အာဆီယံ မသန်စွမ်းသူများ အားကစားပြိုင်ပွဲ မြန်မာ ၂၀၀ ဝင်ပြိုင်မည်

ရန်ကုန် (မဇ္ဈိမ) ။        ။ ၂ဝ၁၃ ခုနှစ်၊ ဒီဇင်ဘာလတွင် မြန်မာနိုင်ငံက အိမ်ရှင်အဖြစ် လက်ခံ ကျင်းပမည့် သတ္တမ အကြိမ်မြောက် အာဆီယံ မသန်စွမ်းသူများ အားကစား ပြိုင်ပွဲတွင် မြန်မာ အားကစားသမား ၂ဝဝ ဦးက အားကစားနည်း ၁၂ မျိုးတွင် ပါဝင်ယှဉ်ပြိုင်မည် ဖြစ်ကြောင်း မြန်မာနိုင်ငံ မသန်စွမ်းသူများ အားကစားအဖွဲ့ချုပ် ဥက္ကဋ္ဌ ဗိုလ်ချုပ်နေလင်း က နေပြည်တော်တွင် ပြုလုပ်သည့် အစည်းအဝေးတွင် ပြောကြားသွားသည်။

အဆိုပါ အာဆီယံ မသန်စွမ်းသူများ အားကစားပြိုင်ပွဲကို ၂၇ ကြိမ် မြောက် အရှေ့တောင်အာရှ အားကစား ပြိုင်ပွဲများနှင့် အတူ မြန်မာနိုင်ငံတွင် နေပြည်တော်၊ ရန်ကုန်နှင့် မန္တလေး မြို့များတွင် ကျင်းပသွားမည် ဖြစ်သည်။

“ဝင်ရောက်ယှဉ်ပြိုင်မယ့် အားကစားနည်းတွေက ပြေးခုန်ပစ်၊ ရေကူး၊ စားပွဲတင် တင်းနစ်၊ ထိုင်လျက် ဘော်လီဘော၊ မျက်မမြင် စစ်တုရင်၊ သေနတ်ပစ်၊ မျက်မမြင် ဘောလုံး၊ အလေးမ၊ ဘိုးလင်း၊ ဂေါက်သီးရိုက်၊ မြှားပစ်နဲ့ သုံးယောက် တဖွဲ့ ဘက်စကက်ဘော ပြိုင်ပွဲတွေ ဖြစ်ပါတယ်” ဟု ဗိုလ်ချုပ်နေလင်း က ဆိုသည်။

အင်ဒိုနီးရှားနိုင်ငံတွင် ကျင်းပပြုလုပ်ခဲ့သော ဆဋ္ဌမ အကြိမ်မြောက် အာဆီယံ မသန်စွမ်းသူများ အားကစား ပြိုင်ပွဲကို
မြန်မာနိုင်ငံမှ အားကစားသမား ၃၆ ဦး ဝင်ရောက်ယှဉ်ပြိုင်ခဲ့ရာ ဆုတံဆိပ်ပေါင်း ၃၄ ခု ရရှိခဲ့သည်ဟု ဆိုသည်။

“မသန်စွမ်း အားကစား ပြိုင်ပွဲတွေမှာ ဝင်ရောက်ယှဉ်ပြိုင်မယ့် အားကစား သမားတွေကို စခန်းသွင်း လေ့ကျင့်ဖို့ ငွေကျပ် သိန်းပေါင်း ၄,၄၂ဝ ခန့် ကုန်ကျဖွယ် ရှိပါတယ်” ဟု ဗိုလ်ချုပ်နေလင်း က ဆိုသည်။

ထို့အပြင် နိုင်ငံတကာမှ ပြိုင်ပွဲဝင် အားကစားသမားများအတွက် သယ်ယူပို့ဆောင်ရေး ယာဉ်များ၊ တည်းခိုဆောင်များ၊ ပြိုင်ပွဲကျင်းပရေး အားကစားရွာများ ကြိုတင် ဆောင်ရွက်ထားရန်နှင့် စေတနာ့ဝန်ထမ်း အထောက်အပံ့များလည်း လိုအပ်မည် ဖြစ်သည်ဟု ဆိုသည်။

မြန်မာနိုင်ငံအနေဖြင့် အရှေ့တောင် အာရှ အားကစားပြိုင်ပွဲများကို အိမ်ရှင်အဖြစ် ကျင်းပခွင့် ရရှိရေးအတွက် စင်္ကာပူ
နိုင်ငံနှင့် အပြိုင်ကြိုးပမ်းခဲ့ရပြီး ကစားကွင်း တည်ဆောက်မှု မပြီးပြတ်ခြင်းကြောင့် စင်္ကာပူအနေဖြင့် အိမ်ရှင်ကျင်းပခွင့်
လျှောက်ထားမှုအား ရုတ်သိမ်းခဲ့သည်။

ဘကြီးသက်