ရန်ကုန်မြို့တွင်း (တက္ကစီ) အငှားယာဉ်များ သိသိသာသာ များပြားလာ

From : ခေတ်လူငယ်
ရန်ကုန်မြို့တော်တွင် မော်တော်ယာဉ်နှင့် ပတ်သက်သော စည်းမျဉ်းသတ်မှတ်ချက်များ ပြောင်းလဲအပြီး ၁၀ လတာ ကာလအတွင်း (တက္ကစီ) အငှားယာဉ် သိသိသာသာ များပြားလာပြီး ခရီးသည် ဝေစုရရှိမှုမှာလည်း သိသိသာသာ လျော့နည်းလာသည့်အတွက် (တက္ကစီ) အငှားယာဉ်များ၏ အုံနာခကို ပိုင်ရှင်များက အထိုက်အလျောက် လျှော့ချပေးခဲ့သော်လည်း ယာဉ်ပိုင်ရှင်များအတွက် အခက်အခဲများစွာ ရှိနေကြသည်ဟု ယာဉ်ပိုင်ရှင်များက ပြောသည်။ စီအင်န်ဂျီအငှားယာဉ်များသည် ဈေးနှုန်းအရ တွက်ခြေကိုက်သော်လည်း အသစ်သွင်းလာသော ကားသစ်များပါ (တက္ကစီ) အငှားယာဉ်များအဖြစ် ဝင်ရောက်ပြေးဆွဲလာကြခြင်းကြောင့် ယာဉ်ပိုင်ရှင်အများစုမှာ ယာဉ်စီးခကို ယခင်ထက် လျှော့ယူခဲ့ကြသည်။ သို့ရာတွင် ယာဉ်အတွက် ရင်းနှီးထားရသော စရိတ်၊ အသင်းအဖွဲ့၊ အစုအပိုင်များကဲ့သို့ ငွေကြေးရင်းနှီးမှု အားသာချက်များ မရရှိကြသော အခြေအနေများကြောင့် တစ်ဦးတစ်ယောက်ချင်း ပိုင်ဆိုင်လုပ်ကိုင်နေကြသော စီးတီး(တက္ကစီ) အငှားယာဉ် ယာဉ်ပိုင်ရှင်များမှာ အခက်အခဲများစွာနှင့် ရင်ဆိုင်နေကြရသည်ဟု ဆိုသည်။ ရန်ကုန်မြို့ရှိ စီးတီးတက္ကစီ ယာဉ်အစီးရေမှာ တစ်သောင်းခွဲကျော်ခန့် ရှိကြောင်း ၂၀၁၂ ခုနှစ် ဇူလိုင်လ ၁၄ ရက်နေ့ထုတ် မြဝတီ သတင်းစာတွင် ဖော်ပြထားပါသည်။
Myanmar Express

ဘကြီးသက်