ဖားကန့်မြို့ပေါ်ရှိ ကယ်ဆယ်ရေးစခန်းများတွင် အလှူရှင်များ ရှားပါးလာသဖြင့် ဆက်လက်ရပ်တည်ရန် အခက်အခဲများ ကြုံတွေ့နေရ

မြို့ဦးကျောင်းတိုက်တွင်ဖွင့်လှစ်ထားသော ကယ်ဆယ်ရေးစခန်းမြင်ကွင်းများကို စက်တင်ဘာလ ၂၁ ရက်နေ့ တွေ့ရစဉ်        ဓါတ်ပုံ - ၀င်းမြင့်ကျော်

ကချင်ပြည်နယ်၊ ဖားကန့်မြို့ပေါ်ရှိ စစ်ဘေးတိမ်းရှောင်လာသူများအတွက် ဖွင့်လှစ်ထားသော ကယ်ဆယ်ရေးစခန်းများတွင် အလှူရှင်များ ရှားပါးလာသဖြင့် ဆက်လက်ရပ်တည်ရန် အခက်အခဲများနှင့် ကြုံတွေ့နေရကြောင်း အဆိုပါကယ်ဆယ်ရေးစခန်းများမှ တာဝန်ရှိသူများထံမှ သိရှိရသည်။ ဖားကန့်မြို့ပေါ်တွင် ကယ်ဆယ်ရေးစခန်းများကို သြဂုတ်လ တတိယပတ်အတွင်းမှ စတင်၍ ဖွင့်လှစ်ကာ စောင့်ရှောက်ကူညီမှုများ ပြုလုပ်နေရာမှ ယခုစက်တင်ဘာလ ၂၁ ရက်နေ့အထိ ကယ်ဆယ်ရေးစခန်းပေါင်း ၃၈ ခု ရှိသွားပြီဖြစ်ကြောင်း စုံစမ်းသိရှိရသည်။
ကယ်ဆယ်ရေးစခန်းများတွင် ဒေသတွင်း လုံခြုံမှုမရှိသေးသည့်အတွက် လာရောက်တိမ်းရှောင်သူဦးရေမှာ လျော့ကျသွားခြင်းမရှိသည့်အပြင် အဆိုပါစခန်းများကို ကူညီထောက်ပံ့ပေးနေသော အလှူရှင်များမှာလည်း ဖားကန့်ဒေသမှ သက်ဆိုင်ရာ နယ်မြို့အသီးသီးသို့ ပြန်သွားကြသဖြင့် လာရောက်တိမ်းရှောင်သူများအတွက် ဆက်လက်ကူညီထောက်ပံ့ပေးရန် အခက်အခဲများနှင့် ကြုံတွေ့နေရခြင်းဖြစ်သည်ဟု သိရှိရသည်။ အဆိုပါဖြစ်ရပ်များနှင့် ပတ်သက်၍ ဖားကန့်မြို့ပေါ်တွင် စစ်ဘေးတိမ်းရှောင်လာသူ အများဆုံး ခိုလှုံလျက်ရှိသည့် မြို့ဦးကျောင်းတိုက်မှ ကရုဏာလူမှုကူညီရေးအသင်းဥက္ကဌ ဦးဌေးဝင်းက''မြို့ပေါ်မှာ အပစ်အခတ်တွေ ဖြစ်ခဲ့တယ်။ ဒါ့အပြင် ပေါက်ကွဲမှုတွေလည်း ရှိနေတဲ့အတွက် ကယ်ဆယ်ရေးစခန်းက လာရောက်ခိုလှုံသူတွေကို အဓိကထောက်ပံ့နေတဲ့ လုပ်ငန်းရှင်တွေက ဖားကန့်မြို့ကနေ တိမ်းရှောင်ထွက်ခွာသွားကြတဲ့အတွက်  ကယ်ဆယ်ရေးစခန်းမှာ စားဝတ်နေရေး အခက်အခဲတွေ ကြုံလာရတယ်။ ဒါ့အပြင် ဒေသတွင်း မတည်ငြိမ်တဲ့ အခြေအနေအရ ရက်တွေကြာလာတော့ ထောက်ပံ့မှုတွေအတွက် ပိုပြီးအဆင်မပြေမှုတွေ ရှိလာရတယ်။ ဒါကြောင့် ကျွန်တော်တို့ ကယ်ဆယ်ရေးစခန်းမှာ တစ်ရက်ကို အရင်က သုံးကြိမ်ကျွေးတာကနေ အခု မနက်ခင်းတစ်ကြိမ် လျော့ကျွေးပြီး ရေရှည်ရပ်တည်နိုင်ဖို့ ပြင်ဆင်နေရတယ်။ လှူဒါန်းလို့ ရရှိတဲ့ငွေနဲ့ နေ့စဉ်ကုန်ကျစရိတ်တွေက မျှတမှုမရှိတော့ပါဘူး။ လှူနိုင်တန်းနိုင်တဲ့ လုပ်ငန်းရှင်၊ သူဌေးတွေက ဖားကန့်မြို့မှာ တစ်ယောက်မှ မကျန်တော့ဘူး''ဟု လက်ရှိ ဖြစ်ပေါ်နေသော အခြေအနေများနှင့်ပတ်သက်၍ သုံးသပ်ပြောကြားခဲ့သည်။
လက်ရှိအချိန်တွင် အဆိုပါမြို့ဦးကျောင်းတိုက်၌ စစ်ဘေးတိမ်းရှောင်လာသူဦးရေ ၆၀၀ ကျော်ကျန်ရှိနေပြီး ကယ်ဆယ်ရေးစခန်းအားလုံးတွင် လူဦးရေ ၈၅၀၀ ကျော်ရှိနေကြောင်း သိရှိရသည်။ ထို့အတူ ဖားကန့်မြို့ပေါ်ရှိ သဘာဝကျောက်ဆောင် လိုဏ်ဂူကျောင်းတွင် ဖွင့်လှစ်ထားသော ကယ်ဆယ်ရေးစခန်းမှ တာဝန်ရှိသူ ဦးတင်မာက''ကျွန်တော်တို့ ကယ်ဆယ်ရေးစခန်းမှာ စောင့်ရှောက်ထားရတဲ့ လူအရေအတွက် ၅၀၀ ၀န်းကျင်လောက် ရှိပါတယ်။ အခုလက်ရှိ ကျွန်တော်တို့ ကယ်ဆယ်ရေးစခန်းရဲ့ အခြေအနေက စပြီးဖြစ်တဲ့ရက်ပိုင်းတွေမှာ လာရောက်တိမ်းရှောင်တဲ့သူတွေကိုတော့ အဟာရပြည့်ဝအောင် နေ့စဉ် အသားငါးနဲ့ ကျွေးနိုင်ခဲ့တယ်။ ဒါပေမယ့် အခုရက်ပိုင်းမှာတော့ အလှူရှင်တွေ လှူဒါန်းတဲ့အပိုင်းက တော်တော်လေးကျဲသွားတဲ့အတွက် အမြဲတမ်းအသားငါးနဲ့ မကျွေးနိုင်တော့ပါဘူး။ ဒေသတွင်းငြိမ်းချမ်းမှုက နှောင့်နှေးနေမယ်ဆိုရင်တော့ လာရောက်ခိုလှုံနေတဲ့သူတွေကို ရေရှည်ထောက်ပံ့နိုင်ဖို့ဆိုတာ ဘယ်လိုမှ မဖြစ်နိုင်တော့ပါဘူး။ ဒါ့ကြောင့် အမြန်ဆုံးငြိမ်းချမ်းပါစေလို့ပဲ ဆုတောင်းနေရတယ်''ဟု သုံးသပ်ပြောကြားခဲ့သည်။
အဆိုပါ ကယ်ဆယ်ရေးစခန်းများအနက်မှ စခန်း ၃၃ ခုရှိ စစ်ဘေးတိမ်းရှောင်လာသူများကို စက်တင်ဘာလ ၂၀ ရက်နေ့နှင့် ၂၁ ရက်နေ့က ဖားကန့်မြို့၊ ပြည်ခိုင်ဖြိုးပါတီမှ တစ်ဦးလျှင် ၆၀၀ ကျပ်နှုန်းဖြင့် လှူဒါန်းမှုများ ပြုလုပ်ခဲ့ကြောင်း ယင်းပါတီမှ တာဝန်ရှိသူတစ်ဦးက ဖားကန့်မြို့ပေါ်တွင် သတင်းရယူလျက်ရှိသည့် Eleven Media Group မှ သတင်းထောက်တစ်ဦးကို လာရောက်သတင်းပေးချက်အရ သိရှိရသည်။ စစ်ဘေးတိမ်းရှောင်လာသော လူဦးရေတစ်သောင်းဝန်းကျင်ခန့်ကို သြဂုတ်လ တတိယပတ်အတွင်းမှစတင်၍ ကူညီပေးနေရသည့် ကယ်ဆယ်ရေးစခန်းအသီးသီးမှာ အနယ်နယ်အရပ်ရပ်မှ ဖားကန့်ဒေသအတွင်း လာရောက်၍ လုပ်ငန်းလုပ်ကိုင်နေသည့် လုပ်ငန်းရှင်များပေါ်တွင် မှီခိုနေရကြောင်း အဆိုပါကယ်ဆယ်ရေးစခန်းများမှ စုံစမ်းသိရှိရသည်။
 EMG
ဘကြီးသက်