ရွှေည၀ါဆရာတော်ကို ဆိုဆုံးရခက်တဲ့ဒုဗ္ဗစပုဂ္ဂိုလ်အဖြစ် သံဃမဟာနာယကအဖွဲ့ကသတ်မှတ်ခဲ့ပြီးကျောင်းတိုက်နေ တလအတွင်းထွက်ခွာ သွားဘို့  ရန်ကုန်တိုင်းဒေသကြီး သံဃနာယကအဖွဲ့က ဇန္န၀ါရီ (၁၆) ရက်နေ့က အမိန့်စာဖတ်ပြလိုက်ပါပြီ။ ဒီလိုဘဲဖြစ်လာလိမ့်မယ်ဆိုတာမျှော်လင့်ထားပြီးဖြစ်လို့ ထူးထူးထွေထွေမအံ့သြမိတာကတော့အမှန်ပါ။ ဒီနေရာမှာအံ့သြမိတာက ဒုဗ္ဗစပုဂ္ဂိုလ်အဖြစ်မသတ်မှတ်ခင် သံဃမ ဟာနာယကဆရာတော်ကြီးတွေအနေနဲ့ရွှေည၀ါဆရာတော်ကို ခေါ်ယူဆုံးမမှုမပြုလုပ်တာကတော့ ထူးဆန်းနေပါတယ်။သိဒ္ဓတ္ထမင်းသားနဲ့အတူ ဖွားဘက်တော်တွေထဲကတယောက်ဖြစ်တဲ့ ဆန္နအမတ် (အရပ်အခေါ် မောင်ဆန်) ဟာ သိဒ္ဓတ္ထမင်းသား ဘုရားဖြစ် တော်မူပြီးနောက်ပိုင်းမှာ ရဟန်းပြုတော်မူပါတယ်။ ဘုရားရှင်နဲ့ တနေ့ထဲဖွားတဲ့ ဖွားဘက်တော်လည်းဖြစ်၊ ဘုရားရှင်နဲ့ လူ့ဘ၀ထဲက လည်းရင်းနီးနေတာမို့ ငါ့ဘုရား ငါ့ဘုရားနဲ့ မာန်မာနတက်နေပြီး အခြားရဟန်းတော်တွေကို မထီမဲ့မြင်ပြောဆိုလေ့ရှိပါတယ်။ အရှင်ဆန္န မထေရ် မတော်မလျော်ပြုမူ ဆက်ဆံနေတာနဲ့ပတ်သက်လို့ အခြားရဟန်းတော်တွေက ပြောဆိုဆုံးမတဲ့အခါ ဘုရားရှင်ဟာ တပည့်တော်ရဲ့ ဘုရား၊ တပည့်တော်ရဲ့တရား၊ တပည့်တော်ရဲ့အရှင့်သားတော်ဟာ တရားကိုထိုးထွင်းပြီး သိထားတာဖြစ်တယ်။ လေမုန်တိုင်းကြီး တိုက်လာတဲ့အခါ အမှိုက်သရိုက်တွေကို အခြားတနေရာကိုဖယ်ရှားလိုက်သလို ကိုယ်တော်တို့တတွေကိုလည်း တပည့်တော်ကဖယ်ရှား နိုင်တယ်။ ကိုယ်တော်တို့က တပည့်တော်ကို ပြောစရာ ဆိုစရာ ဆုံးမစရာလို့မှတ်နေကြသလား၊ တပည့်တော်ကသာ အရှင်ဘုရားတို့ကိုပြောရ ဆိုရ ဆုံးမရမှာလို့ ပြန်ပြောလေ့ရှိပါတယ်။
ဒီအကြောင်းဘုရားရှင်ကြားသိတော်မူလို့ -ဘိက္ခု ပနေ၀ ဒုဗ္ဗစာတိကော ဟောတိ အစရှိတဲ့ သံဃာဒိသိသ် တဆယ့်နှစ်ခုမြောက်ဒုဗ္ဗစသိက္ခာ ပုဒ်ကို ပါတိမောက် (၀ိနည်း) မှာ ပညတ်တော်မူပါတယ်။ သိက္ခာပုဒ်ရိရဲ့လိုရင်းက ရဟန်းဖြစ်ပါလျက် ပါတိမောက် (၀ိနည်း) ဆိုင်ရာမှာ ရဟန်းတပါးသည် အပြောရ အဆိုခက် ဆုံးမရခက် (ဒုဗ္ဗစပုဂ္ဂိုလ်) ဖြစ်နေရင် ရဟန်းအများက ပြောဆိုဆုံးမရပါမယ်။ ဆုံးမခံရတဲ့ပုဂ္ဂိုလ်ကအဆုံးအမကိုမခံယူဘဲ – တပည့်တော်ကသူများဆုံးမတာကိုခံယူမဲ့သူမဟုတ်ကြောင်း၊ အရှင်ဘုရားတို့အနေနဲ့ တပည့်တော်ကို ကောင်း ကောင်း ဆိုးဆိုး ဘာမှမပြာပါနဲ့။ တပည့်တော်ကလည်း အရှင်ဘုရားတို့ ကောင်းကောင်းဆိုးဆိုး ဘာမှပြောလိမ့်မယ်မဟုတ်ပါ။ တပည့်တော် ကိုပြောဆိုဆုံးမခြင်း မပြုလုပ်ကြပါနဲ့လို့ ပြန်ပြောပါတယ်။ ဆုံးမတဲ့ရဟန်းတော်များကလည်း -အရှင်ဘုရား- အရှင်ဘုရား အဲလိုမပြောပါနှင့် ဘုရား၊ အရှင်ဘုရားကလည်း အခြားရဟန်းတော်တွေ မသင့်မတော်လုပ်ရင် ပြောဆိုဆုံးမတော်မူပါ။ အခြားရဟန်းတွေကလည်း မသင့်မ တော်တာတွေ့ရင် အရှင်ဘုရားကို ၀ိနည်းဒေသနာတော်အတိုင်း ဆုံးမကြပါလိမ့်မယ်။ အဲဒီလို အချင်းချင်းပြောဆိုဆုံးမခြင်းကြောင့် အပြစ် ဖြစ်ရင် အပြစ်မဖြစ်အောင် အချင်းချင်းကူညီကြခြင်းကြောင့်သာ ဘုရားရှင်ရဲ့သာသနာဟာ ဒီခြေအနေထိ တိုးပွားတည်တန့်လာခြင်းဖြစ် တယ်။
တပါးနဲ့တပါး ပြောဆိုဆုံမခွင့်မရရင် သာသနာဆုတ်ယုတ်ပါလိမ့်မယ်လို့ ပြန်ပြောဆုံးမရပါမယ်။ ဆုံးမပြောဆိုလို့မရရင် နောက်ဆုံး ဆုံးမရ ခက်တဲ့ရဟန်းကို သံဃာ့အလယ် အတင်းဆွဲခေါ်ပြီး ဉတ်ကမ္မ၀ါစာနဲ့ ဆုံးမရပါမယ်။ ဆုံးမလို့ရရင် အဲဒီရဟန်းမှာ အပြစ်မရှိတော့ပါ။ ဆုံးမလို့ မရရင် တတိယကမ္မ၀ါစာအဆုံးမှာ သံဃာဒိသိသ်အာပတ်သင့်စေလို့ ဘုရားရှင်ဝိနည်းစည်းကမ်းထုတ်တော်မူခဲ့ပါတယ်။ အဲဒီတော့ ရွှေည၀ါ ဆရာတော်ဟာ သံဃမဟာနာယကဆရာတော်တွေဆုံးဖြတ်တဲ့အတိုင်း တကယ်အဆုံးအမခက်တဲ့ ဒုဗ္ဗစပုဂ္ဂိုလ်ဖြစ်နေသလားဆိုတာစဉ်းစားသင့်တယ်။
သံဃမဟာနာယက ဆရာတော်တွေ ရွှေည၀ါဆရာတော်ကို ခေါ်ယူဆုံးမခဲ့သလား …. ?
ရွှေည၀ါဆရာတော်ကရော သံဃမဟာနာယကဆရာတော်တွေရဲ့ အဆုံးအမ မခံဘူးလား ….?
ရွှေည၀ါဆရာတော်က သူမှားနေရင်လည်း ခေါ်ယူဆုံးမပါလို့ မဟနဆရာတော်တွေထံ အသနားခံစာတင်ပြ လျောက်ထားပါလျက်နဲ့ ခေါ် ယူဆုံးမမှုမရှိဘဲ ကျောင်းတိုက်ကထွက်ခွာသွားဘို့ တချက်လွှတ်အမိန့်ထုတ်တာကတော့ ၀ိနည်းတော်လုပ်ထုံးလုပ်နည်းတွေကို ကျော်လွန် နေတာတွေ့ ရပါတယ်။
တကယ်တော့ ဒီကိစ္စဟာ သံဃာ့ကိစ္စပါ။ အာဏာပိုင်တွေဘယ်လောက်ဖိအားပေးပေး သံဃာအချင်းချင်း ရှင်းရင်ရနိုင်တဲ့ကိစ္စပါ။ ဘာ ကြောင့်မပြေလည်တာလဲဆိုတာကတော့ သံဃာတွေမညီညွတ်တာ အဓိကအကြောင်းရင်းဖြစ်နေတာကို ရှင်းရှင်းလင်းလင်းတွေ့နေရပါ တယ်။
စစ်အစိုးရကသံဃာတွေကို ဖမ်းချင်ဖမ်း ထောင်ချချင်ချ သတ်ချင်သတ် ဥပဒေမဲ့လုပ်ချင်တာလုပ် စစ်အစိုးရအငြိုအငြင်တော့မခံနိုင်၊ မဟန ရာထူးလေးမြဲဘို့ ဘွဲ့ တံဆိပ်တော်လေးရဘို့၊ ဘိလပ်မြေ၊ သွပ်၊ သံ၊ သစ်ရဘို့ စစ်အစိုးရအဆက်ဆက်ရဲ့ အသုံးတော်ခံလုပ်နေကြတဲ့ (အချို့) သံဃာကြီးတွေက တဘက်။ တရားမျှတဘို့၊ လောကပါလတရားတွေထွန်းကားဘို့၊ မြန်မာပြည်ကြီး စစ်အာဏာရှင်စနစ်အောက်ကလွတ်မြောက်ဘို့လုပ်နေတဲ့ သံဃာ ငယ်တွေက တဘက်ဖြစ်နေတာတွေ့ရမှာပါ။ သံဃာတွေညီညွတ်နေရင် ဘယ်အာဏာရှင်ကမှ ၀င်ရောက်စွက် ဖက်နိုင်မည်မဟုတ်ပါ။
သံဃာအားဘုရားတောင်မလွန်ဆန်နိုင်ဘူးဆိုတာသူသူငါငါကြားဘူးနေကြတာဘဲမဟုတ်လား။ အဲဒီတော့ ဒီကိစ္စတွေ ဒီလိုဖြစ်နေရတာ ဟာ မိမိတို့ သံဃာတွေမှာ လုံးဝတာဝန်ရှိတယ်ဆိုတာ ၀န်ခံရမှာပါ။ အဲဒါကြောင့် သံဃာအများစုရဲ့ သဘောတူညီချက်နဲ့ ရွေးကောက် တင်မြှောက်ထားတဲ့ လွတ်လပ်တဲ့သံဃာ့အဖွဲ့ အစည်းမဖြစ်သရွေ့ကာလပတ်လုံး သံဃာငယ်တွေခံနေကြရအုံးမှာဖြစ်သလို ဘုရားရှင်ရဲ့ ဓမ္မစက်ဆိုတာတွေလည်း ချောင် (ဂျောင်) ထိုးခံနေရအုံးမှာဆိုတာသေချာပါတယ်။
စစ်အစိုးရကနေ အရပ်သားအစိုးရအသွင်ပြောင်းဘို့ ၀ိုင်းဝန်းလုပ်ဆောင်နေကြချိန်မှာ သံဃာတော်တွေအနေနဲ့လည်း သံဃာ့ရေးရာကိစ္စတွေကိုသံဃာတွေကသာစီစဉ်ဆောင်ရွက်၊ ဆုံးဖြတ်နိုင်တဲ့ စစ်မှန်တဲ့သံဃာ့အဖွဲ့ အစည်းတရပ်ပေါ်ပေါက်ဘို့ ကြိုးစားလုပ်ဆောင်သင့်ပြီဖြစ် ကြောင်း သံဃာတော်များအားလျောက်ထားပါတယ်ဘုရား။ ။
(သာသနာပိုင်သြ၀ါဒ)
သာသနာရေး၊ သာသနာမှုနှင့်စပ်သမျှကို ဆန္ဒာဂတိ၊ ဒေါသာဂတိ ၊ဘယာဂတိ၊ မောဟာဂတိလေးပါးမလားဘဲ တရားရှိရာဆောင်ရွက်ပါမည်။ အသက်သော်လည်း စွန့်မည်။ တရားကို မစွန့်ပြီ၊ သာသနာ့ဒါယကာတရားမင်းမြတ်က အမိန့်တော်အထူးပြန်သော်လည်း မှန်ရာသာ လိုက်မည်။ တရားကိုစွန့်၍မလိုက်ပြီ။ မနာခံသော် ခပ်မဆိတ်နေမည်။
အရှင်ဥာဏာဘိဝံသ
(မောင်းထောင်သာသနာပိုင်ဆရာတော်)
0 မှတ်ချက်ကလေးရေးပေးနော်.:
Post a Comment