မြန်မာ့စီးပွားဖွံ့ဖြိုးလာသလို ငွေကြေးလည်း ဖောင်းပွလာနိုင် ၊ အိုင်အမ်အက်ဖ် ထုတ်ပြန်

မြန်မာနိုင်ငံရဲ့ လက်ရှိပြုပြင်ပြောင်းလဲမှုတွေကြောင့် စီးပွားရေးဖွံ့ဖြိုးတိုးတက်မဲ့ အလားအလာတွေရှိနေကြောင်း မကြာသေးခင်က မြန်မာနိုင်ငံ ကိုလာရောက်ခဲ့တဲ့ နိုင်ငံတကာငွေကြေးရန်ပုံငွေကိုယ်စားလှယ်အဖွဲ့ရဲ့ ကြေငြာချက်မှာဖော်ပြထားတာတွေ့ရပါတယ်။

နိုင်ငံတကာငွေကြေးရန်ပုံငွေဖွဲ့ အနေနဲ့ ပြုပြင်ပြောင်းလဲဖို့ အကြံဥာဏ်ပေးခဲ့တာကတော့ ငွေကြေးလဲလှယ်နှုန်း နှုန်းထားတစ်မျိုးတည်း
ပေါင်းစည်းရေး၊ ဘဏ်လုပ်ငန်းစဉ်တွေ တိုးတက်အောင် ပြုလုပ်ရေးတို့ဘဲဖြစ်ပါတယ်။

၂၀၁၁-၂၀၁၂ ဘဏ္ဍာရေးကာလမှာ မြန်မာနိုင်ငံရဲ့စီးပွားရေးဖွံ့ဖြိုးတိုးတက်မှုနှုန်းဟာ လာမယ့်၂၀၁၂ ခုနှစ်မတ်လအထိ ၅ ဒဿမ ၅ ရာခိုင်နှုန်းလောက် သာ ရှိနေရာကနေ ၂၀၁၂-၁၃ ခုနှစ်ဘဏ္ဍာရေးကာလမှာတော့ ၆ ရာခိုင်နှုန်းအထိ တိုးမြှင့်လာမယ်လို့ နိုင်ငံတကာ ရန်ပုံငွေအဖွဲ့က ခန့်မှန်းထားပါတယ်

နိုင်ငံရဲ့စီးပွားရေး ခေတ်နဲ့အညီဖြစ်လာအောင် ဘဏ္ဍာရေးကဏ္ဍတိုးတက်အောင် ပြုပြင်ပြောင်းလဲတာတွေ၊ ရင်းနှီးမြှပ်နှံမှုအားကောင်းအောင်ပြုပြင်မှုတွေ လုပ်တာတွေက၊ ပြုပြင်ပြောင်းလဲမှု လမ်းကြောင်းမှန်ပေါ်ရောက်နေတာပါ။ နိုင်ငံတကာအတွေ့အကြုံတွေ၊ အကြံကောင်းတွေ၊ ပညာရှင်တွေနဲ့ဆွေးနွေး မှုတွေကနေ အကျိုးကျေးဇူးတွေ ရရှိနေတာဖြစ်တယ်လိုိ့ ၀ါရှင်တန်အခြေစိုက် နိုင်ငံတကာငွေကြေးရန်ပုံငွေရုံးချုပ်ရဲ့ ပြန်ကြားရေးအရာရှိတစ်ဦးဖြစ်တဲ့ Keiko Ustsunomiya က မီဒီယာတွေကို ပြောခဲ့ကြောင်း Bloomberg သတင်းဌာနက ဖော်ပြထားပါတယ်။

၂၀၁၁ ခုနှစ်မှာ နိုင်ငံတကာငွေကြေး ရန်ပုံငွေကိုယ်စားလှယ်ဖွဲ့ တစ်ဖွဲ့ဟာ မြန်မာနိုင်ငံကိုလာရောက်ခဲ့ပြီး ပြုပြင်ပြောင်းလဲဖို့ လိုအပ်ချက်တွေကို
သုံးသပ်ခဲ့ပါတယ်။ အဲဒီနောက်ပိုင်းမှာ မြန်မာအစိုးရဘက်က ငွေကြေးလဲလှယ်နှုန်းထားပေါင်းစည်းရေးကို ကြိုးပမ်းခဲ့သလို ပုဂ္ဂလိကဘဏ်တွေကို နိုင်ငံခြားငွေကိုင်ဆောင်ခွင့်၊ ငွေလွဲပြောင်းခွင့်၊ နိုင်ငံခြားငွေလဲကောင်တာတွေကို ပြင်ပပေါက်ဈေးနဲ့ လဲလှယ်ခွင့်ပေးခဲ့တာဖြစ်ပါတယ်။

ပထမအခေါက်လာတုန်းက မြန်မာနိုင်ငံက နိုင်ငံတကာငွေကြေးရန်ပုံငွေအဖွဲ့ရဲ့ ဘယ်လိုသတ်မှတ်ချက်တွေကို မလိုက်နာ ဘူးလဲဆိုတာကို လာရောက်သုံးသပ်ခဲ့တာပါ။ အခုတစ်ခေါက်ကတော့ ငွေလဲလှယ်နှုန်းတစ်ပြေးညီဖြစ်ဖို့ အဓိကထားဆွေးနွေးခဲ့ပါတယ်၊ လက်ရှိအခြေအနေ အတိုင်းတာဆိုရင် ငွေကြေးလဲလှယ်နှုန်း သတ်မှတ်ဖို့အချိန်က ၃ လလောက်ဘဲလိုတော့တယ်လို့ ယူဆရတယ်၊ လာမည့်ဧပြီမတိုင်ခင် ဘတ်ဂျက်မစခင်မှာ သတ်မှတ်ဖို့များပါတယ်လို့ ဘဏ်လုပ်ငန်းရှင်တစ်ဦးက ပြောပါတယ်။

 ငွေကြေးလဲလှယ်နှုန်းတစ်ပေါင်းတစ်စည်းတည်း၊ ဖြစ်ရေးအတွက် ပို့ကုန်လုပ်ငန်းကို ဦးတည်တဲ့မူဝါဒကို ဖြေလျော့ဖို့ လိုအပ်ကြောင်း နိုင်ငံတကာငွေကြေး ရန်ပုံငွေအဖွဲ့က အကြံပေးခဲ့တယ်လို့ သိရပါတယ်။

 မြန်မာနိုင်ငံမှာ ရင်းနှီးမြှပ်နှံမှု တိုးတက်လာသလို စီးပွားရေးအရ ယုံကြည်မှုတိုးတက်လာတာတွေကြောင့် စီးပွားရေးဖွံ့ဖြိုးမှုရာခိုင်နှုန်းတိုးတက် လာမှာ ဖြစ်တယ်လို့ဆိုပါတယ်။

စီးပွားရေးဖွံ့ဖြိုးတိုးတက်မှုရဲ့ နောက်ဆက်တွဲဖြစ်တဲ့ ငွေကြေးဖောင်းပွမှုနှုန်းကလည်း ၂၀၁၁-၂၀၁၂ ဘဏ္ဍာရေးနှစ်မှာ ၄ ဒဿမ ၂ ရာခိုင်နှုန်း ကနေ ၂၀၁၂-၁၃ ဘဏ္ဍာရေးနှစ်အတွင်းမှာတော့ ၅ ဒဿမ ၈ ရာခိုင်နှုန်းအထိ ဖြစ်လာနိုင်တယ်လို့ နိုင်ငံတကာငွေကြေးရန်ပုံငွေအဖွဲ့ရဲ့
ခန့်မှန်းချက်ထဲမှာပါဝင်ပါတယ်။

စီးပွားရေးအပြောင်းအလဲလုပ်ရင် ငွေကြေးဖောင်းပွမှုနှုန်းက တက်စမြဲပါဘဲ။ ငွေကြေးဖောင်းပွမှုနှုန်းဘယ်လောက်ထိတက်ရင် ဘယ်လောက် အထိဆိုးကျိုးခံစားရနိုင်တယ်၊ ကုန်ဈေးနှုန်းတွေ ဘယ်လိုမြင့်တက်နိုင်တယ် ဆိုတာကို ကြိုတင်အသေးစိတ်တွက်ချက်ပြင်ဆင်ထားဖို့လိုပါတယ်၊
အိမ်နီးချင်းဗီယက်နမ်နိုင်ငံမှာလည်း စီးပွားရေးပြောင်းလဲမှုကြောင့် ငွေကြေးဖောင်းပွမှုတွေ ခုန်တက်ဘူးပါတယ်၊ အဲဒါတွေကို သင်ခန်းစာယူပြီး
ထိန်းသွားဖို့လို ပါလိမ့်မယ်လို့ နိုင်ငံခြားငွေကြေးလဲလှယ်နှုန်းနဲ့ပတ်သက်ပြီးကျွှမ်ကျင်ပညာရှင်တစ်ဦးကပြောပါတယ်။

ပြီးခဲ့တဲ့နှစ်မှာ ဥရောပသမဂ္ဂနဲ့ ပူးပေါင်းပြုလုပ်ခဲ့တဲ့ ငွေကြေးဆိုင်ရာအလုပ်ရုံဆွေးနွေးပွဲမှာ ဥရောပသမဂ္ဂက မြန်မာနိုင်ငံဗဟိုဘဏ်အနေနဲ့ သီခြားရပ်တည်စေဖို့ လိုအပ်ကြောင်း ၊ပြည်တွင်းအစိုးရဘဏ်တွေသာမက  ပုဂ္ဂလိကဘဏ်တွေကိုပါ ပြုပြင်ပြောင်းလဲပြီး ၀န်ဆောင်မှုတွေ တိုးချဲ့ဖို့လိုအပ်ကြောင်းအကြံဥာဏ်ပေးခဲ့ပါတယ်။

နန်းလွင် (ကုမုဒြာ သတင်းဂျာနယ်)