ရောင်းကုန်မဟုတ်ပါ

 

'မချစ်မနှစ်သက်သောသူနှင့် ပေါင်းဖက်ရခြင်းသည် ဝဋ်ကြွေးတစ်ခုဖြစ်သည်' ဟု မြန်မာအမျိုးသမီး အများစုက ယုံကြည်ထားကြသည်။ ဤသို့ ဆိုလျှင် မိမိကိုယ်မိမိ သက်မဲ့ရောင်းကုန်တစ်ခုသဖွယ် တနယ်တကျေးတွင် သူစိမ်းတရံ၏ လက်သို့  ဝကွက်အပ်၍ ရောင်းချခံရသည့် ညီမငယ်များ၏ အဖြစ်ကိုမူ အရှင်လတ်လတ် ငရဲတွင်းသို့ သွတ်သွင်းခံရသည်ဟု ဆိုလျှင် လွန်အံ့မထင်ချေ။

.

စစ်တမ်းများအရ နှစ်စဉ် သိန်းဂဏန်းချီသော မြန်မာများသည် ထိုင်း၊ တရုတ်၊ မလေးရှား၊ ဘင်္ဂလားဒေ့ရှ်၊ ပါကစ္စတန်၊ တောင်ကိုရီယား အစရှိသော နိုင်ငံများသို့  လူကုန်ကူးခံရသည်ဟု ဆိုသည်။ အမျိုးသားများသည် ငါးဖမ်းစက်လှေများသို့  အလုပ်လုပ်ရန် ရောင်းချခြင်းခံရပြီး ကလေးများမှာမူ သူတောင်းစားအဖြစ် ထိုင်းနိုင်ငံသို့  တင်ပို့ ခြင်း ခံရသည်။ အမျိုးသမီးများမှာ ပြည့်တန်ဆာအဖြစ် လည်းကောင်း၊ သတို့ သမီးအဖြစ်လည်းကောင်း ရောင်းချခြင်း ခံရသည်ဟု ဆိုသည်။ ထိုကဲ့သို့ ရောင်းချခံရသူ အမျိုးသမီးအများစုမှာ အသက် ၁၄ နှစ်မှ ၁၉ နှစ်အတွင်း ဟု ဆိုသည်။

.

ဥပဒေအရ မြန်မာနိုင်ငံတွင် ယင်းသို့ လူကုန်ကူးမှုအတွက် ငွေဒဏ်နှင့် ပူးတွဲ၍ ထောင်ဒဏ် ၁၀ နှစ်ထိ ချမှတ်နိုင်သည် ဆိုသော်လည်း နှစ်စဉ်နှစ်တိုင်း ထောင်ပေါင်းများစွာသော မြန်မာ့သမီးပျိုများသည် တဖက် နိုင်ငံသို့ ရောင်းချခြင်း ခံနေရသည်။ မိန်းကလေးအများစုမှာ ရှမ်းပြည်နယ်၊ မန္တလေးတိုင်း၊ ရန်ကုန်တိုင်းနှင့် ကချင်ပြည်နယ်တို့ မှ ဖြစ်သည်။ ထိုမိန်းကလေးတို့ အား အိမ်နီးချင်း တရုတ်နိုင်ငံမှ အမျိုးသားများမှ ဇနီးအဖြစ် ဝယ်ယူပေါင်းသင်းသည်ဟု သိရသည်။

.

တရုတ်နိုင်ငံ၏ နှစ် ၃၀ကျော် ကျင့်သုံးခဲ့လေသော တစ်မိသားစုတွင် ကလေးတစ်ယောက်နှုန်းထက် ပိုယူခွင့် မရှိ ဟူသော စနစ်ကြောင့် ယခုအခါ တရုတ်နိုင်ငံ၏ ကျားမ ဦးရေ အချိုးအစားမှာ သိသိသာသာ မမျှမတ ဖြစ်လာ ချေ၏။ အကြောင်းမှာ အယူသီးသော တရုတ်မိဘများမှ သမီးမိန်းကလေးဆိုပါက မမွေးလိုကြသဖြင့် တိတ်တဆိတ် ကိုယ်ဝန်ဖျက်ချခြင်း၊ စွန့် ပစ်ခြင်း စသော နည်းလမ်းများဖြင့် သုတ်သင်ပစ်ကြသောကြောင့် ယခုအခါ တရုတ်နိုင်ငံတွင် အမျိုးသမီးဦးရေ သိသိသာသာ နိမ့်ပါးလာပြီး များစွာသော တရုတ်အမျိုးသားများမှာ အိမ်ထောင်ဖက်ရှာရာတွင် အခက်အခဲ ရှိလာလေသည်။ ထိုအခါ ယင်းတရုတ်အမျိုးသားတို့ သည် နွမ်းပါးသော အာရှနိုင်ငံများဖြစ်သည့် ဗီယက်နမ်၊ မြန်မာ၊ မြောက်ကိုရီးယား စသော နိုင်ငံများမှ အမျိုးသမီးငယ်များကို ဇနီးအဖြစ် ဝယ်ယူကြလေသည်။ အသက် ၁၈နှစ်အရွယ် အရွယ်ကောင်း ရုပ်ရည်သင့်တင့်သူ မိန်းမငယ် တစ်ဦးအား ဈေးကွက်ပေါက်ဈေး တရုတ်ငွေ ယွမ် ၅၀,၀၀၀ အထိ ရောင်းချသည်ဟု ရွှေလီဒေသမှ ဒေသခံများမှ ဆိုသည်။ လူပွဲစားတို့ သည် သမာသောနည်းဖြင့် ဖြစ်စေ၊ မသမာသောနည်းဖြင့် ဖြစ်စေ သူရို့ တင်သွင်းလာသော ညီမငယ်များကို မြို့လယ်ခေါင်ရှိ တစ်ခုသောဈေးရှေ့တွင် ကုန်ပစ္စည်းများသဖွယ် အပြထား၍ 'လာပါ၊ ဝယ်ပါ' တကြော်ကြော်ခေါ်ကာ ရောင်းဝယ်ဖောက်ကားကြသည်။ မိန်းကလေးတစ်ဦးလျှင် အသက်အရွယ်အရ ယွမ် ၆၀၀၀ မှ ယွမ် ၅၀,၀၀၀ အတွင်း ဈေးအမျိုးမျိုးရှိသည်ဟု သိရသည်။

.

ထိုသို့ ထောင်ပေါင်းများစွာသော မြန်မာမိန်းကလေးများအား ဇနီးမယားအဖြစ် ရောင်းကုန်သဖွယ် ရောင်းချခြင်း ခံရပါသော်ငြား မြန်မာလူထုသည် အနှီကိစ္စကို အဘယ်ကြောင့် ကျယ်ကျယ်ပြန့် ပြန့်  မသိကြလေသနည်း။ အကြောင်းမှာ ထိုမိန်းကလေးများသည် အသွားသာ ရှိပြီး အပြန်မရှိသောကြောင့်ပင်တည်း။ သနားစရာ ညီမငယ်အများစုအား သူရို့၏ ခင်ပွန်းများမှ ငွေပေး၍ဝယ်လာသော (နားနှင့်မနာ၊ ဖဝါးနှင့်နားပါ) အဝှာပြုစရာ သတ္တဝါတစ်ကောင်ဟုသာ သဘောထား ဆက်ဆံကြကုန်၏။ ယင်းခင်ပွန်း၏ မိသားစုမှလည်း မိသားစုပိုင် ကျေးကျွန်သဖွယ် အနိုင့်ထက်ပြုကြကုန်၏။ ဤသို့ ဖြင့် ကာလကြာသော် များစွာသော မြန်မာညီမငယ်များသည် ထိုဝဋ်ကြွေးမှ လွတ်မြောက်ရန် မိမိကိုယ်မိမိ အဆုံးစီရင်ကြကုန်၏။

.

အဘာဟူသော တိုင်းရင်းသားမလေးသည် မူဆယ်ဇာတိဖြစ်သည်။ သူမ အသက် ၁၂ နှစ်အရွယ်တွင် လူမဆန်သော လူပွဲစားအချို့၏ ဖမ်းဆီးခြင်းကို ခံရပြီး တဖက်နိုင်ငံ ယူနန်ပြည်နယ်တွင် ရောင်းချခြင်း ခံခဲ့ရသည်။ သူမအား လယ်သမားမိသားစုတစ်ခုမှ ယွမ်၂၀,၀၀၀ ဖြင့် ဝယ်ယူခဲ့သည်။ ထိုစဉ်က သူမသည် အသက်အရွယ် ငယ်လွန်းသဖြင့် ယာထဲတွင်သာ အလုပ်လုပ်စေခဲ့သည်။ သူမအား ထိုမိသားစု၏ သားဖြစ်သူ အတွက် ဇနီးအဖြစ် ပေါင်းသင်းရန် ဝယ်ယူခဲ့ခြင်း ဖြစ်သည်။ ဘာသာစကား အခက်အခဲကြောင့် အဘာသည် မည်သူနှင့်မျှ စကားစမြည် ပြောဆိုနိုင်ခြင်း မရှိခဲ့ချေ။ နေ့ စဉ်လုို ထိုမိသားစုဝင်များ၏ ရိုက်နှက်မှု ကို ခံရရှာသည်။ အဘာ အသက် ၁၆ နှစ်အရွယ်ရောက်သော် ယင်းမိသားစုမှ သူမအား သူရို့၏ သားဖြစ်သူနှင့် ထိမ်းမြားပေးရန် စီစဉ်လေသည်။ သူမ ကံကောင်းပါသည်။ မင်္ဂလာဆောင်မတိုင်မီတွင် ဒေသတွင်း ကင်းလှည့်လာသော ရဲတပ်ဖွဲ့ဝင်များနှင့် အဘာတစ်ယောက် ပက်ပင်းတိုးခဲ့ရပြီး သူမ၏ အဖြစ်အပျက်ကို တိုင်ကြားနိုင်ခဲ့သည်။ ထိုစဉ်က ရွှေလီတွင် သုံးနှစ်တာ ကျင်လည်ခဲ့ရသော အဘာသည် သူတို့ ဘာသာစကားကို ရေလည်စွာ ပြောဆိုတတ်ပြီ ဖြစ်သည်။ ဤသို့ဖြင့် အဘာတစ်ယောက် သုံးနှစ်ကျော် ခွဲခွာနေရသော မိသားစုနှင့် ပြန်လည်ဆုံစည်းခဲ့ရသည်။ သူမ မိဘများ၏ ပြောကြားချက်အရ

.

'သမီးကလေး ပျောက်သွားတော့ ကျွန်မတို့  မူဆယ်ရဲကို တိုင်ခဲ့ပါတယ်။ ရဲကအမှုဖွင့်ပြီး ရှာပေးမယ်။ တရုတ်ငွေ ယွမ် ၆၀၀၀ တောင်းပါတယ်။ ကျွန်မတို့  ဘယ်လိုမှ မတတ်နိုင်ပါဘူး။ အဲဒါကြောင့် ကျွန်မတို့ သမီးလေး ပျောက်ဆုံးမှုအတွက် သက်ဆိုင်ရာကို တိုင်ကြားသော်ငြား အရေးယူဆောင်ရွက်ခြင်း မရှိခဲ့ပါဘူး။'

.

သူမကဲ့သို့ သော မိန်းကလေးများ မြန်မာပြည် အနှံ့ အပြားတွင် မည်ရွေ့မည်မျှ ရှိလေသတည်း။ ဆင်းရဲ နွမ်းပါးသော နိုင်ငံငယ်များတွင် လူကုန်ကူးမှုနှုန်း မြင့်မားသည်ဟု သိရသည်။ အကြောင်းမှာ ပြည်တွင်းတွင် နိုင်ငံရေး မငြိမ်သက်မှု၊ လာဘ်ပေးလာဘ်ယူမှု၊ စားသောက်ကုန်ရှားပါးမှု၊ အလုပ်အကိုင် ရှားပါးမှုတို့ အပြင် အာဏာပိုင်များ၏ လစ်လျူရှုမှုတို့ ကြောင့် ဖြစ်သည်။ စစ်တမ်းများအရ မြန်မာနိုင်ငံသည် လူကုန်ကူးမှုနှုန်း အမြင့်ဆုံး နိုင်ငံများထဲတွင် ပါဝင်ပြီး Tier - 3 ဝင် နိုင်ငံဖြစ်သည်။ ဆိုလိုသည်မှာ လူကုန်ကူးခြင်းနှင့် ပတ်သက်၍ နိုင်ငံတစ်နိုင်ငံအနေဖြင့် ရှိသင့်ရှိအပ်သော လမ်းစဉ်၊ မူဝါဒ၊ စီမံကိန်း၊ အကောင်အထည်ဖော် ဆောင်ရွက်ခြင်း အလျင်း မရှိသည့် နိုင်ငံတစ်နိုင်ငံ ဖြစ်သည်။

.

'စောင့်လေမျိုးနွယ်' ဟူသော စကားရှိပါသည်။ အမျိုးကောင်း မြန်မာမလေးများကို ထိုအဖြစ်ဆိုးမျိုးမှ ကာကွယ်ရန် အမျိုးသားရေးတစ်ရပ် အဖြစ်သတ်မှတ်၍ ကျွန်တော်/မ တို့ မှ တတ်အားသရွေ့ ပါဝင်စေလိုပါသည်။

.

'ငါတို့ လို အုပ်ချုပ်ခံ သာမန်ပြည်သူတွေက ဘာများ လုပ်ပေးနိုင်မှာလဲ' ဟု စောဒက တက်ကောင်း တက်ကြပေမည်။ ဟုတ်ကဲ့။ အုပ်ချုပ်သူ လူကြီးများမှ တိုင်းရေးပြည်ရေး တိုက်ရေးခိုက်ရေးများဖြင့် ရှုပ်ထွေးနေလေသောကြောင့် ယခုအရေးကို မေ့လျော့ကောင်း မေ့လျော့နေလိမ့်မည်။ ပြိုင်တူတွန်းလျှင် ရွေ့ပါသည်။ ကျွန်တော်/မ တို့ ၏ သမီးငယ် ညီမငယ်လေးများအား မြန်မာပြည်ဝယ် ဤသို့ သော အဖြစ်အပျက်များ ရှိပါသည်ဆိုသည်ကို သတင်းလက်ဆင့် ကမ်းပေးနိုင်ပါသည်။

.

'ကဲ .. သင့်မျက်စိရှေ့တွင် share ခလုတ်လေး ရှိနေပါသည်။ ညီညီညာညာ နှိပ်လိုက်ကြပါစို့ ။'

.

မှီညွှန်းကိုးကား

.

http://www.humantrafficking.org/countries/burma

.

http://www.telegraph.co.uk/news/worldnews/asia/burmamyanmar/8739403/Burmas-women-forced-to-be-Chinese-brides.html

.

http://eversion.news-eleven.com/index.php?option=com_content&view=article&id=375:cases-of-human-trafficking-to-china-account-for-691-percent-last-year&catid=43:bi-weekly-eleven-news&Itemid=110

.

http://www.allgirlsallowed.org/sex-trafficking-china-myanmar-border

.

http://www.trust.org/trustlaw/news/women-fleeing-myanmar-trafficked-as-china-brides/

.

http://www.foxnews.com/world/2012/01/11/us-envoy-myanmar-weak-against-human-trafficking/

.

http://www.globalpost.com/dispatch/china/100729/photos-human-trafficking-burma-myanmar