ငါးထောင်တန်တွေ ကြဲတဲ့ ကြံ့ဖွံ့မဲဆွယ်ပွဲ

မြန်မာ့သတင်း » ငါးထောင်တန်တွေ ကြဲတဲ့ ကြံ့ဖွံ့မဲဆွယ်ပွဲ

ငါးထောင်တန်ကြဲတဲ့ ငါးလုံး (ဓာတ်ပုံ - နေပြည်တော်ဘောလုံးအသင်း)

ဧရာဝတီတိုင်း၊ မြောင်းမြမြို့နယ်၊ ကွယ်လွယ်ကျေးရွာမှာ ပြုလုပ်ခဲ့တဲ့ ပါတီမဲဆွယ်စည်းရုံးရေး ဟောပြောပွဲမှာ ကိုယ်စားလှယ်လောင်း ဦးဖြိုးကိုကိုတင့်ဆန်းက ကျပ်ငွေ ငါးထောင်တန်၊ တထောင်တန်တွေကို တက်ရောက်လာတဲ့ လူထုထဲ ကြဲဖန့်ခဲ့ပါတယ် တဲ့။ ကွယ်လွယ်ရွာခံများက ပြောပါတယ်။

ကွယ်လွယ်ရွာ၊ မြစန္ဒရပ်ကွက်၊ ဘုရားကြီးဝန်း ဓမ္မာရုံအတွင်း လုပ်တဲ့ ဟောပြောပွဲအပြီးမှာပါ။

“ဘယ်လောက်လောက် ရှိမလဲတော့ မခန့်မှန်းတတ်ဘူး။ တစ်ထောင်တန်တွေကို သုံးခါ ကြဲချတယ်။ ငါးထောင်တန်တွေကို တစ်ခါကြဲချတယ်” လို့ ကွယ်လွယ်ရွာသားတဦးက ဧရာဝတီသို့ပြောသည်။

ဒီပွဲကို ကိုယ်စားလှယ်လောင်း ဦးဖြိုးကိုကိုတင့်ဆန်း နဲ့ အတူ ဧရာဝတီတိုင်း ဒေသကြီး ဝန်ကြီးချုပ် ဦးသိန်းအောင်၊ တိုင်း အစိုးရ အဖွဲ့ဝင် ဦးဝင်းကိုကိုတို့လည်း တက်ရောက်ခဲ့ကြပါတယ်၊ “လျှပ်စစ်မီး ရရှိရေးနှင့် ဆွမ်းဆန်စိမ်းလောင်းလှူရေး” လို့ အမည် တပ်ပြီး တအိမ်၊ တယောက် မလာမနေရ ဖိတ်ခေါ်တယ်၊ ကြံခိုင်ရေးပါတီကို မဲထည့်ဖို့ စည်းရုံးဟောပြောခဲ့တယ်လို့ ရွာခံများကပြောပါတယ်။

“ဟိုရောက်တော့ ဝန်ကြီးက လျှပ်စစ်မီးကိစ္စလည်း မပြောဘဲနဲ့။ ကျနော်တို့ ကွယ်လွယ်ရွာသားတွေဟာ ဖြိုးကိုကိုတင့်ဆန်းရဲ့ ထမင်းနဲ့ မကင်းကြဘူး၊ ငွေနဲ့ မကင်းကြဘူးပေါ့။ အဲဒီတော့ ဦးဖြိုးကိုကိုတင့်ဆန်းကို မဲပေးရမယ် ဆိုပြီး မဲဆွယ်တာပေါ့” လို့ ရွာသားတဦးက ပြောပြပါတယ်။

မြောင်းမြမြို့နယ် ကျေးရွာတချို့မှာ ဝန်ကြီးချုပ် ဦးသိန်းအောင်၊ ဦးဖြိုးကိုကိုတင့်ဆန်း တို့က လူမှုရေးလုပ်ငန်းများ အကြောင်းပြပြီး ကြံ့ခိုင်ရေး ပါတီ အနိုင်ရရှိရေး မဲဆွယ်စည်းရုံး နေတယ် လို့ NLD မြောင်းမြမြို့နယ် မဲအောင်နိုင်ရေးအဖွဲ့ တာဝန်ရှိသူ ဦးဝင်းဆွေ က ဧရာဝတီကို ပြောပါတယ်။ အင်္ဂါနေ့မနက်ပိုင်းကလည်း ပျဉ်ရွာမှာ အဲဒီလို လုပ်ခဲ့တယ် တဲ့။

ဒါဟာ တရားမဝင်မဲဆွယ်စည်းရုံးတာဖြစ်တယ်၊ မှတ်တမ်းယူထားတယ်၊ ဓာတ်ပုံတွေ၊ အသံဖိုင်တွေ ရှိတယ် လို့ ဦးဝင်းဆွေက ဆက်ပြောပါတယ်။

မလာမနေရ အမိန့်တော်ချမှတ်တာ ဝန်ကြီးချုပ် ဦးသိန်းအောင်၊ ဦးဖြိုးကိုကိုတင့်ဆန်း တို့တင် မကပါဘူး၊ ကရင် တိုင်းရင်းသား ရေးရာ ဝန်ကြီး မန်းသန်းရွှေ ဆိုသူလည်း ပါပါတယ်။ ဗိုလ်သန်းရွှေနဲ့ နာမည် ၁၀၀% တူတော့ သူလည်း တန်ခိုးထက်ဟန်တူပါရဲ့။

မတ်လ ဒုတိယပတ်ထဲမှာ ဝန်ကြီး မန်းသန်းရွှေက မြောင်းမြမြို့နယ် ငှက်ပျောတော၊ လပွတ်ကုလားကျေးရွာ ဒေသခံများကို တအိမ်တယောက် မလာမနေရ ဆင့်ခေါ်တယ်၊ ကြားဖြတ် ရွေးကောက်ပွဲမှာ ကိုယ်စားလှယ်တော်ကြီး ဦးဖြိုးကိုကိုတင့်ဆန်းကို မဲထည့်ကြဖို့ စည်းရုံးတယ် တဲ့၊ ဒေသခံများက ပြောပါတယ်။

ကြားဖြတ်ရွေးကောက်ပွဲ မြောင်းမြ မဲဆန္ဒနယ်မှာ သူ့ ပြိုင်ဘက်များကတော့
NLD ပါတီ - မန်းဂျော်နီ
NDF ပါတီ - ဦးအောင်မျိုးလှိုင်တို့ ဖြစ်ပါတယ်။

NLD နဲ့ NDF ပါတီကိုယ်စားလှယ်များလည်း ငါးလုံးကို အားကျပြီး ပိုက်ဆံကြဲရင် ဒေသခံတွေအတွက်တော့ သိပ်ကောင်းမှာပေါ့လို့ တချို့က ဆိုပါတယ်။ ဒါပေမယ့် ဒီပါတီ ၂ ခုမှာ ပါဝင်သူများက နှစ်ရှည်လများ နိုင်ငံရေးလုပ်လာလို့ ၀င်ငွေမရှိ အကြွေးတွေပဲ ပိနေတယ်၊ ငါးထောင်တန် မပြောနဲ့ ငါးကျပ်တန်တောင် မကြဲနိုင်ပါဘူး တဲ့။

ငါးလုံးအကြောင်း ပြန်ဆက်ရရင် -

ကြံ့ခိုင်ရေး ပါတီ ကိုယ်စားလှယ်လောင်း ဦးဖြိုးကိုကိုတင့်ဆန်းဟာ ဟိုတယ်နှင့် ခရီးသွားလာရေး ဝန်ကြီးဌာန၊ အားကစားဝန်ကြီး ဌာန တို့ကို အပိုင်စား ရတော်မူထားတဲ့ ပြည်ထောင်စုဝန်ကြီး ဦးတင့်ဆန်းရဲ့ သားတော်မောင် ဖြစ်ပါတယ်။

ဦးတင့်ဆန်းက ပြီးခဲ့တဲ့လ ဒေါ်အောင်ဆန်းစုကြည်ရဲ့ မြောင်းမြမြို့ စည်းရုံးရေး ခရီးမှာ ဟောပြောမယ့် ဘောလုံးကွင်းတွေကို ငှားရမ်းတော့ ဟင့်အင်း လို့ ပြောခဲ့သူပါ။

ဒဂုံဆိပ်ကမ်းမြို့ ကြံ့ဖွံ့ မဲဆွယ်ဖျော်ဖြေပွဲ

ဓါတ်ပုံ (facebook)

မတ်လ ၂၃ ရက်နေ့ ၂၀၁၂

ပြည်ထောင်စုကြံခိုင်ရေးနှင့်ဖွံ့ဖြိုးရေးပါတီ၏ဒဂုံဆိပ်ကမ်းမြို့နယ်ယုဇနဥယျာဉ်မြို့တော်တွင်ယနေ့ပြုလုပ်သောမဲဆွယ်

စည်းရုံးရေးပွဲ၌ဖျော်ဖြေနေသောသရုပ်ဆောင်တေးသံရှင်နန်းဆုရတီစိုး

ပြည်ထောင်စုကြံခိုင်ရေးနှင့်ဖွံ့ဖြိုးရေးပါတီ၏ဒဂုံဆိပ်ကမ်းမြို့နယ်ယုဇနဥယျာဉ်မြို့တော်တွင်ပြုလုပ်မည့်မဲဆွယ်စည်းရုံးရေးပွဲအတွက်လာရောက်မည့်ပါတီတာဝန်ရှိသူများကိုကြိုဆိုရန်စောင့်ဆိုင်းနေသောထောက်ခံအားပေးသူတချို့

ပြည်ထောင်စုကြံခိုင်ရေးနှင့်ဖွံ့ဖြိုးရေးပါတီ၏ဒဂုံဆိပ်ကမ်းမြို့နယ်ယုဇနဥယျာဉ်မြို့တော်တွင်ယနေ့ပြုလုပ်သောမဲဆွယ်စည်းရုံးရေးပွဲ၌ဖျော်ဖြေနေသောသရုပ်ဆောင်တေးသံရှင် မိုးယံဇွန်

ပြည်ထောင်စုကြံခိုင်ရေးနှင့်ဖွံ့ဖြိုးရေးပါတီ၏ဒဂုံဆိပ်ကမ်းမြို့နယ်
ယုဇနဥယျာဉ်မြို့တော်တွင်ယနေ့ပြုလုပ်သောမဲဆွယ်စည်းရုံးရေးပွဲ
အတွက်ပါတီတံဆိပ်ပါတီရှပ်အင်္ကျီများဝေငှနေသူတစ်ဦး

ပြည်ထောင်စုကြံခိုင်ရေးနှင့်ဖွံ့ဖြိုးရေးပါတီ၏ဒဂုံဆိပ်ကမ်းမြို့နယ်ယုဇနဥယျာဉ်မြို့တော်တွင်ပြုလုပ်သည့်မဲဆွယ်စည်းရုံးရေးပွဲတွင်ဖျော်ဖြေရန်လိုက်ပါလာကြသည့်အနုပညာရှင်တချို့

လယ်/ဆည်ဝန်ကြီး လွှတ်တော်ကိုတောင်းပန်ရန် အမတ်များတောင်းဆို

လယ်ယာစိုက်ပျိုးရေးနဲ့ ဆည်မြောင်းဝန်ကြီး ဌာနအတွက် ဘတ်ဂျက်ဖြတ်တောက်မှုနဲ့ ပတ်သက်လို့ လယ်ယာ စိုက်ပျိုးရေးနဲ့ ဆည်မြောင်းဝန်ကြီးက လွှတ်တော်ကိုယ်စားလှယ်အပေါ် ပုတ်ခတ် ပြောဆိုထားတာကို အရေးယူ ဆောင်ရွက်ပေးဖို့ လွှတ်တော်ကိုယ်စားလှယ်တွေက လွှတ်တော် အခွင့်ရေးကော်မတီကို စုပေါင်း တိုင်ကြားထားပါတယ်။
မတ်လ ၂၃ ရက်နေ့ထုတ် Hot News ဂျာနယ်မှာ ဖော်ပြထားတဲ့ အင်တာဗျူးအတွင်း လယ်/ဆည် ၀န်ကြီးရဲ့ ပြောဆို ချက်တချို့ဟာ လွှတ်တော်ကိုယ်စားလှယ်တွေရဲ့သိက္ခာကို ထိခိုက်စေတယ်ဆိုပြီး မကျေမနပ် ဖြစ်ကြတာဖြစ်သလို ကြံ့ခိုင်ဖွံ့ဖြိုးရေးပါတီကိုလည်း ထိခိုက်မှု ရှိတယ်ဆိုတဲ့ ဝေဖန်ချက်တွေလည်း ရှိနေပါတယ်။ ဒီအခြေအနေအပြည့်အစုံကိုတော့ မသင်းသီရိက တင်ပြပေးထားပါတယ်။
၂၀၁၂-၂၀၁၃ ဘဏ္ဍာနှစ်အတွက် လယ်ယာစိုက်ပျိုးရေးနဲ့ ဆည်မြောင်းဝန်ကြီး ဌာနအပေါ် ဘတ်ဂျက်ဖြတ်တောက်မှုနဲ့ ပတ်သက်လို့ မတ်လ ၂၃ ရက်နေ့၊ သောကြာနေ့ထုတ် Hot News ဂျာနယ်ထဲမှာ လယ်/ဆည်ဝန်ကြီး ဦးမြင့်လှိုင်နဲ့ အင်တာဗျူး ဖော်ပြထားတာပါ။

ဒီတွေ့ဆုံမေးမြန်းခန်းထဲမှာ ဘတ်ဂျက်အဖြတ်ခံရတာနဲ့ ပတ်သက်လို့ ၀န်ကြီးဦးမြင့်လှိုင်ရဲ့ ပြောဆိုသုံးနှုန်းချက် တချို့လွှတ်တော်ကိုယ်စားလှယ်တွေရဲ့ ဂုဏ်သိက္ခာကို ထိခိုက်မှုတွေပါတယ်ဆိုပြီး ဒီကနေ့မနက် အင်တာဗျူးပါတဲ့ ဂျာနယ်ရဲ့ စာမျက်နှာကို မိတ္တူကူးကာ ပြည်ထောင်စုလွှတ်တော် အစည်းအဝေးထဲမှာ ဝေငှတာတွေ ရှိခဲ့ပါတယ်၊ ဒါကို ဖတ်ရတဲ့ ကိုယ်စားလှယ်တွေလည်း မကျေမနပ်ဖြစ်ကြပြီး စုပေါင်းလက်မှတ်ရေးထိုးကာ လွှတ်တော် အခွင့်အရေးကော်မတီကို ဒီကနေ့ ညနေက တိုင်ထားတယ်လို့ ရခိုင်တိုင်းရင်းသားများ တိုးတက်ရေးပါတီရဲ့ ပြည်သူ့လွှတ်တော် ကိုယ်စားလှယ် ဦးဖေသန်းက ပြောပြပါတယ်။
“လွှတ်တော်ကိုယ်စားလှယ်တွေ အဓိက မကျေမနပ်ဖြစ်တဲ့ စကားစုတွေကတော့-
လယ်တစ်ဧကထဲကို ရေရောက်ဖို့ သိန်းဘယ်လောက်ကုန်တယ်ဆိုတာ၊ အဲဒီဈေးတွက်တွက်နည်းနဲ့ တွက်တာ သက်သက် အပြစ်တင်ဖို့ ဝေဖန်တာပဲ။ ဒါ-ဦးနှောက်မရှိတာပေါ့၊ ရှိရက်သားနဲ့ သက်သက် Negative ဆန်တာပေါ့၊ လွှတ်တော်ကိုယ်စားလှယ်ဆိုပြီး စာမှမတတ်၊ ဆယ်တန်းမှမအောင်ဘဲ။ လွှတ်တော်ထဲကို လာထိုင်နေတော့ သူများက ထဆို ထမယ်။ ထိုင်ဆိုရင်ထိုင်မယ်။ သူများက ခလုတ်နှိပ်ဆို နှိပ်တယ်။ သူကမှ မသိတာ၊ ဘာတွေပြောနေလဲ၊ သူကမှ နားမလည်တာ။ ရမ်းပြီး လုပ်နေတာ။ လှော်တဲ့ ကောင်ကလည်း လှော်ရမယ်။ ထိုင်တဲ့ကောင်ကလည်း ငြိမ်ငြိမ်လေးထိုင်၊ အသက်ကြီးပြီဆိုရင် ငြိမ်နေရမယ်။ ငြိမ်ငြိမ်လေးမထိုင်ဘဲ အသားကုန် ဟိုလှုပ် ဒီလှုပ်၊ လှုပ်နေရင်တော့ ဒါ ဘုန်းကြီးရူးနဲ့ လှေလူးနဲ့...
လို့ ပြောတာ….အဲဒါ၊ အဲဒီအပိုဒ်တွေပေါ့ဗျာ၊ အဲဒီအပေါ်မှာ လွှတ်တော်ကိုယ်စားလှယ်တွေက တော်တော့်ကို မကျေနပ်ဖြစ်ပြီးတော့ လွှတ်တော်ထဲမှာ ရုတ်ရုတ်သဲသဲဖြစ်သွားတာဗျာ့၊ ပြည်သူ့လွှတ်တော်အခွင့်အရေးကော်မီတီကို နိုင်ငံတော်ပိုင် သတင်းစာ၊ ရုပ်မြင်သံကြားတို့ကနေ တရားဝင် ၀န်ချတောင်းပန်ဖို့၊ အဲလိုမှ မလုပ်ပေးရင်တော့ ကျနော်တို့ လွှတ်တော်က တရား ဥပဒေအရ အရေးယူ ဆောင်ရွက်သွားမယ်လို့ လွှတ်တော် ကိုယ်စားလှယ်တွေက တင်ပြကြတယ်လေ။”
ဦးမြင့်လှိုင်ဟာ နေပြည်တော် ဒက္ခိဏသီရိ မြို့နယ် ကြံ့ခိုင်ဖွံဖြိုးရေးပါတီရဲ့ ရွေးကောက်ခံ ကိုယ်စားလှယ် တစ်ဦးလည်း ဖြစ်သလို ပြည်ထောင်စု လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန၀န်ကြီး အဖြစ်လည်း လက်ရှိ တာဝန်ယူထားတာပါ။ အခုလို ၀န်ကြီး ဦးမြင့်လှိုင်ရဲ့ ပြောဆိုချက်တွေဟာ ကြံ့ခိုင်ဖွံဖြိုးရေးပါတီကို ဂုဏ်သိက္ခာကျစေပြီး လွှတ်တော်ထဲမှာ ရှိနေကြတဲ့ ကြံ့ခိုင်ဖွံဖြိုးရေးပါတီရဲ့ ကိုယ်စားလှယ်တွေကိုပါ ထိခိုက်နေတယ်လို့ ကြံ့ခိုင်ဖွံ့ဖြိုးပါတီရဲ့ ရေဖြူမြို့နယ်၊ ပြည်သူ့လွှတ်တော် ကိုယ်စားလှယ် ဦးဝင်းဦးကလည်း ပြောပါတယ်။
“အထူးသဖြင့် ဒီလိုကြားဖြတ်ရွေးကောက်ပွဲနီးလာတဲ့ အချိန်မှာ ကျနော်တို့ ကြံ့ခိုင်ဖွံ့ဖြိုးရေးပါတီ အနေနဲ့လည်း အနိုင်ရအောင် ကြိုးစားတာပါပဲ။ လောလောဆယ် ကျနော်တို့ လွှတ်တော်ထဲမှာ အများစုသော ကိုယ်စားလှယ်များဟာ ပြည်ခိုင်ဖြိုးပါတီက ဖြစ်ပါတယ်။ ကျနော်တို့ စည်းရုံးရေးဆင်းတဲ့ နေရာမှာ ကျနော်တို့အားလုံးကို ထိခိုက်နစ်နာစေပါတယ်။ ပြည်သူတွေက လွှတ်တော်ကို အယုံအကြည်ပျက်အောင်၊ ပြည်သူ့ကိုယ်စားလှယ်တွေကို အယုံအကြည်ပျက်အောင်၊ လုပ်ခဲ့တာသည်လည်းပဲ လွှတ်တော်သိက္ခာကျသလို နိုင်ငံလည်း သိက္ခာကျပါတယ်။ ကျနော်တို့ ပါတီလည်း သိက္ခာကျပါတယ်။”
Hot News ဂျာနယ်ထဲမှာ ဖော်ပြခဲ့တဲ့ ဒီအင်တာဗျူးထဲမှာ မေးမြန်းသူ သတင်းသမားဘက်က အသုံးအနှုန်းတခုနဲ့ ပတ်သက်လို့လည်း အမျိုးသားဒ်ီမိုကရေစီအင်အားစု NDF ပါတီက ပြည်သူ့ လွှတ်တော် ကိုယ်စားလှယ် ဦးစိုးဝင်း ပြောတာက-
“ဂျာနယ်မှာ ဗျူးထားတဲ့အပိုင်းမှာက မေးတဲ့လူက မေးထားတာက လွှတ်တော်ထဲမှာ အတိုက်အခံ ဒီမိုကရေစီ အင်အားစုတွေက ဆိုတော့- တကယ်ဆိုတော့ လွှတ်တော်မှာလည်း အတိုက်အခံဆိုတာ ကျနော်တို့ကို မပေးသုံးတော့ပါဘူး၊ မသုံးပါနဲ့။ အတိုက်အခံဆိုတဲ့ သဘောမထားပါနဲ့။ အားလုံး လက်တွဲလုပ်ကြရအောင်ပါလို့ သမ္မတကလည်း ပြောထားတယ်။ လွှတ်တော်ဥက္ကဋ္ဌကလည်း ပြောထားတယ်။ နောက်တခုကလည်း ကျန်တဲ့ဟာက ဒီမိုကရေစီအင်အားစု မဟုတ်ဘူး ဆိုတာမျိုး သွားပြီးသက်ရောက်နေတယ်။”
NDF ပါတီက ပြည်သူ့လွှတ်တော် ကိုယ်စားလှယ် ဦးစိုးဝင်းပါရှင်။ ဘတ်ဂျက် ၆၅ ရာခိုင်နှုန်း အဖြတ် ခံထားရတဲ့ ၀န်ကြီးဌာနတစ်ခုအနေနဲ့ အများပြည်သူ စိတ်ဝင်စားတဲ့ ဘယ်လို ရပ်တည်ပြီး ဘယ် စီမံကိန်းတွေ ဆက်လုပ်ဖို့ ရပ်ပစ်ဖို့ ဆိုတဲ့အပေါ် တင်ပြချင်တာကြောင့် ဖြစ်ပြီး ကိုယ်စားလှယ် ဦးစိုးဝင်း ထောက်ပြခဲ့တဲ့ အသုံးအနှုန်းနဲ့ ပတ်သက်ပြီး လယ်/ဆည်ဝန်ကြီး ဦးမြင့်လှိုင်နဲ့ အင်တာဗျူးကို ကိုယ်တိုင် မေးမြန်းခဲ့သူလည်းဖြစ် Hot News ဂျာနယ်ရဲ့ အယ်တီတာချုပ်လည်း ဖြစ်တဲ့ ဒေါ်ဟေမာ ခေါ် မမ က- အခုလို VOA မြန်မာပိုင်းကို ရှင်းပြပါတယ်။
“ပြည်ခိုင်ဖြိုးက တက်တဲ့ အမတ်တွေရှိတယ်။ ဒီမိုကရေစီအင်အားစုကနေ တက်တဲ့ အမတ်ရှိတယ်။ အမတို့ ဂျာနယ်တွေက အင်တာဗျူးသွားရင် ဒီမိုကရေစီအင်အားစု အမတ်တွေကသာ အမတို့ စာနယ်ဇင်းတွေကို ပွင့်ပွင့်လင်းလင်း ဖြေကြားလေ့ရှိပါတယ်။ ပြည်ခိုင်ဖြိုးဘက်ကနေ လက်ရှိ in service တို့၊ အဲလိုမျိုးဘက်ကနေ ဖြစ်လာတဲ့ အမတ်တွေဟာ မဖြေကြဘူးညီမလေး၊ မဖြေတဲ့အတွက် အမတို့လည်း မေးရတာအခက်အခဲရှိပါတယ်။
အဲဒီအတွက် အတိုက်အခံပါတီလို့ အမပြောတဲ့ဟာက လက်ရှိ ဆိုရှယ်လစ်စနစ်ကနေ မူဝါဒပြောင်းခဲ့တာ ဘယ်သူတွေက အတိုက်အခံပြုခဲ့ကြတာလဲ၊ အဲဒီအတွက် ၀န်ကြီးဌာနတခုမှာ ၀န်ကြီးတယောက်နဲ့ မေးတဲ့အခါမှာ ဘတ်ဂျက်ကိစ္စကို ကျယ်ကျယ်လောင်လောင် အော်နေတယ်လို့ အမက မေးရပါတယ်။ အမက စာနယ်ဇင်းသမား၊ သတင်းသမားဆိုတဲ့ အတွက် မေးတဲ့နေရာမှာ ကွဲကွဲပြားပြားမေးရပါတယ်။ အဲဒီသဘောနဲ့ သုံးနှုန်းခြင်းသာဖြစ်ပါတယ်။”
Hot News ဂျာနယ်ရဲ့ အယ်တီတာချုပ်လည်း ဖြစ်တဲ့ ဒေါ်ဟေမာခေါ် မမ ပြောခဲ့တာပါရှင်။ ရှေ့ဘဏ္ဍာနှစ်အတွင်း ၀န်ကြီးဌာနတွေကို ဘတ်ဂျက်ဖြတ်တာတွေနဲ့ ပတ်သက်လို့ သတ္ထုတွင်း ၀န်ကြီးဌာနကလည်း အပတ်စဉ်ထုတ် The Voice Journal ကို မမှန်မကန်ရေးသားတဲ့ အတွက်ဆိုပြီး တရားစွဲဆိုထားတာတွေလည်း ရှိပါတယ်။
VOA

၈၈ မျိုးဆက်၏ ရွေးကောက်ပွဲ စောင့်ကြည့်လေ့လာရေး ကွန်ရက်

By Eleven Media Group (Albums)

၈၈ မျိုးဆက်ကျောင်းသားများ အဖွဲ့မှ လာမည့်ကြားဖြတ်ရွေးကောက်ပွဲ စောင့်ကြည့်လေ့လာမည့် ကွန်ရက်ဖွဲ့စည်းထားပြီး စောင့်ကြည့်လေ့လာသွားမည်ဟု ယနေ့ နံနက် ၁၁နာရီကရန်ကုန်မြို့၌ ပြုလုပ်သည့် သတင်းစာရှင်းလင်းပွဲတွင် ပြောဆိုသွားသည်။

ကွန်ရက်ဖွဲ့စည်းခြင်းသည် ပါတီအောင်နိုင်ရေး မဟုတ်သလို ယခုအဖွဲ့အစည်းလုပ်ဆောင်ခြင်းနှင့် ပတ်သက်၍ မည်သည့်ပြည်ပအဖွဲ့အစည်းထံမှ အထောက်အပံယူမည် မဟုတ်ဟုလည်း ပြောဆိုသွားသည်။ မတ်လ ၂၄ ရက်နေ့မှစတင်၍ ကြားဖြတ် ရွေးကောက်ပွဲနှင့် ပတ်သက်သည့် အချက်အလက်များကို စုဆောင်းကာ စတင်လုပ်ဆောင်သွားမည်ဟု ပြောဆိုသွားသည်။ (ဓါတ်ပုံ-အိမ့်ခိုင်ဦး)
(Yangon Press International')

အဓမ္မစေခိုင်းမှုပပျောက်ရေးကို ရပ်/ကျေးဥပဒေတွင် ထည့်သွင်းရန် အဆိုတင်

နိုင်ငံတစ်ဝန်းလုံးတွင် အဓမ္မစေခိုင်းမှု ပပျောက်ရေးအတွက်၊ ရပ်ကွက် သို့ မဟုတ် ကျေးရွာအုပ်စုအဆင့်မှ စတင်၍ အကောင် အထည်ဖော် ဆောင်ရွက်ရန် မတ်လဆန်းတွင် အတည်ပြုခဲ့ပြီးသော ရပ်/ကျေး အုပ်ချုပ်ရေးဥပဒေ၌ အဓမ္မ ခိုင်းစေမှုဆိုင်ရာ တားမြစ်ချက်များ ထည့် သွင်းရန်အဆိုကို ပြည်ထဲရေးဝန်ကြီး ဌာနက ပြည်ထောင်စုလွှတ်တော် တတိယပုံမှန်အစည်းအဝေး ၂၄ ရက် မြောက်နေ့ (၂၁-၃-၂၀၁၂) ၌ တင်သွင်း ခဲ့သည်။
"ပြည်ထောင်စုသမ္မတ မြန်မာနိုင်ငံ တော်သည် ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်သစ် တည်ဆောက် နေချိန်ဖြစ်၍ နိုင်ငံတော်၌ တရားမျှတ ခြင်း၊ လွတ်လပ်ခြင်းနှင့် ညီမျှခြင်းတည်း ဟူသော လောကပါလတရားများ ပိုမို ထွန်းကားလာစေရန်အတွက် အဓမ္မ ခိုင်းစေမှုကိစ္စရပ်များသည် လုံးဝ ပပျောက်သင့်ပြီဟု ယူဆပါသည်။
"သို့ဖြစ်ပါ၍ ရပ်ကွက်၊ သို့မဟုတ် ကျေးရွာအုပ်ချုပ်ရေးဥပဒေတွင် အဓမ္မ ခိုင်းစေမှု ပပျောက်ရေးဆိုင်ရာ တားမြစ် ချက်များ ထည့်သွင်းရန် အရေးတကြီး လိုအပ်လာပါသဖြင့် အထူးကိစ္စတစ်ရပ် အနေဖြင့် ပြည်ထောင်စုလွှတ်တော်မှ စဉ်းစားဆွေးနွေး ပေးနိုင်ပါရန် ရပ်ကွက်၊ သို့မဟုတ် ကျေးရွာအုပ်စု အုပ်ချုပ်ရေး ဥပဒေကို ပြင်ဆင်သည့် ဥပဒေကြမ်းအား တင်သွင်းအပ်ပါသည်"ဟူ၍ ပြည်ထဲရေး ၀န်ကြီးဌာန ပြည်ထောင်စုဝန်ကြီးကိုယ် စား လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန ပြည်ထောင်စု ၀န်ကြီး ဦးခင်ရီက ပြည်ထောင်စုလွှတ် တော်သို့ ယနေ့နံနက်၌ တင်သွင်းခဲ့ သည်။
ထိုသို့ ပြင်ဆင်ချက်အရ ဥပဒေ၏ အမည်မှာ 'ရပ်ကွက်၊ သို့မဟုတ် ကျေးရွာ အုပ်စု အုပ်ချုပ်ရေးဥပဒေကို ပြင်ဆင် သည့် ဥပဒေ'ဟု ခေါ်တွင်စေရမည်ဖြစ် ပြီး မတ်လဆန်း၌ အတည်ပြုပြီးဖြစ် သော ရပ်ကွက်၊ သို့မဟုတ် ကျေးရွာ အုပ်စု အုပ်ချုပ်ရေးဥပဒေပုဒ်မ ၂၇ တွင် ရှိနှင့်ပြီး ပုဒ်မ ၂၇ ကို 'ပုဒ်မ ၂၇(က)' အဖြစ် ပြင်ဆင် ပြီး ယခုဖြည့်စွက်မည့် ပြင်ဆင်ချက်ကို 'ပုဒ်မ ၂၇(ခ)'အဖြစ် ဤသို့ ဖြည့်စွက်မည် ဖြစ်ကြောင်း ပြည်ထဲရေးဝန်ကြီးဌာန ၀န်ကြီးရုံး၏ ပြည်ထောင်စုလွှတ်တော် သို့ ပေးပို့သည့်စာတွင် ဖော်ပြပါရှိ သည်။
ဖြည့်စွက်ရမည့်စာသားမှာ "၂၇(ခ)၊ မည်သူမဆို ပုဂ္ဂိုလ်တစ်ဦးတစ်ယောက် ထံမှ ထိုသူ၏ ဆန္ဒအလျောက် ကမ်းလှမ်း ခြင်းမဟုတ်ဘဲ အကျိုးစီးပွားထိခိုက်စေ မည်ဟု ခြိမ်းခြောက်ခြင်း၊ သို့မဟုတ် အပြစ်ပေးမည်ဟု ခြိမ်းခြောက်ခြင်းဖြင့် ထိုသူ၏ လုပ်အား၊ သို့မဟုတ် ၀န်ဆောင် မှုအား အဓမ္မရယူခိုင်းစေမှုပြုလျှင် ထိုသို့ ပြုသူအား တစ်နှစ်အထိ ထောင်ဒဏ် တစ်မျိုးမျိုးဖြစ်စေ၊ ငွေဒဏ်ဖြစ်စေ၊ နှစ်ရပ် စလုံးဖြစ်စေ ချမှတ်ရမည်"ဟူ၍ဖြစ် သည်။
ထိုသို့ ရပ်/ကျေး အုပ်ချုပ်ရေးဥပဒေ တွင် ထပ်မံပြင်ဆင်ဖြည့်စွက်ရမည့် အကြောင်းရင်းနှင့်ပတ်သက်ပြီး ရှင်း လင်းပြောကြားခဲ့သည်။
"မြန်မာနိုင်ငံဟာ အပြည်ပြည်ဆိုင်ရာ အလုပ်သမားအဖွဲ့(ILO) သို့ ၁၉၄၈ ခုနှစ်၊ မေလ ၁၈ ရက်မှာ အဖွဲ့ဝင်နိုင်ငံအဖြစ် စတင် ၀င်ရောက်ခဲ့ပါတယ်။ အိုင်အယ်လ် အိုအဖွဲ့ဝင် နိုင်ငံတစ်နိုင်ငံအနေဖြင့် ၁၉၅၅၊ မတ်လ ၄ ရက်မှာ အဓမ္မခိုင်းစေ မှုဆိုင်ရာ ပြဋ္ဌာန်း ချက်အမှတ် ၂၉(၁၉၃၀ ပြည့်နှစ်)ကို လိုက်နာရန် လက်မှတ် ရေးထိုးခဲ့ပါတယ်။ သို့ရာတွင် အကြောင်းအမျိုးမျိုး ကြောင့် လုပ်ငန်း နယ်ပယ်အချို့၌ အဓမ္မ ခိုင်းစေမှုများရှိခဲ့သဖြင့် မြန်မာနိုင်ငံ အစိုးရ၏ အဓမ္မခိုင်းစေမှု ပပျောက်ရေး ကြိုးပမ်းမှုများကို အထောက် အကူပြုရန် အတွက် ၂၀၀၂ ခုနှစ်၊ အိုင်အယ်လ်အို ဆက်သွယ်ရေးအရာရှိတစ်ဦးကို မြန်မာ နိုင်ငံ၌ ခန့်ထားရန် နားလည်မှုစာချွန်လွှာ လက်မှတ်ရေးထိုးခဲ့ပါတယ်။
ထို့ပြင် ၂၀၀၇ ခုနှစ်တွင်လည်း အဆိုပါ နားလည်မှုစာချွန်လွှာ၏ နောက်ဆက်တွဲ အဖြစ် အဓမ္မခိုင်းစေမှုပပျောက်ရေး အတွက် နိုင်ငံတော်အစိုးရ၏ အားထုတ် ကြိုးပမ်းမှုများသည် အထိုက်အလျောက် အောင်မြင်မှုရှိခဲ့သည်ကိုလည်း တွေ့ရှိ ရပါတယ်"ဟူ၍ အစချီလျက် ယခုကဲ့ သို့ ဒီမိုကရေစီနိုင်ငံတော်သစ် တည်ဆောက်နေချိန်တွင် အဆိုပါ အဓမ္မခိုင်းစေမှုများ လုံးဝပပျောက်စေ ရန် ဤသို့ပြင်ဆင်ဖြည့်စွက်ရခြင်း ဖြစ် ကြောင်း ပြည်ထောင်စုဝန်ကြီး ဦးခင်ရီက လွှတ်တော်သို့ ရှင်းလင်းပြောကြားခဲ့ သည်။
ထိုသို့ ပြင်ဆင်ဖြည့်စွက်သည့် ဥပဒေ ကြမ်းနှင့် စပ်လျဉ်း၍ ပြည်ထောင်စု လွှတ်တော်ဥပဒေကြမ်း ပူးပေါင်းကော် မတီကလည်း စိစစ်တင်ပြချက် အစီရင် ခံစာကို ၎င်းကော်မတီဥက္ကဋ္ဌ ဦးတီခွန်မြတ်က ဖတ်ကြားရာတွင် မြန်မာနိုင်ငံ၏ အိုင်အယ်လ်အိုအဖွဲ့ဝင်နိုင်ငံ ဖြစ်လာ သည့် သမိုင်းကြောင်းများကို ထည့်သွင်း ပြောကြားခဲ့သည်။
MMTime

ဒဲရစ်မစ်ချဲလ်က မြန်မာလွှတ်တော်တွေကို ချီးကျူး

လွန်ခဲ့သောတစ်နှစ်ကျော်က စတင် ကျင်းပလာခဲ့တဲ့ အမျိုးသားလွှတ်တော်ရဲ့ လုပ်ဆောင်မှုများဟာ "အလွန်ထူးခြား လှပါတယ်"လို့ အမေရိကန်အထူးသံ ကိုယ်စားလှယ်မစ္စတာ ဒဲရစ်မစ်ချဲလ်က ယခင်သီတင်းပတ်က ပြောသွားတယ်။ "သူတို့ကို ရော်ဘာတံဆိပ်တုံး နှိပ်ပေး တဲ့အဆင့်ထက် အများကြီးပိုတယ်လို့ ဘယ်သူမှ မထင်ခဲ့ကြပါဘူး"လို့ ရန်ကုန် မှာ မတ်လ ၁၇ ရက်တွေ့ဆုံမေးမြန်းပွဲမှာ မစ္စတာမစ်ချဲလ်က ပြောခဲ့ပါတယ်။
"လွှတ်တော်စချိန်တုန်းက အချေ အတင်ဆွေးနွေးခြင်း၊ ပွင့်လင်းခြင်း၊ ထင်သာမြင်သာရှိခြင်း ဆိုတာတွေကို သတ်မှတ် တင်းကျပ် ထားလွန်းတာ ကြောင့် အပြန်အလှန်စစ်ဆေးမှုနဲ့ ထိန်း ညှိမှု၊ အာဏာထိန်းညှိမှုဆိုတာတွေဟာ ရယ်စရာလိုလိုတောင် ဖြစ်ခဲ့ပါ တယ်"လို့ သူက ဆိုတယ်။
လွှတ်တော်ရဲ့ စွမ်းဆောင်လုပ်ကိုင် နိုင်တဲ့စွမ်းရည်တွေ ဖြည့်ဆည်းပေးဖို့ အသေအချာ လိုအပ်တယ်လို့ သူက ထောက်ပြတယ်။
"ဒါပေမယ့် လွှတ်တော်တစ်ရပ်ဖွဲ့ စည်းဖို့ လိုအပ်နေတာကို အသိအမှတ်ပြု ခြင်း ဥပမာ - အမေရိကန်ပြည်ထောင်စုနဲ့ အခြားနိုင်ငံတွေ ဆီက နည်းပညာအကူ အညီယူဖို့ ကမ်းလှမ်းခြင်းတွေဟာ အလွန်အားတက်စရာ ဖြစ်ရပါတယ်"တဲ့။
လွှတ်တော်ကိုယ်စားလှယ်တွေကို မိမိ တို့ မဲဆန္ဒနယ်တွေကို ကိုယ်စားပြုရာမှာ လည်းကောင်း၊ အစိုးရ အုပ်ချုပ်ရေး ယန္တရားအတွင်း မိမိတို့ရဲ့ တာဝန်ကို ကျေပွန်အောင် လုပ်ဆောင်ရာမှာလည်း ကောင်း အစွမ်းကုန်ထိရောက်အောင် မြင်အောင် လုပ်ဆောင်ဖို့ လွှတ်တော် ဥက္ကဋ္ဌကြီးသူရဦးရွှေမန်းရဲ့ တိုက်တွန်းမှု ဟာ အလွန့်အလွန်အားတက်စရာ ကောင်းပါတယ်။ သမ္မတကြီးဦးသိန်းစိန် နည်းတူ သူရဦးရွှေမန်းဟာလည်း အလွန်ထူးခြား ထက်မြက်တဲ့ လုပ်ဆောင်မှုတွေကို ဆောင်ရွက်နေသူတစ်ဦးဖြစ်ပါတယ်လို့ မစ္စတာမစ်ချဲလ်က ပြောပါတယ်။
လွှတ်တော်ကိုယ်စားလှယ်တွေထံမှ ပြန်လည်ပြောကြားချက်အရ ဥက္ကဋ္ဌသူရ ဦးရွှေမန်းဟာ အခြားပါတီတွေ၊ အခြား အုပ်စုတွေနဲ့ ဆက်ဆံရာမှာ အတော်မျှတ မှုရှိသူ ဖြစ်တယ်လို့ သိရပါတယ်။
အမေရိကန်ပြည်ထောင်စုအနေနဲ့ လွှတ်တော်ကြီး ဆက်လက်တိုးတက် သွားအောင် တတ်အားသရွေ့ သင့်တော် သလို အားပေး ထောက်ခံသွားရမှာ ဖြစ်ပါ တယ်။
ကြားဖြတ်ရွေးကောက်ပွဲဟာ လွတ် လပ်ပြီး တရားမျှတတယ်လို့ ယုံကြည် ယူဆမယ်ဆိုရင် ဒီရွေးကောက်ပွဲအပြီး မှာ လွှတ်တော် ကိုယ်စားလှယ်တွေရဲ့ လုပ် ဆောင်နိုင်စွမ်းကိုကူညီ တည်ဆောက် ပေးဖို့ အကူအညီတွေပေးသွားရန် အမေရိကန်ပြည်ထောင်စုက စဉ်းစား နေပါတယ်။
အစိုးရနဲ့ ပတ်သက်လို့ အာဏာရလာ ပြီးတဲ့နောက်ပိုင်းမှာ အဆိုးအမြင်တွေရှိ ခဲ့တယ်ဆိုတာကို မစ္စတာမစ်ချဲလ်က အသိအမှတ်ပြု ပါတယ်။
"မြန်မာပြည်မှာ ဖြစ်ပျက်ခဲ့သမျှတွေ ကို စောင့်ကြည့်နေခဲ့ကြတဲ့သူတွေအဖို့ တော့ အကောင်းမြင်နိုင်ကြမယ်မထင်ပါ ဘူး။ ဒီလူတွေပဲ ထိန်းချုပ်နေဆဲပဲ။ ယူနီ ဖောင်းချွတ်လိုက်ပြီး ဒါတွေပဲဆက်လုပ် နေတာပဲလို့ ထင်ကြမှာပါပဲ။ "ဒါပေမယ့် ကျွန်တော်တို့ ချဉ်းကပ်ပုံ က၊ ကျွန်တော်ရဲ့ချဉ်းကပ်ပုံက ကျွန်တော် စတင်စမ်းကြည့်လိုက်ကတည်းက ပထမ ဆုံးနေ့မှာပဲ သမ္မတကြီးဦးသိန်းစိန်က သူ့ မိန့်ခွန်းနဲ့ စပါတယ်။ "သူ့ရဲ့ သမ္မတရာထူးလက်ခံတဲ့ မိန့်ခွန်း မှာ လေသံရော၊ ဟန်ပန်ရော၊ အမြင်တွေ ပါ ပြောင်းသွားတာကို ခင်ဗျားသတိထား မိပါလိမ့်မယ်။ "အခွင့်အလမ်းတွေ မပေးရင်၊ အား ပေး ကူညီမှုမပြုရင် အပြောင်းအလဲတွေ ကို ရလာမှာ မဟုတ်ဘူး။ ကျွန်တော်တို့ ကြိုးစားနေတာ။ တခြားသူတွေနဲ့အတူ တကွကြိုးစားနေတာ၊ ဒါပါပဲ"ဟု မစ္စတာ မစ်ချဲလ်က ပြောပါတယ်။
လွန်ခဲ့သော ခုနစ်လက အမေရိကန် အထူးသံတမန်အဖြစ် ပထမဆုံးအကြိမ် ရောက်လာခဲ့ချိန်မှစ၍ ပြုပြင်ပြောင်းလဲ ရေးလုပ်ငန်း စဉ်အပေါ် ၎င်း၏အမြင်ကို မေးကြည့်ရာ မစ္စတာမစ်ချဲလ်က "ဒီ လောက်အချိန်ကာလအတွင်း တိုးတက် ဖြစ်ပေါ်မှုတွေ တွေ့ရတော့ ပိုလို့တောင် အားတက်မိပါတယ်"ဟု ပြောပါတယ်။
"ဘယ်ကို ဦးတည်သွားနေတယ်ဆို တာ ဆုံးဖြတ်ဖို့တော့ စောင့်ရဦးမှာပေါ့။ ဒါပေမယ့် အချိန်နဲ့အမျှ မီဒီယာတွေ ပွင့်လင်းလွတ်လပ် လာတာ၊ နိုင်ငံရေး အကျဉ်းသားတွေကို လွှတ်ပေးနေတာ ကို ကြည့်ရင်ပဲ အားတက်စရာပါဗျာ။ "ဒီအရိပ်နိမိတ်တွေကို နိုင်ငံထဲက လူထု တွေဆီမှာလည်း မြင်နေရတယ်။ သူတို့ တစ်တွေမှာ အကောင်းမျှော်လင့်ချက် တွေနဲ့ အားတက်နေကြတယ်။ အနည်း ဆုံး အလယ်ပိုင်းပြည်မကြီးက လူထုမှာ ဒီအတိုင်းပါပဲ။ "တိုင်းရင်းသားတွေရဲ့ ဒေသမှာတော့ တကယ်တမ်းဘာမှ မပြောင်းလဲသေးပါ ဘူးဆိုတဲ့ အဆိုးမြင်မှုတွေ ရှိနေပါသေး တယ်။ ဒါပေမယ့် အချို့တိုင်းရင်းသား အုပ်စုတွေထဲမှာလဲ အားတက်မျှော်လင့် တဲ့ အကောင်း မြင်မှုတွေ ရှိပါတယ်" သူ့ကို ဤတာဝန်စတင်ပေးလိုက်ချိန် မှ စ၍မြန်မာပြည်ကို ခြောက်ကြိမ်တိုင် ရောက်ခဲ့ပြီးဖြစ်ရာ အခေါက်တိုင်း မှာပင် လျှင် တိုးတက်မှုများတွေ့နေရ၍ အပြောင်းအလဲဟာ အစစ်အမှန်ဖြစ် တယ်ဆိုတဲ့ အကောင်းမြင်မှုတွေ တိုး၍ တိုး၍လာပါ တယ်ဟု မစ်ချယ်က ပြောပါ တယ်။
ဒဏ်ခတ်ပိတ်ဆို့မှုများ လျှော့ချနိုင် မယ့် အလားအလာနှင့် ပတ်သက်လို့ မစ္စတာမစ်ချယ်က ဧပြီ ၁ ရက်နေ့တွင် ကျင်းပမယ့် ကြားဖြတ် ရွေးကောက်ပွဲကို စောင့်ကြည့်၍ ကျွန်ုပ်တို့အနေနဲ့ ပြုပြင် ပြောင်းလဲရေးလုပ်ငန်းစဉ်တွင် လုပ်ဖော် ကိုင်ဖက်များအနေနဲ့ မည်သို့ပါဝင် သင့် တယ်ဆိုတဲ့ နည်းလမ်းကို တွက်ချက် ဆုံးဖြတ်ရန် စောင့်ကြည့်နေပါတယ်လို့ ပြောပါတယ်။
ကိုကိုနှင့် အောင်သာလင်း ဘာသာပြန်သည်။
MMTime

အဖေ့အတွက် အသဲပေးလှူခဲ့တဲ့ ကိုဇွဲရန်နိုင် အထူးကြပ်မတ်ခန်းမှ ထွက်လာနိုင်ပါပြီ

ဦးစောလှိုင် နှင့် သားဖြစ်သူ ကိုဇွဲရန်နိုင် အိန္ဒိယဆေးရုံမှာတွေ့ ရစဉ်

အဖေ့အတွက် အသဲပေးလှူခဲ့တဲ့  ကိုဇွဲရန်နိုင် အခု စိတ်ချရတဲ့အခြေအနေရောက်လာလို့
ICU အခန်းမှ ထွက်လာခွင့်ရပါပြီ။
 သူ ၁၀တန်းအောင်တဲ့နေ့ရဲ့ နောက်တနေ့မှာ ဖခင် ကိုစောလှိုင် အဖမ်းခံရတာဖြစ်ပြီး
ဖခင်ရဲ့ စတုတ္ထထောင်သက် ၆ နှစ်တာကာလ အင်းတော်ကနေ ကသာကို ဆိုင်ကယ်နဲ့ ထောင်ဝင်စာသွားတွေ့လာခဲ့သူ ။ ထောင်ကထွက်ပြီး ၄လအကြာမှာ
 အသဲအစားထိုးပေးလှူဘို့ အသင့်ဖြစ်နေခဲ့သူ။ မိခင် မကျန်းမာစဉ်ကာလတလျှောက်လုံး
ကနေ  မကွယ်လွန်ချိန်ကာလအထိ ပြုစုပေးစောင့်ရှောက်ပေးခဲ့တဲ့ သားတယောက်ဖြစ်
ပါတယ်။

သားသမီးတချို့ ကို... ဖခင်ထောင်ကျစဉ်ကာလမှာ အိမ်ထောင်တွေတချို့စီးပွါးတွေ
 ပျက်စီးပြီုကွဲလို့ မိဘကို ငြိုငြင်တာတွေလည်း ကြားခဲ့ရဘူးပေမယ့် သား ကိုဇွဲရန်နိုင်
ကတော့ ခုလို ဖခင်ကို အသက်နဲ့ ထပ်တူ ချစ်ခင်မြတ်နိုးစောင့်ရှောက်တာတွေရတဲ့
အတွက် ကြည်နူးဝမ်းသာဖြစ်ရပါတယ်။

ကိုစောလှိုင် ကတော့ ICU အခန်းကနေ မထွက်ရသေးပါဘူး။ ဒါပေမယ့် အခြေအနေ တစတစ ကောင်းမွန်တိုးတက်လာတယ်လို့ သိရပါတယ်။ ဆရာဝန် ၂ ဦး က ၂၄ နာရီ
တချိန်လုံး ကွန်ပျူတာ များနဲ့ ချိတ်ဆက် monitor လုပ်ရင်း စစ်ဆေး ကြပ်မတ်နေ
ကြပါတယ် ။ နောက် ၂ ရက်လောက်နေရင် စိတ်ချရမယ့်အနေအထားရောက်မယ်လို့
သိရပါတယ်။ အခုတော့ သားငယ်ပေးထားတဲ့ အသဲ နဲ့ ဆက်အသက်ရှင်သန်နေပါပြီ။

ကိုစောလှိုင်တို့ သားအဖ အမြန်ဆုံး ကျန်းမာချမ်းသာစွာနဲ့ မြန်မာပြည်ပြန်နိုင်ပါစေလို့ အနီးအဝေး နေရာအနှံ့က မိတ်ဆွေ များက ဆုတောင်းမေတ္တာပို့သအပ် ပါတယ်။

ဒီစာလေးကို ဦးခွန်ဆိုင်း ရဲ့  ဖေ့စ်ဘုတ်စာမျက်နှာမှာ ဖတ်လိုက်ရလို့ ဦးစောလှိုင်
အကြောင်း သိလောက် ထပ်မံရေးပို့ ပေးဖို့ ကျနော် ဦးခွန်ဆိုင်း ကို မေတ္တာရပ်ခံ
လိုက်ပါတယ်။ ဒါနဲ့ ဦးခွန်ဆိုင်း က သူသိသလောက် အခုလို ပြန်လည်ရေးပို့ လာပါတယ်။

ကိုစောလှိုင် က အင်းတော်ဇာတိဖြစ်ပါတယ်။ ဖခင်က ဟိန္ဒူဖြစ်ပြီး မြန်မာနိုင်ငံ
သားဖြစ်နေခဲ့တာ ၁၉၆၀ ခန့်ကတည်းက ဖြစ်ပါတယ်။ မဆလခေတ် -၁၉၇၆ မှိုင်းရာပြည့် အရေးအခင်းမှာ ထောင်ကျ ကျောင်းမှာ ထုတ်ပယ်ခံရပြီး ပြန်လွတ်တော့ စာပေးစာယူနဲ့ ဘီအေအောင်ပါတယ်။အမ်အေ ဆက်တက်နေတုန်း day ကျောင်းသားအဖြစ်အတက်မခံလို့ တ၀က်တပျက်နဲ့ ကျောင်းထုတ်ခံရပါတယ်။

အင်းတော်မှာပဲ လပြည့်ဝန်းအခမဲ့ကျူရှင်ကိုနှစ်ပေါင်းများစွာဖွင့်ခဲ့ပါတယ်။
၁၉၉၀ရွေးကောက်ပွဲမှာ NLD အင်းတော်အမတ်ဖြစ်လာပေမယ့် အကြိမ်ကြိမ် အကျယ်ချုပ်
ဘ၀ အကျဉ်းချုပ်ဘ၀များနဲ့နေခဲ့ရပါတယ်။ ထောင် ၄ကြိမ်ကျပါတယ်။နောက်ဆုံး
အင်းတော်မှာ ကွန်ပြူတာ စင်တာထောင် ပြီး ကျောင်းသားများကို တဖက်တလမ်းမှာ
ကူညီနေစဉ် လုပ်ငန်း လိုင်စင် သက်တမ်းမတိုးပေးပဲ အမှုရှာကာ ထောင် ၁၂ နှစ်
ချလိုက်ပါတယ် ။

နပ်စ် အလုပ်ကို လုပ်ကိုင်သူ ဇနီးဖြစ်သူကိုလည်း မကွေးသို့ပြောင်းရွေလိုက်တဲ့အတွက် မပြောင်းနိုင်တော့ပဲအလုပ်က ထွက်လိုက်ရပါတယ်။သူ ထောင်ကျနေစဉ် ဇနီးသည်
 ကင်ဆာဖြစ်ကာ မတ်လ ၂၀၁၀ တွင်ဆုံးပါးခဲ့ပါတယ်။ ကိုစောလှိုင်ကတော့ ၂၀၁၁
 အောက်တိုဘာ ၁၂ ရက်နေ့မှာ လွတ်လာပါတယ်။ ဆေးစစ်ချက်များအရ စီပိုးကူးစက်နေကြောင်းတွေ့ပါတယ်။

ဒါပေမယ့် ရွေးကောက်ပွဲမှာ NLD အတွက် ၀င်ေ၇ာက်ယှဉ်ပြိုင်ဖို့ ကြိုးစားနေစဉ်မှာ ကျန်းမာရေးဆိုးဝါးလာတဲ့အတွက် ဆေးထပ်စစ်ရာ( HCC ) Hepato Cellular
 Carcinoma ခေါ် အသဲကင်ဆာဖြစ်နေတာ သိလိုက်ရပါတယ်။ အသက်ရှင်ရန်
အသဲအစားထိုးကုနည်းမှတပါး တခြားမရှိဘူး။
 အိန္ဒိယ မှာ နံမည်ကျော်ဆေးရုံတခုက ကုသပေးနေကြောင်းသိရပြီးဒေါ်အောင်ဆန်း
စုကြည်မှလည်း သွားရောက်ကြိုးစားဘို့ တိုက်တွန်းတဲ့အတွက် ထွက်ခဲ့ပါတယ်။
 ဆေးရုံက နယူးဒေလီ မှာရှိပြီး  Medanta ( မီဒန်တာ ) နောက် ဒေါ်အောင်ဆနုး
စုကြည်မှလည်းဆေးရုံနဲ့ တာဝန်ခံ ခွဲပေးမယ့်ဆရာဝန်ဆီ  အတတ်နိုင်ဆုံးကြိုးစား
ကုသပေးဘို့ ပုဂ္ဂိုလ်ရေးမေတ္တာရပ်ခံစာ ၂စောင်  ရေးပေးလိုက်ပါတယ်။
 ပထမ ပတ်စ်ပို့ မရနိုင်လို့ အတော်ကြိုးစားပြောဆိုခဲ့ရပါသေးတယ် ။
သားတယောက်သမီးတယောက်ရှိပါတယ်။ သား က ဇွဲ၇န်နိုင်လို့ခေါ်ပါတယ်။
ဖခင်ထောင်ကျစဉ် ကာလ ကသာထောင်ကို ပုံမှန်သွားတွေ့နေတဲ့ လိမ္မာတဲ့
သားတယောက်ဖြစ်ပါတယ် ။ သူက မဆိုင်းမတွ သူ့အသဲကို လှူမယ်လို့
ဖခင်ကိုပြောပါတယ်။

တကယ်တမ်း ဆေးစစ်ဆေးကု စရိတ်မှာ ရူပီး သိန်း အစိတ်။ (အမေရိကန်ဒေါ်လာ
 ၅သောင်းကျော်ကုန်) မှာမို့ မတတ်နိုင်ပဲ ပြန်ရမယ်ဖြစ်နေစဉ် မန္တလေးမှ အမျိုးများ
မိတ်ဆွေများ ရန်ကုန်မှလုပ်ဖေါ်ကိုင်ဖက်များ အမေရိကား သြစတေးလျ စတဲ့
 နေရာစုံမှာ မိတ်ဆွေများ ၀ိုင်းဝန်းကာ ရှာဖွေ ကူညီလှူဒါန်းတဲ့အတွက် အခု
 အောင်မြင်စွာ  ခွဲစိတ်နိုင်ခဲ့ပါတယ်။

အခု စကားပြောလို့ရနေပါပြီ။ ဒီနေ့ လမ်းစလျှောက်နေပါပြီ။ ဆက်လက်ကုန်ကျစားရိတ်မှာဆက်လက်စားရမယ့်ဆေးများပြည့်စုံအောင်ဝယ်ပြီး
 မြန်မာပြည်ပြန်ရောက်သည်အထိ နောက်ထပ်ဒေါ်လာ ၆၀၀၀ ခန့်ကျန်သေးတာကို
ဆက်လက် အလှူခံဘို့ ရှာဖွေနေကြပါတယ်။  ဒီလောက်ဆိုပြည့်စုံပါပြီ သူ့ကို စောင့်ရှောက်နေတဲ့ ဒေါ်စိန်စိန်ဆီကို ဖုံးဆက်မယ်ဆို ရင် တော့
 ( ၀၀ ၉၁ ၈၄၄ ၇၃၂ ၆၈ ၅၃) အိန္ဒိယနိုင်ငံဖုန်းနံပါတ် ဖြစ်ပါတယ်။
ဦးခွန်ဆိုင်း ပြောပြချက်ဖြစ်ပါတယ်။

ဦးစောလှိုင် ဟာ အမျိုးသားဒီမိုကရေစီ အဖွဲ့ချုပ်မှ ကောလင်း၊ ၀န်သို၊ ပင်လည်ဘူး၊ 
ဗန်းမောက်အမျိုးသားလွှတ်တော် လစ်လပ်နေရာ မဲဆန္ဒနယ်မှ ၀င်ရောက်ယှဉ်ပြိုင်ဖို့ 
အမည်စရင်းတင်သွင်းထားရာမှာ ပင်လည်ဘူးမြို့နယ်ကြံဖွတ်ပါတီမှဝင်ရောက် 
ယှဉ်ပြိုင်မည့် ကိုယ်စားလှယ်လောင်း ဦးတင်မြ မှကန့်ကွက်မှု့ ကြောင့် ရွေးကောက်ပွဲ
 ကော်မရှင် ကပယ်ဖျက်လိုက်သူပါ။  ကန့်ကွက်ရသည့် အကြောင်းအရင်းမှာ ဦးစောလှိုင် သည်၁၉၅၆ ခုနှစ်တွင်မွေးဖွားခဲ့ပြီး
 သူ့ဖခင်မှာ ၁၉၅၉ ခုနှစ်မှသာနိုင်ငံသားစီစစ်ရေးကတ်ပြား ထုတ်ယူရရှိခဲ့သော
 လူမျိုးခြားဖြစ်နေသောကြောင့်ဟုသိရပါတယ်။

၁၉၉ဝ ရွေးကောက်ပွဲဥပဒေအရ ရွေးကောက်ပွဲ ကိုယ်စားလှယ်လောင်းသည်
 “နိုင်ငံသားဖြစ်ရမည်" ဟု ဖေါ်ပြထားပြီး ၂ဝ၁ဝ ရွေးကောက်ပွဲ ဥပဒေတွင်မူ
 "နိုင်ငံသား မိဘနှစ်ပါးမှ မွေးဖွားသူ ဖြစ်ရမည်” ဟု တမူကွဲစွာ ဖေါ်ပြထားတယ်။

ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်မည့် NLD ကိုယ်စားလှယ်လောင်
 ၄၈ ဦးအနက် ၄၇ ဦးကို ကိုယ်စားလှယ်လောင်းများ အဖြစ် ပြည်ထောင်စု
 ရွေးကောက်ပွဲကော်မရှင်မှ ကြေညာပြီးဖြစ်ပါတယ်။

ကချင်ပြည်နယ် ရွေးကောက်ပွဲ မကျင်းပသည့်အပေါ် အမတ်လောင်းများ ဝေဖန်

ချင်းမိုင် (မဇ္ဈိမ) ။        ။ ကြားဖြတ်ရွေးကောက်ပွဲ ကျင်းပရန် ရက်ပိုင်းသာ လိုတော့ချိန်မှ လုံခြုံရေး အကြောင်းပြချက်
ဖြင့် ကချင်ပြည်နယ်ရှိ ရွေးကောက်ပွဲများ ကျင်းပတော့မည် မဟုတ်ကြောင်း ပြည်ထောင်စု ရွေးကောက်ပွဲ ကော်မရှင် က ကြေညာလိုက်ခြင်းမှာ မရိုးသားသော လုပ်ရပ်ဖြစ်ကြောင်း လွှတ်တော်ကိုယ်စားလှယ်လောင်း ဒေါ်ဘောက်ဂျာက
ဝေဖန်လိုက်သည်။

ကချင်ပြည်နယ်အတွင်း လစ်လပ် မဲဆန္ဒနယ်များ ဖြစ်သည့် ဖားကန့်၊ ဗန်းမော်၊ မိုးကောင်း မြို့နယ်များတွင်
ရွေးကောက်ပွဲ ကျင်းပနိုင်ခြင်း မရှိဟု နိုင်ငံပိုင် ရုပ်မြင်သံကြားမှတဆင့် သောကြာနေ့ ညနေပိုင်းတွင် ကြေညာခဲ့ခြင်း ကို ဝေဖန်ပြောဆိုလိုက်ခြင်း ဖြစ်သည်။

"ကျမတို့ကိုလည်း ဘာမှ အကြောင်းမကြားဘူး။ ဒါက ရိုးသားမှု မရှိဘူး။ လုံခြုံရေးက ဘာမှ မဖြစ်ပါဘူး။ ကျမတို့လည်း ညညနေ့နေ့ ဒီအတိုင်း သွားလာနေတာပဲ။ ဘာ အနှောက်အယှက်မှ မရှိပါဘူး။ ဖားကန့်မှာ ကျမက လုံးဝနိုင်နိုင်ပါ တယ်။ အဲဒါကို ဒီလိုလုပ်တယ် ဆိုတော့ ဒါ သက်သက်လုပ်တဲ့ သဘောပါ" ဟု ဖားကန့်မြို့နယ်တွင် ဝင်ရောက် ယှဉ်ပြိုင်မည့် အမျိုးသားဒီမိုကရေစီအင်အားစု NDF လွှတ်တော်ကိုယ်စားလှယ်လောင်း ဒေါ်ဘောက်ဂျာ က မဇ္ဈိမကို
ပြောသည်။

မိုးကောင်းမြို့နယ်တွင် တသီးပုဂ္ဂလ ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်မည့် ဒေါက်တာတူးဂျာ
ကလည်း ၎င်း၏မဲဆန္ဒနယ်တွင် လုံခြုံရေးအတွက် စိုးရိမ်ဖွယ်အခြေအနေမရှိကြောင်း၊ ရွေးကောက်ပွဲ ဖျက်သိမ်းခြင်း
နှင့် ပတ်သက်၍လည်း မြို့နယ်ကော်မရှင်မှ ၎င်းထံ အကြောင်းကြားလာခြင်း မရှိသေးကြောင်း ပြောသည်။

"ဒီမှာကတော့ စိုးရိမ်စရာဘာမှ မရှိပါဘူး။ လုံခြုံရေး စိုးရိမ်လောက်တဲ့ အခြေအနေတော့ မရှိဘူး။ အခုကတော့ မဲရုံအခြေအနေတွေကတော့ တည်ငြိမ်အေးချမ်းမှုရှိပါတယ်။ ကျနော်ကတော့ ဒီလိုပဲ နေရုံပဲပေါ့ဗျာ။ ဘာမှ မတတ်နိုင်တော့ဘူး။ အာဏာပိုင်တွေလုပ်တဲ့ အလုပ်ဆိုတော့လည်း ကျနော့်အနေနဲ့ ဘာမှ မတတ်နိုင်ဘူး။ ဒီလိုပဲ နေရုံရှိတယ်" ဟု မဇ္ဈိမကို ပြောသည်။

ကော်မရှင်မှ ရွေးကောက်ပွဲ ကျင်းပနိုင်ခြင်း မရှိဟု ကြေညာခဲ့သည့် ဖားကန့်မြို့နယ်၊ မိုးကောင်းမြို့နယ်၊ ဗန်းမော် မြို့နယ်များအနက် ဖားကန့်မြို့တွင် မဲရုံပေါင်း ၇၁ ရုံ၊ မိုးကောင်းမြို့တွင် မဲရုံပေါင်း ၆၅ ရုံ တို့ကို ရွေးကောက်ပွဲ ကျင်းပနိုင်ရန် မြို့နယ်ကော်မရှင်အဖွဲ့ခွဲမှ ပြင်ဆင်ပြီး ဖြစ်သည်ဟုလည်း သိရသည်။

ှဖားကန့်မြို့နယ်တွင် အမျိုးသားဒီမိုကရေစီအဖွဲ့ချုပ် NLD၊ ကြံ့ခိုင်ရေးပါတီ၊ NDF ပါတီနှင့် မိုးကောင်းမြို့နယ်တွင် NLD၊ ကြံ့ခိုင်ရေး၊ ရှမ်းတိုင်းရင်းသားများဒီမိုကရက်တစ်ပါတီ၊ NDF ပါတီတို့မှ ကိုယ်စားလှယ်လောင်းများ ဝင်ရောက် ယှဉ်ပြိုင်နိုင်ရန် ပြင်ဆင်ထားကြခြင်း ဖြစ်သည်။

ဖွဲ့စည်းပုံနှင့် မညီသည့် အစိုးရ လုပ်ရပ်များ ဦးရွှေမန်း ထောက်ပြ

ချင်းမိုင် (မဇ္ဈိမ) ။      ။ သမ္မတ ဦးသိန်းစိန် ဦးဆောင်သော အစိုးရအဖွဲ့၏ လုပ်ဆောင်ချက် အချို့သည် ဖွဲ့စည်းပုံ အခြေခံ ဥပဒေနှင့် မညီကြောင်း အောက်လွှတ်တော် ဥက္ကဋ္ဌ သူရ ဦးရွှေမန်း က ထောက်ပြ ပြောဆိုလိုက်သည်။

ထို့ကြောင့် အခြေခံဥပဒေနှင့် အညီလုပ်ဆောင်ရန် သောကြာနေ့တွင် ကျင်းပသည့် ပြည်ထောင်စုလွှတ်တော်သို့ သဝဏ်လွှာပေးပို့ကာ ဦးရွှေမန်း က တိုက်တွန်းလိုက်သည်ဟု လွှတ်တော်တက် အမတ်များက မဇ္ဈိမကို ပြောသည်။

အစိုးရအဖွဲ့တခုလုံး လစာခံစားခွင့် လျှော့ယူခြင်း၊ အစိုးရ ပင်စင်စားများကို လစာ တိုးမြှင့်ပေးခဲ့ခြင်း၊ မြန်မာနိုင်ငံ အမျိုးသား လူ့အခွင့်အရေး ကော်မရှင် ဖွဲ့စည်းခြင်း စသည့် လုပ်ဆောင်ချက်များတွင် ပြည်ထောင်စု လွှတ်တော်၏ အတည်ပြုချက် ရယူခြင်း မရှိခဲ့ဟု ဦးရွှေမန်း၏ သဝဏ်လွှာတွင် ပါရှိကြောင်း လွှတ်တော်အမတ် ဦးဖုန်းမြင့်အောင်က
ပြောသည်။

သမ္မတ ဦးသိန်းစိန် ဦးဆောင်သော အစိုးရအဖွဲ့၏ လုပ်ဆောင်ချက် အချို့သည် ဖွဲ့စည်းပုံ အခြေခံ ဥပဒေနှင့် မညီကြောင်း အောက်လွှတ်တော် ဥက္ကဋ္ဌ သူရ ဦးရွှေမန်း က ထောက်ပြ (ဓါတ်ပုံ မဇ္ဈိမ)

"ဒီကိစ္စတွေက အစိုးရအဖွဲ့မှာ သူ့ဟာသူ လုပ်ပိုင်ခွင့် မရှိဘူး။ ပြည်ထောင်စု လွှတ်တော်ကို တင်ပြပြီး သဘောတူညီချက် ယူပြီးတော့မှ လွှတ်တော်ရဲ့ ဆုံးဖြတ်ချက်နဲ့ လုပ်ပိုင်ခွင့်ရှိတယ်။ အဲဒီကိစ္စကို ဖွဲ့စည်းပုံနဲ့အညီ လုပ်ဖို့ အစိုးရကို တိုက်တွန်းတာ" ဟု မဇ္ဈိမကို ပြောသည်။

ဦးရွှေမန်း၏ အဆိုပါ သဝဏ်လွှာကို "ပြည်ထောင်စု လွှတ်တော်က အတည်ပြုတယ်။ အဲဒါကို အစိုးရအဖွဲ့က ပြန်လည်
ပြုပြင်ပြီး လွှတ်တော်ကို တင်ပြဖို့ ကျနော်တို့ လွှတ်တော်က တိုက်တွန်းတယ်ပေါ့ဗျာ" ဟုလည်း လွှတ်တော်အမတ်
ဒေါက်တာ အေးမောင်က မဇ္ဈိမကို ပြောသည်။

ဦးသိန်းစိန်သည် သမ္မတ ရာထူးလက်ခံရယူသည့် ၂ဝ၁ဝ မတ်လ ၃ဝ ရက်နေ့ မိန့်ခွန်းတွင် "လစဉ်ချီးမြှင့်ငွေကို
နိုင်ငံတော်၏ လက်ရှိအခြေအနေ၊ နိုင်ငံတော်၏ ငွေရေးကြေးရေး အခြေအနေနဲ့ နိုင်ငံသားများ၏ အကျိုးကို ရှေးရှုသော အားဖြင့် မိမိတို့ခံစားခွင့်မပြုဘဲ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ ဗဟိုအဖွဲ့အစည်း အသီးသီးတွင် တာဝန် ထမ်းဆောင်ခဲ့သည့် ပုဂ္ဂိုလ်များ၏ ခံစားခဲ့သော လစဉ်ထောက်ပံ့ငွေ အတိုင်းသာ ခံစားသွားရမှာ ဖြစ်ပါတယ်" ဟု ပြောကြားခဲ့သည်။

သမ္မတ၏ အဆိုပါ လုပ်ဆောင်ချက်သည် ၂ဝဝ၈ ဖွဲ့စည်းပုံ အခြေခံ ဥပဒေပါ ပုဒ်မ ၆၉ တွင်ပါရှိသည့် "နိုင်ငံတော် သမ္မတနှင့် ဒုတိယ သမ္မတများသည် ဥပဒေဖြင့် သတ်မှတ်ထားသည့် လစာ၊ စရိတ်နှင့် အဆောင်အယောင်များ ရရှိစေရမည်။ သင့်တင့် လျောက်ပတ်သည့် အိမ်တော်တဆောင်စီကိုလည်း ရရှိစေရမည်" ဟူသည့် ပြဋ္ဌာန်းချက်နှင့် ကိုက်ညီမှုမရှိဟုလည်း လွှတ်တော်အမတ်များက မဇ္ဈိမကို ပြောသည်။

ယင်းအပြင် ၂ဝ၁၁ ခုနှစ် ဇွန်လ ၃ဝ ရက်နေ့တွင် နိုင်ငံ့ဝန်ထမ်း ပင်စင်စားများ၏ လစာ တိုးမြှင့်ပေးခဲ့ရာတွင်လည်း လွှတ်တော်၏ အတည်ပြုချက် ရယူခြင်း မရှိသောကြောင့် ဖွဲ့စည်းပုံ အခြေခံနှင့် မညီဟု လွှတ်တော်အမတ်များက
ပြောသည်။

ထိုစဉ်အခါက နိုင်ငံ့ဝန်ထမ်း ပင်စင်စားများ၏ လစာတိုးမြှင့်ပေးအမိန့်ကို ဘဏ္ဍာရေးဝန်ကြီး ဦးလှထွန်းမှ လက်မှတ် ထိုးထားပြီး ပြည်ထောင်စုအစိုးရအဖွဲ့၏ အစည်းအဝေး အမှတ်စဉ် ၁၂/၂ဝ၁၁ ဆုံးဖြတ်ချက်အရ လစာတိုးပေးရန် ဆုံးဖြတ်ခြင်းဟု ဘဏ္ဍာရေးနှင့် အခွန်ဝန်ကြီးရုံး၏ အမိန့်ကြော်ငြာစာအမှတ် ၁ဝ၆/၂ဝ၁၁ ဖြင့် ထုတ်ပြန်ခဲ့သည်။

သူရဦးရွှေမန်း ထောက်ပြသည့် အမျိုးသားလူ့အခွင့်အရေး ကော်မရှင်ကို ၂ဝ၁၁ ခုနှစ် စက်တင်ဘာလ ၅ ရက်နေ့တွင် ဖွဲ့စည်းခဲ့ခြင်းဖြစ်သည်။ ထိုကော်မရှင်ဖွဲ့စည်းမှုကို ပြည်ထောင်စုအစိုးရအဖွဲ့က အမိန့်ကြေညာချက်အမှတ် ၃၄/၂ဝ၁၁
ဖြင့် ထုတ်ပြန်ကြေညာခြင်းဖြစ်ပြီး အဆိုပါအမိန့်ကို ပြည်ထောင်စုအစိုးရအဖွဲ့ အတွင်းရေးမှူး ဦးတင်မျိုးကြည်မှ လက်မှတ်ထိုးထားသည်။

"အမျိုးသား လူ့အခွင့်အရေး ကော်မရှင်ကို ဗဟိုအဖွဲ့အစည်းမှာ ထည့်တာ ဒါက ဖွဲ့စည်းပုံ အခြေခံဥပဒေနဲ့ ကိုက်ညီမှု မရှိဘူး" ဟု ဖွဲ့စည်းပုံအခြေခံဥပဒေပုဒ်မ ၂ဝ၂ကို ကိုးကား၍ ဒေါက်တာအေးမောင်က မဇ္ဈိမကို ပြောသည်။

အခြေခံဥပဒေပုဒ်မ ၂ဝ၂ အရ "နိုင်ငံတော် သမ္မတသည် ပြည်ထောင်စု လွှတ်တော်၏ သဘောတူညီချက်ဖြင့်
ပြည်ထောင်စု အစိုးရဝန်ကြီးဌာနများကို လိုအပ်သလို သတ်မှတ်နိုင်သည်။ ထို့ပြင် ဝန်ကြီးဌာနများကို ပြင်ဆင် သတ်မှတ်ခြင်း ဖြည့်စွက်ခြင်း ပြုနိုင်သည်" ဟု ပြဋ္ဌာန်းထားသည်။

အစိုးရအဖွဲ့နှင့် လွှတ်တော်အကြား အထက်ဖေါ်ပြပါ ကွဲလွဲချက်များကို ဧပြီလ ၂၃ ရက်နေ့တွင် ညှိနှိုင်းဖွယ်ရှိပြီး
အောက်လွှတ်တော်နှင့် အထက်လွှတ်တော် နှစ်ရပ်လုံး ထိုနေ့တွင် ကျင်းပနိုင်ရန် ခေါ်ယူထားသည်ဟု သိရသည်။

နေပြည်တော်တွင် ဇန်နဝါရီလ ၂၆ ရက်နေ့ကတည်းက စတင်ကျင်းပနေသည့် လွှတ်တော်အရပ်အရပ် အစည်းအဝေးများကို ခေတ္တရပ်ဆိုင်းလိုက်ကြောင်း သိရသည်။

သစ်ထူးလွင်

မြန်မာ့သယံဇာတ ကျိန်ဇာ...

ပြင်ဦးလွင် ခရိုင်မှ ပိုက်လိုင်း ဆက်သွယ်မှု မြင်ကွင်း..

ဤသို့ လယ်ယာမြေ စိုက်ခင်းများကို ဖြတ်သန်းကာ

ပြင်ဦးလွင်မှ ဒေသခံ ပြည်သူများ၏ ယာမြေများ ပျက်ဆီးခဲ့ရသည်..

ရေနံ၊ ဂတ်စ် သယံဇာတတွေ ထွက်ရှိပေမယ့် အကျိုးခံစားခွင့် မရှိပဲ မြန်မာပြည်ရဲ့ ဒုတိယ အဆင်းရဲဆုံး ပြည်နယ် ဖြစ်နေရပြီး ချဉ်သီးပင်အောက် ချဉ်သီးပျောက်နေရတဲ့ ကျောက်ဖြူ မဒေးကျွန်း တရုတ်စီမံကိန်းများ အတွင်းမှ ဒေသခံ ရခိုင်ပြည်သူတွေရဲ့ဘဝ...

ဓာတ်ပုံများ (ဒီမိုဝေယံနှင့် ဝိုင်းတော်သားများ)

ဆက်လက်ဖတ်ရှုရန်

ဒီမိုဝေယံ

မြန်မာမီးရထား၊ တိုင်း(၇) ရန်ကုန်ရှိ စီးပွား သက်သာဆိုင် တာဝန်ခံ ဗိုလ်မှူးဟောင်း ဦးစိုးမိုးအောင်၏ လာဘ်ပေး လာဘ်ယူ အကျင့်ပျက် ခြစားမှုအား အရေးယူ ဆောင်ရွက် ပေးပါရန် တိုင်ကြားခြင်း

မြန်မာ့မီးရထားပိုင် ရန်ကုန်ဘူတာကြီးအနီးရှိ သက်သာဆိုင်ခန်းများ

နိုင်ငံတော်မှ ပေးအပ်သော တာဝန်အား အလွဲသုံးစားပြုလုပ်ကာ လာဘ်ပေးလာဘ်ယူ အကျင့်ပျက် ခြစားမှုအား အရေးယူ ဆောင်ရွက် ပေးပါရန် တိုင်ကြားခြင်း။

မြန်မာမီးရထား၊ တိုင်း(၇) ရန်ကုန်ရှိ စီးပွား သက်သာဆိုင် တာဝန်ခံ ဗိုလ်မှူးဟောင်း ဦးစိုးမိုးအောင် မန်နေဂျာ (စီးပွားရေး/တိုင်း)သည် သက်သာဆိုင်(၁၅၀၀)ဆိုင်အား ဦးစီးကာ လစာငွေကောက်ခံခြင်း ဆောင်ရွက်ရာတွင် မသမာမှု၊ လဘ်ပေးလဘ်ယူ အကျင့်ပျက်ခြစားမှုများဖြင့် အောက်ဖေါ်ပြပါ အတိုင်း ဆောင်ရွက်နေပါ၍ အရေးယူ ဆောင်ရွက်ပေးပါရန် တိုင်ကြားပါသည်။

၁။ ဦးစိုးမိုးအောင်သည် သက်သာဆိုင် (၁၅၀၀)ဆိုင်များအား စာချုပ်သက်တမ်းတိုး ဆောင်ရွက်ရာတွင်(၅)ကျပ် တန်စာချုပ်မှုရင်း(၅)ရွက်ပါ တစ်စုံနှင့် မိတ္တူ(၅)ရွက်ပါ(၂)စုံပေါင်း (၁၅)ရွက်အတွက် စာချုပ်ချုပ်ဆိုခများအား ကျသင့်ငွေထက် အဆမတန် တိုးမြှင့်ကောက်ခံကာ ကိုယ်ကျိုးအတွက် အသုံးပြုခဲ့ပါသည်။ ဆိုင်တစ်ဆိုင် စာချုပ်ချုပ်ဆိုရာတွင် (၅)ကျပ်တန် စာချုပ်မူရင်း(၁) ရွက်အား ပြင်ပဈေးဖြင့် ၀ယ်ယူပါက(၁၄၀)ကျပ်ဖြစ်ပြီး၊ မိတ္တူ(၁)ရွက် ပြန်လည်ကူးယူပါက (၁၄)ကျပ်ဖြစ်ရာ မူရင်း(၅)ရွက်နှင့် မိတ္တူ(၁၀) ရွက်အတွက် ကုန်ကျငွေပေါင်းသည် (၈၄၀) ကျပ်သာ ကျသင့်ပါသည်။

၎င်းရုံးစက်များဖြင့် ဆောင်ရွက်သော လုပ်ငန်းဖြစ်သည့် အတွက်( ၈၄၀)ကျပ် အောက်လျှော့ ကောက်ခံရမည့်အစား ဆိုင်တစ်ဆိုင်လျှင်(၅၀၀၀) ကျပ်နှုန်းဖြင့် ဆိုင်ပေါင်း(၁၅၀၀)ဆိုင် အတွက် ကျပ်သိန်းပေါင်း ခုနှစ်ဆယ့်ငါးသိန်း (၇၅၀၀၀၀၀ိ/-) ကောက်ခံခဲ့ခြင်းသည် ကောက်ခံရယူသင့်ငွေထက် ကျပ်သိန်းခြောက်ဆယ်ကျပ် (၆၀၀၀၀၀၀ိ/-)ကျော် မိမိကိုယ်ကျိုးအတွက် အသုံးပြုခဲ့ခြင်းဖြစ်ပါသည်။ အဆိုပါ သက်သာဆိုင်(၁၅၀၀)ဆိုင်မှ တစ်လလျှင်(၅၀၀၀၀ိ/-)အထိတရားဝင် ဘောင်ချာဖြင့် ပေးသွင်းရပါသည်။

တရားမ၀င် စာရင်းမရှိသော ကျူးကျော်ဆိုင်ခန်း(၅၀၀) ဆိုင်ခန်းအား ၎င်းက ကိုယ်ကျိုးအတွက် တပည့်(လူယုံ)များနှင့် ငွေကောက်ခံမှုများ ရှိကြောင်း အဆိုပါ တရားမ၀င် ဆိုင်ခန်းများမှ တစ်လလျှင်(၂၀၀၀၀ိ/-) ကျပ်မှ(၅၀၀၀၀ိ/-)ထိ ပေးရသည့် ဆိုင်ခန်းများလည်း ရှိပါသည်။

၂။ စာချုပ်ချုပ်ဆိုခြင်းနှင့် သက်တမ်းတိုးအတွက် လစာနှုန်းများ ညှိနှိုင်းဆောင်ရွက်ရာတွင်လည်း ၎င်းနှင့်ရင်းနှီး ပတ်သက်သူများ၊ လဘ်ပေးလဘ်ယူ ငွေကြေးထောက်ပံ့သူများနှင့် ၎င်း၏ ဇာတိမြို့ဖြစ်သော သထုံမြို့၊ ဘင်လှိုင် ရပ်ကွက်၊ အာစိဏ္ဏာရာမ ပရိယတ္တိစာသင်တိုက် တွင် ဓမ္မမဉ္ဇူနှစ်ထပ် ကျောင်းဆောင် ဆောက်လုပ်ရေး အလှူငွေထည့်ဝင် သူများကိုသာ ဦးစားပေးစာချုပ် ချုပ်ဆိုပေးခြင်း၊ လစာနှုန်းများ လျှော့ပေးခြင်းများပြုခဲ့ပြီး ကျန်ဆိုင်များအား စာချုပ်မချုပ် ဆိုပေးဘဲ ဆိုင်းငံ့ထားခြင်း၊ အဆမတန်လစာနှုန်းများ တိုးမြှင့်ကောက်ခံခြင်းများကိုလည်း ဆောင်ရွက်နေပါသည်။

၃။ဦးစိုးမိုးအောင်သည် သက်သာဆိုင်နှင့် ပတ်သက်သော မြန်မာ့မီးရထား၊ အထွေထွေမန်နေဂျာ (အောက်မြန်မာပြည်) ရန်ကုန် မြန်မာ့မီးရထားရုံးချုပ်နှင့် ၀န်ကြီးရုံးများမှ ဆိုင်ခန်းနှင့်ပတ်သက်သော စာများပေါ်တွင် မှတ်ချက်ပြုရေးသားသော လူကြီးများအား နိုင်ငံတော်မှ လစာပေးထားသားလျှက်နှင့် အပိုလုပ်စားသူများ စသည့်လိုသလို အနက်အဓိပ္ပာယ် ကောက်ယူ နိုင်သော ဝေါဟာရ အသုံးအနှုံးများဖြင့် ပုဂ္ဂလိက လုပ်ငန်းရှင်များရှေ့တွင် မကြာခဏ ညဉ်းတွား ပုတ်ခတ်ပြောဆိုလေ့ရှိသည့် အပြင် ၎င်းအောက်တွင် တာဝန်ထမ်းဆောင်နေသော ရုံးဝန်ထမ်းများအား လမ်းစရိတ်မပေးဘဲ ညအချိန်ထိ အတင်းအဓမ္မ အမိန့်ပေးစေခိုင်းခြင်းနှင့် ရုံးလုပ်ငန်း လုပ်ပိုင်ခွင့်များကိုလည်း တားမြစ်ပိတ်ပင် ချုပ်ချယ်မှုများ ပြုနေပါသည်။

ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းသည် ငြိမ်းချမ်းရေး လုပ်ငန်းများကို ဆောင်ရွက်နေသော်လည်း မြန်မာ့မီးရထားဝန်ကြီးဌာန လက်အောက်ရှိ ဦးစိုးမိုးအောင်သည် နိုင်ငံတော်မှ ပေးအပ်သော တာဝန်အား အလွဲသုံးစား ပြုလုပ်ကာ ကျပ်သိန်းခြောက်ဆယ်ကျော် (၆၀၀၀၀၀၀ိ/-) လာဘ်ပေးလာဘ်ယူ အကျင့်ပျက်ခြစားခြင်း၊ ကျောသားရင်သားခွဲခြားခြင်း၊ နိုင်လိုမင်းထက်ပြုမူခြင်းနှင့် ပြည်သူပြည်သားများ ယုံကြည်မှုကင်းမဲ့အောင် ဆောင်ရွက်နေခြင်းများအား အရေးယူ ဆောင်ရွက်ပေးပါရန် တိုင်ကြားအပ်ပါသည်။

ဒီမိုဝေယံ