နေ့စွဲပျောက်နေသော သက္ကရာဇ်များ

ထောင်ဆိုတာ နံရံလေးဘက် အလယ်က ကျဉ်းမြောင်းတဲ့ ဧရိယာလေးကို ခေါ်တာပါ။ ထောင်ထဲမှာ သတင်းစကား မရှိ၊ မေတ္တာတရား ဆိုတာ ရှားပါးပစ္စည်း၊ လတ်ဆတ်မှုဆိုလို့ လေတောင်မှ မရှိတဲ့နေရာပါ။

အဲဒီ နေရာမှာ လူ ၃ မျိုး ရှိပါတယ်။ ပထမ တမျိုးက တကယ့် လူဆိုး လူမိုက်၊ ဒုတိယ တမျိုးက တရားမျှတမှုမရှိတဲ့ တရားစီရင်ရေးကြောင့် ထောင်ထဲကို ရောက်နေရတဲ့လူတွေ၊ နောက် တမျိုးကတော့ ယုံကြည်ချက်ကြောင့် ထောင်ထဲရောက်နေတဲ့ နိုင်ငံရေးအကျဉ်းသားတွေပေါ့။
...
မြန်မာနိုင်ငံရဲ့ အကျဉ်းထောင်တွေထဲမှာ နိုင်ငံရေး အကျဉ်းသား မရှိဘူးဆိုတဲ့အချိန်ဟာ မရှိသလောက်ပါပဲ။ ကိုလိုနီ ခေတ်ကစပြီး အခု စစ်အာဏာရှင်ခေတ်အထိ နှစ်ပေါင်းတရာ ကျော်ခဲ့ပါပြီ။ နိုင်ငံရေး အကျဉ်းသားတွေ စဉ်ဆက်မပြတ် ရှိနေကြဆဲပါပဲ။

ကျမ ခပ်ငယ်ငယ်က လွတ်ငြိမ်းချမ်းသာခွင့်နဲ့ လွတ်လာတဲ့ အဖေ့ သူငယ်ချင်း နိုင်ငံရေး အကျဉ်းသားတဦး အိမ်ကို လာလည်ခဲ့ဖူးတယ်။ သူ နဲ့အဖေ ပြောနေတဲ့စကား တချို့ကို ကျမ မှတ်မိနေပါသေးတယ်။ သူပြောတာက “နေရမယ်ဆိုရင်လဲ ထောင်ထဲမှာ နေမှာပဲ၊ နေချင်လွန်း လို့တော့ မဟုတ်ဘူး။ ဒါပေမယ့် အမှန်တရားအတွက် ဘယ်တော့မှ အရှုံး မပေးဘူး” တဲ့။ အဲဒီ စကားရဲ့ အဓိပ္ပာယ်ကို အဲဒီတုန်းက နားမလည်ခဲ့သေးပါဘူး။ ကျမ သေချာသိတဲ့အချိန် ၁၉၉၂ ခုနှစ်လောက်က ထောင်ထဲမှာ နိုင်ငံရေး အကျဉ်းသား ၃ ထောင် လောက် ရှိနေခဲ့ ပါတယ်။ အဲဒီ အချိန် မှာ ၁၁/ ၉၂ ကို န၀တ က ကြေညာခဲ့ပါတယ်။

အဲဒီကြေညာချက်အရ ကျမတို့က နိုင်ငံရေးသမားတွေ အများကြီး လွှတ်ပေးမယ် ထင်ခဲ့တာပါ၊ တကယ်တမ်းကျတော့ ၃၀၀ ကျော်ပဲ လွတ်ခဲ့တာပါ။ လွတ်တဲ့သူတွေက ပျော်တော့ပျော်ပါတယ်၊ အပြည့်အ၀တော့ မပျော်နိုင်ပါဘူး။ ဘာလို့လဲဆိုတော့ သေဖော်ရှင်ဘက်တွေ ထောင်ထဲမှာ ကျန်နေကြသေးတာကိုး။ ကျန်ခဲ့တဲ့ လူတွေအတွက် စိုးရိမ်နေတာလည်း ပါပါတယ်။

ပြီးခဲ့တဲ့ လကလည်း နိုင်ငံရေး အကျဉ်းသား နည်းနည်းကို လွှတ်ပေးလိုက် ပြန်တယ်။ စုစုပေါင်းပြန်လွှတ်လိုက်တဲ့ အကျဉ်းသား ၇၀၀၀ ကျော်မှာ နိုင်ငံရေး အကျဉ်းသားက ၂ ရာခိုင်နှုန်းလောက်ပဲ ပါတာပါ။ ဒါပေမယ့် တယောက်မှ မလွှတ်တာထက်စာရင် နည်းနည်းလွှတ်တာ ကိုပဲ မဆိုးဘူးလို့ ပြောရမယ် မဟုတ်လား၊ ကြိုဆိုရမှာပေါ့။ ဒါပေမယ့် လွှတ်ပေးဖို့ လိုသေးတယ်၊ မြန်မာပြည်က အကျဉ်းထောင်တွေထဲမှာ နိုင်ငံရေးအကျဉ်းသား ၂၀၀၀ ဝန်းကျင် ကျန်နေသေးတယ် ဆိုတာကိုတော့ ဆက်ပြောနေရမှာပါ။

ထောင်ထဲမှာ ယုံကြည်ချက်ကြောင့် အကျဉ်းကျခံနေသူတွေ ရှိနေသမျှ လူ့အခွင့်အရေးတွေ ပျောက်ဆုံး နေတယ်ဆိုတာ ပေါ်လွင် ထင်ရှားတဲ့ ပြယုဂ် တခုပါ။

၁၉၉၅ ခုနှစ်ထဲမှာ ကျမ အချုပ်ဘ၀နဲ့ အင်းစိန်ထောင်ကို ရောက်ခဲ့ပါတယ်။

ကျမနဲ့ အေးမိုးတို့ နှစ်ယောက်ဟာ ၁၂ ပေ၊ ၈ ပေ ပဲရှိတဲ့ အခန်း ကျဉ်းထဲမှာ မိလ္လာအိုး ၂လုံး၊ သောက်ရေအိုး၊ ဖျာ ၂ ချပ်နဲ့ ကျပ်ကျပ် တည်းတည်း နေရပါတယ်။ ကျင်ငယ်ရည်နံ့တွေက နံစော်၊ ကြမ်းပိုးတွေကလည်း ကိုက်နဲ့ တော်တော် စိတ်ညစ်ဖို့ ကောင်းပါတယ်။ တယောက်က လမ်းလျှောက်ရင် တယောက်က ချောင်ထဲမှာ နေရတာပါ။

ပြီးတော့ အဲဒီလို အချုပ်မကျခင် ကျမက ကျူရှင် သင်နေတော့ စာမေးပွဲ နီးနေတဲ့ အဲဒီလိုအချိန်မှာ ကလေးတွေအတွက် စိတ်ပူနေပါတယ်၊ အဲဒီအချိန်ကျမှ ကျုရှင် ပြောင်းတက်ဖို့ ဆိုတာ မလွယ်လှပါဘူး။ ကျန်းမာရေး မကောင်းလှတဲ့ ကျမ အဖေကိုလည်း စိတ်ပူ နေပါသေးတယ်။ ကျမ ထောင်ကျသွားရင် အဖေမှ ခံနိုင်ရည် ရှိပါ့မလား၊ ကျမတက်လက်စ ပြင်သစ် သင်တန်းကလည်း ကျမသူငယ်ချင်း ရီ က အပ်ပေးထား တာပါ။ သင်တန်းခက ဈေးကြီးတော့ ဘာပဲဖြစ်ဖြစ် ပြီးဆုံးအောင်တော့ တက်ချင်မိပါတယ်။

ဒါကြောင့် ကျမ ထောင်မကျ ချင်ပါဘူး။ ဘယ်လိုပဲဖြစ်ဖြစ် ထောင်ကတော့ ကျကိုကျမယ် ဆိုတာလည်း ကျမသိပါတယ်။ န၀တ က ဒီလောက်တော့ သဘောထား မကြီးနိုင်ဘူးဆိုတာ သိပါတယ်။

အေးမိုးလည်း ဂုဏ်ထူးတန်း ဆက်တက်ချင်နေပါတယ်၊ ချိုနွယ်လည်း သူလုပ်နေတဲ့ ကုမ္ပဏီမှာ ဆက်လုပ် ချင်နေပါတယ်။ ဒါပေမယ့် ၁၉၉၅ ခုနှစ် ဧပြီ ၅ ရက်မှာ ရုံးထုတ်ပါတယ်။ ကျမတို့ အဖွဲ့ထဲက ဘယ်သူကမှ ထောင်မကျရအောင် အညံ့ခံဖို့ စိတ်မကူးကြပါဘူး။ ဘယ်သူ ကမှလည်း စိတ်ဓာတ်ကျ မနေပါဘူး၊ အားလုံး ခံနိုင်ရည် ရှိကြပါတယ်။

ဒီလိုနဲ့ ကျမတို့ ၉ယောက်စလုံး ထောင်ဒဏ် ၇ နှစ်စီ အမိန့်ချမှတ် ခံရပါတယ်။ အမိန့်ချပြီးတော့လည်း အားလုံး အပြုံး မပျက်ကြပါဘူး၊ တဦး ကိုတဦး နှုတ်ဆက်ကြပါတယ်။ မိသားစုကို နှုတ်ဆက်တဲ့ အချိန်မှာတော့ ကျမ စိတ်မကောင်း ဖြစ်မိပါတယ်၊ ကျန်းမာရေး မကောင်းတဲ့ အဖေ ဘယ်လို နေမလဲ၊ အသက်ကြီးနေတဲ့ အမေ့ခမျာ ပင်ပန်း နေရှာမှာပဲဆိုတဲ့ သောကကြောင့် ကျမ ၀မ်းနည်းနေမိတယ်။ အဲဒါဟာ နောင်တ တော့မဟုတ်ပါဘူး။

အမိန့် ချပြီးတော့ ကျမ၊ အေးမိုး၊ ချိုနွယ်တို့ကို “မ” ကျတိုက်ကို ပို့ပါတယ်။ ကျမတို့နေရတဲ့ တိုက်မှာ အခန်း ၁၀ ခန်းရှိပြီး ၅ ခန်းစီ မျက်နှာချင်း ဆိုင် ဆောက်ထားပါတယ်။ နိုင်ငံရေး ဒီရေကျချိန်မို့ မျက်နှာချင်းဆိုင် အခန်းတွေမှာ လူမရှိပါဘူး။ နံပါတ် (၃) အခန်းမှာ အန်တီစန်း (စာရေးဆရာမ စန်းစန်းနွဲ့-သာယာဝတီ) နဲ့ သမီး မြတ်မိုမိုထွန်း၊ နံပါတ် (၄) မှာ ချိုနွယ်၊ နံပါတ် (၅) မှာအေးမိုးနဲ့ ကျမတို့ နေကြရပါတယ်။

ထောင်ကျချိန်မှာ အန်တီစန်းက မုဆိုးမတဦး ဖြစ်ပြီး သိပ်ငယ်သေးတဲ့ ကလေးတွေ ကျန်ခဲ့ပါတယ်။ အန်တီစန်းက သူ့ရဲ့ အငယ်ဆုံးသားလေး အတွက် စိတ်ပူပန်နေပါတယ်။ အန်တီစန်းမှာ ဘယ်လောက်ပဲ ပူပန်မှုတွေရှိနေပါစေ ကျမတို့ကို ၀တ္ထုပြောပြတာ မပျက်ပါဘူး။ ပြီးတော့ သူ့ရဲ့ ဘ၀အတွေ့အကြုံ တွေကိုလည်း ပြောပြပါတယ်။

အဲဒါအပြင် ကျမတို့ကို “စမ်းရေ” ဆိုတဲ့ သီချင်းလေး သင်ပေးခဲ့ပါတယ်။ ထောင်ထဲမှာ လူထွက်ပေါက် မရှိပေမယ့်၊ ကျမတို့က စိတ်ထွက်ပေါက် ကို ရအောင်ရှာကြပါတယ်။ ကျမတို့ သီချင်းဆိုကြတယ်၊ ချိုနွယ်က သီချင်းဆိုကောင်းပါတယ်၊ အသံလည်း သာတယ်၊ နောက်ပြီး ဆိုဟန် လည်း ရှိတယ်၊ အဆိုတော် အေးချမ်းမေရဲ့ “ဘ၀စာမျက်နှာ” တို့၊ မေဆွိ ရဲ့ “မောင်” သီချင်းတို့ကို ချိုနွယ်ဆိုရင် ကျမတို့တောင် လွမ်းတယ်။ ကျမကတော့ အသံလည်း မကောင်း၊ ဆိုတာလည်း မရပေမယ့် ကျမရဲ့ ခံစားချက် ဖြစ်တဲ့ ခိုင်ထူးရဲ့ “အိမ်ပြန်ချင်တဲ့အလွမ်း” သီချင်း ကိုတော့ ဆိုဖြစ်ပါတယ်။

တယောက်ယောက်နဲ့ ရန်ဖြစ်ရင်တော့ ထူးအိမ်သင်ရဲ့ “အမေ့အိမ်” ပေါ့။ မေမေ့ ကိုလွမ်းတဲ့ အချိန်မှာ “အမေအို မျော်နေမှန်းလည်း သိလျှက်နဲ့ တလှမ်းချင်းစွန့်ခွာ အိမ်ကို ပစ်ပြီးတော့” ဆိုတဲ့ အပိုဒ်ကို ထပ်ခါထပ်ခါ ဆိုပစ်လိုက်တယ်။ အေးမိုးကတော့ သူစိတ်ပါရင် “ဧည့်ဆိုး” ကို ဆိုပါတယ်။

ပြီးတော့ ကျမတို့ တက်တင်းထိုးပါတယ်။ တက်တင်း ထိုးတာက အနုစိတ်ရတဲ့ အလုပ်ဆိုတော့ စိတ်ပျံ့လွင့်တာကို ထိမ်းချုပ်ထား နိုင်ပါတယ်။ အဆောင်မှာလည်း ၅ (ည) ပုဒ်မ တပ်ထားတဲ့ နိုင်ငံရေး အကျဉ်းသားတွေရှိပါတယ်။

တိုးတိုးမြင့် (ခ) ဖိုးသာထူးက ကျမတို့တိုက်ကို အမြဲလာလည်လေ့ရှိပါတယ်။ လာလည်တယ် ဆိုပေမယ့် ကျမတို့ အခန်းထဲတော့ ၀င်လာလို့ မရပါဘူး၊ ကျမတို့ရဲ့ အခန်းတွေက အမြဲတမ်း တံခါး သော့ခတ်ထားတာပါ။ ကျမတို့က မနက်ပိုင်း ၁၅ မိနစ်၊ ညနေပိုင်း မိနစ်၂၀ ပဲ အပြင် ထွက်ခွင့် ရတာပါ။ ဒီတော့ ဖိုးသာထူးက ပြူတင်းပေါက် အပြင်ဘက်မှာရပ်ပြီး ကျမတို့က အတွင်းဘက်က ရပ်ပြောရပါတယ်။ ဖိုးသာထူးက ၁၁/ ၉၂ ကြေညာတာကို မီခဲ့ပေမယ့် လွှတ်တဲ့အထဲ သူမပါ ပါဘူး။ သူ ထောင်ကျတဲ့ အချိန်က သူ့အသက်က အရမ်းငယ်ပါသေးတယ်။ ကျမ တို့နဲ့ တွေ့တဲ့အချိန်မှာ ထောင်ထဲမှာနေရတာကြာလို့ နည်းနည်း ပိန်သွားတာက လွဲရင် စိတ်ဓါတ်ကတော့ မာဆဲပါပဲ။

အားလုံးကတော့ ဒီလိုပါပဲ၊ ထောင်ထဲမှာ မနေချင်ပေမယ့် အာဏာရှင်ဆီမှာ အညံ့ခံမယ့်အစား ထောင်ထဲမှာပဲ အသေခံသွားဖို့ စိတ်ကူး ရှိကြသူတွေပါ။

ဖိုးသာထူးဟာ ကျမတို့ ရောက်လာတော့ ပျော်နေပုံ ရပါတယ်။ အဆောင်ထဲက ရိုးရိုးအကျဉ်းသား တွေအကြောင်းပြောပြ၊ သူ့အကြောင်း ပြောပြနဲ့ ကြည့်ရတာ လန်းဆန်းနေပါတယ်။ ကျမတို့ ထောင်မကျခင်တုန်းက သူ့အတွက် တော်တော်စိတ်ပူခဲ့တာပါ။ တခြားလူတွေ လွတ်ပြီး သူကျန်ခဲ့တဲ့ အချိန်မှာ သူစိတ်ဓါတ် ကျသွားမလား ဆိုပြီးပေါ့။ လက်တွေ့မှာတော့ ဖိုးသာထူးက ဘာမှ မဖြစ်ပါဘူး၊ သူ့ကို ချီးကျုးမိပါတယ်။

ထောင်မှာ မိသားစုနဲ့ ၂ ပတ်တကြိမ် ထောင်ဝင်စာတွေ့ခွင့်ရပါတယ်။ တခါတွေ့ရင် ၁၅ မိနစ်ပါ။ ကျမကိုတော့ အမေက ထောင်ဝင်စာ လာတွေ့ပါတယ်။ ထောင်ဝင်စာထုပ်ကို အမေ တယောက်တည်း ဆွဲလာပါတယ်။ မျက်နှာမှာလည်း ချွေးတွေနဲ့ စိုရွှဲ နေပါတယ်။ အမေ့ကို ကြည့်ရတာ မောပန်းနေပါတယ်။ တွေ့တာနဲ့ ချက်ချင်း စကားမပြောနိုင်ဘဲ အမောဖြေနေတာကို ကြည့်ပြီး ကျမရင်ထဲမှာ မွန်းကျပ် နေပါတယ်။ စကားစပြောရင်တော့ နေကောင်းအောင်နေဖို့၊ အပြင်က လူတွေကို စိတ်မပူဖို့၊ အားလုံး အဆင်ပြေတယ်ဆိုတဲ့ စကားကိုပဲ အမြဲပြောပါတယ်၊ ဒီလို ပြောတိုင်းလည်း ကျမ ပိုပြီး စိတ်ပူတတ်ပါတယ်။ သူတို့ ဘာတွေများ ဖုံးဖိ ထားသလဲဆိုပြီး စိတ်ပူတာပါ။

ထောင်ဝင်စာထုပ်ကို သယ်ပြီး တိုက်ကိုပြန်လာရင်တော့ ဘ၀တူတွေကို ဝေဖို့ ချမ်းဖို့ စိတ်ကူးရင်းနဲ့ အိမ်ပြန်ချင်စိတ်တွေ မေ့ပျောက်သွား တတ်ပါတယ်။ အရမ်းပြန်ချင်တာက တပိုင်း၊ နေလို့ ရတဲ့နည်းနဲ့ နေနေတာက ကျမတို့ရဲ့ ပစ္စုပ္ပန် ဘ၀ပါ။ ဒီလိုပဲ နေတတ်အောင် နေကြရပါတယ်။

ထောင်ထဲမှာ အတွင်းထောင်ဝင်စာ ဆိုတာရှိတယ်၊ တနင်္ဂနွေနေ့မှာ တွေ့ရတာပါ။ အဲဒါလည်း တလတကြိမ် ပါပဲ။ ထောင်ထဲမှာ ရှိနေတဲ့ မိသားစုချင်း တွေ့ရတာပါ။ ကျမတို့က အတွင်းထောင်ဝင်စာ မတွေ့ရပေမယ့် တွေ့ခွင့်ရတဲ့ လူတွေဆီကနေတဆင့် ကျမတို့ရဲ့ လုပ်ဖော် ကိုင်ဘက် သူငယ်ချင်းတွေဆီ လက်ဆောင်ထည့်ပေးလို့ ရပါတယ်။ နောက်ပြီး ယောက်ျားလေးတွေဘက်က ကျမတို့ဘက်ထက်ပိုပြီး သတင်းစုံ ပါတယ်။

သူတို့ ဘက်မှာက ရေဒီယို၊ တိုင်းမ်စ်၊ နယူးစ်ဝိခ် မဂ္ဂဇင်းကအစ အကုန်သွင်းတာကိုး။ သွင်းတယ် ဆိုတာက တရားမ၀င် ရောက်အောင်ပို့ထားတာ၊ အဲဒီအချိန်တုန်းက စာဖတ်ခွင့်မရှိဘူး။ ကျမတို့ ဘက်မှာ ဘာစာအုပ်မှ မရှိဘူး။ စာသိပ်ဖတ်တဲ့ မိုမိုတောင် ဆေးလိပ်ဖင်စီခံက စာရွက်ကို ရှာဖတ်ရတာ၊ အခုနောက်ပိုင်းမှသာ စာဖတ်ခွင့်ရတာပါ။

ဒီလိုနေလာရင်းနဲ့ ၁၉၉၅ ဇူလိုင်လထဲမှာ ဒေါ်အောင်ဆန်းစုကြည် လွတ်မြောက်ပါတယ်။ ကျမတို့ ပျော်လိုက်ကြတာ၊ အန်တီစုတောင်မှ လွတ်တယ်ဆိုရင် ကျမတို့လည်း လွတ်နိုင်မယ်ထင်ပါရဲ့ဆိုပြီး စိတ်ကူးယဉ်ခဲ့၊ အိပ်မပျော်ခဲ့တဲ့ ညတွေတောင် ရှိပါတယ်။ ငါလွတ်ရင် ပြင်သစ်စာ သင်တန်း ပြန်တက်မယ်၊ ကျူရှင်ပြန်သင်မယ်လို့ စဉ်စားတယ်။ ကျမက ဆရာမ သိပ်ဖြစ်ချင်ခဲ့သူပါ၊ ယုံကြည်ရာကို ခြေလှမ်းမှန်မှန်နဲ့ လှမ်းရ ဦးမယ်မဟုတ်လား။

တက္ကသိုလ် ကျောင်းသူတယောက် အနေနဲ့ တက္ကသိုလ် စိန်ရတုပွဲကိုလည်း နွှဲချင်ပါတယ်။ ကျမတို့ရဲ့ ရဲဘော်ရဲဘက် ကိုဂီးက အငြိမ့် ကမယ်တဲ့၊ ကျမတို့ရဲ့ အမှုတွဲ ကိုမောင်မောင်ဦးက ပြက္ခဒိန် လုပ်ချင်တယ်တဲ့။ ကျမရယ်၊ ရီရယ် အေးမိုးရယ်လည်း တိုင်ပင်ထားတယ်။ ကျမတို့မှ မဟုတ်ပါဘူး၊ မိသားစုတွေလည်း မျှော်လင့်နေကြတယ်။

ကျမအိမ်က ကျမ ထောင်ကလွတ်ရင် ၀တ်ဖို့ ၀တ်စုံ ၁ စုံတောင် ပို့ပေးထားသေးတယ်၊ ကျမတို့ တတိုက်လုံးလည်း စိတ်ကူးတွေ ယဉ်ကြ တာပေါ့၊ ကျမ အဖေနဲ့လည်း မသေခင် တွေ့ချင်သေးတယ်လေ။ သေချာတာက ကျမအဖေက ၇ နှစ်တောင် စောင့်နိုင်မှာ မဟုတ်ဘူး၊ အဖေ့ရဲ့ အဆုပ်နာက နှစ်တွေကြာနေပြီ၊ ရောဂါက ရင့်နေပြီ။

လတွေက တဖြည်းဖြည်း ကုန်ဆုံးလာပါပြီ၊ ထောင်ဝင်စာတွေမှာ မျှော်လင့်တဲ့အသံတွေ အားပျော့လာပြီး အန်တီစုရဲ့ ရဲရဲတောက် မိန့်ခွန်း တွေအကြောင်းနဲ့ အမျိုးသား ရင်ကြားစေ့ရေး တောင်းဆိုသံက ပိုကျယ်လာပြီ။ အမျိုးသားညီလာခံကို ကန့်ကွက်တဲ့ အကြောင်း၊ ညီလာခံက ထွက်လာကြတဲ့ သူတွေ အကြောင်း၊ ဒါတွေပဲ ကြားရတော့တယ်။

ဖေဖေကလဲ စာတစောင် ရေးပေးလိုက်ပါတယ်၊ လောကဓံ ကို ရင်ဆိုင်နိုင်ဖို့ ကျန်းမာရေးက အရေးကြီးကြောင်း၊ စိတ်ဓာတ်အင်အားသာ ရှိမယ်ဆိုရင် ကိုယ်သွားချင်ရာကို တခဏနဲ့ အရောက်သွားနိုင်ကြောင်းကို စာရေးပေးလိုက်ပါတယ်။ အဖေကတော့ အခြေအနေကို ခန့်မှန်းနိုင်ခဲ့ပါတယ်၊ အဖေ့စာကိုဖတ်ပြီး ကျမလည်း နားလည်လိုက်ပါတယ်။ ချိုနွယ် ကလည်းပြောပါတယ် အန်တီစုက သူ့ဘာသာ လွတ်ရက်စေ့လို့ လွတ်တာ ငါတို့ကိုက ရူးတာပါတဲ့။

ဒီလိုနဲ့ ကျမတို့ တိုက်ကို အချုပ်သစ် နှစ်ယောက် ရောက်လာပါတယ်၊ အသက်ကြီးကြီး အမျိုးသမီး ကြီးတွေပါ၊ ပထမ တရက်၊ နှစ်ရက် ကတော့ လခြုံရေး တင်းကျပ်ထားပါတယ်၊ သူတို့နဲ့စကားပြောခွင့် မရှိပါဘူး။ ဒါပေမယ့် ထုံးစံအတိုင်း ၀န်ထမ်း အလစ်မှာတော့ ငပိကြော်၊ မုန့်နဲ့ ကော်ဖီမစ်ကို ခိုးပေးကြရပါတယ်၊ ဒါမှ သူတို့ စားလို့ သောက်လို့ ရမှာပေါ့၊ မဟုတ်ရင် ဘာမှစားစရာ မရှိဘူး။

အမြဲတမ်း လုံခြုံရေးက မတင်းကျပ်နိုင်တော့ လစ်မှပဲ ဘာဖြစ်လာတာလဲ ဆိုတာ မေးရတာပေါ့၊ သူတို့က အန်တီစု ကျမ်းမာပါစေ၊ ချမ်းသာပါစေ အော်လို့ အဖမ်းခံရတာတဲ့၊ အချုပ်သစ်တွေ ရောက်လာတော့ ကျမတို့ ပျော်ပါတယ်။ အပြင်က အကြောင်းတွေကို လတ်လတ်ဆတ်ဆတ် သိရတာပေါ့၊ သူတို့ကလည်း ပြောပြကြပါတယ်၊ ကျမတို့က နားထောင်ရင်းနဲ့ ကိုယ်ဘာသာ ပုံဖော်ကြရတယ်။

သူတို့ကလည်း အန်တီစု ဘယ်နေ့က ဘာဝတ်တယ်က စပြီး ဘယ်မိန့်ခွန်း ဘယ်မှာဆုံးတယ် အထိ ပြောနိုင်ကြပါတယ်၊ နောက်တပတ် အတွင်းထောင်ဝင်စာမှာ ပြောနိုင်အောင် သတင်းစု နေတာပေါ့၊ တကယ်တော့ ကျမတို့ကသာ ကြွားနှိုင်မယ်ထင်တာ ယောင်္ကျားလေး တွေဘက်က ကျမတို့ထက် ပိုပြီးသိတယ်၊ ကျမတို့ဘက်ကမှ နှစ်ယောက်ထဲရောက်တာ သူတို့ဘက်က ဆယ်ဂဏန်း ကျော်တယ်၊ အတွင်း ထောင်ဝင်စာနေ့ရောက်တော့ သူတို့ဘက်က သတင်းက ပိုတောင်မှ များသေးတယ်။

ထောင်ဆိုတဲ့ နေရာက အမြဲတမ်း နေရတာကျပ်လေ့မရှိသလို၊ အမြဲတမ်းလဲ ချောင်လေ့မရှိပါဘူး၊ ထောင်ပိုင်ရဲ့ သဘောထားပေါ် မူတည်ပြီး ပြောင်းသွားလေ့ရှိပါတယ်။ ထောင်ပိုင်ပြောင်းသွားတော့ ပေါ်လစီလည်း ပြောင်းသွားပြီး ထောင်ထဲမှာနည်းနည်းကျပ်သွားတယ်၊ ဒါကြောင့် အတွင်းထောင်ဝင်စာမှာ သတင်းတွေ လဲကြဲ သွားတယ်။ ဒါပေမယ့် အမျိုးသမီး တိုက်ကိုတော့ အားပေးပါတယ်၊ စိတ်ဓာတ် မကျနဲ့၊ တိုက်ပွဲက ပြီးတော့မှာတဲ့။

နောက်တော့ “ကျန်းမာပါစေ” တွေလည်း ထောင် ၇ နှစ် ကျသွားတယ်၊ ကျမတို့တွေ အပြုံးမပျက်ကြပါဘူး၊ ဘယ်သူမှလည်း ဘုံးဘုံးလဲ မသွားပါဘူး၊ အချိန်တန် စားမြဲ၊ သီချင်းဆိုမပျက်၊ ၀တ္ထုပြောမြဲ၊ တခါတလေ မိန်းမယူသွားတဲ့ ရည်းစားကို မလွမ်းပါဘဲ လွမ်းချင်ယောင် ဆောင်ပြီး ရည်းစားရှိကြောင်းကြွားမြဲ၊ စိတ်ကူးတည့်ရာတွေကို ဇာတ်လမ်းဆင်ပြီး ပြောမြဲ၊ လုပ်ရိုးလုပ်စဉ်အတိုင်း ဘာဆိုဘာမှ ပြောင်းလဲမသွားပါဘူး။

ဘယ်လိုပဲ အနာဂတ်တွေ အိပ်ပျော်နေပါစေ၊ ဘယ်လိုဘဲ မျှော်လင့်ချက်တွေမဲ့နေပါစေ၊ နိုင်ငံရေး အကျဉ်းသားတွေ ရှိနေတဲ့ တိုင်းပြည်ဟာ လူ့အခွင့်အရေးတွေ ချိုးဖောက်နေပါတယ်ဆိုတာကို သက်သေပြနေတာပါ။

ကျမကတော့ ထောင်ကထွက်ရင်ဝတ်ဖို့ အိမ်က ထည့်ပေးလိုက်တဲ့ ၀တ်စုံသစ်ကလေးကို မဝတ်ရသေးမယ့်တူတူ ၁၃ (ဃ) လို့ခေါ်တဲ့ အခြေမဲ့ အနေမဲ့လေး လွတ်တဲ့နေ့မှာဝတ်ဖို့ ပေးလိုက်ပါတော့တယ်။
ဘကြီးသက်