၅၀၀၀ တန်ဖုန်းကဒ်ရရှိရေး လူတစ်သောင်းကျော်နှင့် ပါတီအချို့၏ လက်မှတ်များ သမ္မတထံတင်ပို

ရန်ကုန်တိုင်းဒေသကြီး အင်းစိန်မြို့ နယ်ရှိ ရွှေလက်ချောင်းသာရေး ကူညီမှုအဖွဲ့မှ ဦးစီး၍ ၅၀၀၀ တန် ဖုန်းကဒ်ရရှိရေးအတွက် လူထု တစ်သောင်းကျော်နှင့် ပါတီအချို့ ၏ ထောက်ခံလက်မှတ်များကို မြန်မာနိုင်ငံတော်သမ္မတဦးသိန်းစိန်ထံ တင်ပို့ရာ ပြည် သူ့လွှတ်တော်သို့ ဖေဖော်ဝါရီ ၂၈ ရက်နေ့တွင် ရောက်ရှိခဲ့ကြောင် ရွှေ လက်ချောင်း သာရေးကူညီမှုအဖွဲ့ဥက္ကဋ္ဌဦးဗအုပ်ခိုင်Weekly Express Times သို့ ပြောကြားသည်။

အဆိုပါလက်မှတ်တစ်သောင်း ကျော်တွင် တပ်မတော်သားများ၊ တပ်မတော်ရေတပ်ဖွဲ့ဝင်များ၊ စစ် အင်ဂျင်နီယာများ၊ ဆရာ၊ ဆရာမ များ၊ ဆရာဝန်များ၊ ဆက်သွယ်ရေး ၀န်ထမ်းများ အပါအ၀င်အခြား ၀န် ထမ်းများ၊ လူတန်းစားအသီးသီးတို့ ပါဝင်ပြီး တိုင်းရင်းသားစည်းလုံး ညီ ညွတ်ရေးပါတီ၊ ကြံ့ခိုင်ဖွံ့ဖြိုးရေး ပါတီ၊ အမျိုးသားဒီမိုကရေစီပါတီသစ်၊ အမျိုးသားဒီမိုကရေစီအဖွဲ့ချုပ်၊ အမျိုးသားဒီမိုကရေစီ အင်အားစုတို့ ပါဝင်လက်မှတ်ထိုးထားကြောင်း၊ ယခုအခါတွင်လည်းဒေသအသီးသီးရှိ ပြည်သူများဆီမှ လက်မှတ်များ ဆက်လက်ရောက် ရှိနေရာ ယင်းလက်မှတ်များကိုလည်း လွှတ်တော်သို့ တင်ပို့ပေးမည်ဖြစ်ကြောင်း၎င်းက ဆိုသည်။

ရွှေလက်ချောင်း သာရေးကူညီ မှုအသင်း၏ ၅၀၀၀ တန်ဖုန်းရရှိ ရေးရည်ရွယ် ချက်မှာ နိုင်ငံတကာ နှင့် ဒေသတွင်းနိုင်ငံများ နီးတူမြန်မာနိုင်ငံတွင်လည်း သက်သာသည့် နှုန်းထားများနှင့် တွဲဖက်၍ ဒေသတွင်းရှိ လူတိုင်းဖုန်းကိုင်နိုင်ရန်၊ ဆက်သွယ်ရေးလွယ်ကူစေ ရန်၊ ဈေးကွက်စီးပွားရေးစနစ်ပီပြင်စွာ ဖြစ်ပေါ်လာရန်တို့ကို ရည်ရွယ်၍ ဆောင်ရွက်ချင်းဖြစ်ကြောင်း အထက်ပါပုဂ်္ဂိုလ်ကရှင်းပြသည်။

၂၀၁၂ ခုနှစ်ကြားဖြတ်းရွေး ကောက်ပွဲတွင် ၀င်ရောက်အရွေးချယ် ခံရမည့် အမျိုးသားဒီမိုကရက်တစ်ပါတီသစ်မှ ကိုယ်စားလှယ်လောင်း ဦးရသ၏ ရွေးကောက်ပွဲဝင်ရခြင်းအရေး (၁၂) ချက်တွင်လည်း ပြည်သူများအတွင်းဆက်သွယ်ရေးဖွံ့ဖြိုးစေရန် “လူတစ်ယောက်လျှင် ဖုန်းတစ်လုံး”၊ “အိမ်ထောင်တစ်စုတစ်ခုလျှင် ကွန် ပျူတာတစ်ခုလုံး” ခေတ်သို့ချီတက်ရေးဆိုသည့်အချက်ပါဝင်ကြောင်း၊ ၅၀၀၀ တန်ဖုန်းရရှိရေးကိုလည်း ရွှေ လက်ချောင်း သာရေးကူညီမှုအသင်း နှင့် ပူးပေါင်း၍ လွှတ်တော်သို့တင်သွင်းမည်ဖြစ်ကြောင်း ဦရသက ဆို သည်။

ရွှေလက်ချောင်း သာရေးကူညီမှု အသင်းသည် ၂၀၁၀ မေလမှစ၍ စတင်ဖွဲ့သည်းခဲ့ကြောင်း အဆိုပါ အသင်းမှ စုံစမ်းသိရသည်။
 Weekly Express Times

ဟိုတယ်ဝန်ထမ်းအား ပါးရိုက်မှု နောက်လ ၉ရက်သို့ ထပ်မံချိန်းဆို

ဖေဖေါ်ဝါရီ ၂၉၊ ၂၀၁၂ (YPI)
ယခင်လ ၂၈ ရက်နေ့က ရန်ကုန်မြို့ အောကစ် ဟိုတယ်၌ ဖြစ်ပွားခဲ့သည့် ဟိုတယ်ဝန်ထမ်း မအေးအေးကြည်အား ပါးရိုက်မှုဖြင့် တရားစွဲခံထားရသည့် အမှုကို ပုဇွန်တောင်မြို့နယ် တရားရုံးက မတ်လ ၉ ရက်နေ့သို့ ထပ်မံချိန်းဆိုလိုက်သည်။
ယနေ့နံနက် ၁၁နာရီတွင် စတင်စစ်ဆေးရန် ချိန်းဆိုထားသည့် အမှုမှာ ယနေ့စစ်ဆေးခြင်းမရှိသေးပဲ လာမည့်မတ်လ ၉ ရက်နေ့သို ချိန်းဆိုလိုက်ကြောင်း သိရှိရသည်။
ပါးရိုက်ခံရသူ ဟိုတယ်ဝန်ထမ်း မအေးအေးကြည်က ဂျပန်နိုင်ငံသား အိုကာဟာရှီကလည်း တားဆီးမှုဖြင့် ပြန်လည် တရားစွဲဆိုထားသဖြင့် တရားရုံးမှ အာမခံတောင်းခံသဖြင့် ဟိုတယ်ဝန်ထမ်းများ ထဲမှ အာမခံပေးထားရသည်ဟုလည်း သိရှိရသည်။
YPI

လိပ်ပြာကန်ဆရာတော် ဦးဃောသိတကို မ.ဟ.န က ကျောင်းမှ နှင်ထုတ်

လိပ်ပြာကန်ဆရာတော် ဦးဃောသိတကို ဖေဖော်ဝါရီလ ၂၉ ရက်နေ့တွင် လိပ်ပြာကန်တိုက်၊ အလယ်ကျောင်းကြီးအတွင်းက ဖယ်ပေးရန် နိုင်ငံတော် သံဃမဟာနာယက အဖွဲ့မှ ဆုံးဖြတ်ချက် ချလိုက်ပြီ ဖြစ်ပါတယ် ။
နိုင်ငံတော် သံဃမဟာနာယက အဖွဲ့ (တတိယ အဖွဲ့ခွဲ)ရဲ့ အကြောင်းပြချက်ကတော့ ရန်ကုန်တိုင်းဒေသကြီး ဗဟန်းမြို့နယ်၊ ငါးထပ်ကြီး မြောက်ရပ်ကွက်၊ လိပ်ပြာကန်တိုက်၊ အလယ်ကျောင်းကြီး၌ ယခင်က နေခဲ့ပြီး နိုင်ငံတော်အား ဆန့်ကျင်မှု၊ တရားမဝင် နိုင်ငံခြားငွေ လက်ဝယ်ထားရှိမှုတို့အရ ထောင်ဒဏ် (၇) နှစ် ပြစ်ဒဏ် ချမှတ်ခံရသဖြင့် နိုင်ငံရေး မပြုလုပ်ရန် တားမြစ်ထားသည့် ကျောင်းစည်းကမ်းအရ ကျောင်းမှ ထုတ်ပယ်ထားပြီး ဖြစ်သည်ဟု အကြောင်းပြချက်ဖြင့် ဦးဃောသိတ( ၁၂/ကခက(သ)၀၀၀၁၂၆) အား လိပ်ပြာကန်တိုက်၊ အလယ်ကျောင်းကြီးအတွင်း တရားမဝင် အဓမ္မ ဝင်ရောက်နေထိုင်လျက်ရှိသဖြင့် ဤညွှန်ကြားစာ ရသည့်နေ့မှ ၃ ရက်နေ့အတွင်း ထွက်ခွာသွားရန် ဖေဖော်ဝါရီလ ၂၄ ရက်နေ့က ထုတ်ပြန်ကြေငြာခဲ့ခြင်း ဖြစ်ပါတယ် ။
“စာထဲမှာ ပါတာက ဦးဇင်းက ထောင်က ထွက်လာတယ်။ ထောင်က ထွက်လာပြီးတော့ ဒီမှာ နေထိုင်ခွင့် မရှိဘူး၊ အဲတာကြောင့်မို့လို့ ကျောင်းတိုက်က ဖယ်ရှားခြင်းဖြစ်တဲ့အတွက်ကြောင့် ထွက်သွားပေး ဆိုပြီးတော့ သူတို့က ပြောတယ်လေ။ အဖြစ်မှန်ကတော့ ကျောင်းထိုင်ဆရာတော်က ကျောင်းပိုင်မြေကို တခြားကျောင်းကို ရောင်းချတယ်။ ဦးဇင်းက သာသနာ့မြေတွေကို အဲလိုလုပ်တာ မကြိုက်တဲ့အတွက်ကြောင့် လက်ရှိ ကျောင်းထိုင်ဆရာတော်ကို ဒါတွေ မလုပ်ဖို့ပြောတယ်။ ပြောတာကို လက်မခံတဲ့အတွက်ကြောင့် ဦးဇင်းက တိုက်ဌာနပိုင်ဆရာတော်ကို တိုင်လိုက်တယ်။ အဲလို ဦးဇင်းက တားမြစ်တဲ့အတွက်ကြောင့် ဦးဇင်း ရှိနေရင် သူ ရောင်းချလို့ မရဘူး။ အဲတာကြောင့် ဦးဇင်းကို မောင်းထုတ်တာပေါ့။ ဦးဇင်းက ဆက်ပြီးတော့ မ.ဟ.န တွေကို သိအောင်လုပ်ရမှာ ၊ သူတို့က မသိဘူးလေ၊ အောက်ခြေကို ဆင်းမကြည့်ပဲနဲ့ သူတို့က သဘောထား ဒီလိုလုပ်လိုက်တာ” လို့ ဦးဃောသိတက ဘားမားဗီဂျေ မီဒီယာကို ပြောပါတယ်။
လိပ်ပြာကန်တိုက်၊ အလယ်ကျောင်းကြီးမှ ကျောင်းပိုင်မြေကို မောရွှေပြည်(ရှမ်း)ကျောင်းအား တိုးချဲ့ဆောက်လုပ်ရန် မြေနေရာ ရောင်းချသည့်ကိစ္စအပေါ် ဦးဃောသိတက လိပ်ပြာကန်ကျောင်းတိုက်အုပ်ဆရာတော်ကြီးထံသို့ (၁၃-၁-၂၀၁၂)ရက်နေ့နှင့် (၂၄-၁-၂၀၁၂) ရက်နေ့တွင် တိုင်ကြားခဲ့ပါတယ်။ ထိုကြောင့် တိုက်အုပ်ဆရာတော်မှ မောရွှေပြည်(ရှမ်း)ကျောင်းအား ကျောင်းဆောင်သစ် ဆောက်လုပ်နေတဲ့အပေါ် ခတ္တရပ်ဆိုင်းထားရန် တားမြစ်ခဲ့ပါတယ်။ လိပ်ပြာကန်တိုက်၊ အလယ်ကျောင်းကြီး ဆရာတော် ဦးဇောတိကက သူ့ကို တိုင်ရမလားဆိုပြီး သူရောင်းလိုက်တဲ့ မောရွှေပြည်(ရှမ်း)ကျောင်း၏ ဆရာတော်တွေ နဲ့ ပေါင်းပြီးတော့ ဦးဇင်းကို နှင်ထုတ်ပေးရန် မ.ဟ.န ကို သွားတိုင်တာဖြစ်တယ်။ အခု မ.ဟ.န ကနေပြီးတော့ စာရပြီး ၃ ရက် နေရင် အပြင်ကို ထွက်ဖို့ အမိန့်စာ ထွက်လာပေမယ့် နောက်ထပ် ၂ ရက်တိုးပြီး နေခွင့်ပေးတဲ့အတွက် ဆရာတောဦးဃောသိတဟာ ဖေဖော်ဝါရီလ ၂၉ ရက်နေ့အထိ ကျောင်းတိုက်မှာ ဆက်လက် နေထိုင်ခွင့် ရထားပါတယ်။
“အခုလို ကျောင်းပိုင်မြေကို ရောင်းဖို့ စီစဉ်နေတာ တော်တော်ကြာနေပြီ။ အခုမှ အောင်မြင်တာ။ အရင်တုန်းက အဲနားမှာ ဘုန်းကြီးလေး တပါးနေတာ။ အဲဒီနေရာကို ရောင်းချင်တော့ ဘုန်းကြီးလေး နေတဲ့ကျောင်းကို ဖျက်ဆီးပစ်လိုက်ပြီးတော့ ကိုယ်တော်လေးကိုလဲ ကျောင်းမှ နှင်ထုတ်လိုက်တယ်။” လို့ ဦးဃောသိတက ဘားမားဗီဂျေ မီဒီယာကို ပြောပါတယ်။
“ဦးဇင်းရဲ့ ခံစားချက်ကတော့ ဦးဇင်းက ဒီကျောင်းက ဘုန်းကြီးတပါးပဲလေ။ ကျောင်းက တပည့်သံဃာတွေကလဲ ဦးဇင်းကို မထွက်စေချင်ဘူးလေ။ မထွက်စေချင်တော့ ဦးဇင်းကလဲ ဒါကို ချက်စုံလက်စုံ မ.ဟ.န ဆရာတော်ကြီးတွေ သိအောင်ပြောရမယ်။ လာပြီးတော့ ဦးဇင်းကို ဆွဲထုတ်သွားမယ်ဆိုရင်လဲ ဦးဇင်းက ငြိမ်ခံဖို့ အသင့်ရှိပါတယ်။ ဦးဇင်းကတော့ ကျောင်းက မထွက်နိုင်ပါဘူး။ မထွက်နိုင်တဲ့အတွက်ကြောင့် မ.ဟ.န ဆရာတော်ကြီးတွေကိုလဲ သိအောင်လုပ်မယ်။ အဖွဲ့အစည်းတွေကိုလဲ သိအောင်လုပ်မယ်။ အမှန်တရားကို ပေါ်အောင်လုပ်မယ်လို့ ဦးဇင်းအနေနဲ့ ပြောချင်ပါတယ်”လို့ ဘားမားဗီဂျေ မီဒီယာကို ပြောပါတယ်။

နိုင်ငံရေး ပြဿနာများကို ဖြေရှင်းရန်အတွက် အားလုံးပါဝင်တဲ့ အစည်းအဝေးတခု အမြန်လို

၈၈ မျိုးဆက်ကျောင်းသား ခေါင်းဆောင်များ ရန်ကုန် လေဆိပ်၌ သတင်းစာ ရှင်းလင်းပွဲပြုလုပ်

လက်တလော နိုင်ငံရေးပြဿနာများကို ဖြေရှင်းရန်အတွက် အားလုံးပါဝင်တဲ့ အစည်းအဝေးတခု အမြန်လိုအပ်နေကြောင်း ကချင်ပြည်နယ်၊ မြစ်ကြီးနား ခရီးစဉ်မှ ပြန်လည် ရောက်ရှိလာတဲ့
၈၈ မျိုးဆက်ကျောင်းသားများ အဖွဲ့မှ ကိုမြအေးက ရန်ကုန်လေဆိပ်မှာ ဖေဖော်ဝါရီလ၂၈ ရက်နေ့ ညနေ ၆ နာရီခွဲမှာ ပြုလုပ်တဲ့ သတင်းစာ ရှင်းလင်းပွဲမှာ ပြောလိုက် ပါတယ်။ ရန်ကုန်၊
မန္တလေးစသည့် မြို့ကြီးများတွင်သာ ယခုကဲ့သို့ သတင်းစာ လွတ်လပ်ခွင့် အချို့ကို ခံစားနေရသော်လည်း တိုင်းရင်းသားများမှာ ၎င်းတို့ ဒေသတွင် စစ်မက်အမြဲ ဖြစ်ပွားနေခဲ့သည့် အတွက်
တစုံတရာ အပြောင်းအလဲ ဖြစ်နေသည်ဟု မမြင်ကြောင်း ကိုမြအေးက ပြောပါတယ်။ ကိုမြအေးနဲ့ အတူ ၈၈မျိုးဆက်ကျောင်းသား ခေါင်းဆောင် ကိုပြုံးချိုကလည်း ခရီးစဉ်အတွင်း ကြုံတွေ့ခဲ့
ရသည်များကို မီဒီယာများကို ပြောကြား ခဲ့ပါတယ်။ မြစ်ကြီးနား ခရီးစဉ်အတွင်း ဘာသာရေး၊ လှုမှုရေး၊ နိုင်ငံရေး အလွှာအသီးသီးမှ ပုဂ္ဂုလ်များနှင့် တွေ့ဆုံခဲ့ပြီး လက်ရှိ နိုင်ငံရေး အကြပ်
အတည်းများကို ဖြေရှင်းရန် အတွက် ၈၈ မျိုးဆက်ကျောင်းသားများ အဖွဲ့မှ ထုတ်ပြန်တဲ့ အချက် ၄ ချက်ပါ ကြေငြာချက်ကိုလည်း ဝေငှ ခဲ့ပါတယ်။ ကိုမြအေး၊ ကိုပြုံးချို တို့နဲ့ အတူ
ကိုထွန်းမြင့်အောင်၊ ကိုမြတ်သူနဲ့ အခြား ကျောင်းသားခေါင်းဆောင်များဟာ ပြန်လည် ရောက်ရှိလာပြီ ဖြစ်ပြီး ကိုမင်းကိုနိုင်နဲ့ အခြား ကျောင်းသား ခေါင်းဆောင်များကတော့ အထက် မြန်မာ
ပြည် မန္တလေး ခရီးစဉ် အတွက် ကျန်ရှိ ခဲ့ပါတယ်။

ဒေါ်စု ကိုယ်စားလှယ်လောင်း အတည်ပြုချက် ရပြီ

ဧပြီလ (၁) ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်ဖို့ အတွက် ဒေါ်အောင်ဆန်းစုကြည်ကို ကိုယ်စားလှယ်လောင်း အဖြစ် လက်ခံကြောင်း အတည်ပြုတဲ့ အမည်စာရင်း ဒီကနေ့ ထွက်လာပါပြီ၊

ဒေါ်အောင်ဆန်းစုကြည်ကို ကိုယ်စားလှယ်လောင်းအရည်အချင်း ကိုက်ညီမှုမရှိဘူးဆိုပြီး အတိုင်ကြား ထားတာကို တိုင်းဒေသကြီး ကော်မရှင်ရုံးက ဒီကနေ့ အမိန့်ချပြီး ပယ်ချခဲ့တာလည်း ဖြစ်ပါတယ်၊ ဒီသတင်းကိုတော့ မသင်းသီရိက အပြည့်အစုံဆက်ပြောပြပေးမှာပါရှင်၊

ဒေါ်အောင်ဆန်းစုကြည်ဟာ ရွေးကောက်ခံ ကိုယ်စားလှယ်လောင်းတယောက်ရဲ့ အရည်အချင်းနဲ့ ကိုက်ညီခြင်း မရှိဘူး ဆိုပြီး တိုင်းဒေသကြီး ကော်မရှင်ရုံးကို ညီညွတ်ရေးနဲ့ ငြိမ်းချမ်းရေး ပါတီက ကိုယ်စားလှယ်လောင်း ဦးတင်ရီက အယူခံ ၀င် ကန့်ကွက် ထားတာကို ဒီကနေ့ ဖေဖော်ဝါရီ ၂၈ ရက် အင်္ဂါနေ့နေ့လယ်မှာ တိုင်းဒေသကြီး ကော်မရှင် ရုံးက ပယ်ချခဲ့တာ ဖြစ်ပါတယ်၊

အခုလိုမျိုး တိုင်းကော်မရှင်ရုံး က ကန့်ကွက်လွှာကို ပယ်ချအပြီး သက်ဆိုင်ရာ တောင်ပိုင်းခရိုင် ကော်မရှင် ရုံးမှာ ဒေါ်အောင်ဆန်းစုကြည်ကို ကိုယ်စားလှယ်လောင်း အဖြစ် အတည်ပြုတဲ့ အမည်စာရင်း ကပ်ထားပြီလို့ NLD ပါတီရဲ့ ဗဟို အလုပ်အမှုဆောင် အဖွဲ့ဝင် ဦးဥာဏ်ဝင်းက ပြောပါတယ်၊

“ခရိုင်ကော်မရှင်ရုံးမှာ ဒေါ်အောင်ဆန်းစုကြည် ကိုယ်စားလှယ်လောင်းအဖြစ် လက်ခံကြောင်း နို့တစ်စာ ကပ်ပြီးပါပြီ။ ဒီနေ့ နေ့ခင်း အမိန့်ကျတယ်။ တိုင်းကော်မရှင်က အမိန့်ကျတာ။ ပြီးတော့ ဥပဒေအရ ခရိုင်ကော်မရှင်က ကပ်တာ။ မခိုင်လုံလို့ ဘာညာဆိုတာ ဖော်ပြ မထားပါဘူး။ ဒေါ်အောင်ဆန်းစုကြည်ကို လွှတ်တော် ကိုယ်စားလှယ်လောင်း အဖြစ် အသိအမှတ် ပြုတယ်၊ ဒါပဲ။”

ဦးတင်ရီဟာ ညီညွတ်ရေးနဲ့ ငြိမ်းချမ်းရေးပါတီရဲ့ ကိုယ်စားလှယ်လောင်း အဖြစ် ကော့မှူးမဲဆန္ဒနယ်ထဲ မှာ ဒေါ်အောင်ဆန်းစုကြည်နဲ့ ယှဉ်ပြိုင်မယ့် သူလည်း ဖြစ်ပါတယ်၊

ဒေါ်အောင်ဆန်းစုကြည်ဟာ နိုင်ငံခြားမှာ ငွေကြေးထားရှိတယ် ၊ အင်္ဂလန် နိုင်ငံရဲ့ နေထိုင်ခွင့် Green Card ကိုင်ဆောင် ထားသူ ဖြစ်တဲ့အတွက် ကိုယ်စားလှယ်လောင်း တဦးရဲ့ အရည်အချင်း နဲ့ မကိုက်ညီဘူး ဆိုပြီး ဖေဖော်ဝါရီလ ၆ ရက်နေ့က ရန်ကုန် တောင်ပိုင်းခရိုင် ကော်မရှင်ရုံးမှာ ဦးတင်ရီက ကန့်ကွက်ခဲ့တာဖြစ်ပါတယ်။ ဒီကန့်ကွက်လွှာကို ခရိုင်ကော်မရှင်က ဖေဖော်ဝါရီ ၁၁ ရက်နေ့မှာ ပယ်ချအပြီး ဦးတင်ရီဘက်က တိုင်းဒေသကြီး ကော်မရှင်ရုံးထိ အယူခံ ဆက်ဝင်ခဲ့ပါတယ်။ မနေ့ကတော့ ဒီကန့်ကွက်မှုကို NLD ပါတီဘက်က ချေပလွာ တင်အပြီး ဒီကနေ့ တိုင်းဒေသကြီးကော်မရှင်ရုံးက ပလပ်လိုက်တာလည်း ဖြစ်ပါတယ်။

ဒါဟာ ကိုယ်စားလှယ်လောင်းတဦးကို ကန့်ကွက်တဲ့အဆင့်ရဲ့ နောက်ဆုံးအဆင့်လည်း ဖြစ်ပါတယ်။

ဦးဥာဏ်ဝင်း ။ “ဘယ်လိုကြောင့်လဲဆိုတာတော့ ကျနော်တို့ မပြောချင်ပါဘူး။ ဒီကန့်ကွက်လွှာကို ကြည့်ခြင်းအားဖြင့် အကြောင်းအရာ တွေက မှားယွင်းနေတဲ့အပြင်ကို အထောက် အထားမဲ့ ကန့်ကွက်တဲ့ ကန့်ကွက် လွှာလို့ပဲ မြင်ပါတယ်။”

ဧပြီလ ၁ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ လစ်လပ်မဲဆန္ဒနယ် ၄၈ နေရာစလုံးကို NLD ပါတီက ၀င်ပြိုင်ဖို့ ကိုယ်စားလှယ်လောင်း အမည်စာရင်း တင်ထားပြီး ခုဆိုရင် ၄၇ နေရာ အတည်ပြုချက် ထွက်နေပြီဖြစ်ပြီး စစ်ကိုင်းတိုင်း အင်းတော် မဲဆန္ဒနယ်အတွက် NLD ရဲ့ကိုယ်စားလှယ်လောင်း အမည်စာရင်း တခုသာ အတည်ပြုချက် မထွက်သေးဘဲ ကျန်နေပါသေးတယ်။

ဦးဥာဏ်ဝင်း။ “ဦးစောလှိုင်ပဲ အင်းတော်မဲဆန္ဒနယ်မှာ ကျန်သေးတယ်၊ သူက အရည်အချင်းချို့ငဲ့ခြင်း ရှိမရှိ စိစစ်ဖို့ ပြည်သူ့ ကော်မရှင်ကို ရောက်နေတယ်လို့ အဲလို နားလည်ပါတယ်။ အဲဒီက အဖြေ ဘယ်လိုရှ်ိမယ် ဆိုတာ မသိသေးပါဘူး။”

ဒေါ်အောင်ဆန်းစုကြည်ဟာ ခုဆိုရင် ကိုယ်စားလှယ်လောင်းအမည်အတည်ပြုချက်စာရင်း ထွက်လာပြီမို့ သူဝင်ရောက် ယှဉ်ပြိုင် အရွေးခံမယ့် ကော့မှူးမြို့နယ်ကို ကိုယ်စားလှယ်လောင်း စည်းရုံးရေးအဖြစ် တခေါက်သွားဖို့ စီစဉ်ထားတယ် လို့လည်း NLD ပါတီက ပြောပါတယ်၊ ဒါ့အပြင် ဒေါ်အောင်ဆန်းစုကြည်ဟာ လာမယ့် မတ်လ ၁ရက်နေ့မှာတော့ ရှမ်းပြည်နယ် နဲ့၊ မတ်လ ၃ရက်နေ့ကနေ ၅ ရက်နေ့ထိကိုတော့ မန္တလေးတိုင်း စစ်ကိုင်းတိုင်းနဲ့ နေပြည်တော်တွေကို လည်း ပါတီစည်းရုံးရေးနဲ့ ရွေးကောက်ပွဲ စည်းရုံးရေးတွေ အဖြစ်သွားဖို့ ရှိပါတယ်။

Ref: VOA News

ယနေ့ နံနက်ပိုင်း တောင်တွင်းကြီးတွင် မီးလောင်မှုဖြစ်ပွါး လူတဦးသေဆုံး

မကွေးတိုင်း တောင်တွင်းကြီးမြို့နယ်တွင် 29-2-2012 နံနက်အစောပိုင်း ၃နာ၇ီကျော်ကျော် (မြန်မာစံတော်ချိန်)တွင် မီးလောင်မှုဖြစ်ပွားခဲ့ပါသည်။ 
 
ယင်းမီးလောင်မှုဖြစ်ပွားသောနေရာမှာတောင်ပြင်(၁)၊ ဥပုဒ်ဈေးအနီး၊အာလူးအိမ်အနီးအတွ င်ဖြစ်ပီး၊ မီးလောင်မှုကြေင့် အာလူးအိမ်အပါအ၀င် အိမ်ခြေ (၉)လုံးခန့်မီးထဲပါသွားကြောင်းသိရပါသည်။
 မီးလောင်မှု စတင်လောင်လောင်ကြွမ်းခံရသည့် အိမ်မှာ ဒေါ်ဒေါင်း ၏ နေအိမ်ဖြစ်ကြောင်း ၊ ဒေါ်ဒေါင်းမှာ မိမိရွှေနှင့်လက်ဝတ်လက်စားများတက်ယူစဉ် မီးကူးစက်ခံရသဖြင့် ဆုံးပါးသွားကြောင်းသတင်းရရှိပါသည်။
Myanmar News Now

Myanmar News Now(သစ်ထူးလွင်) စာဖတ်ပရိတ်သတ်များ မှ ရတနာပုံ တယ်လီပို့ Web Protal ဌာန အတွက် Comment ကောင်းလေးများ

Mg Khwe said...

မိဒီယာဟာ ပြည်သူအတွက် ဘယ်လောက် အရေးကြီတယ် ဆိုတာ အခု သိနေရပြီ။ လွန်ခဲ့တဲ့ ၂ နှစ်က ဆိုရင် ဒါမျိုးကို တွေးတောင် တွေးဝန့်မှာ မဟုတ်ဘူး။ ၀န်ထမ်းတွေလည်း လုပ်ရဲလာပြီ ဆိုတာ တွေ့လာရတယ်။ လုပ်ရဲ တယ် ဆိုတာထက် အမှန်တရားဘက်က ရပ်တည် တတ်လာတာက အင်မတန် ၀မ်းသာစရာပါ။ စင်ကာပူမှာ လူတွေရဲ့ စာရိတကို ပြင်တာ ၁၀ နှစ် ကြာခဲ့တယ် လို့သိရတယ်။ မြန်မာပြည် မှာ အဲဒီလောက် ကြာမှာ မဟုတ်ပါဘူး။ မြန်မာပြည်သားတွေဟာ စံထားလောက်တဲ့ လူသားတွေ ဆိုတာ တစ်နေ့ ကဘာ က သိလာမှာပါ။ ကြိုးစားကြစို့။

February 28, 2012 11:29 PM

Tin Myint Soe said...

ကြားရတဲ့ သတင်း အတွက် များစွာ ၀မ်းသာပါတယ်... တစ်စုံတစ်ခုသော ကိစ္စ ကြောင့်၊ ဖြစ်ပေါ်လာသော ဆန္ဒ လိုက်လျောပေးစေလိုမှု အကောင်းထည်ဖော်မယ်လို့ သိရတာ တရားတယ်လို့မြင်ပါတယ်...အားလုံး အဆင်ပြေချောမွေ့နိုင်ပါစေလုိ့ ဆုမွန်ကောင်းတောင်းပေးပါတယ်။ တိုင်၇ီ ကိစ္စ လည်း ခုလိုဖြစ်စေချင်ပါတယ်.... ဒါပေမယ့် ကျွန်တော့် တစ်ဦးတည်းအမြင်ပေါ့နော်.. တိုင်ရီ နဲ့ ရတနာပုံ ကိစ္စမှာ ကွာခြားချက်လို့ခေါ်မလာ...ရတနာပုံ က ပညာရှင် များ ပြဿနာပေါ့.။ တိုင်ရီကတော့ အောက်ခြေလူတန်းစား ပြဿနာလို့ ခေါ်မလာ... ဆိုတော့... ခုထိ အဖြေမပေါ်သေးတာလား...အဖြေမထုတ်ပေးတာလား ကျွန်တော်မသိဘူး.. သို့ပေမယ့်...တိုင်ရီ ပြဿနာ ကို လည်း အမှန်ဆုံးပြေလည်စေချင်ပါတယ်...ဆုမွန်ကောင်းတောင်းလိုက်ပါတယ်...

February 28, 2012 11:36 PM

အောင်ဗလ said...

ဦးမျိုးညွန့်အောင်ဆိုသူ၏ ရိုင်းပျသောအပြုအမူ ခြိမ်းချောက်သောစကားလုံးများအတွက် နိုင်ငံတော်ရှေ့နေချုပ်ရုံးမှ ရာဇ၀တ်ကြောင်းအရတရားစွဲတင်ပို့ပါရန်အကြံပြုပါသည်။

February 28, 2012 11:58 PM

paukpauk said...

အကိုကြီးညီလေးတို့ Regime ဘယ်လောက် ဘက်လိုက်သလဲ မှန်ကန်သလဲ စောင့်ကြည့်ကြသေးတာပေါ့။

February 29, 2012 12:10 AM

အာကာထက် said...

အဲဒီလိုလာပြောတယ်ဆိုရင် ၀မ်းသာတယ် ပညာတတ်တွေဆိုတာ အဲဒါကိုခေါ်တာ ပညာရှိနည်းနဲ့ အမှန်တရားကိုဖေါ်ထုတ်တတ်တာရယ် မှန်ကန်တဲ့ဘက်က ရပ်တည်နေတဲ့သူမျိုးကိုခေါ်တယ် ဌာနဆိုင်ရာတခုမှာ အောက်ခြေ၀န်ထမ်းကြောင့်ဘယ်တော့မှ ပြသနာ စပြီးမဖြစ်ပါ အထက်အရာရှိဆိုးများကြောင့်သာ ၀န်ထမ်းပြသနာ ကြုံရပါသည် အပေါ်မှာ တရားမျှတလျှင် အောက်ခြေမှတည်ငြိမ်ပါသည် ဆိုးတဲ့ဝန်ထမ်းရှိလျှင်တဦးပဲထိခိုက်ပါသည်အရာရှိဆိုးပါက အားလုံးထိခိုက်ပါသည်ယနေ့ခေတ်ကာလမှာ အရာရှိလုပ်ဖို့လူမရှားပါ ၀န်ထမ်းကောင်းတဦးအတွက် အလွန်ရှားပြီးတန်ဘိုးရှိပါသည် ဦးတင်ဝင်းအနေဖြင့် ၀န်ထမ်းအားလုံးဖက်ကရပ်တည် ပါကအားလုံးရဲ့ယုံကြည်လေးစားခြင်းကို ခံရပါမည် တဦးတယောက်ဖက်ကရပ်တည်လိုက်ပါက သမိုင်းအတွက်အမဲစက်ဖြစ်သွားပါမည်

February 29, 2012 1:50 AM

U Thar said...

လွတ်လပ်တဲ့ media ကိုသုံးခွင့်ပြုတာအ၇မ်း ကိုကျေးဇူးတင်၇မယ် ဒါပေမဲ့ထိေ၇ာက်အောင်တော့ အေ၇းယူဆောင်၇ွက်သင့်တယ်

February 29, 2012 3:07 AM

thuyawin02 said...

So sweet!!! Now he realize his misconduct!

February 29, 2012 7:00 AM

Ko Tee said...

media အရေးပါကြောင်းလက်တွေ့ပြလိုက်တာပဲ ပြည်သူတွေကလည်း ကြောက်စိတ်ကိုဖယ်ရှားပြီး ရဲရဲတင်းတင်းခုလိုတင်ပြရဲတာဟာလည်းကောင်းတဲ့လုပ်ရပ်ပဲဒါကိုကြိုဆိုတယ် သစ်ထူးလွင် ကိုလည်းကျေးဇူးတင်ပါတယ်

February 29, 2012 8:20 AM

Hla Kyaw Nay said...

သိပ်သေချာတာပေါ့ ကိုမောင်ခွေး။ ဒီအတွက် ကျုပ်တို့ဒွေ သိပ်ရှုပ်ရှုပ်ထွေးထွေးမလိုပါဘူး။ ၁။ မဟုတ်မခံ ၂။ မမှန်ပြန်ပြော ဒါပဲ။

February 29, 2012 8:37 AM

မဲတစ်ပြား said...

အမှုဆောင်အရာရှိချုပ်ဦးတင်ဝင်း ၏လုပ်ဆောင်ချက်အား ကြိုဆိုပါသည်.... လုပ်ငန်း အနေအထား အမျိုးမျိုး အပေါ်နာလည်ပါသည်.... ဤသို့ရိုင်းပျစွာ ဆက်ဆံခြင်းမျိုး ကို နေရာအတော်များများမှာ တွေ့နေရပါသဖြင့် ကန့်ကွက်လိုခြင်းသာ ဖြစ်ပါသည်... Web Portal ၀န်ထမ်းများ အတွက်လည်း ဂုဏ်ယူပါသည်..... အုပ်ချုပ်သူ အဖွဲ့မှ မိမိတို့အသံကို အလေးထားခြင်းအား အသိအမှတ်ပြုသည့် အနေဖြင့် မိမိတို့အားနည်းချက်များ ကိုလည်း သုံးသပ်ပြီး ပိုမိုကြိုးစား လုပ်ကိုင်သင့်ပါကြောင်း အကြံပြုပါသည်.....

February 29, 2012 8:41 AM

LMKS said...

thank u so much Aba! :)

February 29, 2012 9:36 AM

LMKS said...

now we are getting closer to HUMAN RIGHT :)

February 29, 2012 9:39 AM

Kyaw said...

မီဒီယာ၏အကျိုးကျေးဇူးဖြစ်ပါသည်။ ယခုကိစ္စမည်သည့်အရေးယူမှုဆောင်ရွက်သည်ဖြစ်စေ နောင်တွင်ဆင်ကြင်ကြရမည်မှာ အကျိုးကျေးဇူးတစ်ခုပင်ဖြစ်ပေသည်။

February 29, 2012 9:42 AM 

 

သစ်ထူးလွင်(Myanamr News Now) မှ Comment များကို တင်ပြခြင်းမျှသာ..

 တစ်ဦးတစ်ယောက် ကို ရည်ရွယ်မှုမရှိပါကြောင်း

   ဘကြီးသက်....

 

ဒေါ်အောင်ဆန်းစုကြည့်ကို မကြိုဖို့၊ မကြည့်ဖို့ မြန်မာ့အသံ ညွှန်ကြားရေးမှူးချုပ်ဦးသိန်းအောင် အမိန့်ထုတ်

မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည် မန္တလေးတိုင်း ပါတီစည်းရုံးရေးခရီးစဉ်က 
အပြန်မှာ နေပြည်တော် တပ်ကုန်းမြို့ရှိ မြန်မာ့အသံ ရေဒီယို အသံလွှင့်ရုံမှာ တနိုင်ငံလုံးကို မဲဆွယ်
ပြောကြားမယ့် မိန့် ခွန်းကို အသံသွင်းယူဖို့ ရှိကြောင်းသိရပါတယ်။ 

ပြည်ထောင်စု ရွေးကောက်ပွဲကော်မရှင်ရဲ့  ထုတ်ပြန်ချက်အရ NLD ပါတီ၏ စည်းရုံးရေး ရုပ်သံအစီအစဉ်ကို မြန်မာ့ အသံနှင့် ရုပ်မြင်သံကြားမှ တဆင့် မက်လ ၁၄ ရက်နေ့ မှာ ထုတ်လွှင့်ပေးမှာဖြစ်ပါတယ်။

မတ်လ  ၅  ရက်နေ့မှာ နေပြည်တော်တပ်ကုန်းအသံလွှင့်ရုံ

ကို ဒေါ်အောင်ဆန်းစုကြည် လာရောက်
တဲ့အခါမှာ မြန်မာ့အသံဝန်ထမ်းအားလုံး ဒေါ်အောင်ဆန်းစုကြည် ကို ဘယ်သူမှ မကြည့်ရ၊ မကြိုရ
 လို့ မြန်မာ့အသံညွှန်ကြားရေးမှူးချုပ်ဦးသိန်းအောင်က ၀န်ထမ်းတွေကို အမိန့်ထုတ်လိုက်ပါတယ်။ 

နေပြည်တော် မြန်မာ့အသံနှင့် ရုပ်မြင်သံကြား ဌာန ဝန်ထမ်းများကို သောကြာနေ့ မနက်ပိုင်းက သီးသန့် အစည်းအဝေး တရပ် ခေါ်ယူကာ အဆိုပါ အမိန့် ကို ထုတ်ပြန် ပြောဆိုခဲ့ခြင်း ဖြစ်ကြောင်း အစည်းအဝေး တက်ရောက်ခဲ့သူ ဝန်ထမ်းများက ပြောပါတယ်။


ဝန်ထမ်းတွေကို ခေါ်ပြီး အမိန့်ထုတ်တဲ့ အဲဒီအစည်းအဝေးမှာ သူက ၀န်ထမ်းတွေကို တွေ့မှာလား၊ မတွေ့ဘူးလားဆိုပြီးတော့ (၅) ကြိမ်တိတိ မေးတယ်လို့ မြန်မာ့အသံဝန်ထမ်းတစ်ဦးက ဆိုပါတယ်။ ၀န်းထမ်းတွေက မတွေ့ပါဘူးလို့ ဖြေရပါတယ်။ ပြီးတော့ ဦးသိန်းအောင်က အင်တာနက်မကလို့ ကြိုက်တာတင်လို့လည်း ကြိမ်းဝါးလိုက်ကြောင်း  မြန်မာ့အသံဝန်ထမ်းများက Myanmar 
News Now ကိုပြောပြပါတယ်။
သစ်ထူးလွင်

အာရှသူရဲကောင်း ဗိုလ်အောင်ဆန်း သီချင်း

 
"အာရှသူရဲကောင်း ဗိုလ်အောင်ဆန်း သီချင်း" အား ပန်တျာဌေးဌေးမြင့် (လမင်းတရာ) နှင့် သူမ၏ သားဖြစ်သူတို့ သီဆိုစဉ်

(၈၈) မျိုးဆက်ကျောင်းသားများအား ကြိုဆိုနှုတ်ဆက်ဧည့်ခံပွဲ

၂၈.၂.၂၀၁၂
Oriental House, Mandalay

ညိုကြီး ရိုက်ကူးသည်။

မြစ်ဆုံ တန်ဖရဲရွာသားများကို မူရင်းရွာ ပြန်မနေဖို့ ဖိအားပေး

ကချင်ပြည်နယ် မြစ်ဆုံရေအားလျှပ်စစ်စီမံကိန်းကြောင့် ရွှေ့ပြောင်းပေးခဲ့ရသည့် မြစ်ဆုံ အနီး တန်ဖရဲ ရွာသားများအား စီမံကိန်း ရပ်ဆိုင်းလိုက်သော်လည်း နေရပ်ရွာသို့ ပြန်လည်နေထိုင်ခွင့် မပြုကြောင်း သိရသည်။

ဖေဖေါ်ဝါရီလ ၂၅ ရက်နေ့တွင် မြစ်ကြီးနားခရိုင် အုပ်ချုပ်ရေးမှူးက တန်ဖရဲရွာသားများအား မိမိရွာသို့ ပြန်လည်
နေထိုင်ခြင်း မပြုတော့ရန် အောင်မြင်သာ စံပြရွာသို့ လာရောက် ပြောဆိုခဲ့ပြီး နောက်တနေ့တွင် ဝန်ခံလက်မှတ် ထိုးခိုင်းကြောင်း ဒေသခံတဦး က ပြောသည်။

“၂၅ ရက်နေ့မှာ ခရိုင်အုပ်ချုပ်ရေးမှူးလာပြီးတော့၊ ရွာမှာ အစည်းအဝေးလုပ်ပြီးတော့ တန်ဖရဲမှာ တောင်ယာ လုပ်ချင် လုပ်ရမယ်။ ဒါပေမယ့် ပြောင်းပြီးမနေရဘူး ဆိုပြီး ပြောသွားတယ်။ ၂၆ ရက်နေ့မှာတော့ တအိမ်တက်ဆင်း ခံဝန် လိုက်ထိုးခိုင်းတယ်”ဟု ဒေသခံတဦးက ပြောပြသည်။

ဧရာဝတီ မြစ်ဆုံစီမံကိန်းမှ တရုတ်အမျိုးသား ၀န်ထမ်းများ နေသည့် အဆောင်များအား ၂၀၁၂ ခုနှစ် ဇန်န၀ါရီလက မြင်တွေ့ရစဉ်။ (ဓါတ်ပုံ - မဇ္ဈိမ)

ဖေဖေါ်ဝါရီလ ၂၄ ရက်နေ့က တန်ဖရဲရွာတွင် မြစ်ဆုံ ဆုတောင်းပွဲကျင်းပခဲ့ပြီး ဒေသခံများအပြင် စာရေးဆရာများ၊ ပညာရှင်များနှင့် ၈၈ မျိုးဆက် ကျောင်းသား ခေါင်းဆောင်များလည်း လာရောက်ခဲ့ကြသည်။ ထိုဆုတောင်းပွဲမှ စီမံကိန်း ရပ်တန့်သည့်အပေါ် ကျေးဇူးတင်ကြောင်းနှင့် စီမံကိန်း လုံးဝရပ်ဆိုင်းသွားရန် ဆက်လက်ကြိုးပမ်းကြမည်ဟု တက်ရောက်သူများက ပြောဆိုခဲ့ကြသည်။

ထို့နောက်တရက်တွင် ဤကဲ့သို့ ဝန်ခံကတိတောင်းသည့် လုပ်ရပ်များကို အာဏာပိုင်ဘက်မှ ပြုလုပ်လာခြင်းဖြစ်သည်။

၂ဝ၁၁ ခုနှစ် စက်တင်္ဘာလအတွင်းက သမ္မတ ဦးသိန်းစိန် ညွှန်ကြားချက်ဖြင့် စီမံကိန်းအား ရပ်တန့်စေလိုက်ပြီးနောက် တန်ဖရဲရွာသားများက မိမိတို့နေရပ်ရင်းသို့ ပြန်လည်နေထိုင်နိုင်ရန် ကြိုးစားလာခဲ့ကြသည်။

“မလိခမြစ်ဘေးက ရွာ ၃ ရွာကတော့ စီမံကိန်းမြေညှိတာတွေ လုပ်လိုက်ပါပြီ။ တန်ဖရဲရွာ ကတော့ မြစ်ဘေး တလျှောက်ပဲ မြေထိုးရသေးတာဆိုတော့ တောင်ယာလုပ်စားလို့ ရသေးတယ်။ ကျန်တဲ့ ရွာသားတွေလည်း ပြန်လို့ရရင် သူတို့နေရာဟောင်းကိုပဲ ပြန်ချင်ကြတာပါ”ဟု တန်ဖရဲရွာသားတဦးက ပြောပြသည်။

မူလ တန်ဖရဲရွာတွင် အိမ်ခြေပေါင်း ၁၈၇ အိမ်ရှိပြီး လူဦးရေ ၁၁ဝဝ နီးပါး ရှိကာ မြစ်ကြီးနား အထက် ၂၆ မိုင်အကွာ တွင် တည်ရှိသည်။ ကျေးရွာသားများသည် တောင်ယာနှင့် ဥယျာဉ်ခြံစိုက်ပျိုးသည့် လုပ်ငန်းများ၊ အပန်းဖြေ လာရောက် သူ ခရီးသွားများကို ဝန်ဆောင်မှု ပေးသည့်လုပ်ငန်းများ လုပ်ကိုင်ကြသည်။ မြစ်ဆုံ ရေအားလျှပ်စစ် စီမံကိန်းသည် တန်ဖရဲရွာအစွန်တွင် တည်ဆောက်နေခြင်း ဖြစ်သည်။

၂ဝ၁ဝ ခုနစ်မှစ၍ မြစ်ဆုံစီမံကိန်းကြောင့် ပြောင်းရွေ့လိုက်ရသည့် ရွာများကို စုပေါင်းပြီး အောင်မြင်သာ ကျေးရွာသစ် ကို  မူလနေထိုင်သည့် ရွာများမှ ၁ဝ မိုင်ကျော်ဝေးသည့် နေရာတွင် တည်ပေးခဲ့သည်။

အောင်မြင်သာကျေးရွာသစ်သို့ မပြောင်းရွှေ့ဘဲ တန်ဖရဲ၌ ချန်ရစ်နေထိုင်ခဲ့သည့် အိမ်ထောင်စု ၄ စုရှိသည်။  အိမ်အများစုမှာ သော့ခတ်ထားကာ လူမနေကြောင်း တန်ဖရဲရွာသားတဦးက ပြောပြသည်။

မြစ်ဆုံစီမံကိန်း တည်ဆောက်မည့် ကုမ္ပဏီများ က တည်ပေးသည့် ၎င်းရွာသစ်မှာ တောင်ယာလယ်လုပ် စိုက်ပျိုး စားသောက် မရသည့် မြေရိုင်းဖြစ်ပြီး အောက်ခံမြေမှာ ကျောက်ဖြုန်းလွှာ ဖြစ်သည်ဟု ဒေသခံများက ဆိုသည်။

နေအိမ်အသစ်များကိုလည်း တောသစ်အစိမ်းများကို ဖြတ်တောက် ဆောက်လုပ်ပေးထားအတွက် လက်ရှိတွင် ပျဉ်ချောင်းများမှာ ကောက်ကွေးနေကြောင်း သိရသည်။

အောင်မြင်သာကျေးရွာ၏ အောက်ဘက်တွင် မြစ်ဆုံစီမံကိန်းမှ တရုတ်လုပ်သားများ ယခုချိန်ထိ ဆက်လက် နေထိုင်ဆဲ
ဖြစ်ပြီး အေးရှားဝေါကုမ္မဏီမှ ဝန်ထမ်းများလည်း ယခင်အတိုင်း ဆက်လက်နေထိုင်ဆဲ ဖြစ်သည်ဟု သိရသည်။

တရုတ်နိုင်ငံသို့ ၅ ရက်ကြာ သွားရောက်ခဲ့သည့် ပြည်သူ့လွှတ်တော် ဥက္ကဋ္ဌ သူရဦးရွှေမန်းက မြစ်ဆုံဆည် စီမံကိန်း ပတ်သက်၍ “မြန်မာနိုင်ငံတွင် မြစ်ဆုံ ရေအား လျှပ်စစ် စီမံကိန်းအား ရပ်ဆိုင်းခဲ့ခြင်းသည် ပြည်တွင်း/ပြည်ပ အခြေအနေများကြောင့် ဖြစ်သည်”ဟု တရုတ်ပြည် အမျိုးသားကွန်ဂရက် ဥက္ကဋ္ဌ မစ္စတာ ဝူဘန်ကို အား ဖေဖေါ်ဝါရီလ ၂၄ ရက်နေ့က ပီကင်းမြို့၎င်း တွေ့ဆုံစဉ် ပြောဆိုခဲ့သည်။

မစ္စတာဝူဘန်ကို ကလည်း အနောက်နိုင်ငံများသည် ပတ်ဝန်းကျင် ထိန်းသိမ်းရေး ကိစ္စများ၊ ရာသီဥတု ပြောင်းလဲမှုများ ကို အကြောင်းပြကာ စီးပွားရေးလုပ်ငန်းအချို့ကို အနှောက်အယှက် ပြုနေသည်ဟု ဦးရွှေမန်းအား ပြန်လည် သတိပေး
ပြောဆိုခဲ့သည်။

နယူးဒေလီ (မဇ္ဈိမ)

သိချင်တာလေးတွေ (၁)

ဦးနေ၀င်း အစိုးရလက်ထက်နဲ့ ၁၉၈၈နောက်ပိုင်း တပ်မတော်အစိုးရလက်ထက်တွေမှာ ချေးငှား သုံးစွဲခဲ့ လို. မြန်မာပြည်ဟာ အကြွေး အမေရိကန် ဒေါ်လာ ၁၁ ဘီလျံ  တင်နေကြောင်း  အစိုးရက တရားဝင်ထုတ်ပြန်လိုက်တဲ့အခါ အစိုးရအဆက်ဆက်၏ လွဲမှားတဲ့ စီးပွားရေးနဲ. စီမံခန်.ခွဲမှုတွေကြောင့် အာဏာရှင်တွေအုပ်ချုပ်ခဲ့လို့ ဒီလိုဖြစ်ရတာလို့ ပညာရှင်တွေရော မီဒီယာတွေကပါ တစ်လေသံတည်း ဝေဖန်ခဲ့ကြတယ် ။

လောလောဆယ် အမေရိကန် နိုင်ငံရဲ့ အမျိုးသား ကြွေးမြီ-National Debt စုစုပေါင်းဟာ အမေရိကန်ဒေါ်လာ ၁၄.၂ ထရီလီယံ ရှိတယ်။မြင်သာအောင်ပြောရရင် ဘီလီယံပေါင်း ၁၄၀၀၀ အကြွေးတင်နေတယ် ၊ နှစ် စဉ်နှစ်တိုင်း ဘတ်ဂျက် လိုငွေပြနေတယ် ကြွေးမြီကအကျမရှိဘူး။ အတက်ပဲရှိတယ်။ အခု အမျိုးသား ကြွေးမြီက ငါးနှစ်ကာလအတွင်း နှစ်ဆတိုးမြင့်သွားခဲ့ တာဖြစ်တယ်။ ဒီအထဲမှာတရုတ်ကို  ဘီလီယံ ၇၀၀၀ ကျော် ၊ ဂျပန်ကို ၈၈၆ ဘီလီယံ ဆပ်စရာရှိနေတယ် ။အကြွေးဆိုတော့အတိုးပေးရတာပေါ့ ။ အိုဘားမားရဲ့ ၂ဝ၁၂ ဘတ်ဂျက်မှာ အတိုးပေးဖို့ လျာထားငွေ တောင် အမေရိကန်ဒေါ်လာ ၂၆ဝ ဘီလီယံရှိတယ်။

သူတို့တိုင်းပြည်မှာ စစ်တပ်ကအာဏာသိမ်း အုပ်ချုပ်သွားတာမျိုးမရှိသလို ၊ ဦးနေ၀င်း ၊ ဗိုလ်ချုပ်မှူးကြီးသန်းရွှေတို့လည်းအမေရိကားကိုသွားပြီး တွဲဘက်အုပ်ချုပ်ခဲ့တာမရှိပါဘူး ၊ ဘယ်လိုစီမံခန့်ခွဲမှု အမှန်တွေကြောင့် ဒီလောက်အကြွေးတွေ တင်သွားရတာလဲ သိချင်လှတယ် ။

ဒေါက်တာဆိတ်ဖွား

ပြည်ခိုင်ဖြိုး အဖွဲ့ ဝင်တယောက်၏ ရင်ဖွင့်စာ (ပေးစာ)

ပြည်ခိုင်ဖြိုး အဖွဲ့ ဝင်တယောက်၏
ပေးစာ (ရင်ဖွင့်စာ)
ကျနော်က...ကော့သောင်း..ပြည်ခိုင်ဖြိုးက..အသင်းသားတယောက်ပါ
ရပ်ကွက်ရေးရာတွေကို ..ဆောင်ရွက်ချင်တော့ ...တရားဝင်အဖွဲ့အစည်းတခု
ဖြစ်တဲ့...ပြည်ခိုင်ဖြိုးကို..၀င်ဖြစ်ခဲ့တာပါ..ပြည်ခိုင်ဖြိုးက ချမှတ်ထားတဲ့..မူဝဒ
တချို့ကလဲ...ကျနော်ဖြစ်ချင်တာတွေနဲ့..ကိုက်ညီတာတွေနဲ့..ရှိနေခဲ့ပါတယ်...
ဒါပေမဲ့ ရပ်ကွက်ထဲမှာကျတော့...ပြည်ခိုင်ဖြိုးဆိုတာလူမုန်းများတဲ့ အဖွဲ့တခုလိုဖြစ်နေပါတယ်....ကျနော်တို့အသင်းသားတွေရှေ့မှာ..သိပ်မပြောပေမဲ့...နောက်ကွယ်မှာ တော်တော်လူမုန်းများနေတာကိုတွေ့ရပါတယ်...လူထုအကျိုးပြုလုပ်ငန်းတွေကို..တတ်နိုင်သလောက် ဆောင်ရွက်ပေးနေပေမဲ့..လူထုရဲ့ကျေနပ်မှုကို မရပဲဖြစ်နေတာကို..တွေ့နေရပါတယ်....
အထူးသဖြင့် အင်တာနက်ကိုသုံးတတ်လာတဲ့အချိန်ကျတော့...စာတွေ
လျှောက်ဖတ်ရင်းသိလာရတာက..ကျနော်တို့အသင်းကြီးဟာ..နိုင်ငံအနှံ့
အပြားမှာ...လူမုန်းများနေတယ်ဆိုတဲ့အချက်ပါပဲ...နိုင်ငံသားအများစုပါနေတဲ့..ဒီအသင်းကြီးကို..နိုင်ငံသားတွေကပဲ...ဘာလို့အကောင်းမမြင်ကြတာလဲ..ဆိုတာ ကျနော်..အံ့သြစွာနဲ့..အတွေးတွေဝင်လာခဲ့ရပါတယ်......
လူကြီးတွေ ခိုင်းတာတွေ လုပ်ပေးနေရင်းကပဲ အသင်းရဲ့အနေအထားကို..
သတိထားကြည့်မိတတ်လာပါတယ်......၂၀၁၀ ရွေးကောက်ပွဲမှာတော့
အသင်းရဲ့..အာဏာအလွန်အကျွံ သုံးစွဲမှုတွေကို တွေ့လာရပါတယ်..
ပြီးတော့...အပေါ်ကလူကြီးတွေရဲ့..အခွင့်အရေးယူမှုတွေ...အာဏာလုမှု
တွေ..နောက်ကွယ်ရောက်ရင်..တယောက်နဲ့တယောက်..ပြစ်တင်ဝေဖန်မှုတွေ..အခွင့်ရေးမရသူက / ရသူကို ပုတ်ခတ်ပြောဆိုမှုတွေကို...သတိထား
မိလာပါတယ်...ကျနော်တို့ ကော့သောင်းပြည်ခိုင်ဖြိုးရုံးဟာ...မြို့လယ်ကောင်..အချက်အခြာကျတဲ့နေရာမှာရှိပါတယ်...ရုံးဝင်းရဲ့ ပိုနေတဲ့မြေနေရာမှာ
အသင်းရဲ့ လူကြီးပိုင်းမှာ.ပါတဲ့ဆရာဝန်တယောက်က ဦးဆောင်ပြီးနောက်ထပ်လူကြီး၂ ယောက်ပေါင်းပြီး....သူတို့(၃)ယောက်အတွက်..၃ခန်းတွဲ နှစ်ထပ်တိုက်တလုံးဆောက်ကြပါတယ်...အသင်းငွေနဲ့
ဆောက်ပြီး...သူတို့ကအငှားပြန်နေမဲ့ သဘောလို့ ပြောပါတယ်..ဒီနေရာ
ဟာအကွက်အကွင်းကေါင်းတဲ့..တန်ဘိုးရှိတဲ့ နေရာတခုပါ...ဒါဟာသက်သက်လူလယ်ကျပြီး...အခွင့်အရေးကိုအရယူတဲ့ သဘောဆိုတာ..အောက်ချေအသင်းသားအားလုံးက မှတ်ယူကြပါတယ်.
ပိုဆိုးတာက...ကျနော်တို့တွေရဲ့.....အချိန်တွေ...လုပ်အားတွေကို..အသုံးချ
ပြီးတော့...အဲဒီဆရာဝန်က...ဒေသရဲ့..၀န်ကြီးတယောက်..ဖြစ်သွားတာပါပဲ
သူ့အတွက်အခွင့်အရေးတွေအမျိုးမျိုးဖန်တီးယူသွားပေမဲ့...အသင်းကေ တာ့ ဘာမှထူးခြားမလာပါဘူး...ထူးခြားလာတာလေးတွေကတော့
ကော့သောင်းမြို့ကို တခါတလေရောက်လာရင် ဟိတ်ဟန်ကြီးကြီးနဲ့ကားပေါ်ကနေ မြို့ကိုဖြတ်သွားဖြတ်လာလောက်...
ကြည့်တာ...အသင်းသားတွေကို..အဆင့်အလွန်ကွာသူတွေလို..ဆက်ဆံတတ်လာတွေပါ...အခုတော့တိုက်ဆောက်ဖက်သူ့ပါတနာတွေကိုယ်တိုိင်က နောက်ကွယ်မှာ..မကျေနပ်သံလေးတွေထွက်လာတာပါပဲ............
အခု NLD တရားဝင်ထွက်ပေါ်လာတော့....ဘာမှ လုပ်ပေးမနိုင်သေးတဲ့
အဲဒီအသင်းကို လူတွေက ကြိုဆိုနေကျတယ်....ကျနော်တို့ အကောင်းတွေ အများကြီး..လုပ်ခဲ့ပေမဲ့....သူတို့ဘာလို့...အကောင်းမမြင်
ကြရတာလဲ....အခွင့်အရေးသမားတချို့နဲ့ ...မညီညွတ်တဲ့ ဖွဲ့စည်းပုံ
ကြောင့်လား....
မူဝါဒကမှားနေလား....လူတွေကမှားနေလား.....တကယ်ဆိုရင်ကျနော်
တို့..အသင်းမှာ...လူကောင်းတွေအများကြီးရှိမှာပါ..ရှိနေတာလဲ..တွေ့နေရပါတယ်....(ဥပမာ-သမတကြီးလို...ဦးရွှေမန်း တို့လို)ပေါ့.......
ကျနော်တို့ဟာ...နှစ်များစွာ..ပါဝင်လှုပ်ရှားလာခဲ့ရတဲ့ ကျနော်တို့ရဲ့
အသင်းကို သံယောဇဉ် ကြီးတာတော့ အမှန်ပါပဲ.....ဒါကြောင့်မို့
ပြောင်းလဲလာတဲ့ စနစ်နဲ့အတူ...တချိန်ချိန်မှာ...ကျနော်တို့ရဲ့..အသင်းကြီး
ကို...ပြည်သူတွေ ကြည်ဖြူစွာလက်ခံလာနိုင်အောင်...အသင်းထဲမှာရှိတဲ့
အခွင့်ရေးသမားတွေ..နေရာလိုသမားတွေ...အတ္တသမားတွေကို..ကျနော်တို့ကိုယ်တိုင်..ဖေါ်ထုတ် ဖယ်ရှားပြီး...ကောင်းမွန်ပြီးလူထု အကျိုးပြု
အသင်းကြီးတခု ဖြစ်လာအောင် ၀ိုင်းဝန်းကြိုးစားကြရအောင်ပါလို့
တနိုင်ငံလုံးမှာရှိတဲ့ ပြည်ခိုင်ဖြိုးပါတီဝင်အားလုံးကို...အလေးအနက် ...
မေတ္တာရပ်ခံလိုက်ပါတယ်...................................

ကော့သောင်းသားလေး

ရတနာပုံ တယ်လီပို့ Web Protal ဌာနမှ ဝန်ထမ်းများအတွက် အမှူဆောင် အရာရှိချုပ်ဦးတင်ဝင်းရဲ့ ဖြေရှင်းချက်

ရတနာပုံ တယ်လီပို့

မန္တလေးတိုင်းဒေသကြီး ပြင်ဦးလွင်မြို့အနီးမှာရှိတဲ့ ရတနာပုံ တယ်လီပို့ Web Portal ဌာန ၀န်ထမ်းတွေဟာ သူတို့ရဲ့ ဌာနကြီးမှူးဖြစ်တဲ့ ဦးမျိုးညွန့်အောင်ရဲ့ အာဏာသုံး ရိုင်းပျကြမ်းတမ်းစွာ ဆက်ဆံတာကို မကျေနပ်ကြတဲ့အတွက် စာပို့ တိုင်ကြား ကန့်ကွက်လိုက်တာကို ယနေ့ (၂၈.၂.၁၂) ရက်နေ့တွင် ရတနာပုံ တယ်လီပို့ အမှုဆောင်အရာရှိချုပ်ဦးတင်ဝင်းမှ Web Portal အပါအဝင် ရတနာပုံ တယ်လီပို့ (ပြင်ဦးလွင်) ရှိ ဝန်ထမ်းများ အားလုံးနှင့် တွေ့ဆုံပြီး အရေးပေါ်အစည်းအဝေး တစ်ခု ပြုလုပ်သွားကြောင်း သိရပါသည်။    

အမှုဆောင်အရာရှိချုပ်က တိုင်ကြားစာပါ အချက်(၂)ချက်ကို အခြေခံပြီး လာရောက် ဆွေးနွေး နှစ်သိမ့်ပေးသွားပါတယ်။ ပထမအချက်ဖြစ်တဲ့  "ရတနာပုံ Web Portal ရဲ့ ဌာနကြီးမှူး ဦးမျိုးညွှန့်အောင်ကို အားလုံးကမကျေနပ်ကြပါဘူး။ အဲဒီအတွက် အထက်ကနေ ထိထိရောက်ရောက် အရေးယူပေးရန်" ဆိုတဲ့ အချက်ကို ပြန်လည် ဆွေးနွေးရာတွင် ရတနာပုံ Web Protal ဝန်ထမ်းများ၏ သဘောထားအားသူကောင်းစွာ သဘောပေါက်ကြောင်း သူ့အနေဖြင့် အကောင်းဆုံး ဘက်ညီဆုံး သင့်တင့်မျှတဆုံးသော အဖြေကို ရှာမည်ဖြစ်ကြောင်း အားလုံးရဲ့ စိုးရိမ်ထိတ်လန့်မှု စိတ်ဓာတ်ပျက်ပြားမှုများကို ကောင်းစွာသဘောက်ပေါက်ကြောင်း အားလုံးမျှော်လင့်ထားတဲ့ ရလဒ်မျိုးကိုသာ စဉ်းစားမည်ဖြစ်ကြောင်းဖြင့် ဆွေးနွေး ပြောကြားသွားကြောင်း သိရပါတယ်။

နောက်တချက်က "ရတနာပုံ ဌာနကြီးမှူး ဖြစ်သော ဦးမျိုးညွန့်အောင်က ဆိုလာစက်ရုံတွင် ပြောင်းရွှေ့ တာဝန် ထမ်းဆောင်ရန် ခေါ်သွားတဲ့ လူ ၁၇ ယောက်စာအတွက် ကုမ္ပဏီဘက်က ပြန်စဉ်းစားပေးပါရန်" ဆိုတဲ့ အချက်အပေါ်ကို အမှုဆောင်အရာရှိချုပ်က အားလုံးဟာ အခုလက်ရှိ တာဝန်ထမ်းဆောင်နေတဲ့ ဌာနမှာသာလျှင်  မူလအတိုင်း ဆက်လက် လုပ်ဆောင်ရန် အတည်ပြုပြောကြားသွားသည်။ ပြောင်းရွှေ့ခံ ဝန်ထမ်းများ အပေါ် ရတနာပုံ ဌာနကြီးမှူးဖြစ်သော ဦးမျိုးညွန့်အောင်၏ ရိုင်းစိုင်း ကြမ်းတမ်းစွာ ပြောဆိုဆက်ဆံမှုမှာ မှန်ကန်ကြောင်းဦးမျိုးညွန့်အောင်ကိုယ်တိုင် အမှုဆောင်အရာရှိချုပ်ထံ ဝန်ခံကတိပြုသွားကြောင်း သိရပါသည်။

ရတနာပုံ တယ်လီပို့ အမှုဆောင် အရာရှိချုပ်က ဦးမျိုးညွှန့်အောင် အား ဌာနကြီးမှူး အဖြစ်မှ နှုတ်ထွက်ပေးရမည် ဆိုသည့် Web Portal ဝန်ထမ်းများ၏ တောင်းဆိုချက်ကိုမူ ပြန်လည် သုံးသပ်ပြီး တရားမျှတစွာ ဖြေရှင်းပေးမည် ဖြစ်ကြောင်း သိရသည်။ အမှုဆောင်အရာရှိချုပ်၏ တရားမျှတစွာ ဖြေရှင်းပေးမည်ဟူသော ပြောကြားချက်ကို ဝန်ထမ်းများ အားလုံးမှ ယုံကြည်မျှော်လင့် စောင့်စားနေကြကြောင်းလည်း သိရှိရသည်။

သိုဖြစ်ပါ၍ အမှုဆောင်အရာရှိချုပ်အနေဖြင့် ဖြစ်ရပ်အားလုံးအပေါ်ကိုလည်း သိရှိပြီး ဝန်ထမ်းများနှင့်လည်း တွေ့ဆုံ ဆွေးနွေးပြီးဖြစ်သောကြောင့် ရတနာပုံ ဝဘ်ပေါ်တယ် ဝန်ထမ်းများအားလုံးရဲ့ ညီညွတ်သော ဆန္ဒနှင့် သဘောထားများကို သိရှိပြီး ညီညွှတ်မျှတသော မှန်ကန်သော ဘက်ညီသော တရားနည်းလမ်းကျ ဖြေရှင်းမှု့ကို ပြုလုပ်မည်ဟု ယုံကြည် မျှော်လင့်ထားကြကြောင်း ရတနာပုံ ဝဘ်ပေါ်တယ် ဝန်ထမ်းများက Myanmar News Now ကို ပြောပြပါသည်။
သစ်ထူးလွင်

ဘယ်လိုလဲ မီဒီယာသမားတို့....

မီဒီယာ လွတ်လပ်ခွင့်တွေလိုချင်တယ် ...
မီဒီယာလွတ်လပ်ခွင့်ပေးပါ နှုတ်တွေကတဖွဖွ ကလောင်သွားတွေကတဖွဖွ ပြောနေသံတွေကြား ခဲ့ရတာ ...
ကျွန်တော်စာအုပ်တွေ စဖတ်စအရွယ် လွန်ခဲ့တဲ့ ၁၀နှစ်လောက်ထဲကပေ့ါ ။

ပြောရမယ့်ဆိုရင်တော့ မီဒီယာသမားလို့ပြောတဲ့သူ တွေဆီက ကြားနေကြစကားသံတွေ ဖတ်မိနေကြအရေးအသား
တွေ။ ဒီချိန် ဒီအခါမှာတော့ မီဒီယာသမားတို့တောင်းဆိုနေတဲ့ လွတ်လပ် ခွင့်ဆိုတာကြီးက တော်တော်များများလို့
ပြောလို့ရအောင်ကိုရလားပြီးလို့ ကျွန်တော်ထင်ပါတယ်။

(ဒါကျွန်တော်ထင်မြင်ယူဆချက်လဲ ဖြစ် ကောင်းဖြစ်နိုင်ပါတယ်) ။

ဒီလိုရလာချိန်မှာရော မီဒီယာသမားတို့ရဲ့ အများသူငှာပြည်သူပြည်သားတွေအပေါ်မှာ ဖော်ပြမှုကရော ဘာတွေ များ
ထူးခြားသွားပါသလဲ။ သတင်းကို သတင်းနဲ့တူအောင်ရေးကြပါတယ်။ သို့ပေမယ့် ခေါင်းစဉ်ပြောင်း ဓာတ်ပုံပြောင်း
ဒီအကြောင်းအရာ တွေကြီးပဲ ဖြစ်နေတာကတော့ ခက်ရချည်းရဲ့ ။ ဟိုအရင်တုန်းကလည်း ဟိုအရင်အကြိုက်ကို
လိုက်တယ်... ခုလည်း ခုအကြိုက်ကို လိုက်တယ် ဘယ်လိုလဲ ...လို့မေးလိုက်ချင်ပါရဲ့ ။

ကျွန်တော်ပြောတာဟုတ်မဟုတ် ထွက်လာတဲ့ ဂျာနယ်တွေကို စာဖတ်သူတို့ ကြည့်လိုက်ပါ။
ဟိုအရင်က ဟိုအရင်အကြိုက်ကိုလိုက်ရေး ခုကြတော့လည်း ခုအကြိုက်ကိုလိုက်ရေး တစ်ဖက်စောင်းနင်းရေးသား
ချက်တွေနဲ့ ဖော်ပြချက်တွေကများနေပါတယ် ။ လူတစ်ဦးတစ်ယောက်မှာ ကောင်းကွက်ဆိုးကွက်တွေရှိသလို အဖွဲ့အစည်း
တစ်ခုမှာလည်းကောင်း ကွက်ဆိုးကွက်တွေရှိနေမှာ အမှန်ပဲဖြစ်ပါတယ်။

မီဒီယာဆိုတာ ကြားခံဆက်သွယ်မှုတစ်ခု ဖြစ်တဲ့အတွက် မီဒီယာသမားတွေက မိမိတို့ရဲ့အယူတွေကိုအစွဲပြုပြီးရေး
သားလို့ မရပါဘူး။ ဖြစ်နေတဲ့ အကြောင်းအရာအပေါ်တွေမှာ အခြေခံပြီးမှ ရေးသားဖော်ပြရမှာဖြစ်ပါတယ်။

မှားတဲ့အရာကိုမှားတယ် မှန်တဲ့နေရာဆိုရင် မှန်တယ်လို့ရေးရမှာဖြစ်ပါတယ်။

မီဒီယာတွေရဲ့ အားနည်းချက်တွေကို ကျွန်တော်နည်းနည်းလောက်ဝေဖန်ခွင့်ပေးပါ.... (ခုလည်းဝေဖန်နေ ပါတယ်)
ဘာလဲဆိုတော့ အဖွဲ့အစည်းတစ်ခုရဲ့ ၀တ်စုံတွေကိုဝတ်ပြီး ဆိုင်ကယ်တွေ တ၀ူးဝူးး တဗြဲဗြဲ နဲ့သွားလာနေတဲ့ စည်းကမ်း
မဲ့နေတဲ့ သူတွေရဲ့ မြင်ကွင်းတွေကို ခင်ဗျာတို့ဘာလို့မရေးကြတာလဲ...။ အရမ်းကြည့်လို့ကောင်းနေလို့လား။




ဒီလိုစည်းကမ်းမဲ့မှုတွေကြောင့် အများသူငှာကို အနှောက်အယှက်ဖြစ်နိုင်တယ်ဆိုတာနဲ့ ယဉ်အန္တာရာယ်တွေဖြစ်နိုင်
တယ်ဆိုတာ မီဒီယာတွေတို့မမြင်ဘူးလား ။ ခင်ဗျာတို့တစ်ဖက်သတ်ရေးနေကြတဲ့ ဟိုအဖွဲ့အစည်းလက်အောက်ခံတွေ
က ဘယ်နေရာမှာ ဘယ်လိုလုပ်တယ်ဆိုတာမျိုးတွေကိုတော့ ကျွန်တော်တို့ကဖတ်နေရတယ်။

ဒီလိုမျိုး မေဒီယာသမားတို့အပါအ၀င် လူတွေလုပ်နေတာကိုတော့ သတင်းစာမျက်နှာတွေပေါ်မှာ မရောက်လာတာ
ခင်ဗျာတို့ကိုယ်တိုင်ပါဝင်နေလို့လား ။ ဒါမှမဟုတ် ခင်ဗျာတို့ရဲ့ အယူစွဲတွေကြောင့်မရေးတာလား။ တူညီဝတ်စုံတွေနဲ့
ဘီယာဆိုင်တွမှာ ရှိနေတဲ့ မြင်ကွင်းတွေကို မပြောပြချင်တော့ဘူး ။

တကယ်တော့မီဒီယာသမားဆိုတာ အယူစွဲတွေကိုပဲ တစ်ဖက်သတ်ရေးနေလို့မရပါဘူး ။ ခင်ဗျာတို့ဒီလိုအယူစွဲတွေကို
ပဲရေးနေမယ်ဆို ရင်တော့ မီဒီယာလွတ်လပ်ခွင့်တွေ ပြောနေရေးနေတာတွေကအလကားပဲ ။ လေကုန်ပြီး လက်ညောင်း
တယ် ရေးမနေနဲ့ အော်မနေနဲ့ ။ နောက်တစ်ခုကလုပ်ဇာတ်တွေကို သိပ်မရေးကြပါနဲ့ တကယ်အမှန်တရားကိုရေးသား
ဖော်ပြကြပါ..။

ခင်ဗျာတို့တစ်ဖတ်သတ်အယူအဆ တွေနဲ့ လုပ်ဇာတ်တွေက ပြည်သူပြည်သားအများကို သတင်းမှားတွေပေးနေရာ
ရောက်နေပါတယ်။ မီဒီယာသမားဆိုတာ ကိုယ်ယုံကြည်ချက် အမှန်တရားကို ချပြရမှာဖြစ်ပြီး မှားနေတာတွေ့ရင်လည်း
ဖော်ထုတ်ပြရမှာဖြစ်ပါတယ်။ ကိုယ်ကောင်းတာတွေကိုပဲ ဖော်ပြပြီးတော့ သူများတွေကိုတော့ မကောင်းဘူးရေးနေတာ
တော့ မီဒီယာသမားစစ်စစ်တွေ မဟုတ်ပါဘူး ။

နိုင်ငံမှာတာဝန်ထမ်းဆောင်ပြီးအပြစ်ပေးခံလိုက်ရတဲ့ တာဝန်ရှိသူတစ်ယောက်ကို မေးမြန်းတဲ့ မီဒီယာသမား မမ ကို
တော့ခင်ဗျာတို့က ဝေဖန်လိုက်ကြတာ...။ သူကမီဒီယာသမားဆိုတော့ လူအများသိချင်တာကို ဖော်ထုတ်ပြတာပဲ
ဘာတွေခင်ဗျာတို့ ပြောနေစရာဘာလိုလည်း ခင်ဗျာတို့လည်း သူလိုပဲလုပ်နေကြတယ်မဟုတ်လား။

ဒီတော့ခင်ဗျာတို့မီဒီယာသမားတွေလို့ အမည်ခံထားတဲ့ အလိုလိုက်အကြိုက်ဆောင်ပြီး အမှန်တရားတွေကို မျက်ကန်း
ပြီးမမြင်တဲ့ သူတွေအတွက် တစ်ခုအကြံပြုချင်တယ်...။ အက်ကြောင်းထပ် မကတဲ့သတင်းတွေကိုပဲ ဖော်ပြမနေပါနဲ့
လုပ်ဇာတ်တွေလည်းသိပ်မရေးပါနဲ့ မျှတအောင်လုပ်ကြပါ...။

ကိုယ်တိုင်ပြည်မှာ ဘယ်ဟာလုပ်တာကောင်းပြီး ဘယ်နေရာမှားနေတယ် ဘယ်သူကဒီကောင်းကွက်လုပ်တယ်
ဒီမကောင်းတာတွေလုပ် တယ် ဆိုတာမျိုးတွေကိုရေးပါ ပြီးတော့ပြည်သူတွေရဲ့အစစ်အမှန်တွေကိုနားထောင်ပါ။

ခင်ဗျာတို့အယူစွဲ ၀ါဒစွဲကြီးတွေနဲ့ ပြည်သူုတွေကို ချချပြီး မရေးပြစမ်းပါနဲ့ ဗျာ...။ ဒီလိုတွေရေးနေမယ်ဆိုရင်တော့ ခင်ဗျာ
တို့ ဘယ်တော့မှ မီဒီယာသမားကောင်းမဖြစ်ဘူး အလိုလိုက်အကြိုက်ဆောင်နေသူတွေပဲဖြစ်မှာသေချာပါတယ်....။
ပြင်သင့်တာကို ပြင်ပေးကြပါ လုပ်သင့်တာကို လုပ်ကြပါလို့ ဝေဖန် အကြံပြုလိုက်ပါတယ်။



(ယခုရေးသားချက်သည် မည်သူတစ်ဦးတစ်ယောက်ကိုမှ မရည်ရွယ်သလို မည်သည့်အဖွဲ့အစည်းကိုမှလည်း
မရည်ရွယ်ပါဘူး မြင်နေတာ တွေ့နေတာလေးတွေကိုသာ ဝေဖန်ခြင်းဖြစ်ပါတယ်။ အမှားတစ်စုံတစ်ရာရှိပါက
ကျွန်တော်ရဲ့ မှားယွင်းမှုသာလျှင်ဖြစ်ပါတယ်။)
အားလုံးကို လေးစားလျှက်....

ရွှေတူးဖော်မှုလုပ်ငန်းကြောင့် ချောင်းကြီးရွာ ရေလွှမ်းမည်ကို ဒေသခံများ စိုးရိမ်လျက်ရှိ

မန္တလေးတိုင်းဒေသကြီး ၊သပိတ်ကျင်းမြို့ နယ် ၊ချောင်းကြီးရွာရှိ ချောင်းကြီးချောင်းအနီးတွင်‘ရွှေမေမေကုမ္ပဏီ’မှရွှေတူးဖော်မှုလုပ်ငန်းကြောင့် မိုးတွင်အခါတွင် ချောင်းကြီးရွာ ရေလွှမ်းမည်ကိုရွာသူရွာသားများစိုးရိမ်ပူပန်နေ
ကြောင်း ဒေသခံများထံမှသိရသည်။

“သူတို့ကပါမစ်မကျသေးဘဲ ချောင်းကြီးဘေးမှာ ဆယ်ရက်လောက်လာပြီး  စက်ကြီးတွေနဲ့ဟိုတူးဒီတူးလုပ်သွားတယ်။အဲ့ဒီကထွက်တဲ့ မြေစာတွေက ဘေးနားမှာပဲဆိုတော့ ချောင်းကြီးထဲကို မိုးတွင်းမှာ ပြန်ဝင်ပြီးဆည်ပိတ်သလို့ဖြစ်ပြီးတော့ကျွန်တော်တို့ရွာ ရေကြီးလာနိုင်တယ်” ဟု ချောင်းကြီးဒေသခံဖြစ်သူ ကိုသန်းအေး ကပြော သည်။

အဆိုပါချောင်းကြီးကျေးရွာသည်၂၀၀၇ခုနှစ်တွင်Eternalကုမ္ပဏီမှ ချောင်းကြီးဘေးတွင် ရွှေတူးဖော်မှု လုပ်ငန်းလုပ်ကိုင်ခဲ့ဘူးကြောင်း၊ ရွှေတူးဖော်ခြင်းမှထွက်ရှိသော မြေစာများကြောင့် ချောင်းပိတ်ဆို့ကာ ဆည်ပိတ်သကဲ့သို့ဖြစ်သွားခဲ့ဖြစ်သွားခဲ့ပြီး ချောင်းကြီးရွာရှိ၅၆အိမ် ရေမြုပ်ကာ လူ ၇ ဦးသေဆုံးခဲ့ဖူးကြောင်း ဒေသခံများပြောပြချက်အရသိရသည်။

“ ကုမ္ပဏီတစ်ခုက ရွှေတူးတဲ့လုပ်ငန်းလုပ်ကိုင်ခဲ့တယ်။ ၂၀၀၇ လောက်က ဒီရွာမှာ ချောင်းပိတ်ပြီး ရေလွှမ်းသွားတယ် အိမ်တွေလဲမြုပ် လူတွေလဲသေခဲ့တယ်။ အဲဒါကြောင့် အဲကုမ္ပဏီကို လုပ်ကွက် ပိတ်လိုက်တယ်”ဟု ချောင်းကြီးရွာမှ ကိုအုန်းသန်း ကပြောသည်။

ယခုအခါတွင်‘ရွှေမေမေ ရွှေကုမ္ပဏီ’မှ ချောင်းကြီးရွာအနီးတွင် ရွှေတူးဖော်ခြင်းလုပ်ငန်းလုပ်ကိုင်ရန် ပြင်ဆင်နေကြောင်း ဒေသခံပြောပြခဲ့သောကြောင့် ရွှေမေမေကုမ္ပဏီအား မေးမြန်းရာတွင် ဖြေဆိုခဲ့ခြင်းမရှိသောလည်း မြို့နယ်အုပ်ချုပ်ရေးမှူးက ဖြေကြားပေးခဲ့သည်။

“ကျွန်တော်တို့က ပါမစ်ကျရင်လုပ်မယ် ၊ ပါမစ်မကျရင် မလုပ်ဘူး  ၊စက်တွေနဲ့တူးတယ်ဆိုတာကလည်းအရင်Eternalကုမ္ပဏီကလုပ်သွားတာတွေကို ပြန်ရှင်းတဲ့သဘောပါ” ဟု မြို့ နယ်အုပ်ချုပ်ရေးမှူး ဦးမျိုးဟန်မှပြော
သည်။

အဆိုပါ ရွှေတူးဖော်ခြင်းလုပ်ငန်းအား ရွှေမေမေ ကုမ္ပဏီမှ ကိုအောင်နှင့် သပိတ်ကျင်း မြို့နယ်အုပ်ချုပ်ရေးမှူးဦးမျိုးဟန်တုိ့မှလုပ်ကိုင်သွားမည်ဖြစ်ကြောင်း သိရသည်။

မြစ်မခ. ၂၈ဖေဖော်ဝါရီ၂၀၁၂

မန္တလေးမြို့တော်ဝန်အသစ် ဒေါ်အောင်ဆန်းစုကြည် ဟောပြောမည့်နေရာ ဆက်လက် အသုံးပြုခွင့်မသိသေးဟုဆို

မတ်လ၃ ရက်နေ့တွင် ဒေါ်အောင်ဆန်းစုကြည် ဟောပြောမည့် အောင်ပင်လယ်နေရာနှင့် ပတ်သက်၍ ဆက်လက် အသုံးပြုခွင့် ပေးမပေးကို ယနေ့စတင် တာဝန်ထမ်းဆောင်သော မြို့တော်ဝန်အသစ် ဦးအောင်မောင်းက မသိသေးကြောင်းပြောသည်။ “မသိသေးဘူးခင်ဗျ၊ ဒါတွေကြိုပြီးတော့ မသိဘူးခင်ဗျ၊ ဘာမှမလေ့လာ ရသေးဘူး၊ အဓိကကလည်း အဲဒါက ရွေးကောက်ပွဲ ကော်မရှင်က လုပ်ထားတဲ့စည်းမျဉ်းဥပဒေတွေနဲ့ ခွင့်ပြုထားတာပါ။ ဆက်လက် အသုံးပြုခွင့်ပေးမပေးဆိုတာ မသိသေးပါဘူးဟု မြို့တော်ဝန်အသစ် ဦးအောင်မောင်းက ပြောကြားသည်။” “အရင်လူလုပ်သွားတာကို နောက်လူကဖျက်လို့မှ မရတာ၊ ဆက်ခွင့်ပြုမယ်ထင်ပါတယ်”ဟု မန်းမြို့ခံတစ်ဦးကပြောသည်။ မန္တလေးသို့ မတ်လ ၃ ရက်နေ့တွင် မဲဆွယ်စည်းရုံးရေး ခရီးစဉ်လာရောက်မည့် ဒေါ်အောင်ဆန်း စုကြည်က ဟောပြောရန်နေရာကို ၅၀ လမ်းနှင့် ၅၁ လမ်းကြား၊ ၅၁ လမ်းနှင့် အောင်ဇေ ယျလမ်း၊ အောင်ပင်လည်၊ ချမ်းမြသာစည်ရှိ စည်ပင်ပိုင်မြေကွက်လပ်တွင် စည်ပင်မှ ခွင့်ပြု ခဲ့ကြောင်း ဖေဖော်ဝါရီ ၂၄ ရက်က ပြုလုပ် သည့် တိုင်းဒီချုပ် စာနယ်ဇင်းတွေ့ဆုံပွဲတွင် မန်းတိုင်း အောင်နိုင်ရေး ဥက္ကဌ ကပြောသည်။ မန္တလေးမြို့သူမြို့သား များသည် ဒေါ်အောင်ဆန်း စုကြည် ဟောပြောပွဲအတွက် ရွှေခွပ်ဒေါင်း၊ ခွပ်ဒေါင်း အလှပြ ကားများ ပြင်ဆင်နေပြီ အဆိုပါကွင်းသို့ သွားရောက်လေ့လာ သူများ ရှိနေကြောင်း သိရသည်။

ပေါ်ပြူလာဂျာနယ်

မန္တလေးမြို့ တော်ဝန်ပြောင်းပြီ

မန္တလေးတိုင်းဒေသကြီး စည်ပင်သာယာရေး ၀န်ကြီးငှာန မြိုတေ့ာ်ဝန် ဦးဖုန်းဇော်ဟန် နေရာ တွင် မန်းတိုင်းဒေသကြီး ဘဏ္ဍရေးနှင့် အခွန်ဝန်ကြီး ဦးအောင်မောင်းအား ပြောင်းလဲခန့် ထားလိုက်ကြောင်း သမ္မတ၏ သ၀ဏ်လွှာကို ဖေဖေါ်ဝါရီ ၂၈ရက်က ကျင်းပသည့် ဒဿမနေ့ တိုင်းဒေသကြီး လွှတ်တော် အစည်းအဝေး စတင်ချိန်၌ မန်းလွှတ်တော် ဥက္ကဌက ဖတ်ကြား သည်။ မန်းမြို့  တော်ဝန် ဦးဖုန်းဇော်ဟန်အား ဘဏ္ဍရေးနှင့် အခွန်ဝန်ကြီးအဖြစ် ပြောင်းလဲ ခန့် ထားလိုက်ကြောင်းသိရသည်။ “သတင်းစာထဲမှာ မြို့ တော်ဝန်ပုံကို မထည့်ခိုင်းတာကြာပြီ။ မြို့ တော်ဝန်ပြောင်းသွားတာ ဟုတ်လားလို့ ခဏခဏ သတင်းထွက် နေတာကြာလှပါပြီ အခုတော့ သေချာသွားပြီ” ဟု မန်းမြို့ ရှိ သတင်းထောက် တစ်ဦးကပြောပြသည်။ ယခုမြို့ တော်ဝန်အသစ် ဦးအောင်မောင်းသည် တိုင်းဒေသကြီး အဖွဲ့ တွင် ဘဏ္ဍရေးနှင့် အခွန် ၀န်ကြီးအဖြစ် ဆောင်ရွှက်နေသူ ဖြစ်ပြီး ယခင်က မန်းတက္ကသိုလ်မှ ပါမာက္ခဟောင်း ဖြစ်ကြောင်းသိရသည်။ ဦးဖုန်းဇော်ဟန်ကို မြို့ တော်ဝန်အဖြစ် ၂၀၁၁ မတ် ၃၀ရက်က စတင် ခန့် အပ်ခဲ့ခြင်းဖြစ်ပြီး ယခင်အစိုးရလက်ထက်တွင်လည်း မန်းမြို့ တော်ဝန်ဖြစ်ခဲ့သည်။ ဒီနေ့ လွှတ်တော် ကျင်းပတော့ စည်ပင်နဲ့ ဆိုင်တဲ့အမေးတွေကို ဦးအောင်မောင်း(မြို့ တော်ဝန် အသစ်) ကဖြေကြားပြီး ၊ ဘဏ္ဍရေးနဲ့  ဆိုင်တဲ့ မေးခွန်းတွေကို ဦးဖုန်းဇော်ဟန်က ဖြေကြား ခဲ့ကြောင်းလွှတ်တော်ရောက် သတင်းယူသော သတင်းထောက်တစ်ဦး ကပြောသည်။ပေါ်ပြူလာဂျာနယ်