ကိုင်းတန်း ပျံကျဈေး မပြောင်းရရေး ဈေးသည်တွေ ဆန္ဒထုတ်ဖော်

ငြိမ်းချမ်းစွာ စီတန်း လှည့်လည် ဆန္ဒထုတ်ဖော် ခဲ့ကြသော ဈေးသူ ဈေးသားများ

မန္တလေးတိုင်း ချမ်းအေးသာဇံမြို့နယ် ၈၄ လမ်းနှင့် ၈၅ လမ်းကြားမှာရှိတဲ့ ၂၉ လမ်းပေါ်ရှိ ညဘက် ဈေးရောင်းချနေကြတဲ့ ကိုင်းတန်း ပျံကျဈေးကို ၄၁ လမ်း ကမ်းနား
လမ်းထောင့် ကုန်စိမ်းဈေးသစ်ဆီသို့ ပြောင်းရွှေ့ပေးရမယ် ဆိုတာကြောင့် ဈေးနေရာ မပြောင်းရရေးအတွက် ဈေးသူ ဈေးသားတွေ စုပေါင်းပြီး ဇူလိုင်လ ၃၀ ရက်နေ့က
ဆန္ဒ ထုတ်ဖော် ခဲ့ကြပါတယ်။ ဆန္ဒ ထုတ်ဖော်ကြတဲ့ ဈေးသူ ဈေးသားတွေဟာ ည ၁၀း၀၀ နာရီခန့်က စတင်ပြီး ကိုင်းတန်း ပျံကျဈေးတန်းမှာ ငြိမ်းချမ်းစွာ စီတန်း၍
လှည့်လည် ဆန္ဒ ထုတ်ဖော် တောင်းဆို ခဲ့ကြတာဖြစ်ပြီး မြို့တော် စည်ပင်က သက်မှတ်ပေးထားတဲ့ ကုန်စိမ်းဈေးသစ်ကို မပြောင်းရွှေ့ချင်တဲ့ အကြောင်းအရင်းတွေကို
ရှင်းပြ ခဲ့ပါတယ်။ မြို့တော် စည်ပင်သာယာရေး ကော်မတီ အနေနဲ့ ဈေးနေရာ ပြောင်းရွှေ့ရာမှာ ဈေးသူ ဈေးသားတွေရဲ့ဆန္ဒကို ခံယူခြင်းမရှိပဲ ပြောင်းရွှေ့ခိုင်းတာ
ဖြစ်တယ်လို့ ဈေးသူ ဈေးသားတွေက ပြောဆို နေကြပါတယ်။

ဘကြီးသက်