ရေဓာတ်ငွေ့ဖြင့် ကားမောင်းခြင်း စမ်းသပ်မှု အောင်မြင်၍ ဈေးကွက်သို့ ထိုးဖောက်ရန် ပြင်ဆင်

မြန်မာအင်ဂျင်နီယာ နှစ်ဦးတည်းဖြင့် တီထွင်ထားသော ရေဓာတ်ငွေ့သုံး ကိရိယာကို ကားတွင် တပ်ဆင် အသုံးပြုခြင်းအား သက်ဆိုင်ရာသို့ တင်ပြတော့မည် ဖြစ်ပြီး  လူများလက်ခံလာပါက ဈေးကွက်သို့ ထိုးဖောက် ရောင်းချမည် ဖြစ်ကြောင်း ၎င်းစီမံကိန်းကို လုပ်ကိုင်နေသူ သုတေသီ အင်ဂျင်နီယာ ဦးကျော်ကျော်က ပြောသည်။


သုတေသီ အင်ဂျင်နီယာ ဦးကျော်ကျော်နှင့် အီလက်ထရောနစ် အင်ဂျင်နီယာကြီး တစ်ဦးတို့ ပူးပေါင်း တီထွင်လိုက်သော ရေဓာတ်ငွေ့ ကိရိယာဖြင့် ပူးတွဲ၍ ကားမောင်းခြင်းကို လွန်ခဲ့သော လေးနှစ်ကျော်မှ စမ်းသပ်ခဲ့ခြင်း ဖြစ်သည်။ ၎င်းတို့သည် တီထွင်နေစဉ်ကာလ လေးနှစ်ကျော် အတွင်းတွင် internet စာမျက်နှာများ၊ ပညာရပ်ဆိုင်ရာ စာအုပ်စာတမ်းနှင့် ကျမ်း ထောင့်နှစ်ရာကျော်ခန့်ကို မှီငြမ်းကိုးကား၍ ဖတ်ခဲ့ရကြောင်း သိရသည်။


“မြန်မာအင်ဂျင်နီယာ နှစ်ယောက်တည်းရဲ့ ဦးနှောက်နဲ့ လုပ်တာကို ဘယ်နိုင်ငံသွားသွား စပြောခံရတာ မယုံဘူးပဲ။ မင်းတို့နောက်မှာ တရုတ်ရှိတယ်ပေါ့။ အဲဒီတော့ငါတို့ တရုတ်ဦးနှောက် တစ်စက်မှ သုံးမထားဘူး။ တပ်ဆင်ထားတဲ့ ပစ္စည်းကအစ မြန်မာပစ္စည်း အစစ်ပဲလို့ ပြောခဲ့တယ်” ဟု ဦးကျော်ကျော်က ၎င်းတို့၏ နိုင်ငံတကာ အတွေ့အကြုံများကို ပြောပြခဲ့သည်။


ရေဓာတ်ငွေ့ နည်းပညာကို ကမ္ဘာပေါ်တွင် လွန်ခဲ့သော နှစ်ပေါင်း ၉၀ ခန့်မှစ၍ တွေ့ရှိခဲ့ခြင်းဖြစ်ကာ မြန်မာနိုင်ငံတွင်မူ စမ်းသပ်အောင်မြင်ပြီး ဈေးကွက်သို့ ထိုးဖောက်ရန် အားယူဆဲ အခြေအနေ ဖြစ်သည်။ ရေဓာတ်ငွေ့ဖြင့် မောင်းနှင်ခြင်းသည် ထည့်သွင်းရမည့် ရေပမာဏမှာ ၁ လီတာခန့်ကို မိုင် ၆၀၀ ကျော်ကျော်ခန့် သွားနိုင်ကာ ရေထဲတွင် သတ္တုအနီရောင်များ အနည်ထိုင်လာမှသာ ရေအသစ်လဲရမည် ဖြစ်သည်။ မြန်မာနိုင်ငံတွင်သာ တွင်တွင်ကျယ်ကျယ် သုံးမည်ဆိုပါက ဓာတ်ငွေ့ ထုတ်ပေးသည့် စက်ကိုသာ ရောင်းပေးမည်ဖြစ်ပြီး အသုံးပြုမည့်သူမှာ ရေသာထည့်ရန် လိုအပ်ကြောင်း သိရသည်။ အသုံးပြုရမည့် ရေမှာလည်း သောက်ရေသန့်မှလွဲ၍ မည်သည့် ရေကိုမဆို အသုံးပြု၍ရကြောင်း သိရသည်။


မော်တော်ယာဉ်အား သော့ဖွင့်လိုက်သည်နှင့် တစ်ပြိုင်နက် ဂတ်စ်ကို ထုတ်ကာ သော့ပိတ်လိုက်လျှင် အလိုအလျောက် ဂတ်စ်ပိတ်ပေးကြောင်း၊ ဂတ်စ်ဖွင့်သည့်အခါ ဆေးလိပ်သောက်ခြင်း၊ မီးခြစ်ခြစ်ခြင်းများအား ရှောင်ကြည်ရမည် ဖြစ်ကြောင်း သိရသည်။ ထို့အပြင် ရေဓာတ်ငွေ့အား အင်ဂျင်များဖြင့် ပူးတွဲသုံးပါက အင်ဂျင်စွမ်းအား ၂ ဆမှ ၃ ဆ အထိတိုးမြှင့်ကာ မလိုအပ်သော မီးခိုးမည်းများ ထွက်ရှိမှု ၈၀ ရာခိုင်နှုန်းအထိ လျော့ကျစေသည်။ ရေဓာတ်ငွေ့ထဲမှ အောက်ဆီဂျင်အား အသုံးပြုခြင်း ဖြစ်သောကြောင့် ပတ်ဝန်းကျင် သန့်ရှင်းစင်ကြယ်မှုအား အထောက်အကူပြုခြင်းဖြစ်ကာ ဟိုက်ဒရိုကာဗွန် (ခ) ကာဗွန်ချိုး (ဂျိုး) များအား လောင်ကျွမ်းစေပြီး အင်ဂျင်အတွင်းပိုင်း သန့်ရှင်းစေ၍ အင်ဂျင်သက်တမ်း ရှည်စေကြောင်း သိရသည်။


ကားတစ်စီးချင်း အနေနှင့် တပ်ဆင်လိုလျှင် ၁၃၅၀ စီစီ အင်ဂျင်အတွက် ၁၀ သိန်းကျော်ခန့်၊ ၁၅၀၀ စီစီမှ ၂၀၀၀ စီစီအတွက် ၁၅ သိန်းကျော်ကျော်ခန့်၊ ၁၀ ဘီးကားကြီးများအတွက် သိန်း နှစ်ဆယ်ကျော်ခန့် ကုန်ကျမည်ဖြစ်ကာ အင်ဂျင်ပါဝါနှင့် Condition ပေါ်မူတည်ကြောင်း သိရသည်။ ၎င်းရေဓာတ်ငွေ့ကိရိယာကို မော်တော်ကားများသာမက မီးစက်အင်ဂျင်ကြီးများ၊ မြစ်ရေတင် စီမံကိန်းများ၏ အင်ဂျင်များနှင့် ပင်လယ်ပြင်ထွက် သင်္ဘောကြီးများ၊ မီးရထားများတွင်ပါ တပ်ဆင်အသုံးပြုနိုင်ကြောင်း သိရသည်။
မိုးငယ်
ပေါ်ပြူလာ သတင်း ။ ရတနာပုံ သတင်း  
 (မှတ်ချက်) ၀ယ်ယူရန် စုံစမ်းမေးမြန်းခြင်းသည်းခံပါဟု ဘကြီးသက်မှတောင်းပန်ပါသည်။ သတင်းစတင်ရေးသားသူ ကို စုံစမ်းမေးမြန်းနေဆဲ ဖြစ်ပါသည် ။
အမှန်တကယ် ၀ယ်လို့ရမည် ဆိုလျှင်တော့ ဘကြီးသက် ၀ယ်စီးပါမည်။

ဘကြီးသက်