တန်ဖိုးနည်း ဂျီအက်စ်အမ် ဖုန်းများ စတင် ဖြန့်ချိ

တန်ဖိုးနည်း GSM ဖုန်းအတွက် E Lite မှ ရှမ်းပြည်နယ် တောင်ပိုင်းနဲ့ ကယား ပြည်နယ်ကို တာဝန်ယူပြီး ဖြန့်ချိမှာ ဖြစ်တယ်လို့ သိရပါတယ်။ မတ်လ ၁၄ ရက်နေ့
ဒီကနေ့မှာ တန်ဖိုးနည်း ဖုန်းတွေကို ပြည်နယ် ၇ ခုမှာ စတင် ရောင်းချတာ ဖြစ်ပြီး E Lite ကလည်း ပြည်နယ် ၂ ခုကို တာဝန်ယူ ဖြန့်ချိသွားမှာ ဖြစ်ပါတယ်။ အခုလို ဖြန့်ချိရာမှာ ရှမ်းပြည်နယ် တောင်ပိုင်း ဒေသအတွင်း တောင်ကြီးမြို့၊ ကလောမြို့၊ အောင်ပန်းနဲ့ ညောင်ရွှေမြို့ အပေါ်ပိုင်း တွေမှာရှိတဲ့ ဆက်သွယ်ရေး ရုံးတွေနဲ့ ကိုယ်စားလှယ် အရောင်း ဆိုင်တွေမှာ ၀ယ်ယူ ရရှိနိုင်မှာ ဖြစ်ပါတယ်။

ကယားပြည်နယ် အနေနဲ့လည်း မြို့ပေါ်မှာရှိတဲ့ သက်ဆိုင်ရာ ဆက်သွယ်ရေး ရုံးတွေမှာ ၀ယ်ယူနိုင်မှာ ဖြစ်ပါတယ်။ ဒီလို ၀ယ်ယူရာမှ ဓါတ်ပုံနှစ်ပုံ၊ မှတ်ပုံတင် မူရင်းနဲ့ မိတ္တူ အပါအ၀င် ကိုယ်ရေး အချက်အလက် အပြည့်အစုံ ပါဝင်ရမှာ ဖြစ်တယ် လို့လည်း သိရပါတယ်။ အခု မတ်လ ၁၄ ရက်နေ့ ဒီကနေ့မှာ ပြည်နယ် ၇ ခုကို တန်ဖိုးနည်း GSM စတင် ရောင်းချမှာ ပေးသလို မတ်လ ၂၈ ရက်နေ့ မှာတော့ ရန်ကုန်နဲ့ မန္တလေးတိုင်း ဒေသကြီး မပါဝင်ဘဲ ကျန်တိုင်း တွေနဲ့ နေပြည်တော်မှာ ဆက်လက် ရောင်းချ သွားမယ်လို့ သတင်း ရရှိပါတယ်။
MRTV-4