''ရေဓာတ်ငွေ့ကားကို ဆိုလာပြားဖြင့် မောင်းနှင်မည့် သုတေသန မြန်မာနိုင်ငံတွင် စတင်''

ရေဓာတ်ငွေ့ကားကို ဆိုလာပြားနှင့် စမ်းသပ်မောင်းနှင်ခြင်း သုတေသနအား အာရှတိုက်တွင် မြန်မာနိုင်ငံမှ ပထမဆုံး ပြုလုပ်ခဲ့ကြောင်း သိရသည်။ ရေဓာတ်ငွေ့စက်ကို နေရောင်ခြည်စွမ်းအင်သုံး ဆိုလာပြားများဖြင့် မောင်းနှင်ခြင်း သုတေသနကို စင်ကာပူ သိပ္ပံပညာရှင် Mr.Andraelin နှင့်အတူ မြန်မာနိုင်ငံရှိ သုတေသီ အင်ဂျင်နီယာ ဦးကျော်ကျော်၏ အရှေ့ဒဂုံခြံတွင် ဧပြီလအတွင်း စမ်းသပ်သုတေသနပြုခဲ့ကြောင်း သိရသည်။ မြန်မာနိုင်ငံထုတ် Light Truck 2000CC မော်တော်ယာဉ်အား သုတေသနပြုလုပ်ထားသော ဆိုလာပြားများနှင့် တွဲဖက်၍ ရေဓာတ်ငွေ့ကို စမ်းသပ် မောင်းနှင်ခဲ့ကြောင်း သိရသည်။ “ကားငယ်တွေမှာတော့ ဆိုလာပြားအရွယ် သေးငယ်ပြီး ပါဝါပိုမြင့်တဲ့ ဆိုလာပြားနဲ့ အသုံးပြုသင့်ပါတယ်။ လက်ရှိစမ်းသပ်တဲ့ Light Truck မှာ ၉၀ ဝပ်ရှိတဲ့ ဆိုလာပြားလေးချပ်နဲ့ မောင်းနှင်လို့ ရပါတယ်။ မြန်မာနိုင်ငံက နေရောင်ခြည်ပေါတဲ့အတွက် သင်္ဘောတွေ၊ မီးရထားတွေပေါ်မှာလဲ ဆိုလာပြားတပ်ပြီး အဲဒီကရတဲ့ စွမ်းအားနဲ့လည်ရင် အကျိုးရှိတယ်။ အဲဒါတော့ လုပ်သင့်တယ်” ဟု သိပ္ပံပညာရှင် Mr. Andraelin က အကြံပြုပြောကြားသည်။ ထိုကဲ့သို့ စမ်းသပ်မောင်းနှင်ရာတွင် မော်တော်ယာဉ်စွဲအားမှာ မော်တော်ကားဘက်ထရီကို အသုံးပြု မောင်းနှင်ခြင်းထက် များစွာ မြင့်တက်သွားကြောင်း၊ အင်ဂျင်အပူချိန်မှာ ယခင်အတိုင်း ကျဆင်းသွားပြီး ဒီဇယ်စားနှုန်းမှာ ယခင်ထက် လျော့ကျသွားကြောင်း သိရသည်။ ညဘက် နေရောင်ခြည်စွမ်းအင် မရှိတော့သည့်အချိန်တွင် မောင်းနှင်နိုင်ရန်အတွက် သီးခြားဘက်ထရီကို ဆိုလာပြားဖြင့် အားသွင်းထားရမည် ဖြစ်သည်ဟု သိရသည်။



“မြန်မာဆိုလာဆဲလ်၊ စင်ကာပူဆိုလာဆဲလ် Dry Cell နှစ်ခုကို ယှဉ်ပြီး စမ်းသပ်ခဲ့ပါတယ်။ စင်ကာပူဆိုလာဆဲလ်နဲ့ စမ်းတဲ့အခါ HHO ဓာတ်ငွေ့ 300CC ကို စက္ကန့် ၉၀ နဲ့မှ ရတယ်။ မြန်မာဆိုလာဆဲလ်နဲ့ စမ်းတဲ့အခါမှာ HHO ဓာတ်ငွေ့ 300CC ကို ၈ စက္ကန့်နဲ့ ရတယ်။ မြန်မာဆဲလ်က ဆယ်ဆကျော် ပိုထွက်သွားတယ်” ဟု သုတေသနပညာရှင် အင်ဂျင်နီယာ ဦးကျော်ကျော်က ပြောသည်။ Light Truck ကားများတွင် ဆိုလာပြားတပ်ဆင်ပြီး မောင်းနှင်ပါက ဆိုလာပြားတစ်ပြား၏ တန်ဖိုးမှာ ကျပ်တစ်သိန်းခွဲခန့်ရှိကြောင်း သိရသည်။ “ဒီစမ်းသပ်မှုပြီးတဲ့ နောက်ပိုင်းမှာ ပညာရှင်တွေရော၊ အလုပ်သမားတွေရော မြန်မာနိုင်ငံကို လာရောက်ကြမယ်လို့ ထင်ပါတယ်။ မြန်မာနိုင်ငံမှာရှိတဲ့ တက္ကသိုလ်ရဲ့ ပြန်ပြည့်မြဲ စွမ်းအင်ကဏ္ဍမှာ အချိန်ပိုင်း ကထိကအနေနဲ့ ဆောင်ရွက်ပေးချင်ပါတယ်” ဟု Mr. Andraelin က ပြောကြားသွားကြောင်း သုတေသနပညာရှင် ဦးကျော်ကျော်က ဆိုသည်။ ထို့ပြင် တက္ကသိုလ်ဘွဲ့ရများကို ပြန်ပြည့်မြဲစွမ်းအင် ဘာသာရပ်၊ သဘာဝပတ်ဝန်းကျင် ထိန်းသိမ်းရေး ဘာသာရပ်များအား ပညာရှင်တစ်ဦးက သင်ကြားပို့ချပေးရန် အတွက်လည်း စီစဉ်လျက်ရှိကြောင်း သိရသည်။ စင်ကာပူနိုင်ငံမှ သိပ္ပံပညာရှင် Mr.Andraelin နှင့် အဖွဲ့သည် မြန်မာနိုင်ငံသို့ လာရောက်စဉ်အတွင်း ဒဂုံတက္ကသိုလ်နှင့် ဆူးလေဘူတာအကြား မြို့ပတ်ရထားကိစ္စ၊ ရေညှိပိုင်းဆိုင်ရာကိစ္စ၊ ဇီဝလောင်စာကိစ္စ၊ ရေဆိုးကိစ္စများကို ဆွေးနွေးခဲ့သည်ဟု သိရသည်။ ထို့ပြင် လှိုင်သာမြို့နယ်အတွင်းရှိ စက်ရုံတစ်ရုံသို့ သွားရောက်၍ ရေဆိုးစွန့်ပစ်ကန်အား သွားရောက်လေ့လာခဲ့ပြီး လှိုင်သာယာမြို့ရှိ စွန့်ပစ်အမှိုက်ကိုလည်း သွားရောက်လေ့လာခဲ့ကြောင်း သိရသည်။
ဘကြီးသက်