ဘယ်က လာသလဲ (မြန်မာ သို့မဟုတ် ဘားမား)

ကျမ ကိုရီးယားကိုစရောက်ကထဲက အမြဲမေးခံရသောမေးခွန်းက "ဘယ်က လာသလဲ"ဆိုသောမေးခွန်းဖြစ်ပါသည်။ လူတိုင်းသိပြီးသားဖြစ်သဖြင့် ဘာမှမထူးဆန်းဟုဆိုသော်လည်း ကျမအတွက် အတော်စိတ်ညစ်ရသည့်မေးခွန်းဖြစ်ပါသည်။ ကျမကို သူတို့က အမှတ်တမဲ့မို့ထင်သည် တချိူ့ကလည်း ကိုရီးယားလို့သာ ထင်ကြသည်။  နောက်မှ စကားပြောရင်းမှ နိုင်ငံခြားသားမှန်း သိသွားပြီး ဘယ်နိုင်ငံကလာသလဲဟု မေးတတ်ကြသည်။ တခါတလေ တရုတ်လား ဒါမှမဟုတ် ဂျပန်လားဟုမေးသည်။

"ဘာလူမျိုးလဲ""ဘယ်နိုင်ငံကလာတာလဲ"

"မြန်မာပါ"

"ဘာ..ဘယ်ကလာတာ"

"မီယန်းမာ(သူတို့အသံထွက်)미얀마 မြန်မာ၊ ဘားမား(버마)လို့လည်းခေါ်တယ်"

"မသိဘူး ဘယ်နားကလဲ"

"အရှေ့တောင်အာရှမှာလေ... ယိုးဒယားနားကပ်လျက်ပဲ မြန်မာကို မသိဘူးလား"

"အော် ယိုးဒယားတော့သိတယ်။ အင်းအင်း"..

တချို့ကဒီလောက်နှင့်ပြီးသည်။ တချို့ကတော့ မပြီးနိုင်သောမေးခွန်းတွေတသီကြီးနှင့်မို့ဆက်ရှင်းပြရသည်။

"အရှေ့တောင်အာရှတိုက်ကလူတွေက  နှာခေါင်းပြားတယ်နော် နင်က နှာခေါင်းချွန်တယ် ကိုရီးယားနဲ့ဘာလို့တူတာလဲ၊ မြန်မာတွေက ကိုရီးယားနဲ့တူလား" စသည်ဖြင့် ကျမနေသည့် ရပ်ကွပ်ထဲက တချို့ကမေးသည်။" မြန်မာတွေက အသားမဲတယ်မှလား တီဗွီထဲမှာတွေ့ဖူးတယ် နင်ကမတူပါလား"ဟု မေးသည့်သူက ရှိသေးသည်။ အရှေ့တောင်အာရှကလူတွေကိုဆိုလျှင် တခါတရံ နှိမ်ချင်ကြသည်။ ကျမလည်း စိတ်တိုတော့ "ဦးလေးထက်ဖြူသည့်သူတွေတောင် မြန်မာပြည်မှာတပုံကြီးပဲ"လို့ ပြန်ဖြေလိုက်သည်။ မြန်မာတွေကတော့ ကိုရီးယားတွေကို ရုပ်ရှင်တွေကြောင့် အလွန်ကြိုက်ကာ ကိုရီးယားက မြန်မာကို အရိုင်းလောက်သာ သဘောထားလျှင် ကျမအတော်ဝမ်းနည်းမိသည်။ စိတ်လည်းတိုမိသည်။ ကျမတို့တိုင်းပြည်က ထွက်သည့်သယံဇာတတွေကို သူတို့မှာ ဈေးကြီးစွာတင်သွင်းကာ၊ ၀ယ်ယူသုံးနေရသည်ကို တချို့က နားမလည်ကြပါ။

>>>>>>>>>>>

"မြန်မာလေ မီယန်းမာ ဘာမားလို့လဲခေါ်တယ်"

"အော် ဘားမား ဘားမား သိတယ်သိတယ် အောင်ဆန်းလေ အောင်ဆန်းနိုင်ငံ ဟုတ်တယ်မှလား"

"ဟုတ်တယ် ဟုတ်တယ်"

အောင်ဆန်းကိုသိတယ် ဘာလို့နာမည်ပြောင်းတာလဲ အစက ဘားမားမှလား

"ဟုတ်ကဲ့"

>>>>>>>>>>>

တက်စီပေါ်မှာ အသက်၅၀ကျော်လောက် ကားမောင်းသမားကြီးက ပြုံးရင်းမေးလိုက်သည်

"ဘယ်နိုင်ငံကလာတာလဲ"

"ဘားမား၊ ဘောမား(သူတို့အသံထွက်)버마 ဘောမားလေ"

"အော် ဘာမားဆိုတာ မြန်မာမှလား ခုမြန်မာလို့ပြောင်းထားတယ်မှလား"

"ဘောလုံးနာမည်ကြီးပဲ ဘောလုံးဆို ဘာမားကသိပ်ကောင်းတယ်"

ကျမပင် မသိတော့ပါ ဘောလုံးပွဲတွေလည်း ကျမကတခါမှမကြည့်တော့ သူတို့ခေတ်က နာမည်ကြီးမကြီးမသိပေမယ့် မြန်မာဆို အသက်ကြီးကြီး ကိုရီးယားဦးလေးကြီးတွေက ဘောလုံးနာမည်ကြီးတဲ့ နိုင်ငံလို့ အတော်မျာများကသိကြပါသည်။ သို့သော် ၀မ်းနည်းစရာကောင်းတာက လူငယ်တွေကမြန်မာကို မသိကြခြင်းပင်။ ကျမတို့ အိမ်နီးချင်း ယိုးဒယား သို့မဟုတ် ထိုင်း(Thai) ကိုတော့သိကြသည်။ ရှေးတုန်းကလူကြီးတွေကတောင်သိပြီး ခုခေတ်လူငယ်တွေက မသိဆိုတော့ ကျမမှာ စိတ်ပျက်ရသည်။ တချို့လည်း မြန်မာလူမျိုးကို ကျမကိုသာ ပထမဆုံးမြင်ဖူးသည်ဟုပြောသည့်သူရှိသည်။ တချို့ကျတော့ ငါတို့အိမ်နားက စက်ရုံတွေမှာ အလုပ်လုပ်တဲ့မြန်မာတွေရှိသည်ဟုပြောသည်။ တခြားမြန်မာဆိုလျှင်မသိကြပါ။ ထိုင်း သို့မဟုတ် ယိုဒယားကိုသာရောက်ဖူးပြီး မြန်မာပြည်ကို မရောက်ဖူးပါဟုဆိုသည်။ တကယ်ဆို မြန်မာပြည်တွင် ကိုရီးယားတွေအများကြီးရှိနေပါသည်။

>>>>>>>>>>>>>>

"မြန်မာဆိုတာဘယ်မှာလဲတခါမှမကြားဖူးပါဘူး"ဟု ဈေးဆိုင်ကအဒေါ်ကြီးကပြောသည်။

ကျမကထပ်ရှင်းပြသည် "ချွန်ဒူးဝမ်သမ္မတကြီးလာတုန်းက ဗုံးပေါက်တဲ့ နိုင်ငံလေ"

"အော်သိပြီသိပြီ အောင်ဆန်းဗုံးပေါက်တဲ့ကိစ္စ အော်ဟုတ်သားပဲ၊ ဘားမားမှလား" "ခုမြန်မာလို့ပြန်ပြောင်းထားတာမှလား" ဘေးမှရပ်နေသည့်ဦးလေးကြီးက၀င်မေးသည်။

"မြန်မာလို့ခေါ်တာကြိုက်လား ဘားမားလို့ခေါ်တာကြိုက်လား"

"ဘာဖြစ်ဖြစ်ရပါတယ် ကိစ္စမရှိပါဘူး"

"ငါအောင်ဆန်းကို သိတယ်။ ခုသူ့သမီးကို ငါကြိုက်တယ်၊ စုကြည်အမျိုးသမီး (သူတို့အခေါ်: 수찌여사 Madam/ Ms. Su Kyi)

အဲဒီက၊ ဟုတ်တယ်မှလား"..

"ဟုတ်ကဲ့"

ဒါကရပ်ကွက်တို့ လမ်းတို့က သာမာန်ဖြေရသည့်ကိစ္စ.....

္စ

အာဇာနီကုန်း ဗုံးပေါက်သည့်ကိစ္စဆိုလျှင် တနိုင်ငံလုံးနီးပါး သူတို့သိကြသည်။ သို့သော်အောင်ဆန်းဗုံးပေါက်သည့်ပြဿနာလို့သာခေါ်ကြသည်မို့ အောင်ဆန်းဆို ကိုရီးယားတော်တော်များများသိသည်။ ဒါမှမဟုတ်တချို့က စုကြည်အမျိုးသမီးနိုင်ငံဟုသိကြသည်။ ဦးသန့်ဆိုလျှင်တော့ မသိကြပါ။ ဒါပေမယ့် မြန်မာနဲ့ ဘာမားကို အကြိမ်ကြိမ်ရှင်းပြရသည် တချို့က ဘားမားကိုသိပြီး တချို့က မြန်မာကိုသိသည်။ ကျန်သည့်ဗမာ သို့မဟုတ်မြန်မာကိစ္စကတော့ ကျောင်းမှာမေးတိုင်းရှင်းရသည်။ ဘယ်ဟာက မှန်သလဲ ဘာကြောင့်ပြောင်းသလဲဆိုတာ ဆရာတွေအပြင် သမိုင်းဘာသာယူသည့်သူငယ်ချင်းတွေက မေးလေ့ရှိကြသည်။

ကျမစာတမ်းဖတ်တော့ ၁၉၅၀နှစ်အတွင်းက အကြောင်းပါတော့ ဆရာတယောက်က အဲဒီတုန်းက ဘားမားလို့ခေါ်ခဲ့တာ ဘားမားဆိုရင် မြန်မာဆိုပြီးမဖတ်ပါနဲ့ပြန်ပြင်ဆိုလို့ ဘားမားလို့ပြန်ပြင်ပြီး ၁၉၉၀နောက်ပိုင်းကျတော့ မြန်မာလို့ပါပြောင်းထည့်ရပါသည်။ နှစ်ခုလုံးပြန်ထည့်ရသည်။ တချို့ကလည်း ဘာကြောင့်ပြောင်းသလဲ ရှင်းပြခိုင်းသည်။ မြန်မာနိုင်ငံနှင့်ပါတ်သတ်သည့် ကိုရီးယားလိုရေးသော ခေတ်သစ်သမိုင်းစာအုပ်များတွင် "ဘားမား သို့မဟုတ် မြန်မာ"ဆိုပြီး တော်တော်များများသူတို့ထင်မြင်ယူဆချက်များကိုရှင်းပြထားပါသည်။ ယန်းဂီဟယွန်း(양길현)ရဲ့ ဘားမား နှင့် မြန်မာ( 버마 그리고 미얀마) ဆိုသော စာအုပ်ထဲတွင် ဦးစွာ ယခုလိုပါပါသည်။

"ဘားမား နှင့် မြန်မာဆိုသည်မှာ တနိုင်ငံထဲဖြစ်သော်လည်း ကွဲပြားသည့်နာမည်ဖြစ်သည်။ ၁၉၈၉ခုနှစ်မှ မြန်မာဟုပြောင်းလဲခေါ်ဆိုခဲ့သည်။ လွန်ခဲ့သည့် အနှစ်၂၀ကထဲက အုပ်ချုပ်ခဲ့သည့် စစ်အစိုးရအား ဥပဒေအရတရားဝင်(legitimacy) အုပ်ချုပ်မူကို မဖြစ်စေသောအလို့ဌာ စစ်အုပ်ချုပ်မူကိုမကြိုက်သော သူများက မြန်မာဟုမခေါ်ဆိုပဲ ဘားမားဟုခေါ်ဆိုသည်။" ဟုဖော်ပြပါသည်။

ကျမကိုမေးလျှင်တော့ နားလည်သလောက်ပင်ရှင်းပြရသည်။ ၁၉၈၉ခုနှစ်ကစ၍ပြောင်းလဲခေါ်ဆိုသည်မှာ အဓိကကတော့ ကိုလိုနီလက်အောက်ကျရောက်သည့်အခါ အင်္ဂလိပ်မှခေါ်သည့်အတွက် စစ်အစိုးရလက်ထက်တွင် ပြောင်းလဲခဲ့ကြောင်း၊ သမိုင်းကြောင်းအရကတော့ မြန်မာဆိုတာလည်း ဗမာ၊ ဗမာဆိုတာလည်း မြန်မာ ဖြစ်ခဲ့တော့ တိုင်းရင်းသား အားလုံးကို ခြုံပြီး မြန်မာလို့ ခေါ်တာမျိုးဖြစ်တယ်လိှု့ နိုင်ငံရေးအရ သတ်မှတ်ချက် အနေနဲ့ဟု လွယ်လွယ်ပဲရှင်းပြရသည်။ ဒါကို သမိုင်းဆရာများက အမျိုးမျိုးယူဆပြီးရေးကြသည်။ ဗမာဟာ ဘားမားဖြစ်သည်။ ဘားမန်း(Burman)လို့ဘာလို့ရေးရသည် အဲလို သူတို့ရှင်းနေသလိုတွေ မြန်မာက မူလ ဗြဟ္မာက လာသည်၊ ဗြဟ္မာ ကနေပြီးတော့ ဗမာ ဖြစ်သွားသည်။ အဲဒါကိုမှထပ်ပြီးတော့ ဗမာ ကို ဗထက်ချိုက်နဲ့ မ နဲ့ ပြောင်းပြီးတော့ မြန်မာ ဖြစ်သွားသည်၊ စသဖြင့် အဲဒီထိရှင်းလျှင် နိုင်ငံခြားသားတွေနားရှုပ်ကုန်မည်။ ဒါပေမယ့် ကျမဖတ်ဖူးတဲ့စာထဲမှာ တယောက်ကခုလို ရှင်းပြထားတာကိုတော့ လက်ခံသည်။

" မြန်မာပြည်ကို Burma လို့ ခေါ်တာ မြန်မာလိုမဟုတ် ကျွန်မတို့ ခေါ်တာ အင်္ဂလိပ်လိုပဲ ဖြစ်ပါတယ်။ နအဖက မြန်မာလိုကိုပဲ ပြောင်းလို့ရပါတယ်။ အင်္ဂလိပ်လိုကို ပြောင်းလို့ မရနိုင်ဘူး သူ့လူမျိုးက သူခေါ်တဲ့အတိုင်းပဲ သူခေါ်မှာ ဖြစ်တယ်။ ကျွန်မတို့ အင်ဒီယန်းကို ကုလား၊ Chinese ကို တရုတ်၊ ထိုင်းကို ယိုးဒယား၊ French ကို ပြင်သစ်၊ ဘေဂျင်းကို ပီကင်းလို့ သူ့လူမျိုး ခေါ်တာနဲ့ရော အင်္ဂလိပ်တွေ ခေါ်တာနဲ့ပါ၊ ဘာမှမဆိုင်ဘဲ ကျွန်မတို့ ခေါ်ချင်သလို ခေါ်ကြတယ်မဟုတ်လား။ အဲဒီတော့ ကျွန်မတို့က China ကို တရုတ်ပြည် ခေါ်တာ Bejinn ကို ပီကင်းခေါ်တာ အင်္ဂလိပ်က လာပြီး မှားတယ်လို့ ပြောလို့ မရသလို အင်္ဂလိပ်ကလည်း မြန်မာလို မြန်မာနိုင်ငံကို အင်္ဂလိပ်လို Burmaလို့ ခေါ်တာ မှားတယ်လို့ ပြောလို့ မရနိုင်ဘူး။ တရုတ်ပြည် ဆိုတာ မြန်မာလိုကို မြန်မာဘာသာစကားနဲ့ ခေါ်တာ ရေးတာ ဖြစ်လို့ မှန်တယ်။ အင်္ဂလိပ်လိုလည်း ဒီအတိုင်းပဲ သူ့ဘာသာစကားကို သူ့စာနဲ့ ခေါ်တဲ့ရေးတဲ့တိုင်းပဲ ခေါ်မှာ ရေးမှာ ဖြစ်တယ်။

ဥပမာ- အင်္ဂလိပ်လို = China၊  မြန်မာလို = တရုတ်ပြည်၊  ပြင်သစ်လို = Chinoa (ချီးနွားလို့ အသံထွက်တယ်)

အဲဒါတွေကို သူခေါ်တဲ့အတိုင်းပဲ သူ့ဘာသာစကားနဲ့ ရေးရမှာ ဖြစ်တယ်။" ဟု ရှင်းထားသည်။ သူပြောတာမှန်တယ်လို့ ထင်ပါသည်။

ကျမလည်း သူပြောသလိုပင် နားလည်လွယ်ရန် ဟန်းဂု(Hangu: 한국) ဒါမှမဟုတ် ကိုရီးယား (Korea)နဲ့ နမူနာနှိုင်းကာ သူငယ်ချင်းတွေကိုရှင်းပြသည်။ ဘယ်လိုခေါ်တာကြိုက်လဲလို့ ကျမ မဖြေခင်၊ တချို့က " ဒီလိုခေါ်တာပဲ ကောင်းတယ် ဟုတ်တယ်မှလား"လို့ သူတို့ဖာသာ "ဘားမား"၊ တချို့က" မြန်မာ"လို့ခေါ်သည်။

ဘာပဲပြောပြော မြန်မာဖြစ်ဖြစ် ဘားမားဖြစ်ဖြစ် ဗမာဖြစ်ဖြစ် သူများနိုင်ငံရောက်လျှင် ကိုယ့်လူမျိုးကို မချီးမွမ်းခံရသည့်တိုင် ကဲ့ရဲ့စရာမဖြစ်အောင် သတိထားရပါမည်။ လွန်ခဲ့သည့်နှစ်များအတွင်းက မြန်မာတွေ ဘောလုံးတော်ကြောင်း၊ နာမည်ကြီးကြောင်းကို ခုထိကိုရီးယားတွေက မမေ့တာ ဘောလုံးပွဲအကြောင်းမသိသည့် ကျမအတွက်တောင် ဂုဏ်ယူစရာလိုပင်ဖြစ်သည်။ ဘားမားမသိသူနှင့် ဘားမားသာသိပြီး မြန်မာမသိသောသူတွေ ရှိတာကြောင့်ကျမမှာခုထိ ဘယ်ကလာသလဲဆိုလျှင် ရှင်းပြလို့မဆုံးတော့ပါ။

တနေ့တော့ ဘားမားဖြစ်စေ မြန်မာဖြစ်စေ တွေ့လိုက် ပြောလိုက်တာနှင့် အမေရီကန်လိုပင် ယူအက်စ် ဖြစ်ဖြစ် အမေရိကားဖြစ်ဖြစ် အန်ကယ်လ်ဆမ်ဖြစ်ဖြစ် လူတိုင်းသိသလို သိလာလိမ့်မည်ဟု မျှော်လင့်မိပါသည်။

(ကျမ၏ ထင်မြင်ယူဆချက်ကိုသာရေးသားပါသည်။)

အင်ကြင်း

Lu Bo

ဘကြီးသက်