ကျနော်တို့ မြန်မာနိုင်ငံရဲ့ အဓိကစီးပွားရေးဟာ လယ်ယာစိုက်ပျိုးရေးပါ။ ဆန်ရေစပါးဆိုတာ နိုင်ငံသားတိုင်းအတွက် မရှိမဖြစ် အသက်သွေးကြောပါ။ စက်မှုနိုင်ငံကြီးမဟုတ်တဲ့ အတွက်ကြောင့်လည်း စိုက်ပျိုးရေးလုပ်ငန်း လုပ်ကိုင် ထွန်ယက်ရာမှာ ကျွဲ၊နွားများကို စက်ယန္တားများသဖွယ် အဓိကထား အသုံးပြု နေရပါတယ်။ အခုတော့ ကျနော်တို့နိုင်ငံရဲ့စိုက်ပျိုးရေးအရင်းအမြစ် ကျေးဇူးရှင် ထမင်းရှင် ကျွဲ၊နွားတွေဟာ တိုင်းတပါးသား ၀မ်းစာဖြည့်ဖို့ သက်သက် နည်းမျိုးစုံနဲ့ တရားမ၀င် တင်ပို့ရောင်းချခံနေရတဲ့ အဖြစ်တွေကို ၀မ်းနည်းစွာမြင်တွေ့နေရပါတယ်။
ယခုနှစ်ပိုင်းအတွင်း မန္တလေးတိုင်းဒေသကြီး ပြင်ဦးလွင်ခရိုင် တကောင်းဒေသ အတွင်းက ကျွဲ၊နွားတွေဟာ တော်တော်များများ တင်ပို့ရောင်းချ ခံနေရပါတယ်။ ဒေသတွင်း ကျွဲ၊နွားတွေအပြငြ် စစ်ကိုင်းတိုင်း ရွှေဘိုနယ်ဘက် ပါမကျန် အနယ်နယ်အရပ်ရပ်က ကျွဲ၊နွားတွေဟာ တကောင်းဒေသမှ တဆင့် ကချင်ပြည်နယ် မန်စီ၊ မန်ဝိန်းကြီး၊ ရှမ်းပြည်နယ် မဘိန်းဒေသတွေကို ဖြတ်ပြီး တရုတ်နိုင်ငံထဲ တရားမ၀င် တင်ပို့ရောင်းချ နေကြတာပါ။
နိုင်ငံရေးအသိမရှိ၊ အမျိုးသားရေး တာဝန်မသိတဲ့ဝန်ထမ်းတွေရဲ့ လာဘ်စားမှု၊ ၀ိသမ လောဘသားတွေရဲ့ ကိုယ်ကျိုးရှာမှု၊ တောင်သူတွေရဲ့ စီးပွါးရေး မပြေလည်မှု၊ စတဲ့ အသိဥာဏ် ချို့တဲ့မှုတွေကြောင့် အနာဂတ် စိုက်ပျိုးရေး လုပ်ငန်းအတွက် ရင်လေးစရာပါ။ နောင်လာမဲ့ ၁၅နှစ်အတွင်း စိုက်ပျိုးရေး ထွန်ယက်လုပ်ကိုင်ရာမှာ လူတဖက် နွားတဖက်တတ်ပြီး ထွန်ယက်စိုက်ပျိုးရမဲ့ အခြေနေဆိုက် ရောက်နေပါပြီ။ အဲဒီ ၁၅နှစ်အတွင်း ကျနော်တို့မြန်မာ နိုင်ငံဟာ စက်မှုနိုင်ငံကြီး ဖြစ်လာရင်တော့ တစ်မျိုးပေါ့လေ။ ခုတော့ မြန်မာတွေမွဲလွန်းလို့ ကိုယ့်ကျေးဇူးရှင် ထမင်းရှင်တွေ ကိုနိုင်ငံခြားရောင်းစား နေရတဲ့အဖြစ် တွေးကြည့်ရင် ရှက်စရာကောင်းလှပါတယ်။ တချို့ပြောပါတယ် မွဲလွန်းလို့မှ ခိုင်းကျွဲ၊နွားတွေကို ရင်နာနာနဲ့ ရောင်းစား နေရပါတယ်ဆိုမှ ဂုတ်သွေးစုတ်တာ ခံနေရသေးတယ်တဲ့။
တရုတ် တကောင်းတောင် နီကယ်စီမံကိန်းရဲ့ တကောင်း လဝကရုံး..
နွားတစ်ကောင်ဖြတ်သန်းခ တစ်သ်ိန်း အထက်နှုန်းမှာ ရှိပါတယ်။ နေရာအနှံအပြားမှာ နွားကုန်သည်တွေ တောင်သူတွေကို မတရား အနုကြမ်းစီးသလို ဆပ်ကြေးတောင်းသူတွေနဲ့ ရှုပ်ယှက်ခတ်နေတာပါပဲ။ လူကုန်ကူးမှု တားဆီးရေးတွေ အသိပညာပေး ဟောပြောပွဲတွေ လုပ်နေသလို ကျွဲ၊နွားကုန်ကူးမှု တားဆီးရေးတို့ အသိပညာပေး ဟောပြောပွဲတို့ မလုပ်သင့်ဘူးလား။ ပြည်တွင်း စားနပ်ရိက္ခာဖူလုံရေး ပြည်တွင်းထွက်ကုန် ပြည်ပပို့ကုန်စတဲ့ နိုင်ငံရေး အသိနဲ့ ယှဉ်ပြီး မျိုးချစ်စိတ်ဆိုတာ မရှိကြတော့ဘူးလား။ ဘယ်သူတွေ တဘို့တည်း ကြည့်ကြည့် ကျနော်တို့ကတော့ အမျိုးသားရေး တာဝန်သိသိနဲ့ ဒီအဖြစ်တွေကို လျှော့နည်းအောင် တဖက်တလှမ်းက တတ်စွမ်းသရွေ့ ထိန်းသိမ်း စောင့်ရှောက် ပေးကြဖို့နဲ့ သက်ဆိုင်ရာက သိစေရန် မီဒီယာမှ တဆင့် အကြံပြု တိုင်ကြားလိုက်ရပါတယ်..။
တကောင်းသား
0 မှတ်ချက်ကလေးရေးပေးနော်.:
Post a Comment
Thank you Visit my bloge