အဆောင်အယောင်ဘ၀က လွတ်မြောက်ခဲ့သည်ရှိသော်

လွန်လေပြီးသော ၅ နှစ်တာကာလခန့်ကိုပြန်လည် တွေးတောကြည့်မည်ဆိုပါက ဇိမ်ခံကားတစ်စီးသာလျှင် မြန်မာပြည်သူပြည်သာတို့၏ အဆောင်ယောင်ဘ၀ကိုလွမ်းမိုးထားသည်မဟုတ် မိုဘိုင်းဖုန်း ဟန်းဆက်တို့သည်လည်း မြန်မာပြည်သူပြည်သားတို့၏ လက်ဝယ်၌ အဆောင်အယောင်ဘ၀ဖြင့် ခံညားထည်ဝါစွာ တည်ရှိခဲ့ကြလေသည်။ လူတစ်ဦးချင်းစီဝင်ငွေနှင့် ပိုင်ဆိုင်နိုင်ခြင်းမရှိသည့် မိုဘိုင်းဖုန်းလိုင်းတို့၏ ဈေးနှုန်းများသည် တရားဝင်ပေါက်ဈေး ၁၅ သိန်းကျပ်မှ ပြင်ပပေါက်ဈေး ၁၈ သိန်းဝန်းကျင်ဖြင့် ၀ယ်ယူအသုံးပြုနိုင်သူတို့အတွက်သာ ခောတ်ကာလ၏ အဆောင်အယောင်ကို ပိုင်ဆိုင်နိုင်မည့် အခြေအနေဖြစ်ခဲ့သည်။ ဒီအချိန်ကာလမတိုင်ခင်ကဆိုလျှင် မိုဘိုင်းဖုန်းလိုင်း တစ်လိုင်းမှာ ငွေကျပ် ၂၅ သိန်း ၀န်းကျင်အထိရှိခဲ့ဖူးပေသည်။ အဆိုပါ ပမာဏတစ်ခုသည် ရန်ကုန်မြို့ ၌ သာမန်မြေကွက်တစ်ခုကို ကောင်းစွာပိုင်ဆိုင်နိုင်သော အခြေအနေပင်ဖြစ်လေသည်။ မိုဘိုင်းဖုန်းလိုင်းသည် အချိန်ကာလတစ်ခုအတွက် အမှန်တကယ်ကိုပင် အဆောင်အယောင်တစ်ခုဖြစ်စေခဲ့သည်။ ဆက်သွယ်ရေးစနစ်အတွက်အထောက်အကူဖြစ်ရန် သိန်းပေါင်းများစွာ အကုန်အကျခံဝယ်ယူထားသော်လည်း မိမိဆက်သွယ်လိုသည့် လူ၊ ပုဂ္ဂိုလ် အများစုမှာသိန်းပေါင်းများစွာ ၀ယ်ယူအသုံးမပြုနိုင်သဖြင့် မိမိ၏ မိုဘိုင်းဖုန်းလိုင်းမှာ ဆက်သွယ်ရေးမရရှိသည့် လူသားအဆောင်အယောင်တစ်ခုသာ ဖြစ်မြဲဖြစ်စေခဲ့သည်။၂၀၁၁ ခုနှစ်အရောက်မှာတော့ ဘိုးဘွားပိုင်အဖြစ် ရိုသေစွာလက် ဆင့်ကမ်းသုံစွဲနေကြသည့် မိုဘိုင်းဖုန်းလိုင်းများဟာ ငွေကျပ်၅ သိန်းတန်မိုဘိုင်းဖုန်းလိုင်းများ၏ တုပပြိုင်ဆိုင်ခြင်းကို ထင်မှတ်မထားဘဲ ကြုံတွေ့ခဲ့ရလေသည်။ ဒီလိုနဲ့ပဲ မိုဘိုင်းဖုန်းလိုင်း ဟုသောအဆောင်အယောင်ပစ္စည်းတစ်ခုသည် လူသားတို့အတွက် ဆက်သွယ်ရေးကွန်ရက်တစ်ခုအဖြစ် ရုတ်တရက်ပြောင်းလဲသွားစေခဲ့သည်။““မင်းဘယ်ရောက်နေပြီလဲ၊ ထမင်းစားပြီးသွားပြီလား”” ဟုသော တစ်နေ့တာအသေးအမွားကိစ္စရပ်တွေမှအစ အတိုင်းအဆမရှိသော အရေးကြီးကိစ္စရပ်မျိုးစုံတို့ကို မိုဘိုင်းဖုန်းကွန်ရက်ပေါ်မှ နေ့စဉ်လုပ်ကိုင် ဆောင်ရွက်လာခဲ့ကြသည်။ မိုဘိုင်းဖုန်းလိုင်းများကို ၁၅ သိန်းမှ ၅ သိန်းကျပ်သို့ လျော့ချပေးခဲ့သော် လည်း မြန်မာ့ဆက်သွယ်ရေးလုပ်ငန်းအနေဖြင့် အရှုံးပြသွားခဲ့သည်တော့မဟုတ်။ ဆက်သွယ်စရာဖုန်းလိုင်းများပေါများလာသည့်အလျောက် ဆက် သွယ်ဆိုင်ရာနှုန်းထားများ မြင့်တက်လာသည့်အတွက် ခေါ်ဆိုခဘီလ် ဈေးနှုန်းများမှာ ယခင်ထက်ပိုမိုရရှိ လာမည်မှာသေချာပေသည်။ သို့သော် အဆိုပါအခြေအနေသည် ကျေးလက်နေလူတန်းစား များအတွက်ကိုပင် မဆိုထားနှင့် မြို့နေလူတန်းစား အစုံအလင်ကိုပင် လွမ်းခြုံနိုင်ခဲ့ခြင်းမရှိခဲ့ပေ။ နိုင်ငံ၏ လူဦးရေမှာသန်း ၆၀ ၀န်းကျင်ရှိ သော်လည်း မိုဘိုင်းဖုန်းလိုင်းများ၏ အရေအတွက်မှာ ၁ သန်းဝန်းကျင် သာရှိခဲ့လေသည်။ ထို့ကြောင့် မိုဘိုင်းဖုန်းလိုင်းသည် အဆောင်အယောင်ဘ၀ကိုသာ ဆက်လက်ခင်တွယ်နေဆဲဖြစ်ကြောင်း မှတ်ချက်ပေးရမလိုရှိသည်။ အကယ်၍ လူဦးရေ သန်း ၆၀ အနက် လူဦးရေ သန်း ၃၀ မှာ မိုဘိုင်းဖုန်းပိုင်ဆိုင်သူများဖြစ်ကြသည်ဆိုခဲ့ပါက လူသားတို့နေ့စဉ် ဖြတ်သန်းနေကြသည့် နယ်ပယ်အ သီးသီးကိုတစ်မျိုးတစ်ဖုံသို့ပြောင်းလဲသွားမည်မှာ အသေအချာပင်ဖြစ်သည်။ မကြာသေးမီက သတင်းအချက်အလက်နှင့် ဆက်သွယ်ရေး နည်းပညာကို လူမှုစီးပွားဖွံ့ဖြိုးတိုးတက်ရေးနှင့် ဆင်းရဲနွမ်းပါးမှုလျော့ချစေရေးအတွက် မည်သို့မည်ပုံ အသုံးချနိုင်မလဲဆိုသည့် အဖြေကိုရှာ ဖွေဖို့အမျိုးသားအဆင့်အလုပ်ရုံ ဆွေးနွေးပွဲတစ်ခုကို နေပြည်တော်၌ ပထမဦးဆုံးအကြိမ်ကျင်းပခဲ့သည်။ ဆွေးနွေးပွဲသို့လည်း နယ်ပယ်အသီးသီးမှ ကျွမ်းကျင်ပညာရှင်များ တက်ရောက်ခဲ့ကြသည်။ ပြည်တွင်း သာမက ပြည်ပမှ ပညာရှင်များလည်းတက်ရောက်ခဲ့ကြသည်။ ဆွေးနွေးမှုများ၌ Mobile Commerce ဟုသော အကြောင်းအရာ အချို့လည်းပါဝင်ခဲ့သည်။ မြန်မာနိုင်ငံ၏ နယ်ပယ်အသီးသီး၌ ခောတ်မှီဖွံ့ဖြိုးတိုးတက်လာရန်အတွက် e Commerce စနစ်ကို ပီပြင်စွာအသုံးချနိုင်ရန်လိုအပ်နေခြင်းမှသေချာသည်။  ပညာရှင်များ၏ ဝေဖန်ထောက်ပြချက်အရ မြန်မာနိုင်ငံအနေဖြင့် e Commerce စနစ်သို့ ဦးစွာပထမတက် လှမ်းနိုင်ခြင်းမရှိသေးသော်လည်း Mobile Commerce ကိုတော့ကောင်းစွာဖန်တီးတည်ဆောက်ပေးနိုင် သည့်အနေအထားတွင်ရှိကြောင်းသိရသည်။ Mobile Commerce ဖြစ်တည်ရန်အတွက် လူတိုင်းလက်ဝယ်၌ မိုဘိုင်းဟန်းဆက်ရှိရန်တော့လိုအပ်သည်။ Mobile Commerce ကြောင့် ပထမဦးဆုံးလက်တွေ့အကျိုးပြုမည်မှာ သွားလာမှုကုန်ကြစရိတ်များပင်ဖြစ်သည်။ ဒုတိယမြောက် အကျိုးပြုမည်မှာ လျှင်မြန်သော သတင်းအချက်အလတ်ကို ဦးဦးဖျား ဖျားပိုင်ဆိုင်၍ အကျိုးရှိရှိပြန်လည် အသုံးချနိုင်ခြင်းပင်ဖြစ်သည်။ မိုဘိုင်းဖုန်းလိုင်း တစ်လိုင်းအတွက် ကုန်ကျစရိတ်တစ်ခုရှိနေဆဲဖြစ်သော်လည်း မိုဘိုင်းဖုန်းလိုင်းတစ်လိုင်းမရှိ၍ အပိုကုန်ကျမည့်စရိတ် များနှင့် နှိုင်းယှဉ်ပါကအသုံးပြုသင့်သည်ဟုတော့ထင်သည်။ သို့သော် မိမိတစ်ဦးတည်းအနေဖြင့် မိုဘိုင်း ဖုန်းလိုင်းဝယ်သူအသုံးပြုနိုင်မည်ဆိုပါက အကျိုးသက်ရောက်မှုများရှိတော့မဟုတ်။ ကိုယ်ပိုင်အဆောင် အယောင်တစ်ခု အနေဖြင့်သာ မိုဘိုင်းဖုန်းလိုင်းကို ကိုင်ဆောင်ထားခြင်းဖြစ်တော့မည်။ မိုဘိုင်းဖုန်းလိုင်းများ၏ ဈေးနှုန်းများ ယခုထပ်လျော့ကျလာပြီး လူတိုင်း၊ လူတိုင်းသည် မိုဘိုင်းဖုန်းလိုင်းများပိုင်ဆိုင်လာကြပါက ဆက်သွယ်ရေးနည်းပညာ၏ အကျိုးပြုလုပ်ငန်းစဉ်များကို သုံးစွဲသူတို့လက်တွေ့ခံစားကြမည်ဖြစ်သည်။ နိုင်ငံ၏ လက်ရှိဥပဒေအရ ဆက်သွယ်ရေးဝန်ဆောင်မှုလုပ်ငန်းသည် ယှဉ်ပြိုင်မှုမရှိသော အစိုးရလုပ်ငန်းတစ်ခုအနေဖြင့်သာတည်ရှိနေလေသည်။ ဥပဒေများပြင်ဆင် ရေးဆွဲပြီးပါက ပုဂ္ဂလိကဆက်သွယ်ရေး ၀န်ဆောင်မှုများပေါ်ပေါက်လာ မည်ဟုမျှော်လင့်ထားရပြီး မိုဘိုင်းဖုန်းလိုင်းများ၏ ဈေးနှုန်းမှာလည်း အာဆီယံဒေသတွင်းနိုင်ငံများနှင့် တန်းတူဖြစ်လာနိုင်သည်ဟု ဆက်လက်မျှော်လင့်ရပါသည်။ဒေသတွင်းနိုင်ငံအချို့၌ မိုဘိုင်းဖုန်းလိုင်းများကို အခမဲ့အသုံးပြုခွင့်ပေးခဲ့ကြသည်။ အချို့နိုင်ငံများသည် မြန်မာနိုင်ငံထက် ဖွံ့ဖြိုးတိုးတက်မှု ပိုမိုနောက်ကျခဲ့သော်လည်း မိုဘိုင်းဖုန်းလိုင်းဈေးနှုန်းကိုမှု လူတန်းစားမျိုးစုံအသုံးပြုနိုင်သည့် ဈေးနှုန်းအဖြစ်သို့ပြင်ဆင်သက်မှတ်ပေးခဲ့ကြသည်ဟုလည်းသိရသည်။ မြန်မာနိုင်ငံအနေဖြင့် လက်ရှိအချိန်၌ မိုဘိုင်းဖုန်းလိုင်းဈေးနှုန်းကို တစ်ဆင့်ချင်း လျော့ချပြောင်းလဲရန် စီစဉ်နေကြသည်ဟု ယူဆရသည်။ ယခုလ ၅ ရက်နေ့၌ မြန်မာ့ဆက် သွယ်ရေးလုပ်ငန်းအနေဖြင့် ထုက်ပြန်ချက်အသစ်တစ်ခုကိုကြေညာခဲ့သည်။ အဆိုပါကြေညာချက်အရ ဂျီအက်စ်အမ်မိုဘိုင်းဖုန်းလိုင်းတို့၏ ဈေးနှုန်းမှာ ငွေကျပ် ၅ သိန်းမှ ငွေကျပ် ၂ သိန်းအဖြစ်သို့ပြောင်းလဲသွားခဲ့သည်။ မတ်လ ၁၄ ရက်နေ့မှ ဧပြီလ ၉ ရက်နေ့အတွင်း တစ်နိုင်ငံလုံး အတွက်၈ျီအက်စ်အမ်ဖုန်းတွေချထားပေးမည်ဟု ကြေညာချက်၌ပါဝင်သည်။ အလားတူ WCDMA မိုဘိုင်းဖုန်လိုင်းတွေကိုလည်း ဈေးနှုန်း ကျပ်နှစ်သိန်းခွဲနဲ့ ဧပြီလအတွင်း တစ်နိုင်ငံလုံးအတိုင်းအတာ ချထားပေးတော့မည်ဟုကြေညာချက်၌ ဖော်ပြပါရှိသည်။ မြန်မာ့ဆက်သွယ်ရေးမှ ချထားပေးမည့် မိုဘိုင်းဖုန်းလိုင်းများသည် ဒေသတွင်း၌သာသယ်ဆောင်အသုံးပြုနိုင်သည့် မိုဘိုင်းဖုန်းလိုင်းများဖြစ် ကြပြီး မေလ သို့ရောက်ရှိမှသာ တစ်နိုင်ငံလုံးအတိုင်းအတာကို သယ်ဆောင်အသုံးပြုနိုင်မှာဖြစ်ကြောင်းသိရသည်။ ငွေကျပ် ၅ သိန်းတန်ဖုန်းလိုင်းအဖြစ် အများပြည်သူသို့ရောင်းချခဲ့စဉ်က မြို့နေလူတန်းစားအချို့၏ လက်ဝယ်၌ မိုဘိုင်းဖုန်းများကိုမြင်တွေ့ရသည်မှာ အားတက်စရာတစ်ခုဖြစ်ခဲ့သည်။ ယခုတစ်ဖန် ငွေကျပ် ၂ သိန်းတန်အဖြစ် မိုဘိုင်းဖုန်းလိုင်း များကိုရောင်းချတော့မည် ဖြစ်သည့်အတွက် ကျေးလတ်နေလူတန်းစားအချို့၏ လက်ဝယ်၌လည်းမိုဘိုင်းဖုန်းလိုင်းများမြင်တွေ့ရလိမ့်မည်ဟု မျော်လင့်မိသည်။ နိုင်ငံလူဦးရေ ထပ်ဝက်ခန့်၏ လက်ဝယ်၌ မိုဘိုင်းဖုန်းလိုင်းများ ကိုင်ဆောင်ထားသည် မြင်တွေ့လို ပါသည်။ သို့မှသာ မိုဘိုင်းဖုန်းလိုင်း များအနေဖြင့် အဆောင်အယောင်ဘ၀မှ ဆင်းသက်လာမည်လည်းဖြစ်သည်။ မိုဘိုင်းဖုန်းလိုင်းများအနေဖြင့် အဆောင်အယောင်ဘ၀မှဆင်းသက်လာခဲ့ပါက Mobile Commerce လုပ်ငန်းစဉ်များလည်းပီပီပြင်ပြင်ပေါ်ပေါက်လာမည်ဖြစ်သည်။ လက်ရှိတည်ဆောက်ထားရှိသည့် မိုဘိုင်းဖုန်းကွန်ရက်သည် 3G ကွန်ရက်ဖြစ်သည့်အလျောက် အင်တာနက်စနစ်ကို အထောက်အပံ့ပေးသွားမည်ဖြစ်ပေသည်။ မိုဘိုင်းဖုန်းပေါ်၌ အင်တာနက်စနစ်ကိုအသုံးပြုနိုင်စေခဲ့ခြင်းကြောင့် Mobile Commerce သည်လည်းပို၍ ပီပြင်လာမည်ဖြစ်သည်။ မြန်မာ့ဆက်သွယ်ရေးလုပ်ငန်း၏ စီမံကိန်းအရ ၅ နှစ်တာကလာအတွင်း မိုဘိုင်းဖုန်းလိုင်း သန်း ၃၀ ကိုချထားပေးမည်ဟုသိရသည်။ သို့ သော်ဈေးနှုန်းများကိုမှု မည်သို့မည် ပုံဆက်လက်သက်မှတ်ပေးသွားမည်ကိုမှုမသိရသေးပေ။ စီမံကိန်းအရ မိုဘိုင်းဖုန်းလိုင်းအသုံးပြုမှုနှုန်းမှာနှစ်စဉ်တိုးတက်လာမည်မှာသေချာသည်။ ဆက်လက်ချထားပေးမည့် မိုဘိုင်းဖုန်းလိုင်း၏ ဈေးနှုန်းများမှာ လူတန်းစားမျိုးစုံအတွက် လက်လှမ်းမိလာခဲ့ပါက မိုဘိုင်းဖုန်းလိုင်းဟူသည်မှာလည်းအဆောင်အယောင်ဘ၀မှလွတ်မြောက်၍ အသုံးအဆောင်ဘ၀သို့ရောက်ရှိလာမည်မှာ မလွဲဧကန်ပင် ဖြစ်လေတော့သည်။
 Internet Journal