မြန်မာနိူင်ငံကို ထူးခြားလှပသည့် သဘာဝ အလှတရားတို့နှင့် ပြည်စုံသော ၊ လေ့လာချင်စရာ ရှေးဟောင်းယဉ်ကျေးမှု
အမွေအနှစ်တို့ဖြင့် ပြည့်နှက်နေသော ၊ ဖော်ရွေ ယဉ်ကျေးကာ ရိုးသာချစ်ခင် စရာ လူများ စုဝေးနေထိုင်သော ၊ လတ်ဆတ်သော အသီးအနှံ ၊ အသားငါးတို့ဖြင့် ချက်ပြုတ်စီမံထားသော အရဿာရှိသည့် ဟင်းလျာများကို စားသုံးနိူင်သော ၊ နိူင်ငံ တ၀န်းလုံး တည်ငြိမ်အေးချမ်းကာ ခေတ်မှီဖွံ့ဖြိုး တိုးတက်သည့်ပုံသဏ္ဍန် ၊ရင်းနှီးမြုပ်နှံမှုများ ပြုလုပ်ရန် အကောင်းမွန်ဆုံးသော နေရာ ၊
ထူးခြားဆန်းပြားသည့် အပြင် ရှားပါးလှသော သဘာဝ သယံဇာတများကို ပိုင်ဆိုင်ထားသည့် နိူင်ငံ ၊
အစရှိသည့် ကောင်းမွန်သည့် သွင်ပြင်လက္ခဏာများကို တွေ့မြင်ရလျှင် မြန်မာနိူင်ငံသို့ နိူင်ငံခြားသား ခရီးသွားများ လာရောက်လည်ပတ်မှု တိုးမြင့်လာနိူင်သလို ၊ စီးပွားရေး လုပ်ငန်းရှင်များ အနေဖြင့်လည်း ရင်းနှီးမြှုပ်နှံမှုများ လာရောက် ပြုလုပ် ကြပေလိမ့်မည် ။
ထိုသို့သော အနေအထားကို ရောက်ရှိအောင် မြန်မာနိူင်ငံကို ဘယ်လို မြှင့်တင်ပေးနိူင်သလည်း ဆိုတာနဲ့ ပက်သက်ပြီး 19-08-2012 နေ့ကUMFCCI တွင် ဆရာအောင်ချစ်ခင် ( Strategy First Institute ) မှ Developing Myanmar's Nation Brand ခေါင်းစဉ်ဖြင့် ဟောပြောခဲ့သည့်Seminar ကို တက်ရောက်ခဲ့ပါသည် ။
ထိုပွဲက အပြန်တွင် ကျနော်တွင် ကပ်ပါလာသော အတွေးပုံရိပ်များကို အားလုံးကို သိရှိစေရန် ဝေဌလိုစိတ် ဆန္ဒပြင်းပြလာခဲ့ပါသည် ။
ကျနော်တို့ တိုင်းပြည်ကို ကမ္ဘာ့နိူင်ငံ အသီးသီးက မည်သည့် ပုံသဏ္ဍန်ဖြင့် ရှုမြင် သုံးသပ်ကြပါသလည်းဆိုတာကို
သေချာ မသိနိူင်သေးပေမယ့် ၊ ကျနော်တို့ နိူင်ငံသားများက ကျနော်တို့ တိုင်းပြည်ကို အကောင်းမြင်သည့် ရှုထောင့်မှ မြင်နိူင်ကြပြီလား
ဆိုတာတော့ ကိုယ်တိုင် ကိုယ်ကျ မေးခွန်းထုတ်ကာ ဖြေကြည့်စေချင်ပါသည် ။
မြန်မာနိူင်ငံဆိုလျှင် ကိုယ့်ဒုက္ခကို ကိုယ်တိုင် ပုံဖော်သော ပြည်တွင်းစစ်မီးတောက်လောင်နေသည့်နိူင်ငံ ၊ နိူင်ငံရေး နှင့် လူမျိုးရေး ပြဿနားများ ကြောင့် တည်ငြိမ်အေးချမ်းမှုများ ပျောက်ဆုံးနေသော နိူင်ငံ ၊ စစ်အာဏာရှင် အုပ်ချုပ်မှု စနစ်ကြောင့် တရားမျှတမှု ပျောက်ဆုံးကာ လူ့အခွင့်အရေးများ ဆုံးရှုံးနေသော နိူင်ငံ ၊သဘာဝ သယံဇာတများကို တန်ဖိုးမြှင့်တင် နိူ်င်ခြင်း မရှိဘဲ ကုန်ကြမ်းအဖြစ်သာ တင်ပို့ရောင်းချသော နိူင်ငံ ၊ ၀င်ငွေ နည်းပါး၍ စားဝတ်နေရေး ခက်ခဲမှုကြောင့် ကိုယ်ကျင့်တရားခေါင်းပါးကာ လဘ်စားမှုများ ထူပြောသော နိူင်ငံ ၊ အမြီးကျက် အမြီးစား ၊ ခေါင်းကျက်ခေါင်းစား နေရာတကာ လိမ်လည် လှည့်ဖျားကာ ဂတိစကားကို မလေးစားသော စီးပွားရေး လုပ်ငန်းရှင်များကြီးပွားနေသည့် နိူင်ငံ အစရှိသည်ဖြင့် နာမည်ဆိုးဖြင့် ကျော်ကြားသည့်တိုင်းပြည်ဟု ကမ္ဘာက အသိအမှတ်ပြု လက်ခံထားကြလေသည် ။
ထိုသို့သော တိုင်းပြည်မျိုးကို လာရောက် လည်ပတ်လိုသည့် နိူင်ငံခြားသား ကမ္ဘာလှည့် ခရီးသည်များ အတော်ရှားသလို ၊ရင်းနှီးမြှုပ်နှံမှုများ ပြုလုပ်လိုသည့် စီးပွားရေးလုပ်ငန်းရှင်များလည်း အတော်ရှားလှပါသည် ။
ကမ္ဘာက ထိုသို့သော ရှုမြင် သုံးသပ်ချက် နှင့် အစိုးရ၏ တင်းမာသော သဘောထားတို့ကြောင့် ကျနော်တို့ တိုင်းပြည်
ခေတ်နောက်ကျ ကျန်ခဲ့သည့် ဆိုးကျိုးကို ခံစားခဲ့ရလေသည် ။ ယခုအခါတွင် လက်ရှိ အစိုးရသည် သူတို့အမှားကို နောင်တရကာ
ပြင်ဆင်ရန် ကြိုးစားနေသည့် မြင်ကွင်းများကို တွေ့ရှိရသလို အချို့သော အမှားများကိုတော့ ဆက်လက် ကျူးလွန်နေဆဲ ဖြစ်ကြောင်း
တွေ့ရှိရပါသည် ။ မည်သို့ပင် ဖြစ်စေ ကျနော်တို့ တိုင်းပြည် မတိုးတက်လျှင် ကျနော်တို့ နိူင်ငံသားများ ၊ အထူးသဖြင့် ပြည်သူလူထုမှာ
ပိုမို ဒုက္ခခံစားရကြောင်း လက်တွေ့ကျကျ သိရှိခဲ့ရပြီး ဖြစ်သည့် အတွက် အားလုံးပြင်ဆင်နိူင်ကြစေရန် လေးစားစွာ တိုက်တွန်းနိူးဆော်လိုပါတယ် ။
Facebook ကို 4 နှစ်နီးပါး အသုံးပြုခဲ့ဘူးသည့် အတွေ့အကြုံများကို ပြန်လည်စဉ်းစား သုံးသပ်ရင်းက ဖေ့ဘွတ်ကို အသုံးချကာ
တိုင်းပြည် ဖွံ့ဖြိုး တိုးတက်အောင် လုပ်ဆောင်နိူင်မည့် နည်းလမ်းကို အများသိရှိအောင် တင်ပြပေးလိုသည့် ဆန္ဒပြင်းပြလာအောင်
ဆရာအောင်ချစ်ခင်၏ ဟောပြောပွဲလေးက ပိုမို နိူးဆွပေးခဲ့သလို ခံစားရသည့် အတွက် ယခုစာစုလေးကို ရေးသားခဲ့ခြင်း
ဖြစ်ကြောင်း ရိုးသားစွာ အသိပေးလိုပါသည် ။
FaceBook ဆိုသော မီဒီယာ တနေ့တခြား ပိုမို နံမည်ကြီးကာ အသုံးပြုသူ အရေအတွက် ပိုမို များပြာလာသည်မှာ အဘယ့်ကြောင့်နည်း ။
ကျနော့်အမြင်အရ ဆိုရပါလျှင် လောကကြီးတွင် အသက်ရှင်သော လူသားတိုင်း စိတ်ခံစားချက်ကို အဓိကထားတတ်ကြသည့် သဘာဝ
တရားကြောင့်ဟု ထင်မြင်မိပါသည် ။ လူသားများ၏ ပင်ကိုယ်ဗီဇအရ တရားမျှတမှုကို မြတ်နိူးသည် ၊ လွတ်လပ်မှုကို ခုံမင်သည် ၊
အပြုသဘောဆောင်သည့် အတွေးအခေါ် လုပ်ရပ်များကို သဘောကျတတ်ကြသည် ၊ အသစ်အဆန်းဆို စူးစမ်းလေ့လာချင်ကြသည် ။
မိမိတို့၏ ရင်ထဲက ခံစားချက်ကို အခြားသူများကို မျှဝေလိုတတ်ကြသည် ၊ မကြိုက်နှစ်သက်လျှင် ဝေဖန် အကြံပြုလိုကြသည် ။
ထိုကဲ့သို့ လူသားများ၏ ပင်ကိုယ်သဘာဝကို လှပစွာ ပုံဖော်ခွင့် ပေးထားခြင်းကြောင့် Facebook သည် ကမ္ဘာ့ပေါ်တွင် အအောင်မြင်ဆုံးသောမီဒီယာ ဖြစ်လာအောင် စွမ်းဆောင်ပေးခြင်းဖြစ်သည်ဟု ကျနော် ယုံကြည်ထားမိလေသည် ။
ထိုအရာများအားလုံး ကို Facebook ၏ Like Button ၊ Comment ၊ Share ၊ Notification တို့က ၀ိုင်းဝန်း ကူညီထောက်ပံ့
ပေးထားကြောင်း တွေ့ရှိရလေသည် ။ ထိုသို့ အချိုးညီမျှစွာ ပေါင်းစပ်ပေါင်းမှုများကြောင့် Facebook သုံးစွဲသူတိုင်း နှစ်ခြိုက်
ကျေနပ်ကာ Facebook ကို စွဲလန်းနေကြခြင်းဖြစ်ပါသည် ။
ဤနေရာတွင် ကျနော် တင်ပြလိုသည်က ဖေ့ဘွတ်ကို အသုံးချကာ တိုင်းပြည်ကို ဖွံ့ဖြိုးတိုးတက်အောင် လူသားအားလုံးက
ပါဝင်ဆောင်ရွက်နိူင်မည့် အကြောင်းလေးပင်ဖြစ်ပါသည် ။
ကျနော်တို့ တိုင်းပြည်ပိုမို ဖွံ့ဖြိုးအောင် ဖေ့ဘွတ်ကို အသုံးချကာ စွမ်းဆောင်နိူင်သည်ဟု ကျနော်က ပြောခဲ့ပါလျှင် လူအများက
ငြင်းဆန်ကြပေလိမ့်မည် ။ မဖြစ်နိူင်ပါဟု တွေးတောကာ စောဒက တတ်ကြပေလိမ့်မည် ၊ အချို့က ခါးခါးသီးသီး ကန့်ကွက်ကြပေလိမ့်မည် ။
တကယ်ပါ Facebook ကို အသုံးချကာ ကျနော်တို့ တိုင်းပြည် ပိုမိုဖွံ့ဖြိုးတိုးတက်လာအောင် အားလုံးဝိုင်းဝန်းကြိုးစားပေးနိူင်တယ်ဆိုတဲ့
ကျနော့် ဆွေးနွေးချက်လေးကို ပြီးဆုံးအောင် ဖတ်စေချင်ပါတယ် ။
အလွန်နံမည်ကြီးလှသော ဖေ့ဘွတ်သည် ယခင်က အပျော်တမ်း အသုံးချခဲ့သူများသာ ရှိခဲ့သော်လည်း ယနေ့ မျက်မှောက်ကမ္ဘာတွင်
စီးပွားရေး လုပ်ငန်းရှင်များက ဌင်းတို့၏ အကျိုးစီးပွား ပိုမို ဖွံ့ဖြိုး တိုးတက်အောင် ဖေ့ဘွတ်ကို အသုံးချလာခဲ့ကြသလို ၊ နိူင်ငံရေး သမားများ၏ မဲဆွယ်ရာဌာန ၊ အလှအပ နှင့် စားသောက်ကုန်များ အဓိက ကြော်ငြာဖြန့်ဖြူးရာ နေရာ ၊ မီဒီယာသမားများနှင့် နည်းပညာရှင်တို့ သတင်းအချက်အလက်များ ဖလှယ်ရာ ၊ ဖြန့်ဖြူးရာ နေရာ အဖြစ်သို့ ရောက်ရှိနေသည် ကို ကြည့်ခြင်းအားဖြင့် ဖေ့ဘွတ်၏ စွမ်းဆောင်နိူင်မှုကိုခန့်မှန်းနိူင်ကြပါလိမ့်မည် ။
Facebook ၏ ထူးခြားချက်မှာ မိမိ သိရှိ သမျှ ၊ မိမိတို့ ရှုမြင် ခံစားရသည့် အရာအားလုံးကို မိမိတို့၏ မိတ်ဆွေများလည်း သိရှိအောင် စွမ်းဆောင်ပေးနိူင်သလို မိမိတို့ မိတ်ဆွေများ၏ ရှုမြင် သုံးသပ်ချက်များကိုလည်း မိမိတို့ လွယ်ကူစွာ သိရှိနိူင်အောင် စွမ်းဆောင်ပေးနိူင်လေသည်။ထို့အပြင် မည်သည့် သတင်းအချက်အလက်များသည် ယခုလက်ရှိ အနေအထားတွင် လူအများဆုံး စိတ်ဝင်စားနေသည့် ဆိုသည့် အကြောင်းကိုလည်း Facebook က သုံးစွဲသူတိုင်းကို အသိပေးလေ့ရှိပါသည် ။ ထို့ကြောင့်ပင်လျှင် ဖေ့ဘွတ်ကို အသုံးချကာတိုင်းပြည်ကို ပိုမိုဖွံ့ဖြိုးတိုးတက်လာအောင် စွမ်းဆောင်ပေးနိူင်ပါမည်ဟု ကျနော်က အကြံပြု တင်ပြခြင်း ဖြစ်ပါသည် ။
ဥပမာ မိမိက ဓါတ်ပုံတပုံ တင်လိုက်သည့် အခါ မိမိတို့ မိတ်ဆွေများ လွယ်ကူစွာ သိရှိအောင် ဖေ့ဘွတ်က စွမ်းဆောင်ပေးသလို ၊ ထိုမိတ်ဆွေများထဲမှ တစုံတယောက်က နှစ်ခြိုက်၍ Like နှိပ်သည့် အခါတွင် ဖြစ်စေ ၊ ထိုဓါတ်ပုံနှင့် ပက်သက်၍ သူခံစားရတာကို Comment ပြန်ရေးသည့် အခါဖြစ်စေ ဖေ့ဘွတ်က ကျနော်တို့ကို ထပ်မံ အသိပေးပြန်လေသည် ။ ထိုဓါတ်ပုံနှင့် ပက်သက်သမျှ တုန့်ပြန်မှုများ အားလုံးသည် မိမိကိုသာ မကမိတ်ဆွေများ ၊ ထိုမိတ်ဆွေများ၏ မိတ်ဆွေများထိအောင် အသိပေးလေ့ရှိခြင်း ဆိုသည့် စွမ်းဆောင်ချက်များကြောင့် ဖေ့ဘွတ်သည် ယနေ့ မျက်မှောက်ကမ္ဘာတွင် အလွန်ထင်ရှားလာခြင်း ဖြစ်သည် ။
ထိုကြောင့် ကျနော်တို့ အနေဖြင့် မြန်မာနိူင်ငံ၏ ထင်ပေါ်ကျော်ကြားသော နေရာများကို စိတ်ဝင်စားစရာ ကောင်းအောင် ရှုထောင့် အမျိုးမျိုးမှရိုက်ကူးထားသော ဓါတ်ပုံများ ၊ ပျော်ရွှင်ကြည်နူးဖွယ် ကောင်းသော မြင်ကွင်းများ ၊ သာယာလှပသော သဘာဝ ရှုခင်းများ ၊ အံ့သြဖွယ်ကောင်းလောက်သည့် ရှေးဟောင်းယဉ်ကျေးမှု အမွေအနှစ် လက်ရာများ ၊ ကောင်းမွန်လတ်ဆတ်၍ အရသာ ရှိလှသော အစားအစာများအစရှိသည်တို့ကို မြန်မာနိူင်ငံသားများသာ မက ကမ္ဘာတ၀န်းမှ လူအများ အာရုံစူးစိုက်လာစေရန် ဆွဲဆောင်ပေးနိူင်ဖို့ အတွက် ကျနော်တို့ Facebook တွင် Fanpage တခု အသုံးပြုကာ အကျိုးရှိစွာ အသုံးချနိူင်ပါသည် ။
ထို Fanpage တွင် တင်ထားသည့် သတင်း ဓါတ်ပုံများ နှင့် စိတ်ဝင်စားဖွယ်ရာ အကြောင်းအရာများ ကို မိမိတို့က Like နှိပ်ပေးကြခြင်း ၊
အများပိုမို သိရှိစေရန် Share လုပ်ပေးခြင်း ၊ ပိုမို ကောင်းမွန်သည့် စိတ်ကူးများ နှင့် ထို သတင်းဓါတ်ပုံ နှင့် သက်ဆိုင်သည့် ပိုမို စိတ်လှုပ်ရှားဖွယ်ရာကောင်းသည့်ကိုယ်တွေ့ အတွေ့အကြုံများကို အပြုသဘောဆန်စွာ တင်ပြပေးနိူင်မည်ဆိုပါက မြန်မာကို ကမ္ဘာက အကောင်းမြင်သည့် ရှုထောင့်များမှ သိရှိအောင် စွမ်းဆောင်ပေးနိူင်မည် ဖြစ်ပါကြောင်း လေးစားစွာ အကြံပြု တင်ပြအပ်ပါသည် ။
ထိုစိတ်ကူးကို လက်တွေ့ အကောင်အထည်ဖော် ဆောင်ရွက်ရန် မိတ်ဆွေတို့ အနေဖြင့်လည်း Facebook ရဲ့ Like,Share,Comment, Button လေးများကို အသုံးချကာ လူတစ်ယောက် ၊ အဖွဲ့အစည်းတခု ၊ လုပ်ဆောင်ချက် တခု ကို အားပေးရုံတင် မကဘဲ တိုင်းပြည်တပြည်ရဲ့ ဖွံ့ဖြိုး တိုးတက်အောင် လွယ်ကူစွာ လုပ်ဆောင်ပေးနိူင်လို့ကျနော်တို့ရဲ့ FanPage မှာ သင်သဘောကျ နှစ်ခြိုက်မိတာလေးများ ရှိခဲ့ရင် Like နှိပ်ဖို့ မမေ့ပါစေနဲ့လို့ မိတ်ဆွေများ အားလုံးကို လေးစားစွာ အသိပေးရင်း ,,,,,, ။
( မကြာခင်မှာ Fanpage တည်ဆောက်ပြီး မြန်မာနိူင်ငံရဲ့ ထူးခြားတဲ့ အလှတရားများကို ကျနော် အတတ်နိူင်ဆုံး စုစည်းတင်ဆက်ပေးသွားပါမယ့် လို့ မိတ်ဆွေများကို ဂတိပေးသလို မိတ်ဆွေတို့ အနေဖြင့်လည်း ပါဝင် ကူညီဆောင်ရွက်ပေးကြပါလို့ လေးစားစွာ မေတ္တာရပ်ခံပါတယ် ခင်ဗျာ ။ )
ခင်မင်လေးစားလျှက်
ဗမာ့သွေး
