အစိုးရ (Government) နဲ့ နိုင်ငံတော် (State) ဆိုတဲ့ ၂ ခုကို ကွဲပြားဖို့ဟာ ဒီမိုကရေစီ စနစ်ကို သွားနေတဲ့ နိုင်ငံအတွက် အရေးကြီးသလို ... အစိုးရ (Government) ရဲ့ ဆိုတာ ဘာလဲဆိုတဲ့ တိကျတဲ့ အဓိပ္ပါယ် ဖွင့်ဆိုမှု လိုအပ်ပါတယ်။
ဒီနေရာမှာ အများသိပြီးသား ဖြစ်တဲ့ အေဗရာဟမ် လင်ကွန်းရဲ့ စကားကိုသာ အဓိက ကိုးကားရမှာပဲ ဖြစ်ပါတယ်။
"government of the people, by the people, for the people" ဆိုတာပါပဲ။
"အစိုးရဆိုတာ လူထုထဲက ဖြစ်တယ်။ လူထုက တင်မြှောက်တာ ဖြစ်တယ်။ လူထု အတွက် ဖြစ်တယ်" ... လို့ အကြမ်းဖျင်း တိုက်ရိုက် ဘာသာပြန်ဆိုရမှာ ဖြစ်ပါတယ်။
ဒီတော့ မြန်မာပြည် ဒီမိုကရေစီ စနစ် ဘယ်ခရီးရောက်နေပြီလဲဆိုတာ အဲဒီ အချက်တွေနဲ့ တိုင်းတာရင်လည်း အခြေအနေက သိပ်မလှပြန်ဘူး။
အစိုးရက ပြည်သူလူထုထဲက ဖြစ်တယ်လို့ ဆိုတဲ့ နေရာမှာ .. အစိုးရဆိုတာ စစ်တပ်က အလိုလို တမတ်သား ရယူထားပြီး၊ သမ္မတတစ်ယောက်က အလိုလိုနေရင်း စစ်တပ်က ရွေးချယ်ခွင့်ရထားတယ်၊ အချိန်မရွေး အာဏာ သိမ်းလို့ရတယ်။ ဒါဟာ ဒီမိုကရေစီနဲ့ ဖြောင့်ဖြောင့်ကြီးကို ဆန့်ကျင်ပါတယ်။ အစိုးရဆိုတာ ပြည်သူလူထုထဲက မဟုတ်ဘဲ .. အစိုးရဆိုတာ စစ်တပ်ထဲကဆိုတာ ဖြစ်နေပါတယ်။
လူထုက တင်မြှောက်တယ် ဆိုတဲ့ အပိုင်းမှာရော ... ။ ကြားဖြတ်ရွေးကောက်ပွဲမှာ လူထုက ရွေးကောက်တဲ့ လူတွေ ပါလာပေမယ့် ... ရွေးကောက်ပွဲဆိုင်ရာ နည်းစနစ်တွေနဲ့ ရွေးကောက်ပုံတွေဟာ လူထုက ရွေးလိုတဲ့ လူကို အရွေးမခံရနိုင်အောင် (သို့) အလိုအလျှောက် ကျန်ခဲ့အောင် ရည်ရွယ် လုပ်ဆောင်ထားတဲ့ ရွေးကောက်ပွဲ ဥပဒေတွေ ဖြစ်နေလို့ လူထုက တင်မြှောက်မှုကလည်း ဒီမိုကရေစီ မဆန်လှပါဘူး။
လူထု အတွက်ဆိုတာကတော့ ... ။ လယ်သိမ်း၊ ယာသိမ်း၊ ၇ ဂျူလိုင် တားမြစ်ခံရ၊ ၁၉ ဂျူလိုင် တချို့ နေရာတွေ ပိတ်ခံရ ... တာတွေကို ဘယ်လိုလုပ် လူထုအတွက်လို့ အဓိပ္ပါယ် ဖွင့်မလဲ။ နောက်လာမယ့် ၈ သြဂုတ်လ၊ ၁၉ ရက် စက်တင်ဘာလ ... တွေ ဘယ်လ်ို လုပ်မလဲ။ အများကို အန္တရာယ် ဖြစ်စေမှာ မဟုတ်တဲ့ လူထုက လုပ်ချင်တာတွေ မလုပ်ရအောင် တားမြစ်နေတာတွေဟာ .. အစိုးရဆိုတာ လူထု အတွက်လို့ ဘယ်လိုမှ မှတ်ယူလို့ မရအောင် ဖြစ်နေပါတယ်။
ဒီတော့ အစိုးရ အကြီးအကဲများ (နိုင်ငံတော် အကြီးအကဲ မဟုတ်သူများ) .. အနေဖြင့် မိမိတို့က ဒီမိုကရေစီ စနစ်ကို ပြောင်းလဲနေတာ သေချာတယ်လို့ သက်သေပြလိုလျှင် .. အထက်ပါ အခြေခံ အချက်တွေကို အရင်ဆုံး ပြင်ဆင်ဖို့သာ ရည်မှန်းချက်ထား လုပ်ဆောင်ကြပါလို့ တောင်းဆိုလိုက်ပါတယ်။
ကိုထိုက်
ဘကြီးသက်
0 မှတ်ချက်ကလေးရေးပေးနော်.:
Post a Comment
Thank you Visit my bloge