အရှင်ဝီရသူ ဆန္ဒပြမည်

"---ငြိမ်းချမ်းစွာ အေးချမ်းစွာ ၀တ်ပြုဆုတောင်းခြင်း၊ ဆန္ဒပြုခြင်းတို့ကို ရှေးဦးစွာ ပြုလုပ်ဆောင်ရွက်မည်---" တဲ့။အရှင်ဝီရသူရဲ့ ကြေညာချက် ဖြစ်ပါတယ်။

နိုင်ငံရေးအကျဉ်းသား အကုန်လွှတ်ဖို့ ဆန္ဒပြမယ် လို့ ဆိုပါတယ်။

အရှင်ဝီရသူ(မစိုးရိမ်)၏ သဘောထားထုတ်ပြန်ချက်(၃/၂၀၁၂)
၁၃၇၃-ခု တပေါင်းလဆန်း(၁)ရက်၊ (၂၂.၂.၂၀၁၂)

(က) ဦးပဉ္ဇင်းသည် ၁၃.၁.၂၀၁၂-ရက်နေ့တွင် မြစ်ကြီးနားထောင်မှ လွတ်ငြိမ်းချမ်းသာခွင့်ဖြင့် လွတ်မြောက် လာခဲ့သူ ဖြစ်ပါသည်။ မြစ်ကြီးနားထောင်မှ(၁၁)ယောက် လွတ်မြောက်ရာတွင် သီးသန့်(ယုံကြည်ချက်) အကျဉ်းသား(၅)ဦး ပါဝင်ခဲ့ပါသည်။ မြစ်ကြီးနားထောင်၌ လက်ရှိနိုင်ငံရေး(ယုံကြည်ချက်)အကျဉ်းသား သံဃာနှစ်ပါး ကျန်ရစ်ခဲ့ပါသည်။ တစ်ပါးမှာ ဦးဂန္ဓသာရ(မန္တလေး၊ မူလဆီးဘန်နီတိုက်)ဖြစ်ပြီး၊ ကျန်တစ်ပါးမှာ ဦးဓမ္မသာမိ(မန္တလေး၊ ရန်ကင်းတောင်) ဖြစ်ပါသည်။ နှစ်ပါးစလုံးသည် ရွှေဝါရောင်အကြိုကာလနှင့် ရွှေဝါရောင် ကာလ နိုင်ငံရေးဆောင်ရွက်ချက်များကြောင့် အကျဉ်းကျခံနေရခြင်း ဖြစ်ပါသည်။

(ခ) မန္တလေးထောင်တွင် NLD-မှ ကိုမင်းသူ၊ ကိုဝင်းရွှေ၊ ကိုဝင်းကြည်-နှင့် ကျောက်ဆည်အဖွဲ့မှ မင်းကုန်း ကျောင်းဆရာတော်ကြီးအပါအ၀င် သံဃာလေးပါးသာ လွတ်ပါသည်။ ယုံကြည်ချက်အကျဉ်းသားများ အမြောက် အများပင် ကျန်ရှိနေခဲ့ပါသည်။ သံဃာအပါး(၂၀)နှင့် လူပုဂ္ဂိုလ်(၅၆)ယောက်။ စုစုပေါင်း(၇၆)ဦး ကျန်ခဲ့ပါ သေးသည်။

(ဂ) ဦးပဉ္ဇင်းတို့ ထောင်မှလွတ်သော်လည်း ဦးပဉ္ဇင်းတို့၏ အမှုတွဲများ၊ ရပ်ဆွေ ရပ်မျိုးများ၊ လုပ်ဖော်ကိုင်ဖက် များ၊ တပည့်ဒကာများ-များပြားစွာ ကျန်ရစ်နေသောကြောင့် စိတ်မလွတ်လပ်သေးပါ။ ၎င်းတို့အတွက် များစွာ ကြောင့်ကြနေရပါသည်။ ၎င်းတို့၏ မိသားစုများကိုလည်း နှစ်သိမ့်နားချနေရပါသည်။ ခေါင်းတွဲနှင့် အထက်တန်း တွဲများထွက်ပြီး အထက်တန်းအချို့နှင့် ရိုးရိုးတန်းအတွဲများ ပြုတ်ကျန်နေခဲ့သော ရထားတစ်စင်းလို ဖြစ်နေသော ကြောင့် လွတ်မြောက်သူလည်း စိတ်မချမ်းသာ၊ ကျန်ရစ်သူလည်း ၀မ်းနည်းပက်လက် ဖြစ်နေရပါသည်။

ဦးပဉ္ဇင်းအား လွတ်မြောက်သံဃာကံထပ်ပွဲသို့ ကြွရောက်ရန် ရန်ကုန်မြို့က ပင့်ဖိတ်ပါသည်။ ဦးပဉ္ဇင်း မကြွပါ။ ထောင်ထဲမှာ သံဃာတွေကျန်ရစ်နေသေးသောကြောင့် ဖြစ်ပါသည်။ ကျန်ရစ်အကျဉ်းသားများ လွတ်မြောက်ရေး campaigm-တစ်ခု ကျင်းပဖို့လည်း တိုင်ပင်ပါသည်။ ဦးပဉ္ဇင်း သဘောမတူခဲ့ပါ။ ဘုရားကြီး ငါးပါးလှုပ်ရှားမှုကြောင့် လွတ်လပ်ရေးနေ့ အစီအစဉ်ပျက်ခဲ့ရကြောင်း၊ ယခုလည်း ပြည်ထောင်စုနေ့ အစီအစဉ် ရှိလျှင် ပျက်သွားနိုင်ကြောင်း ပြောပြခဲ့ပါသည်။

(ဃ) ယုံကြည်ချက် အကျဉ်းသားများ ကျန်ရှိနေက စာရင်းပို့ပါ၊ လွှတ်ပေးပါမည် ဆို၍ ပြည်ထဲရေးဝန်ကြီးဌာန- ပြည်ထောင်စုဝန်ကြီး ဗိုလ်ချုပ်ကိုကိုထံသို့လည်းကောင်း၊ မြန်မာနိုင်ငံ လူ့အခွင့်အရေးကော်မရှင်သို့ လည်းကောင်း၊ အခြားပြည်တွင်း ပြည်ပအဖွဲ့အစည်းများသို့ လည်းကောင်း လက်ကျန် ယုံကြည်ချက် အကျဉ်း သားများ စာရင်းကို အရောက်ပေးပို့ခဲ့ပါသည်။

ပြည်တွင်းပြည်ပ-အစိုးရများ၊ အဖွဲ့အစည်းများ၊ တက်ကြွလှုပ်ရှားသူများ၊ ဧည့်သည်တော်များ၊ သက်ဆိုင်ရာဌာနများကလည်း လက်ကျန်ယုံကြည်ချက် အကျဉ်းသားများ လွှတ်ပေးဖို့တောင်းဆိုနေကြသည်ကို တွေ့ရပါသည်။ ပြည်ထောင်စုနေ့ လွှတ်မည်ထင်သော်လည်း လွှတ်မပေးခဲ့ပါ။ နောက်နောင် မည်သည့်အချိန်မှာ လွှတ်ပေးမည်ဆိုသည်ကိုလည်း မသိရပါ။ လွှတ်ပေးဖို့ အစီစဉ်ရှိသေးသည်/ မရှိတော့ဘူးဆိုသည်ကိုလည်း မသိရပါ။

ဆရာလွတ်ပြီး တပည့်မလွတ်လျှင် ဆရာကြောင့်ကြ၊ တပည့်သောက။ အဖေလွတ်ပြီး သားမလွတ်လျှင် အဖေ၀မ်းနည်း၊ သားကြေကွဲ။ လူကြီးလွတ်ပြီး လူငယ်မလွတ်လျှင် လူကြီးစိတ်မချမ်းသာ၊ လူငယ်စိတ်ဆင်းရဲ ခြင်းတည်းဟူသော ဒုက္ခအမျိုးမျိုးကို ခံစားရတတ်ပါသည်။ ဦးပဉ္ဇင်းတို့လည်း ထို့အတူ ဖြစ်ပါသည်။ လူလွတ် မြောက်သော်လည်း စိတ်မလွတ်မြောက်သေးပါ။

ကျန်ရစ်သော ယုံကြည်ချက် အကျဉ်းသားများ လွတ်မြောက်ရေးအတွက် စာရေးစာတင် တောင်းဆိုရုံ မျှဖြင့် မရနိုင်တော့ပါ။ တောင်းဆိုမှု အဆင့်ဆင့် ပြုလုပ်ရပါတော့မည်။ သို့သော်…သမ္မတကြီး ဦးသိန်းစိန်နှင့် ဒကာမကြီး ဒေါ်အောင်ဆန်းစုကြည်တို့ ဖော်ဆောင်နေသော ဒီမိုကရေစီလမ်းစဉ်ကြီး မထိခိုက်စေရပါ။ ငြိမ်းချမ်းစွာ အေးချမ်းစွာ ၀တ်ပြုဆုတောင်းခြင်း၊ ဆန္ဒပြုခြင်းတို့ကို ရှေးဦးစွာ ပြုလုပ်ဆောင်ရွက်မည်ဖြစ်ကြောင်း ဦးပဉ္ဇင်း၏ သဘောထားကို ထုတ်ပြန်ကြေညာအပ်ပါသည်။

ငြိမ်းချမ်းရေးပန်းတိုင်သို့ ရှေးရှုဦးတည်လျက်

ဦးပဉ္ဇင်း

ဝီရသူ(မစိုးရိမ်)
ဘဒ္ဒန္တ၀ိစိတ္တာဘိဝံသ၊
ဓမ္မသဟာယကျောင်းနာယက၊
မစိုးရိမ်တိုက်သစ်၊
မဟာအောင်မြေမြို့နယ်၊
မန္တလေးမြို့
                                      ဧရာဝတီ bloge မှ...