သမ္မတ အိုဘားမားက ဦးသိန်းစိန်အတွက် လမ်းခင်းထား

သမ္မတ ဦးသိန်းစိန်၊ ဓာတ်ပုံ- သမ္မတရုံး အင်တာနက်စာမျက်နှာ

မြန်မာနိုင်ငံက ပြုပြင်ပြောင်းလဲရေးတွေကို အားပေးနေတယ်ဆိုတာ ပြသတဲ့အနေနဲ့ လာမည့် စက်တင်ဘာလ မှာ ကုလ သမဂ္ဂ ထိပ်သီးဆွေးနွေးပွဲ တက်ရောက်ဖို့ရှိတဲ့ သမ္မတ ဦးသိန်းစိန်အတွက် အမေရိကန် သမ္မတ ဘားရက် အိုဘားမားက ပြည်ဝင်ခွင့် ဗီဇာ ကန့်သတ်ထားမှုကို သမ္မတ လုပ်ပိုင်ခွင့်နဲ့ ယမန်နေ့က ဖယ်ရှားလိုက် ပါတယ်။

ကုလသမဂ္ဂအထွေထွေညီလာခံကာလအတွင်း ဦးသိန်းစိန်ကို လွတ်လွတ်လပ်လပ် ခရီးသွားခွင့် ပြုဖို့ တချိန် က မြန်မာ ခေါင်းဆောင်တွေကို ဗီဇာ ကန့်သတ်ပိတ်ပင်ထားတာတွေကို ခြွင်းချက်မိန့် ထုတ်ပြန်ခဲ့တာပါ။ ဒီလိုမှ မဟုတ်ရင် နယူး ယောက် မြို့က ကုလ သမဂ္ဂ ပရ၀ုဏ်အတွင်း နေရာ ကျဉ်းကျဉ်းလေးမှာပဲ နေလို့ ရမှာပါ။ အပြင်ထွက်ပြီး လွတ်လပ်စွာ သွားလို့ ရမှာ မဟုတ်ပါဘူးလို့ AFP သတင်းတပုဒ်မှာဖော်ပြထားပါတယ်။

၂၀၀၈ ခုနှစ် ဥပဒေအရ မြန်မာ ခေါင်းဆောင်တွေနဲ့ စစ်တပ်အရာရှိတွေဟာ လူ့အခွင့်အရေးချိုးဖောက်မှုတွေမှာ ပါဝင်ပတ် သက်တယ်ဆိုတဲ့ စွပ်စွဲမှုတွေနဲ့ အမေရိကန်က ပြည်ဝင်ခွင့် ဗီဇာ ကန့်သတ်မှုတွေ လုပ်ထားခဲ့တာဖြစ် ပါတယ်။

တိုက်တိုက်ဆိုင်ဆိုင်ပါဘဲ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း အမေရိကန်
ပြည်ထောင်စုရဲ့ ထိပ်တန်း ဂုဏ်ပြုမှု တခုဖြစ်တဲ့ ကွန်ဂရက် လွှတ်တော်ဆိုင်ရာ ရွှေတံဆိပ် ( Congressional Gold Medal ) ကို လက်ခံယူ ဖို့ သမ္မတ ဦးသိန်းစိန်နဲ့ တချိန်တည်းလောက်ပဲ အမေရိကန်ကို သွားဖို့ ရှိတာပါ။

ဘကြီးသက်

မြန်မာမိန်းကလေးများ online ပေါ်တွင် sex ကိစ္စပြောဆိုခြင်း၊ပြသခြင်းမှ ရှောင်ကြဉ်ပါ

From : အောင်ခမ်း


ဒီလို Chatting မျိုးက အနောက်တိုင်းမှာ အင်မတန် ရေပန်းစားပါတယ်။ အနောက်တိုင်းရယ်လို့တောင်မဟုတ်ပဲ ဂျပန်၊ တောင်ကိုရီးယား၊ဖိလစ်ပိုင်၊ အစရှိသဖြင့် အာရှနိုင်ငံများမှာပါ ရေပန်းစားလာတဲ့ Chatting ဖြစ်ပါတယ်။
စကားပြောဆိုရုံ Chatting, ရုပ်မြင်ရုံ ဗီဒီယိုChatting တင်မဟုတ်တော့ပဲ မမြင်သင့်တာတွေကိုပါ မြင်အောင် ပြတဲ့ Chatting အမျိုးအစား ဟာမြန်မာပြည်မှာပါ ရေပန်းစားလို့နေပါပြီ။ အများစု က နိုင်ငံခြားရောက်နေ တဲ့ ချစ်သူနဲ့ စကားပြော ဆက်သွယ်တဲ့အခါမှာ ဖြစ်ပါတယ်။အနောက်တိုင်းမှာ ခေတ်စားတာကတော့ မဆန်းပြားပါဘူး။ ဒီလိုတွေခေတ် စားသလို Video Chatting က Record လုပ်ထားတာတွေဟာလည်း ပလူပျံနေတတ်ကြပါတယ်။မြန်မာဖြစ် Sexy Chatting – မှတ်တမ်းတင် ထားမှုတွေဟာလည်း အနောက်တိုင်းနဲ့ ရင်ဘောင်တန်းလို့ အင်တာနက်စာမျက်နှာတွေမှာပလူပျံနေပါပြီ။ချစ်သူချင်းမဟုတ်ပဲ အွန်လိုင်းမှာ သိပြီး စိတ်ဝင်စားတဲ့ သူအချင်းချင်းတောင် ပွင့်ပွင့်လင်းလင်း ထင်သာမြင်သာ တဲ့ အထိတောင်ကြားနေရပါတယ်။

ဒါဟာဘာကြောင့်လဲ?

ဘုရားဟောတရားနဲ့သာ တရားကိုယ်ကောက်ရရင် တဏှာအရင်းခံပြီး ဖြစ်တဲ့ ကိစ္စတွေပဲဖြစ်ပါတယ်။
အိန္ဒြိယ လက္ခဏာ ချို့ ယွင်းမှု တစ်ခုပါပဲ။ ချစ်ရုံကြိုက်ယုံနဲ့ မိမိမှာရှိတဲ့ အရှက် (ဟီရိ) တရားပါ လက်လွတ် စပယ်ပြုလိုက် တာမျိုးဟာမရင့်ကျက်တဲ့ သူများ ဖြစ်ပါတယ်။
အထူးသဖြင့် ဆယ်ကျော်သက်လူငယ်များ၊ အသက်ကြီးသော် လည်း စာရိတ္တပျက်ပြားသော အမျိုးသား၊အမျိုးသမီးများ ဖြစ်ပါတယ်။ပြန့်လွင့်သွားနိုင်တဲ့ ဗီဒီယိုတွေကို ပြန်ပြီး Recover လုပ်ပေး မယ့် ဆော့ဖ်ဝဲ၊ဘာညာ အစရှိသဖြင့် ပေါ်ပေါက်လာပါတယ်။
သို့ပေမယ့် အင်တာနက်ခေတ်ကြီးထဲမှာ ဒါတွေဟာ ပုရွတ်တစ်ကောင်လောက်အောင် အစွမ်းမထက်ပါဘူး။သို့ပေမယ့် အစွမ်းအထက်ဆုံး နည်းလမ်းတစ်ခုရှိပါတယ်။ ဒီနည်းလမ်းက အင်တာနက်ပေါ် ပျံလွင့်မှု လုံးဝ မဖြစ်စေတော့ပါဘူး။လုံးဝ (လုံးဝ) Sexy Chatting မလုပ်ဖို့ပဲဖြစ်ပါတယ်။ ကိုယ်နဲ့ ယခုမှ စသိတဲ့သူပဲ ဖြစ်ဖြစ်၊ နှစ်လရှည်ကြာ တွဲလာတဲ့ ချစ်သူပဲ ဖြစ်ဖြစ်ချက်တင်ထိုင်တဲ့အခါ လိင်ပိုင်းဆိုင်ရာ ရိုင်းစိုင်းသော ပြောဆိုမှု ကို ရှောင်ရှားရန် လိုအပ်ပါတယ်။အဲလို သာရှောင်ရှားရင်တော့ Sex Chatting ဘက်ကို ရောက်ဖို့ အင်မတန်ဝေးသွားပါပြီ။ အချို့ ကျ သိသိမသိသိ တစ်ဖက်သားကို ဇွတ်အတင်းမြင်အောင်၊ ဖတ်အောင် ကြိုးပမ်းကြ သူများ ဖြစ်ပါတယ်။ ဘာပဲ ဖြစ်ဖြစ် ဘလော့ (Block) ပစ်ဖို့လိုအပ်ပါတယ်။ချစ်သူအရင်းခေါက်ခေါက် ဖြစ်နေခဲ့ရင် လမ်းခွဲမယ်လို့ သတိပေးတဲ့အဆင့် ထိ ပြောဆိုရန် သတ္တိရှိပါတယ်။ ဟုတ်ပါတယ်။ဒီလို မကြိုက်ဘူး လို့ ပြောထားရဲ့ သား ဇွတ်အတင်း ပြောဆိုပြသနေရင် ဒါ တကယ်ချစ်တာမဟုတ်ပါဘူး။အကယ်၍ ပျံလွင့်သွားရင် ဖြစ်လာမယ့် အကျိုးဆက်က စာရေးသူ မပြောလည်း သိကြမယ် ထင်ပါတယ်။အချို့ ကျတော့ Chatting မဟုတ်ပဲ Record လုပ်ထားတဲ့ အပျော် ဗီဒီယို၊ အသံဖိုင် အစရှိသဖြင့် ဖြန့်ဝေ ကြပါတယ်။ဒီမှာလည်း ထိုနည်းတူစွာပါပဲ။ ဒီကိစ္စတွေကို ရှောင်ရှား ထားရင် ပြဿနာဆိုတာ ဖြစ်လာစရာ အကြောင်းမရှိပါဘူး။မရှောင်ရှားနိုင်ဘူးဆိုရင်တော့ ဗီဒီယို ရိုက်တဲ့ ချစ်သူမျိုးဆိုရင် မတွဲသင့်တာ လုံးဝ သေချာနေပါပြီ။ ဒါဘာရည်ရွယ်ချက်လည်း။ ဘာလို့မှတ်တမ်းတင်တာလဲ။
အသိဥာဏ်ရှိရှိ စဉ်းစား တွေးခေါ် သင့်တဲ့ ကိစ္စဖြစ်ပါတယ်။ဒါကြောင့် ဒီ ပြဿနာတွေ၊ အန္တရာယ်တွေ ကင်းကောင် တစ်ခုတည်းသော နည်းလမ်းက လုံးဝ (လုံးဝ) မပြုလုပ်ခြင်း၊ ရှောင်ကြဉ်ခြင်းသာဖြစ်ပါတယ်။

Myanmar Express

ဘကြီးသက်

အခြေခံ ဥပဒေ ခုံရုံး ကို လွှတ်တော် က အရေးယူဖို့  ပြင်

ပြည်ထောင်စု လွှတ်တော် နဲ့  အမျိုးသား လွှတ်တော် က ဖွဲ့  စည်းထား တဲ့ လွှတ်တော် ရေးရာ
ကော် မတီ တွေ ဟာ ပြည်ထောင်စု အဆင့် မဟုတ် ဘူး ဆို တဲ့ ဖွဲ့စည်းပုံ အခြေခံ ဥပဒေဆိုင်ရာ
ခုံရုံးက ပြောကြား ခဲ့ တာ နဲ့  ပတ် သက် ပြီး လွှတ်တော် က စုံစမ်း စစ်ဆေး အရေး ယူ ဖို့  ကော်
မတီ တစ် ရပ် ကို ဖွဲ့  ခဲ့ ပါတယ်။
ဒီအဖွဲ့ မှာ လွှတ်တော် ဒုတိယ ဥက္ကဌ ဦး နန္ဓ ကျော် စွာ က အဖွဲ့  ခေါင်းဆောင် အဖြစ် ပါဝင် ဆောင်
ရွက် မှာ ဖြစ် ပြီး အဖွဲ့  ၀င် ၁၅ ဦး ပါဝင် တယ် လို့  အမျိုး သား ဒီမို ကရေစီ အဖွဲ့   ချုပ် က လွှတ်တော်
အမတ် တစဦး က FNG ကို ပြော ပါတယ်။
အဆိုပါ အဖွဲ့  တပ်မတော် သား ကိုယ်စားလှယ် အစု အဖွဲ့  မှ ပါဝင် မှု မရှိသေး ဟု သိရသည်။
အခြေခံ ဥပဒေ ခုံရုံး အဖွဲ့ ဥက္ကဌ ဦးသိန်းစိုး နှင့် အဖွဲ့  အား လွှတ် တော် မှ တောင်း ဆို ထား သော်
လည်း ခုံးရုံး အဖွဲ့  ၀င် များ က နှုတ် ထွက် ပေး ခြင်း မရှိ ဟု သိရသည်။
အခြေခံ ဥပဒေ ခုံ ရုံး ၏ တာဝန် မဲ့ မှု နှင့် လုပ် ပိုင် ခွင့် အလွဲ သုံးစား ပြု မှု ကို လွှတ်တော် က စစ်ဆေး
သွား မည် ဖြစ်သည်။
အမေရိကန် နိုင်ငံ တွင် လွှတ်တော် ရေး ရာ ကော်မတီ များ သည် အစိုးရ ၀န်ကြီး ဌာန များ ထက် ပင်
ပို ၍ သြဇာ အာဏာ ရှိ ပြီး ဘဏ္ဍာငွေ ခွဲ ဝေ ပေး မှု နှင့် စုံစမ်း စစ်ဆေး မှု များ ကို အဓိက ထား ပြု
လုပ် သည်။
 FNG
ဘကြီးသက်

တောင်သူလယ်သမား မဟုတ်သူများမှ စိုက်ပျိုးစရိတ်ချေးငွေများ လိမ်လည်ထုတ်ယူနေခြင်းအား (တိုင်ကြားစာ)

   နေပြည်တော် ဒက္ခိဏသီရိမြို့နယ် လမ်းပျဉ်းမနား ရွာမကျေးရွာအုပ်စုသည် နိုင်ငံတော် သမ္မတကြီး ဦးသိန်းစိန် (၂၀၁၀) ရွေးကောက်ပွဲတွင် ၀င်ရောက်အရွေးခံ အောင်မြင်ခဲ့သော မြို့နယ်တခုဖြစ်ပါသည်။ သမ္မတကြီးဧ။် နယ်မြေ အတွင်း စိုက်ပျိုးစရိတ်ချေးငွေ ထုတ်ချေးရာတွင် တောင်သူလယ်သမား မဟုတ်သူ လယ်ပိုင်မြေပိုင်မရှိသူ အမှန်တကယ် လယ်ယာလုပ်ကိုင် စားသောက်ခြင်းမဟုတ်သူ တို့ကို ကျေးရွာအုပ်ချူပ်ရေးမှူး၊ ဘဏ်ကော်မတီတို့နှင့်ပေါင်း၍ ဘဏ်စာအုပ်များအကြံအဖန်ပြုလုပ်ပြီး စိုက်ပျိုးစရိတ်ချေးငွေများ လိမ်လည်ထုတ်ယူနေပါသည်..။ အမှန်တကယ် တောင်သူလယ်သမားများမှာ စိုက်ပျိုးစရိတ်ချေးငွေ အပြည့်အ၀မရရှိ၍ ကျေးရွာတောင်သူတဦးမှ နိုင်ငံတော်သမ္မတကြီးထံ တိုင်ကြားစာ ပေးပို့ထားပါသည်။

ထိရောက်စွာ အရေးယူပေးနိုင်ပါရန် မီဒီယာ များမှတဆင့် အကူအညီ တောင်းခံအပ်ပါသည်

ဘကြီးသက်

မြန်မာ့ပြုပြင်ပြောင်းလဲရေးတွင် စစ်တပ်အခန်းကဏ္ဍ ဖယ်၍မရ

စင်ကာပူနိုင်ငံ အခြေစိုက် အရှေ့တောင်အာရှ လေ့လာရေးဌာနမှ ၀ါရင့်သုတေသီ ဒေါက်တာ တင်မောင်မောင်သန်း (ဓာတ်ပုံ – ဧရာဝတီ)

မြန်မာနိုင်ငံ၏ ပြုပြင်ပြောင်းလဲရေးတွင် တပ်မတော်၏ အခန်းကဏ္ဍကို ဖယ်ထား၍ မရကြောင်း စင်ကာပူနိုင်ငံ အခြေစိုက် အရှေ့တောင်အာရှ လေ့လာရေးဌာနမှ ၀ါရင့်သုတေသီ ဒေါက်တာ တင်မောင်မောင်သန်းက ပြောသည်။
ထိုင်းနိုင်ငံ၊ ချင်းမိုင်တက္ကသိုလ်ရှိ The Regional Centre for Social Science and Sustainable Development (RCSD) ဌာနက ယမန်နေ့တွင် ကြီးမှူးကျင်းပခဲ့သည့် မြန်မာ့ပြုပြင်ပြောင်းလဲရေးနှင့် တပ်မတော်၏ အခန်းကဏ္ဍ အကြောင်း “အခန်းထဲက ဆင်” (The Elephant in the Room) ခေါင်းစဉ်ဖြင့် ဟောပြောပွဲတွင် ဒေါက်တာ တင်မောင်မောင်သန်းက ထိုသို့ ပြောဆိုခြင်း ဖြစ်သည်။
“အခု နောက်ပိုင်း၊ သမ္မတကြီး ဦးသိန်းစိန် တက်လာတဲ့အခါကျတော့ ဒီမိုကရေစီ အစိုးရဖြစ်တယ်ဆိုပြီးတော့ တပ်မတော်က ပြည်သူ့ရေးရာ ကိစ္စတွေမှာ မပါတော့ဘူး။ မပါတော့ သူက ပျောက်နေသလိုဖြစ်နေတယ်။ တကယ်တော့ သူက အရေးပါတဲ့ အခန်းကဏ္ဍမှာ ပါတယ်ဆိုတာ တင်စားပြီး ပြောတာပါ” ဟု ၎င်းက ပြောသည်။
ဆွေးနွေးပွဲတွင် တပ်မတော်ကို ဆင်နှင့်ခိုင်းနှိုင်းပြီး ပြောဆိုရင်း တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်ကြီး မင်းအောင်လှိုင်သည် ဆင်ဦးစီးနှင့် တူကြောင်း၊ လက်ရှိ သွားနေသည့် လွှတ်တော်တွင် အတိုက်အခံက ပြောဆိုနေသည့် ဖွဲ့စည်းပုံ အခြေခံဥပဒေ ပြင်ဆင်ရေးသည် စစ်တပ်ကိုယ်စားလှယ် ထောက်ခံမှု မရှိလျှင် မဖြစ်နိုင်ကြောင်း ဒေါက်တာ တင်မောင်မောင်သန်းက ထောက်ပြသည်။
“မြန်မာနိုင်ငံရဲ့ ဒီမိုကရေစီဟာ တပ်မတော်က ပေးသလောက်ပဲ ရမှာပါ။ တပ်မတော် အလိုရှိသလောက်ပဲ ကျမတို့ လွှတ်တော် သက်တမ်းက ရှိမှာပါ” ဟုလည်း ဒေါ်အောင်ဆန်းစုကြည်ကလည်း မကြာသေးမီက ပြောဆိုခဲ့သေးသည်။
မြန်မာနိုင်ငံတွင် အနောက်ဒီမိုကရေစီ စံညွန်းများနှင့်အညီ ကာကွယ်ရေး ၀န်ကြီးကဲ့သို့ နေရာမျိုးတွင် အရပ်သားကိုသာ တာဝန်ပေးသင့်သည်ဟု ပြောဆိုမှုများရှိကြောင်း၊ သို့သော် လေ့လာမှုများအရ အရပ်သားနိုင်ငံရေး သမားများ၏ အားနည်းချက်များအပေါ် စစ်တပ်က တင်ပြပြောဆိုချက်များအား ကြည့်ခြင်းအားဖြင့် စစ်တပ်သည် ဖြတ်သန်းလာခဲ့သည့် သမိုင်းအရလည်းကောင်း၊ လေ့ကျင့် သင်ကြားပေးမှုများအရ လည်းကောင်း အရပ်သား နိုင်ငံရေးသမားများအပေါ် သံသယ ရှိနေကြဆဲဖြစ်ကြောင်း ဒေါက်တာ တင်မောင်မောင်သန်းက ဆိုသည်။
မြန်မာ့ နိုင်ငံရေးတွင် စစ်တပ်က ပါဝင်ရမည်ဟု တပ်မတော်အတွင်း လက်ခံယုံကြည်နေကြသူ များနေကြောင်း၊ အဆိုးဆုံး အခြေအနေကို ထိန်းညှိရန် မြန်မာနိုင်ငံ၏ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ တပ်မတော်သား ကိုယ်စားလှယ်သည် လွှတ်တော်များတွင် ၂၅ ရာခိုင်နှုန်း ယူထားခြင်းဟု နားလည်ကြောင်းလည်း ၎င်းက ပြောသည်။
သို့သော် ပြီးခဲ့သည့် လပိုင်းအတွင်းက ကာကွယ်ရေး ၀န်ကြီး ဒုတိယ ဗိုလ်ချုပ်ကြီး လှမင်းက စင်ကာပူနိုင်ငံ၊ ရှန်ဂရီလာ ဆွေးနွေးပွဲတွင် ပြောသွားသည့် သင့်တော်ချိန်တွင် တပ်မတော် ကိုယ်စားလှယ်များကို လျှော့ချသွားရန်ရှိကြောင်း ပြောဆိုမှုနှင့် လက်ရှိ ပြုပြင်ပြောင်းလဲရေးများကိုလည်း စစ်တပ်က ထောက်ခံကြောင်း ပြောခဲ့သည်မှာ ကောင်းသည့် လက္ခဏာဖြစ်ကြောင်း ဒေါက်တာ တင်မောင်မောင်သန်းက ဆက်လက်ပြောသည်။
လက်ရှိ ပြုပြင်ပြောင်းလဲမှုကို ဦးဆောင်နေသူသည် စစ်ဗိုလ်ချုပ်ဟောင်း သမ္မတ ဦးသိန်းစိန်ဖြစ်ပြီး ဒီမိုကရေစီ လိုလားနေကြသည့် မြန်မာ့လူ့အဖွဲ့အစည်း တခုလုံးသည် အပြောင်းအလဲကို အဓိက မောင်းနှင်သူလည်း ဖြစ်ကြောင်း၊ အများက စိုးရိမ်နေသကဲ့သို့ စစ်တပ်က အာဏာပြန်သိမ်းပြီး စစ်ဗိုလ်ချုပ်များက တိုင်းပြည်ကို ပြန်အုပ်ချုပ်မည်ဟု မထင်ကြောင်းလည်း ဒေါက်တာ တင်မောင်မောင်သန်းက ဧရာဝတီကို ပြောသည်။
“တိုင်းပြည်ကို အင်အားသုံး အုပ်ချုပ်ဖို့ဆိုတာ မလွယ်ကူပါဘူး။ ပွင့်လင်းလာပြီဖြစ်တဲ့ တိုင်းပြည်ကို သူတို့ စစ်ဗိုလ်ချုပ်ကြီးတွေ ကိုယ်တိုင် ပြန်အုပ်ချုပ်မယ်လို့တော့ ကျနော် မထင်ဘူး” ဟု ၎င်းက ပြောသည်။
ဆက်လက်၍ သူက သတိပေးပြောသည်မှာ “သို့သော် ဒီမိုကရက်တွေက စစ်ခေါင်းဆောင်တွေကို ထောင့်ထဲ တွန်းမပို့ရင်တော့ အကောင်းဆုံးပဲ” ဟူ၍ ဖြစ်သည်။
အရပ်သားနှင့် စစ်သားတို့သည် မိမိတို့၏ ကိုယ်ပိုင်ကျွမ်းကျင်မှုများ ရှိကြကြောင်း၊ တိုင်းပြည်အကျိုးအတွက် အပြန်အလှန် လေးစားမှုရှိရှိ ညှိနှိုင်း ဆောင်ရွက်သွားသင့်ကြောင်း ၎င်းက အကြံပြုသည်။
လွှတ်တော်တွင်း၌ ရှိနေကြသည့် အရပ်သား အတိုက်အခံ နိုင်ငံရေးပါတီများက ကိုယ်စားလှယ်များ၊ အာဏာရ ကြံ့ခိုင်ရေး ပါတီကိုယ်စားလှယ်များ၊ စစ်တပ်ကိုယ်စားလှယ်များ အနေဖြင့် ထိတွေ့ဆက်ဆံရင်း နိုင်ငံရေးဆိုသည်မှာ အလျှော့အတင်းရှိပြီး ဒီမိုကရေစီသဘောအရ သဘောတူသည် ရှိသကဲ့သို့ မတူသည်များ ရှိတတ်သည်ကို ညှိနှိုင်းဆောင်ရွက်ရသည့် ဓလေ့များ စစ်တပ်အတွင်း ကျယ်ကျယ်ပြန့်ပြန့် သိရှိနားလည်သွားပါက တဖက်နှင့် တဖက် ရှိနေသည့် သံသယ များ ပြေလျော့သွားနိုင်ကြောင်း သူက ရှင်းပြသည်။
လတ်တလော အစိုးရ၀န်ကြီးများ အပြောင်းအလဲနှင့် ပတ်သက်၍ သမ္မတ ဦးသိန်းစိန်အနေဖြင့် ဖော်ဆောင်နေသည့် ပြုပြင်ပြောင်းလဲရေး အရှိန်ပိုရရေးအတွက် သူ့စိတ်ကြိုက် အဖွဲ့ (Team) ကို ဖန်တီးခြင်းဖြစ်ကြောင်း၊ ယခုပြောင်းလဲမှုသည် ဌာန ပြောင်းလဲ တာဝန်ပေးလိုက်ခြင်းသာဖြစ်ပြီး ပုဂ္ဂိုလ်ရေးသံယောဇဉ် ရှိသည့်အားလျှော်စွာ ဖြုတ်၊ ထုတ်၊ ရှင်း ဆိုသည့်နည်းကို မသုံးဘဲ မြန်မာ့နည်းအတိုင်း အလယ်လမ်းကို ရွေးချယ် လုပ်ဆောင်ခြင်းသာဖြစ်ကြောင်း ဒေါက်တာ တင်မောင်မောင်သန်းက ပြောသည်။
“လူအများကတော့ ဒီလောက်နဲ့ မလုံလောက်ဘူးလို့ ပြောမှာပါ။ ဒါပေမယ့် ဒီလိုလူတွေက အမြဲရှိနေတာပဲလေ” ဟု သူက ဆိုသည်။
The Elephant in the Room ခေါင်းစဉ်ဖြင့် ဆွေးနွေးပွဲသို့ မြန်မာ့အရေး စိတ်ဝင်စားသူများ၊ ပညာရှင်များ၊ ကျောင်းသား၊ ကျောင်းသူများ၊ မီဒီယာသမားများ တက်ရောက်ကြသည်။
 ဧရာဝတီ
ဘကြီးသက်

အများသုံး PCO ဖုန်း ၂၄ နာရီ ဖွင့်ပြီ

အများပြည်သူ အသုံးပြုနိုင်သည့် အခပေး PCO ဖုန်းဆိုင်များအား ၂၄ နာရီဖွင့်လှစ်သည့်အပြင် ဖက်(စ်)ဝန်ဆောင်မှုများကို ထည့်သွင်းပေးထားကြောင်း မြန်မာ့ဆက်သွယ်ရေးလုပ်ငန်းမှ သိရသည်။ ယခင်က PCO ဖုန်းဆိုင်များအား စတင်ဖွင့်လှစ်သည့် ကာလတွင် နေ့စဉ် နံနက် ၇ နာရီမှ ညနေ ၅ နာရီအထိသာ ဖွင့်လှစ်ခဲ့ပြီး ၂၀၁၁ နှစ်ကုန်ခန့်တွင် ဆိုင်ဖွင့်လှစ်မှုအား နေ့စဉ် နံနက် ၇ နာရီမှ ည ၉ နာရီအထိ အပိုင်းခွဲ၍ ဖွင့်လှစ်ခဲ့သည်။ “ရန်ကုန်တစ်ခုပဲ လောလောဆယ် ထားရှိသွားမှာပါ။ အဓိကကတော့ ၂၄ နာရီမပြတ် ဖုန်းသုံးစွဲခွင့် ရရှိအောင် ဆောင်ရွက်ပေးတာပါ” ဟု မြန်မာ့ဆက်သွယ်ရေးလုပ်ငန်းမှ အင်ဂျင်နီယာချုပ်တစ်ဦးက ပြောသည်။ ဝန်ဆောင်မှုပေးရာတွင် လက်ရှိ ကောက်ခံနေသည့် နှုန်းထားအတိုင်း ၁ မိနစ် ၅၀ ကျပ်နှုန်း ကောက်ခံလျက်ရှိပြီး ဖက်(စ်) ဝန်ဆောင်မှုကိုမူ A4 စာတစ်မျက်နှာလျှင် (အဝင်၊ အထွက်) ကျပ် ၂၀၀ နှုန်း၊ Legal တစ်မျက်နှာလျှင် ကျပ် ၄၀၀ နှင့် ထပ်တိုးတစ်မျက်နှာလျှင် ကျပ် ၅၀၀ နှုန်းဖြင့် ကောက်ခံလျက်ရှိကြောင်း သိရသည်။ “လောလောဆယ် လူအရမ်းစည်ကားတဲ့ အချက်အချာကျတဲ့ နေရာနှစ်ခု၊ သုံးခုလောက်ပဲ ထားပါတယ်။ နောက်ပိုင်း တစ်မြို့လုံးနီးပါး ဝန်ဆောင်မှုပေးနိုင်အောင် ဆောင်ရွက်ပေးမှာပါ” ဟု ၄င်းကဆက်လက် ပြောသည်။ ယင်းဝန်ဆောင်မှုကို လက်ရှိတွင် မရမ်းကုန်းမြို့နယ်ရှိ Junction-8 စင်တာအနီးနှင့် ကမာရွတ်မြို့နယ် လှည်းတန်းမီးပွိုင့် အနီးတွင်ရှိသည့် PCO စခန်းများတွင် ဝန်ဆောင်မှု ပေးလျက်ရှိပြီး ဆက်လက်၍ မြေနီကုန်းနှင့် မြို့တွင်းခြောက်မြို့နယ်တွင် ထားရှိပေးသွားမည်ဖြစ်ကြောင်း ဆက်သွယ်ရေးမှ သိရသည်။ “PCO ဖုန်းဆိုင်တိုင်း ဒီလိုဝန်ဆောင်မှုပေးမှ အဆင်ပြေမှာပါ။ နောက်တိုး စာမျက်နှာ နှုန်းထားကတော့ များပါတယ်၊ ဒီထက်လျှော့ချပေးမယ် ဆိုရင်တော့ လူတိုင်းနီးပါး အသုံးပြုကြမှာပါ” ဟု တာမွေမြို့နယ်မှ ကုမ္ပဏီဝန်ထမ်း တစ်ဦးက ပြောသည်။ မြန်မာ့ဆက်သွယ်ရေး လုပ်ငန်းမှ အများပြည်သူသုံး PCO ဖုန်းများမှာ ၂၀၀၅ ခုနှစ်တွင် စတင်ပေါ်ပေါက်လာခဲ့ပြီး လက်ရှိတွင် မြို့နယ်တစ်မြို့နယ်တွင် PCO စခန်းပေါင်း ၂၀၀ နီးပါးရှိကြောင်း PCO ဝန်ထမ်းများထံမှ သိရှိရသည်။

ဘကြီးသက်

"မြန်မာပြည်မြောက်ဖျားပိုင်းမှ မျိုးတုန်းပျောက်ကွယ်တော့မည့် အန္တရယ်ကို ရင်ဆိုင်နေရသည့် သကျသာကီ ဟု ခေါ်ဆိုနိုင်မည့် ထရုံလူပုလေးများအကြောင်း"

ဝါးလုံးရှည် အတီး

တစ်ခါတစ်ခါ သာကီမျိုးဟေ့ တို့ဗမာဆိုပြီးပြောတတ်ကြတယ်လေ၊ သာကီမျိုးဆိုတာ ဘာကြောင့်ခေါ်တာလဲ သိသင့်တယ်လဲထင်လို့ပါ၊
ဟိုးကမ္ဘာဦးအစကပါ၊ တိတိကျဆိုရင်တော့ သြက္ကာက မင်းကြီးလက်ထက်လို့ပြောလို့ရမယ်ထင်ပါတယ်၊ အဲဒီမင်းကြီလက်ထက်မှာ သာကီဝင် လူမျိုးရယ်လို့ဖြစ်လာမဲ့ မင်းသားေ

တွ မင်းသမီးတွေကို တိုင်းပြည်ကနေနှင်ထုတ်လိုက်ပါ တယ်၊ နှင်ထုတ်ထိုက်တော့ ကျွန်းတောကြီးတစ်ခုထဲမှာ ရသေ့တစ်ပါးရဲ့ညွှန်ပြမှုနဲ့ မြို့တော်ကြီးတည် ပါတယ်၊
မြို့တော်တည်ပြီးတော့ လူဦးရေတိုးပွားဖို့ရာကြတော့ အခက်အခဲရှိနေပြန်ပါတယ်၊ ဒါပေမဲ့ သာကီဝင်မင်းသားမင်းသမီးတွေဟာ သူများတစ်ခြားလူမျိုးများကို အိမ်ထောင်ပြုရင် ဇာတ်ပျက်မှာ စိုးတဲ့အတွက် အချင်းချင်းပဲ အိမ်ထောင်ပြုလိုက်ကြပါတယ်၊
ဒီသတင်းကိုသြက္ကာကမင်းကြီးကကြားတော့ သကျ=စွမ်းနိုင်တဲ့မင်းသား မင်းသ မီးတွေပါလားလို့ အံ့သြပြီးပြောဆိုပါတယ်၊ အဲဒီအချိန်ကစပြီ သကျ=သာကီ=သူတစ်ပါး လူမျိုးနဲ့ လက်မထက်ပဲ မိမိအမျိုးကိုသာလက်ထပ်ဖို့ စွမ်းနိုင်တဲ့လူမျိုးရယ်လို့ ကမ္ဘာမှာ စာတင်လာတာပါ၊(နောင်များမှ သာကီ နွယ်အကြောင်း အသေးစိတ်နဲ့ ကျဆုံးခန်းကို တင်ပြပေးပါမည်။ အခု လောလောဆယ်တော့ ထရုံလူပုလေးများအကြောင်းကိုသာ အရင်တင်ဆက်ပါရစေ။
ထရုံလူမျိုး တွေမှာ မြန်မာနိုင်ငံ မြောက်ဖျားပိုင်းကချင်ပြည်နယ် အစွန်းမှ အေးခဲနေသော ဟိမဝန္တာ တောင်ထွတ်များပေါ်တွင်သာ နေထိုင်ကျ၍ အလွန်ရှားပါး၍ မြန်မာနိုင်ငံတွင်သာမက ကမ္ဘာမှာပါ မျိုးတုန်းပျောက်ကွယ်ကြတော့မည့်လူမျိုးများဖြစ်ကြလေသည်။ထရုံတို့သည် မူလက နီပေါနိုင်ငံနှင့် အိန္ဒိယနိုင်ငံရှိ ဟိမဝန္တာတောင်တန်းများပေါ်တွင်နေထိုင်ခဲ့ကြပြီး လွန်ခဲ့သောနှစ်ရာပေါင်းများစွာကပင် မြန်မာနိုင်ငံထိပ်ဖျားပိုင်းပူတာအိုဒေသသို့ဝင်ရောက်လာခဲ့ကြသည်။ထိုဒေသ သည် ထရုံလူပုလေးများကြောင့်သာမက ရှားပါး ကတိုးကောင်၊ဖက်ဒရယ်နှင့် ရှီးပဒီးခေါ် ဆေးပိုးနွယ်ရှင်များကြောင့်စိတ်ဝင်စားဖွယ်ကောင်းလှသောလည်း သစ်တော ထူထပ်မှုနှင့် လမ်းပမ်းဆက်သွယ်ရေးခက်ခဲမှုကြောင့် ထရုံလူပုလေးများမှလွဲလူစိမ်းများ အရောက်အပေါက်နည်းလှပေသည်။
ထရုံတို့သည် ထိုသို့ ဝေးလံခေါင်သီပြီးတခြား မည်သည့်လူမျိုးများမှမရောက် ပဲ မိမိ လူမျိုး အချင်းချင်းသာလက်ထက်ပြီး နှစ်ပေါင်းများစွာ ကြာသောအခါ ကိုယ်ခန္ဓာအရွယ်အစားမှာ တဖြေးဖြေး သေးငယ်လာကာ ယခုခေတ်တွင်မူ အမြင့်ဆုံးမှာ အရပ် ၄ပေနှင့်၃လက်မသာကျန်ရှိတော့၏။ ထရုံလူမျိုးတို့သည် အမဲလိုက်ခြင်းဖြင့်သာ အဓိက အသက်မွေးကြပြီး တခါတရံ ရှီးပဒီးခေါ် ဆေးပိုးနွယ်ရှင်( ၆လ ပိုးကောင် ၆လ သစ်ပင်) ကဲ့သို့သော ရှားပါးဆေးမြစ်များကို မြို့ပေါ်သို့ တက်ရောင်းလေ့ရှိကြသည်။
၁၉၆၀ စစ်တမ်းများအရ ထရုံလူဦးရေမှာ ၅၀ကျော် ကျန်ရှိနေသေးသော်လည်း ၁၉၉၇ ခုနှစ် ကချင်ငြိမ်းချမ်းရေးနှင့်ဖွံ့ဖြိုးတိုးတက်ရေးကောင်စီက ကောက်ယူသောစစ်တမ်းများအရ ထရုံဦးရေမှာ ရှစ်ယောက်သာကျန်ပါတော့သည်။
၂၀၀၃ ခုနှစ်အရောက် အမေရိကန် ကယ်လီဖိုးနီးယားသိပ္ပံမှ Dr. P. Christiaan Klieger ရောက်ရှိသွားသည့်အချိန်တွင်တော့ပုံထဲမှာ မြင်ရသည့် ကိုဒေါဝိ ခေါ် နောက်ဆုံးထရုံအမျိုးသားတယောက်သာနှင့်တကွ သူ၏ အမဖြစ်သူနှင့် အဒေါ်ဖြစ်သူ စုစုပေါင်းသုံးယောက်သာကျန်ပါတော့လေသည်။ လက်ရှိ ကိုဒေါဝိသည်လည်း မိန်းမလည်းမရှိ၊ကလေးလည်းမရှိတော့သဖြင့် ကိုဒေါဝိနောက်တွင်တော့ ထရုံမျိုးဆက်သည် လုံးဝပျောက်ကွယ်သွားဖို့ရာ အသေအချာပင်ဖြစ်ပေတော့၏။သို့သော်လည်း ကိုဒေါဝိ တယောက်အနေဖြင့် မိမိတို့၏ ထရုံလူမျိုးများသည် ဤတောင်တန်းကြီး၏ တဖက်တချက်ရှိ တရုတ်နိုင်ငံ အတွင်း၌ မိမိတို့ ထရုံမျိုးနွယ်စုများကျန်နေသေးကြောင်း။တနေ့နေ့ တချိန်ချိန်တွင် ဤတောင်တန်းကြီးကိုကျော်ဖြတ်ကာ မိမိအိမ်ထောင်ဖတ်ကို ရှာဖွေမည်ဖြစ်ကြောင်းပြောကြားရင်း နိဂုံးချုပ်လိုက်ရပါသည်။

 —

ဘကြီးသက်