတ်သော ထီမှန်းသိပါလျှက် ချိုင်းဖြင့်မှန်းသူမှန်း ကလင်ဒါ ဖြင့်ဖမ်းသူဖမ်း ဘိုတော် အားကိုးဖြင့် တွက်သူတွက် ဖြစ်ရလောက်အောင် အယူအဆလွဲသော မြန်မာတို့  မာယာ ပရိယာယ်များလှသော နိုင်ငံရေး ရွေးချယ်မှုတွင် အမှန်နဲ့ နိးစပ်စွာ ရွေးချယ်နိုင်ပါရဲ့လားဆိုတာ စဉ်းစားစရာ ပါ.... ......အများစုရွေးချယ်ခဲ့သည်ဆိုတိုင်း အမှန်ဖြစ်ပါရဲ့လား တွေးနေမိတယ်.....။

ဒေါက်တာဆိတ်ဖွား