ကေအိုင်အေ အကြမ်းဖက်သောင်းကြမ်းသူအဖွဲ့တွေဟာ မတ်လဆန်းပိုင်းကစတင်ပြီး ကချင် ပြည် နယ် အတွင်းက ကျေးရွာတွေမှာ လူသစ်စုဆောင်းတာတွေ အပူတပြင်းပြုလုပ်နေပါတယ်။ လူသစ် စုဆောင်း မှုတွေကို ကေအိုင်အေ ရင်း(၁) ၊ ရင်း(၃)တွေကနေပြီး အဓိကလုပ်နေပါတယ်။
လူသစ်စုဆောင်းတာကိုလုတောင် ၊ လုံထန် ၊ ဆမားဟော ၊ ဆကားပါ ၊ ဘွမ်းဝါ ၊ ယင်းနော့ ၊ နားလုံး ၊ မံမော် ၊ သိန်းမကြိုင်း ၊ တာ ဆိုင်၊ မိုင်းမု၊ နောင်ဖား၊ နောင်နင်း၊ နောင်ပိန်း၊ ၀က်ငင်း စတဲ့ ကျေးရွာတွေမှာ အများဆုံး ပြုလုပ်နေတယ် လို့ဒေသခံတွေကပြောပါတယ်။ လူသစ်စုဆောင်းခံရတဲ့ ကချင်လူမျိုးတွေကတော့ ခြံလုပ်ငန်းပြုလုပ်သူတွေ၊ သစ်ကယ်ရီဆွဲသူတွေ ၊ရွှေကျင်သူတွေ အဓိကပါဝင်ပါတယ်။ ကျေးရွာတွေမှာ လူသစ်စုဆောင်းတဲ့ အခါ တစ် အိမ်ထောင်တစ်ယောက်၊ တစ်ရွာ(၃)ယောက်အနည်းဆုံးထားပြီး အသက် အရွယ်မရွေးအတင်းအကြပ် စုဆောင်းနေပါတယ်။ စုဆောင်းရရှိတဲ့လူတွေကို အင်ဘာပါ ကေအိုင်အေ တပ်သားသစ်သင်တန်းကျောင်း မှာသင်တန်း ပို့ချလေ့ကျင့်ပေးနေပါတယ်။ အဲဒီလိုအတင်းအကြပ်စုဆောင်းမှုတွေကြောင့် ကျေးရွာတွေ က ဒေသခံလူငယ် တွေဟာ ၀ိုင်းမော်နှင့် မြစ်ကြီးနားဘက်ကို ထွက်ပြေးတိမ်းရှောင်နေကြပါတယ်။
အတင်းအကြပ် ခြိမ်းခြောက်လူသစ်စုဆောင်းမှုတွေကြောင့်ဒေသခံ ကချင်လူမျိုးအတွင်းမှာ ထိပ် လန့် ကြောက်ရွံ့မှုတွေဖြစ်ပွားနေပါတယ်။ အေးအေးချမ်းချမ်းတောင်ယာစိုက်ပျိုးလုပ်ကိုင်လိုသူတွေ သစ်လုပ်ငန်းလုပ်ကိုင်လိုသူတွေဟာကျီးလန့်စာစားဖြစ်နေကြရပြီး အလုပ်ခွင်တွေကို ရပ်ဆိုင်းကာ ထွက်ပြေး တိမ်းရှောင် နေရပါတယ်။လုပ်ငန်းရပ်ဆိုင်းမှုတွေ၊ သား၊ယောင်္ကျားလူသစ်စုဆောင်းခံရ မှုတွေကြောင့် မိသားစုလုံခြုံမှုမရှိဘဲ စားဝတ်နေရေး ဒုက္ခရောက်နေကြပါတယ်။ ကချင်ပြည်နယ်ကို ကိုယ်စားပြုတယ်လို့ ကြွေးကြော်နေတဲ့ ကေအိုင်အေတပ်ဖွဲ့တွေရဲ့ လုပ်ရပ်တွေကြောင့် ကချင်လူမျိုးကောင်းစားရေးကနေ ကချင်လူမျိုးဆင်းရဲ ဒုက္ခ ရောက်ရှိရေးကို လမ်းကြောင်းပြောင်းရောက် ရှိနေပါတယ်။
ကေအိုင်အေတပ်ဖွဲ့တွေဟာ မြန်မာအစိုးရနဲ့ ငြိမ်းချမ်းရေးဆွေးနွေးပွဲတွေ လုပ်ဆောင်နေကြောင်း သတင်းလွှင့်နေပေမယ့် အောက်ပိုင်းမှာတော့ အတွင်းကြိတ် စစ်လက်နက်ဖြည့်တင်းမှု၊ လူသစ်စုဆောင်း မှု တွေ ပြုလုပ်နေပါတယ်။ ကချင်ပြည်နယ်မှာနေထိုင်တဲ့ တိုင်းရင်းသားလူမျိုးတွေငြိမ်းချမ်းရေးကို လို အပ် နေစဉ်မှာ လက်တစ်ဆုပ်စာ ကေအိုင်အေအဖွဲ့ဟာ ကချင်လူမျိုးကောင်းစားရေး အသံကောင်းဟစ်ပြီး ကိုယ့်လူမျိုးကိုယ် အနိုင်ကျင့် ဆက်ကြေးတောင်းတာ၊ လူသစ်စုတာတွေပြုလုပ်နေတယ်လို့သိရပါတယ်။
“ သူတို့ဒီလိုလုပ်ရပ်တွေဟာ ကျွန်တော်တို့ကချင်လူမျိုးတွေ ကောင်းစားရေးအတွက်လား ၊ ကေ အိုင်အေ ကောင်းစားဖို့လားဆိုတာ ကျွန်တော်တို့ ကချင်လူမျိုးတိုင်း နားမလည်နိုင်အောင်ဖြစ်ရပါတယ်။ အခု ကေအိုင်အေအဖွဲ့တွေ လုပ်ဆောင်နေတာကတော့ မြန်မာအစိုးရကိုလှည့်စား ၊ ငြိမ်းချမ်းအေးချမ်းမှု ကိုလိုချင်တဲ့ ပြည်သူတွေကို လိမ်ညာနေတာဘဲဖြစ်တယ်လို့ ” လုတောင်ကျေးရွာနေ ဒေသခံများမှ ပြော ဆို နေကြပါတယ်။
ကချင်နေ့စဉ်သတင်း ( မတ်လ ၈ ရက်)
0 မှတ်ချက်ကလေးရေးပေးနော်.:
Post a Comment
Thank you Visit my bloge